Қауіпсіздік үшін шұғыл шешім: Air Astana рейсі Үндістанға қонуға мәжбүр болды

 

  el24.kz  Алматыдан Бангкокқа бағыт алған Air Astana әуе компаниясының ұшағы Үндістан астанасы Дели қаласына мәжбүрлі түрде қонды. Оқиға әуе кемесінің қозғалтқышынан қатты дыбыс естіліп, салон ішінен күйік иісі шыққаннан кейін орын алған.

Алдын ала мәліметтерге сәйкес, экипаж қауіпсіздік талаптарына сай әрекет етіп, рейсті ең жақын әуежайға қондыру туралы шешім қабылдаған. Ұшақ Делиге сәтті қонған, жолаушылар арасында зардап шеккендер жоқ.

Алайда бұл жағдай жолаушылардың демалыс жоспарын бұзды. Көпшілігі бірнеше сағат бойы әуежайда күтуге мәжбүр болған.

Айта кетейік, бұл — Air Astana әуе компаниясына қатысты осы аптада тіркелген екінші төтенше жағдай. Бұған дейін де компанияның басқа бір рейсі техникалық ақауға байланысты бағытынан ауытқуға мәжбүр болған еді.

Қазіргі уақытта оқиғаның нақты себебі анықталып жатыр. Әуе компаниясы жолаушыларға қажетті көмек көрсетіліп жатқанын және қауіпсіздік басты назарда екенін хабарлады.

«Жеті күн емес». Қазақстанда ақылы жолды 30 күн ішінде төлеуге болады

 

   el24.kz Қазақстанда ақылы автожолдарда жолақы төлеу тәртібі жеңілдетіледі. Жаңа ережеге сәйкес, жүргізушілер енді ақылы жолмен жүргені үшін төлемді бұрынғыдай 7 күннің ішінде емес, 30 күн ішінде жүзеге асыра алады.

Бұған дейін белгіленген мерзімде жолақы төленбесе, материалдар тиісті уәкілетті органдарға жолданып, жүргізуші әкімшілік жауапкершілікке тартылатын.

Ал жаңа тәртіп бойынша жеке тұлғаларға жолақыны пайдаланған күннен бастап 30 күнтізбелік күн ішінде төлеуге мүмкіндік беріледі. Тек осы мерзім өткеннен кейін ғана әкімшілік шаралар қолданылуы мүмкін.

Мамандардың айтуынша, бұл өзгеріс төлем жүйесін барынша ыңғайлы етуге және техникалық немесе өзге де себептермен төлемді дер кезінде жасай алмаған жүргізушілердің санын азайтуға бағытталған.

Сонымен қатар заңды тұлғалар үшін де төлем жасау тәртібі нақтыланған. Егер жолақы белгіленген мерзімде төленбесе, материалдар уәкілетті органдарға жолданады.

Айта кетейік, ақылы жолдарда төлем жасау электронды жүйе арқылы, мобильді қосымшалар мен банк сервистері арқылы жүзеге асырылады. Жауапты мекемелер жүргізушілерді жолақыны белгіленген 30 күндік мерзімде төлеуге шақырады.

Жол жабылғаны туралы ескертуді елемеген жүргізушілерге 118 мың теңге айыппұл салынады

 

     el24.kz Енді қысқы кезеңде жол жабылғаны туралы хабарламаны елемей, тыйым салынған уақытта жолға шыққан жүргізушілер әкімшілік жауапкершілікке тартылады. Қолданыстағы ережеге сәйкес, жолдың жабылғаны жөніндегі ресми ескертуді назарға алмаған азаматтарға 118 мың теңге көлемінде айыппұл салу көзделген.

Бұл жаза жол қозғалысы ережесін алғаш рет бұзғандарға қатысты қолданылады. Ал ереже талаптарын қайтадан бұзған жағдайда, жүргізушіге 15-тен 20 тәулікке дейін әкімшілік қамауға алу шарасы қарастырылған.

Алайда кейбір жүргізушілер жабық жолға шыққан сәтте байланыс аймағынан тыс жерде болғанын немесе ұялы телефон қуатының таусылуына байланысты шектеу туралы хабарламаны көрмегенін алға тартады. Мұндай жағдайларда уәкілетті органдар жол қозғалысы ережесінің нақты қай уақытта және қандай жағдайда бұзылғанын жан-жақты тексеріп, соның негізінде шешім қабылдайды.

Төтенше жағдайларды жою департаментінің бас маманы Магомед Ахриевтің айтуынша, жол ережесін қайталап бұзу фактілері Әкімшілік құқық бұзушылық туралы кодекстің 667-бабына сәйкес қаралады.

