скриншот видео КТК арнасы
Шымкентте екі жасар сәбиді 4-ші қабаттың терезесінен лақтырып жіберген тұрғынға қатысты қылмыстық іс қозғалды. Бірақ ол жауапкершіліктен құтылып кетуі мүмкін. Өйткені соқталдай еркектің психоневрология ауытқуы бар. Туысының үйіне келген ол ойнап жүрген бүлдіршінді биіктен тастай салған.
— Өзімен-өзі жүретін. Агрессиясы ұстап кетті ме, бала мазасын алды ма, кішкентай бала болғаннан кейін енді тістейді ғой, содан кейін алып лақтырып жіберген.
Сағат сегіз жарым шамасында. Бұл кезде үйде ақыл-есі кем азаматтан бөлек, балақайдың анасы мен жеңгесі де болған екен.
Олар баланы терезеден тастағанын байқап қалып, сыртқа жүгіріп шыққан. Төрт қабат биіктен төмен құлдилаған бүлдіршін есік алдындағы жұмсақ топыраққа құлап тірі қалды. Ауыр жарақат алған балақай дереу облыстық балалар ауруханасына жеткізілді.
Ал, оның 40 жастағы туысы қамауға алынды. Баланы толық тексеріп шыққан дәрігерлер жағдайы тым ауыр деп отыр.
Сәкен Тұрысбеков, Түркістан облысы балалар ауруханасы бас дәрігерінің орынбасары:
— Тексеруден кейін балаға ауыр бас жарақаты, миы шайқалған, кеудесі, іші жарақаттанған. Травматикалық шок деген диагноз қойылады. Қазір жансақтау бөлімінде интенсивті терапияда. Жағдайы ауыр. Жасанды тыныс алу аппаратында жатыр.
