25 қарашада РГП «Казгидромет»тің болжамы бойынша,Атлантика циклонының өтуіне байланысты Қазақстан аумағының басым бөлігінде қар түрінде жауын-шашын сақталады.
Елдің батысында жауын-шашынсыз күн райы күтіледі. Республика бойынша тұман, көктайғақ, желдің күшеюі, солтүстікте, солтүстік-батыста және шығыста бұрқасын болжанады.
Ақмола облысының оңтүстік-шығысында қатты жауын-шашын (жаңбыр, қар), Қарағанды облысының солтүстігінде, түнде Солтүстік Қазақстан облысының оңтүстігінде, Қостанай облысының шығысында, күндіз Шығыс Қазақстан облысының солтүстік-шығысында, Павлодар облысының оңтүстігінде мол қар жауады.