— Құқықбұзу қайталанған жағдайда әкімшілік қамауға алу шарасы қолданылуы мүмкін. Мұндай істерді негізінен полиция органдары қарайды. Қазіргі таңда нақты статистикалық мәліметтер толық емес, дегенмен бұл әрекет үшін әкімшілік жауапкершілік бар екенін атап өтеміз, — деді ол.

Мамандар жүргізушілерді қысқы жол жағдайында қауіпсіздік талаптарын қатаң сақтауға, сондай-ақ ресми хабарламалар мен ескертулерге мұқият болуға шақырады.

Жылыой ауданында жоғалған ер адам өлі күйде табылды

 

    el24.kz Атырау облысында аң аулауға шығып, із-түзсіз жоғалған 61 жастағы ер адамның өлі денесі табылды. Бұл туралы облыстық полиция департаменті ресми түрде хабарлады.

Алдын ала мәліметке сәйкес, 1964 жылы туған Өтебай Сабыров 15 желтоқсан күні Жылыой ауданында екі танысымен бірге аңшылыққа шыққан. Алайда келесі күні жолдастары оның жоғалып кеткенін айтып, қалаға кері оралған. Осыдан кейін ер адамға іздеу жарияланған.

Төрт күн бойы жүргізілген іздестіру жұмыстарына төтенше жағдайлар қызметі мен полиция қызметкерлері жұмылдырылды. Нәтижесінде марқұмның денесі қамыс арасынан табылған.

Атырау облысы полиция департаментінің ақпарат саясаты бөлімінің аға инспекторы Дина Мақсотованың айтуынша, қазіргі таңда оқиғаға байланысты тергеп-тексеру жұмыстары жүргізіліп жатыр.

«Жылыой ауданында жоғалған 1964 жылғы ер адамның денесі қамыс арасынан табылды. Ер адамға 15 желтоқсаннан бастап іздеу жарияланған. Қазіргі уақытта тергеу жүргізілуде. Өзге ақпарат тергеу мүддесіне сәйкес жарияланбайды», — деді полиция өкілі.

Құқық қорғау органдары оқиғаның нақты мән-жайын анықтауға кірісті.

Жұмыссыздар мемлекеттен әлеуметтік төлемді қалай ала алады?

 

 el24.kz  Қазақстанда жұмысынан айырылған азаматтар міндетті әлеуметтік сақтандыру жүйесіне қатысу өтілі мен соңғы табысына байланысты мемлекеттен әлеуметтік төлем алуға құқылы. Қолданыстағы заңнамаға сәйкес, жұмысынан айырылу бойынша төлем 1 айдан 6 айға дейінгі

мерзімге тағайындалады.

Әлеуметтік төлемнің мөлшері азаматтың соңғы 24 айдағы табысына байланысты есептеліп, бұрынғы кірістің 45 пайызына дейін болуы мүмкін. Төлем Мемлекеттік әлеуметтік сақтандыру қорының (МӘСҚ) қаражаты есебінен жүзеге асырылады.

Әлеуметтік төлем алу үшін азамат алдымен жұмыссыз мәртебесін рәсімдеуі қажет. Ол үшін келесі қадамдар орындалады:

  • eGov.kz порталында тіркелу;

  • «Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;

  • онлайн өтінімді толтырып, электронды цифрлық қолтаңба (ЭЦҚ) арқылы қол қою;

  • өтінімді жолдау.

Өтініш жіберілгеннен кейін бір жұмыс күні ішінде тұрғылықты жеріңіздегі мансап орталығы бос жұмыс орындарын ұсынады. Егер лайықты жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда мансап орталығының мамандары қосымша ақпарат алу үшін хабарласуы мүмкін.

Айта кетейік, бұл қызметті электронды еңбек биржасы арқылы онлайн режимде де рәсімдеуге болады.

Мамандар жұмысынан айырылған азаматтарды әлеуметтік төлем алу мүмкіндігін тиімді пайдаланып, ресми түрде тіркелуге шақырады.

 

2026 жылдан бастап қазақстандықтарға жеке куәлік тегін беріледі

 

    el24.kz 2026 жылғы 1 қаңтардан бастап Қазақстан азаматтары жеке куәлікті алғаш рет алған кезде, сондай-ақ оның жарамдылық мерзімі аяқталған соң ауыстырған жағдайда мемлекеттік баж салығын төлемейді. 

Қазақстан Республикасы Ішкі істер министрлігі құжаттандыру саласында цифрландыруды кезең-кезеңімен енгізіп келеді. Қазіргі таңда паспорттарды электронды форматта рәсімдеу қызметі Қазақстан аумағында ғана емес, шетелдерде де қолжетімді. Аталған қызмет әлемнің 71 еліндегі 99 шетелдік мекемеде іске асырылған.

Осы жаңашылдықтың арқасында шетелде жүрген қазақстандықтар паспортты бұрынғыдай алты ай күтпей, небәрі 30 күннің ішінде ала алады. Бұл азаматтарға қолайлы жағдай жасау және мемлекеттік қызметтерді оңтайландыру мақсатында жүзеге асырылып отыр.

