Елең еткізер

Подробности: Категория: Елең еткізер; Опубликовано: 23 сентября 2018

Алматы шетінде жол қозғалысы ережелері бұзған ондаған көліктен тұратын кортеж видеоға түсіп қалды, - деп хабарлайды Тengrinews.kz тілшісі.

Кортежді куәгерлер видеоға түсіріп алған. Олардың айтуынша, бұл жағдай Құлжа тасжолында болған. Видео кадрларынан кортеждің өте баяу келе жатқанын, сондықтан көлік қозғалысының қиындағанын көруге болады. Сондай-ақ, кортеж жүргізушілерінің қарсы жолаққа шығып кетіп, бір-бірінің соңынан қуып келе жатқаны түсірілген.

Подробности: Категория: Елең еткізер; Опубликовано: 22 сентября 2018

Қазіргі таңда педофилді химиялық жолмен піштіруге бағытталған дайындық жұмыстары жүргізіліп жатыр.

Түркістан облысы елімізде алғаш рет педофилді химиялық жолмен піштіруге дайындалып жатыр. Биыл қылмыскерлердің жыныстық қарым-қатынасқа деген құштарлығын басуға бағытталған шараларға жалпы 9,5 миллион теңге (27 мың доллар) бөлінді.

Денсаулық сақтау министрі бір пациентті химиялық жолмен піштіруге орташа есеппен 125 мың теңге (350 доллар) жұмсайды. Медициналық сипаттағы химиялық жолмен піштіру шарасы сот шешімімен жүргізіледі. 2016 жылы мемлекет басшысы Нұрсұлтан Назарбаев балалар құқығын қорғау мақсатында түзетулер енгізілген заңнамаға қол қойды.

Подробности: Категория: Елең еткізер; Опубликовано: 21 сентября 2018

Алматыда психологиялық ауруханадан қашып кеткен үш жасөспірім кешеден бері табылмай жатыр.

ҚазАқпарат жазғандай, 14 жастағы Маргарита Козлованы анасы дүйсенбі күні Абай мен Сейфуллин қиылысындағы республикалық психологиялық денсаулық орталығына жатқызған. Анасы Фаиманың айтуынша, қызының көзіне қос көріне бастаған. «Сәрсенбі кешкі 17:00 шамасында 13, 16, 14 жастағы жасөспірімдер ауруханадан қашып кеткен. Олардың қашып шыққан сәті сыртқы бақылау камераларына түсіп қалған. «Бірден полицияға хабар берілді. Буран экипажы келіп, деректі тіркеді. Содан бері үшінші тәулікке кетіп барады балалар табылмады. Қасындағы 13 және 16 жастағы бала мен қыз бұрын да қашып үйренген деп естідім.

Подробности: Категория: Елең еткізер; Опубликовано: 20 сентября 2018

Елбасы Ресей Президенті Владимир Путинмен телефон арқылы сөйлесті.

Мемлекеттер басшылары өңірлік және халықаралық күн тәртібіндегі өзекті мәселелер жөнінде пікір алмасты, деп хабарлайды Ақорданың ресми сайты.

Қазақстан Президенті Сирияда ИЛ-20 ұшағының апатқа ұшырауы салдарынан Ресей әскери қызметшілерінің қаза табуына байланысты Владимир Путинге көңіл айтты.

Подробности: Категория: Елең еткізер; Опубликовано: 19 сентября 2018

Атышулы іс бойынша барлық үш күдікті үшін де қамауда ұстау мерзімі тағы бір айға созылды.
Алматыда Денис Теннің өліміне күдіктілер 23 қазанға дейін қамауда отыратын болды. «Алматы қаласының мамандандырылған тергеу соты 11-12 қыркүйекте арнайы қаулы шығарды.

Күдіктілерді қамауда ұстау мерзімі 3 айға дейін, яғни 23 қазанға дейін созылды», - деді қалалық соттың баспасөз хатшысы Диас Махамбетов. Еске салсақ, қазақстандық мәнерлеп сырғанаушы Денис Тен 19 шілде күні пышақ жарақатынан қаза болған еді.