- Подробности
- Категория: Бүгін
2017 жылдың қорытындысы бойынша Алматы облысында ауыл шаруашылығының жалпы өнім көлемі 647,6 млрд. теңгені, нақты көлем индексі 103,3 % құрады, - деп хабарлайды Алматы облысы әкімінің баспасөз қызметі облыстық экономика және бюджеттік жоспарлау басқармасының мәліметіне сүйеніп.
Өңірде 352,4 мың тонна (тірі салмағы) мал мен құс союға жіберілген (2016 жылмен салыстырғанда 107,6 %), тиісінше сүт – 719 мың тонна (103,8), жұмыртқа – 1 081,8 млн. дана (101,3), жүн – 8,3 мың тонна (101,9 %).
Ірі қара мал 965,5 мың басқа жетсе (104,0%), қой-ешкі – 3 408,1 (102,3), жылқы – 295, 7 (103,4) және құс – 9 274,5 мың бас (103,8 %).
- Подробности
- Категория: Бүгін
Жалпы 2017 жылдың қорытындысы бойынша Алматы облысында 26240 тұрақты жұмыс орны ашылды. Жұмысқа орналастыру туралы өңірдің уәкілетті органдарына 48390 адам жүгінсе, оның 32362-сі еңбекпен қамтылған. Қоғамдық жұмысқа 10120 адам тартылды. Жалпы сомасы 3149,3 млн. теңге болатын әлеуметтік көмек түрлері 146,9 мың адамға көрсетілген, соның 768,6 млн. теңгесі 37,7 мың адамға – аз қамтылған отбасыларының 18 жасқа дейінгі балаларына, 104,3 млн. теңгесі 2,6 мың адамға – мемлекеттік атаулы әлеуметтік көмек ретінде берілген. Бұл туралы Алматы облыстық экономика және бюджеттік жоспарлау басқармасының мәліметі бойынша облыс әкімінің баспасөз қызметі хабарлады.
- Подробности
- Категория: Бүгін
Бүгін Алматы облысына жұмыс сапарымен Қазақстан Республикасы Премьер-Министрінің орынбасары Асқар Жұмағалиев келіп, Алматы облысының әкімі Амандық Баталовпен бірге Панфилов ауданындағы бірқатар маңызды нысандарда болды, - деп хабарлайды Алматы облысы әкімінің баспасөз қызметі.
Алдымен «Алтынкөл» станциясына атбасын бұрып, ондағы кедендік посттың жұмысымен және темір жол станциясының инфрақұрылымымен танысты. 250 га аумақты алып жатқан темір жол бекеті «Жетіген - Қорғас» темір жол желісінің құрамында бола отырып, Қазақстан мен Қытай арасындағы екінші халықаралық шекаралық темір жол өткелі арқылы ел аралық транзиттік тасымалдың артуына ықпал етіп отыр. Темір жолдың жалпы ұзындығы 16,8 шақырымды құрайды.
- Подробности
- Категория: Бүгін
Гүлнар Абдіхалықова
Адам үшін үміт – жанармай секілді. Үмітсіз ол өмір сүре алмайды деген бар емес пе? Біз де көзге көрінбесе де, алға жылжуға көмек беріп жүрген осы нәзік сәулеге сенім артып келеміз. Ертеңгі күніміз бүгінгіден тәуір өтеді деп таң атады, күн батады. Кейде «Қалжыраған тән мен қасірет шеккен жанға үміттен асқан дәру болмайды» деген сөз ойға оралады. Оралып қана қоймай, ақиқат екеніне көзіміз жетті. Расымен, талықсып барып құлағанда үмітті таяныш етесің. Осы таяныштың арқасында қазандай қайнап жатқан тіршіліктің қамына қайта кірісесің.
- Подробности
- Категория: Бүгін
Тоқты
(21.03 – 20.04)
Жұлдызнаманың басында тоқты тұрғандықтан, осы айда дүниеге келген жандар көшбасшылық қасиеттерімен ерекшеленеді. Олар еш кедергілерге мойымай, алдына қойған мақсатқа жетуге ұмтылады. Бұл қасиет әркімге де керек-ақ, дегенмен өз арман-мақсаттарын басқара алмайтындарға зиянын тигізеді.
Бұл жыл тоқтылар үшін «үйрену жылы» болмақ. Астрологтар өз-өзіңізді дамытып, жаңа технологиялар мен шет тілдерін үйренуге күш салғаныңыз жөн дейді. Сондай-ақ, «қазір және осы жерде» деген секундтық еркелігіңізді ұмытуға кеңес береді. Себебі, тез қабылданған шешім сіздің болашағыңызға кері әсер етуі мүмкін. Кез келген іске бармас бұрын, мың ойланып, жүз толғанғаныңыз абзал.
Страница 54 из 78