Көші-қон қызметі комитетінің төрағасы Аслан Аталықовтың айтуынша, Қазақстанда халықты құжаттандырудың бірыңғай жүйесі жұмыс істейді. Аталған жүйе арқылы азаматтарға жеке сәйкестендіру нөмірі (ЖСН) беріледі, жеке куәлік пен паспорттар рәсімделеді, сондай-ақ тұрғылықты мекенжай бойынша тіркеу жүргізіледі.

ІІМ бастамасымен енгізілген бұл тәжірибе құжат алу рәсімін жеңілдетуге және азаматтардың қаржылық жүктемесін азайтуға бағытталған. Осылайша, 2026 жылдан бастап жеке куәлікті алғаш рет алу да, оның мерзімі аяқталғаннан кейін ауыстыру да толығымен тегін болады.

Подробности
Категория: Сырласу

Мен 21жасымда тұрмысқа шықтым.Онымен 4жыл өмір сүрдім,бірақ сол 4жылдың ішінде көрмегенім қалмады.Ол мені  ұрмады,бірақ арақ ішетін.Насыбай ататын.Үйге ақша әкелмейтін.Балалармен жұмысқа шыға алмаймын.Қара нанға зар болып,көршілерден сұрап жеген күндерім де болды.Светтің ақшасын  анам келсе,сол төлеп кететін.3-ші балама аяғым  ауыр болатын.Күйеуім жұмысқа кеткеніне  екі күн болған ,сменмен істейтін.Жұмысына бардым тамаққа ақша алып кетейін деп,сөйтсем жұмысқа кеткен күйеуім  «балам өлім аузында жатыр» деп бастығын алдап он бес мың алған,кейін мен түк білмегенсіп көз –жасымды төгіп үйге қайттым.Күйеуім 3- ші күні кеп тұр.

Подробности
Категория: Тылсым дүние

Жолдасым Еркін екеуміз әңгімелесіп отырмыз. Бір кезде ол тосыннан:

- Ереке, сіз өлімнен кейін өмір болатынына сенесіз бе? - деді.

Не дерімді білмей тосылып қалып:

Подробности
Категория: Бүгін

25 сәуір күні «Нұр Отан» партиясы Алматы облыстық филиалында «Өңірлерді дамыту-2020» мемлекеттік бағдарламасының жүзеге асырылуы туралы жұмыстардың есебі партиялық тыңдауда талқыланып, өңірді ауызсумен, газбен қамту мәселесі талқыланды. Күн тәртібіндегі негізгі мәселе - бағдарлама аясындағы әр өңірдің инвестициялық басымдықтарын анықтау, инженерлік инфрақұрылым мен тұрғын үй коммуналдық шаруашылығын жаңғырту, газдандыру мәселелері айтылды. Шараға облыстық, аудан-қалалық мәслихат депутаттары, облыстық мекеме басшылары, кәсіпкерлер бөлімі мамандары мен бастауыш партия ұйым төрағалары, партиялық топ жетекшілері қатысты.

Подробности
Категория: Бүгін

 

Қазақстан Республикасы Үкіметінің 2014 жылғы 28 маусымдағы №728 қаулысымен Өңірлерді дамытудың 2020 жылға дейінгі бағдарламасы (бұдан әрі - Бағдарлама) бекітілді.

Аталған Бағдарлама "Өңірлерді дамыту", "Моноқалаларды дамытудың 2012 – 2020 жылдарға арналған бағдарламасы", "Тұрғын үй-коммуналдық шаруашылықты жаңғыртудың 2011 – 2020 жылдарға арналған бағдарламасы", "2011 – 2020 жылдарға арналған "Ақ бұлақ" бағдарламасы" негізінде әзірленді.

Подробности
Категория: Елең еткізер

Күні бойы шапқылаудан кешке үйге арқаңыз ауырып, биік өкшелі аяқ киімнен шаршап келесіз бе? Аяқты тырыстырып тұратын джинс шалбарын шешкенде рахаттанып қаласыз ба?

Гардеробтағы сәнді киімдердің денсаулыққа тигізер зияны да бар екен.

Подробности
Категория: Елең еткізер

Қытайдағы ең алып әскери кемені 23 жастағы қазақ қызы тізгіндеген. 

Подробности
Категория: Әлем жаңалықтары

 

 
 Оқиға Қытайдың Фуцзянь қаласында орын алған. 
 
Демалушы көпір жиегінде отырған маймылды суға итеріп жіберген. Бірақ маймыл судан дереу шығып, өзін итерген туристі қуа жөнеледі. Турист ғибадатханаға жасырынуға тырысады, бірақ маймылдардың біреуі артынан қуып жетеді. Қуып жетіп, қолы мен бетін тырнап тастаған. Ғибадатхана қызметкерлері маймылды ажыратып алады.

