- Подробности
- Категория: Бүгін
Елбасы, «Нұр Отан» Партиясының Төрағасы Н.Ә. Назарбаевтың тапсырмасына сәйкес «Нұр Отан» партиясында және «Жас Отан» Жастар қанатында жаңғырту (модернизация) жұмыстары жүргізілуде. «Нұр Отан» партиясы тарапынан 2018 жыл «Жас Отан» Жастар қанатының жылы болып белгіленді. Биыл елімізде мемлекеттік жастар саясатындағы елеулі оқиға, наурыз айында Елбасы Н.Ә. Назарбаевтың қатысуымен «Жас Отан» Жастар қанатының IV съезді өткізіледі. Съездке Қызылорда облысынан 43 делегат қатысады.
«Жас Отан» Жастар қанатының жоғары органы Орталық кеңеске сайлау жұмыстары жүргізілуде. Қазақстан Республикасының 16-28 жас аралығындағы әрбір жас кандидат ретінде сайлауға қатыса алады. Сайлау ашық және онлайн дауыс беру арқылы жүзеге асады. Кандидаттың сайлау алды бағдарламасының маңыздылығы ескеріледі. «Жас Отан» Жастар қанаты Қызылорда облыстық филиалына консультанты қызметіне ашық конкурс жарияланды! Ашық конкурсқа жоғары білімді жас қатыса алады.
- Подробности
- Категория: Бүгін
Бүгін Алматы облысының әкімі Амандық Баталов Қапшағай қаласында болып, өз тапсырмасы бойынша жасалған абаттандыру жұмыстарының нәтижелерімен танысты, - деп хабарлайды Алматы облысы әкімінің баспасөз қызметі.
Қапшағай қаласының әкімі Талғат Қайнарбеков облыс әкімі Амандық Баталовты қалалық саябақ аумағын дамыту тұжырымдамасымен, жағажай аумағын дамыту мен көп қабатты үйлердің аулаларын абаттандыру сызбасымен, сол сияқты мәдениет үйлері мен дене шынықтыру-сауықтыру кешендері құрылысының жобалық үлгілерімен таныстырды. Презентация замануи ландшафтық дизайн элементтерін қолдана отырып жаңғыртылған қалалық саябақта өтті. Облыс әкімі мәдениет үйлері мен ДСК жобаларын әлі де егжей-тегжейлі қарастыруды, десе де биылғы жылға жоспарланған құрылыс жұмыстарын мерзімінен кешіктірмей бастауды тапсырды.
- Подробности
- Категория: Бүгін
Алматы облысында тұрғын үймен біріктірілген 66 учаскелік полиция пункттерінің құрылысы аяқталды. Ал 2018 жылы осындай тағы 111 нысан салынады. Бұл туралы бүгін облыс әкімінің бірінші орынбасары Л. Тұрлашовтың төрағалығымен өткен облыстық ІІД-нің 2017 жылғы жедел-қызметтік жұмысының қорытындылары бойынша кеңейтілген жедел кеңес барысында белгілі болды, - деп хабарлайды Алматы облысы әкімінің баспасөз қызметі.
Кеңесте облыстағы ішкі істер органдарының 2017 жылғы жұмысының қорытындылары мен алдағы міндеттері туралы ІІД бастығы, полиция генерал-майоры М. Ұрұмханов баяндама жасады.
- Подробности
- Категория: Бүгін
Қапшағай қаласының «Арна» индустриалды аймғында орналасқан «Маревен Фуд Тянь-Шань» ЖШС-ның азық-түлік шығаратын зауыты биылғы жылғы маусым айының соңында ашылады. Экспортқа бағытталған кәсіпорын алғашқы дайын өнімін 1-ші желісі іске қосылатын сәуір айында шығарады деп жоспарланып отыр. Бұл туралы бүгін облыс әкімі Амандық Баталовтың «Маревен Фуд Холдингс» холдингінің өкілдерімен кездесуі барысында белгілі болды, - деп хабарлайды Алматы облысы әкімінің баспасөз қызметі.
Кездесу барысында инвесторлар жобаның жүзеге асырылу барысы, жергілікті атқарушы органмен бірлесіп шешуге тиіс бірқатар мәселелер туралы баяндады.
«Маревен Фуд Холдингс» холдингінің атқарушы директоры Мишель Чангтың айтуынша, қазіргі кезде зауыттың өндірістік және инженерлік кешені дайын, ішкі инженерлік коммуникациясы толығымен жүргізілген. Қажетті құрал-жабдықтар сатып алынып, қоймада сақтаулы. 1-ші тестік желісі сәуір айында іске қосылып, алғашқы өнімдері шығарылады. Зауыт нарыққа кәсіпорын іске толық қосылғаннан кейін шықпақ. Зауыттың маусым айының соңында ашылады деп жоспарланған.
- Подробности
- Категория: Бүгін
«Болашаққа бағдар – рухани жаңғыру» бағдарламасының аясында шет елдің кітапханаларында «Қазақстан әдебиеті мен мәдениеті» орталығын ашу халықаралық жобасы Америка Құрама Штаттарында жүзеге асырылуда. Бұл жолы әлемдегі ең ірі кітапхана – АҚШ-тағы Конгресс кітапханасында болып отыр. 1800 жылы 24 сәуір Вашингтон қаласында орналасқан. Кітапхана қоры 156 млн.-ды құрайды, 1жылына 1 800 000 оқырманды қабылдайды.
Қазақстан тарапынан кітапханаға қазақ, орыс және ағылшын тілдерінде Қазақстан Республикасының Президенті Н.Ә.Назарбаев туралы, оның шығармалары, қазақ ақындары мен проза жазушыларының Қазақстан жайындағы тарихи және ғылыми-әдеби кітаптар сыйға тартылды. Сөйтіп, қазақ əдеби шығарманы қабылдайтын жаңа орта пайда болды. Еліміздің БҰҰ-ға төрағалық етуі аясында қазақ кітаптары АҚШ елінің оқырмандарына өз кезегімен жол тартты.
Страница 52 из 78