Подробности
Категория: Тылсым дүние

Өмірде дәл кинодағыдай құбылыстар кездеседі екен. Құбылыс деп кәдімгі қорқынышты фильмдерде берілетін елестерді айтып отырмын. Оған кейде мән бермей жатамыз ғой. Дегенмен, шын мәнінде адам өміріне түрлі өзгерістер алып келетін де осындай жағдайлар. Мысалы, менің бір балдызымның басынан өткен осындай оқиғадан кейін, жұмысынан шығып, басқа салаға ауысуға мәжбүр болды. 

Подробности
Категория: Елең еткізер

 

Медициналық тексерістердің бірінде ер адам өзінің өмір бойы белсіз болғанын білген.

Марокколық профессор әйелімен 35 жыл тату-тәтті ғұмыр кешті.  Ерлі-зайыптылардың тоғыз баласы дүниеге келген. Ер адам бұл жайтқа бірден сене қоймады. Бір емес, бірнеше емханада тексерістен өткен. Барлығынан бір жауап естиді. Тіпті соңғы елу жылда бала сүюі мүмкін болмағанына көз жеткізді.  

Подробности
Категория: Елең еткізер

 

Қайғылы жағдай 12 сәуір күні болған. Ер адам өзінен 20 жас кіші әйелімен ұрысып қалған.

47 жастағы ер адам 20 жастағы әйелімен ұрысып қалады. Кейіннен үстіне бензин құйып, өзін өртеп жіберген, деп хабарлайды Аktobetimes.kz.

Емхананың жансақтау бөліміне ауыр халде жеткізілген. Ертесі күні көз жұмды.

Подробности
Категория: Егіз жүрек

 Ымырт басып, әлгінде ғана томалақ шаруасын тәмамдаған Марғұлан - түнделетіп болса да Елордаға жетіп алуды көздеп еді.. Тіпті, "қал-қалдап" қалған бірнеше жолдасының шақыруынан да бас тартып, Қарағанды вокзалына келгендегі мүддесі де осы. Әншейінде такси атаулылары да "жауын соңындағы - саңырауқұлақ" іспеттес қаптап кететін.. Ал бұл жолы көше аумағы әдеттегідей емес, өзгеше жұтаңдықты байқатып тұр. Мұнысын - көлік қозғалысынан байқауға болады.

Подробности
Категория: Тылсым дүние

(кейіпкердің әңгімесі)

Пердені кім желпиді?

   Өмірде шынайы болған оқиға жайлы айтпақшымын. Оған бүгінде он жылдан астам уақыт өтіп кетіпті. Ол кезде жасым он төртте болатын. Менің інім абайсызда үстіне ескі шкафты төңкеріп алды. Шкафтың іші толы ыдыс-аяқ еді. Дәл сол кезде мен інімнің жанында едім, ал анадай жерде тәтем термосқа ыстық су құйып жатқан. Құлап кеткен шкафтың кесірінен тәтемнің қолындағы шәйнегі ұшып кетіп, бүкіл ыстық су менің аяғыма құйылды. Ыдыс сынса бақыт келеді дейді ғой, алайда осыншама мол ыдыстың бірден сынғанын алғаш рет көруім. 

Подробности
Категория: Елең еткізер

Экстрасенстер жобасының жеңімпазы Мохсен Норузи көпшілікті өзінің жантүршігерлік болжамымен шошыттты. Ол жер шарын алдағы жылдарда көптеген табиғат апаттары мен түрлі қауіп-қатерлер күтіп тұрғанын айтты деп хабарлайды show_rus парақшасына сілтеме жасаған NUR.KZ.

Танымал көріпкел Американың ықпал ету құқығының бәсеңдеуі мен Еуроодақтың қағаз жүзінде ғана болуын жорамалдады. Оның айтуынша, еуропалық бірлестік қызығушылықтарына қарай бірнеше топтарға бөлінеді.

Подробности
Категория: Керек кеңес

Қазақстандықтар сәуірде тоғыз күн демалады. Ал мамырда 20 жұмыс күні және 11 демалыс күні бар, деп хабарлайды Вaq.kz ақпарат агенттігі. 

1 мамыр – Қазақстан халқының бірлігі күні. eGov порталында жарияланған мереке күндерінің тізбесіне сәйкес, 30 сәуір 28 сәуірге (сенбіге) жұмыс күні болып ауыстырылып, қазақстандықтар 30 сәуір мен 1 мамырда демалады.

  1. Мейірімді  болу өз қолымызда
  2. Айда жерленген жалғыз адам (фото)
  3. Анасын буындырған бесіктегі бала...
  4. Кеген ауданындағы тау көшкіні бақылауда