Алматы әуежайында өзін өртемек болған ер адамның жағдайы белгілі болды

 

 Алматы әуежайында болған оқыс жағдайға қатысты тергеу жүріп жатыр-деп хабарлайды  el24.kz тілшісі, КТК телеарнасына сілтеме жасап. Ұшаққа кешіккен азамат әуежайдың Т-1 ішкі рейстер терминалында үстіне бензин құйып өзін өртеп жібермек болған.Күзетшілер отты сөндіріп үлгерді. Ол жедел жәрдеммен №4 клиникалық ауруханаға жеткізілген.

Нұржан Биқоңыров, Алматы №4 клиникалық ауруханасы директорының орынбасары: – Науқас жедел жәрдем бригадасымен №4 қалалық клиникалық ауруханаға жеткізілді. Жансақтау бөліміне жатқызылды. Науқастың жағдайы өте ауыр.

Әлеуметтік желіде тараған видеода ер адам турфирма кеңсесінде телефонмен сөйлесіп отырған. Біраздан соң компания қызметкері сыртқа шыққан, ол оған бөгет болмаған. Кейін ер адам полицейлермен біраз сөйлесіп тұрады.

Ал тәртіп сақшысы табалдырықтан аттай берген сәтте, ол сіріңкені тұтатып, өзіне өрт қойған. Құқық қорғаушылар мен әуежайдың қауіпсіздік қызметі өртті дереу сөндіріп, жедел жәрдем шақырған. Куәгерлердің айтуынша, ер адам әуежайға үстіне жанармай құйып кірген. Кейбір қызметкер одан бензин иісі шыққанын байқаған соң, бірден қауіпсіздік қызметіне хабарлаған.

Алдын ала дерек бойынша, ол билетін ауыстыра алмаған соң ашуға берілген болуы мүмкін. Басқа дерек көздері азаматтық некедегі әйелімен жанжал себеп болғанын айтады. Оқиға болған әуе агенттігінің кеңсесі бүгін жабық. Ал көліктегі полиция департаменті өзін-өзі өртеу әрекеті бойынша қылмыстық іс қозғалғанын хабарлады. Ал Алматы әуежайы қалыпты режимде жұмыс істеп жатыр.

Алматы халықаралық әуежайы: — Аталған жағдай әуежайдың қызметімен байланысты емес және оның жұмысына әсер еткен жоқ. Алматы халықаралық әуежайы штат режимінде жұмыс істеп тұр. Оқиғаға қатысты әрі қарайғы тергеуді құқық қорғау органдары жүргізуде.

1 қыркүйектен бастап айыппұлдың орнына қоғамдық жұмыс енгізіледі

 

el24.kz  Қазақстанда 2025 жылдың 1 қыркүйегінен бастап әкімшілік құқық бұзушылықтар үшін айыппұлдың орнына қоғамдық жұмыс тағайындау тәжірибесі енгізіледі. Бұл өзгеріс қайталанатын және қоғамдық тәртіпке елеулі зиян келтіретін құқық бұзушылықтарға қатысты қолданылады.

Жаңа жаза кімдерге қолданылады

Ішкі істер министрлігінің мәліметінше, қоғамдық жұмыс мына жағдайларда тағайындалуы мүмкін:

Жол қозғалысы ережесін бір жыл ішінде бірнеше рет бұзу;
Экстрен қызмет көліктеріне жол бермеу фактісін қайта қайталау;
Жаяу жүргіншілердің жол ережесін өрескел бұзып, зардап келтіруі;
Қоғамдық орындарда қайта-қайта ішімдік ішу, мас күйінде жүру;
Ұсақ бұзақылық және қоғамдық тыныштықты бұзу.

Жаза көлемі

Құқық бұзушылықтың түріне қарай қоғамдық жұмыс көлемі 12 сағаттан 100 сағатқа дейін белгіленеді. Мысалы, экстрен қызмет көліктеріне жол бермеген жүргізушіге 40 АЕК (шамамен 157 мың теңге) айыппұлдың орнына 20 сағат қоғамдық жұмыс берілуі мүмкін.

Мақсат – тәртіпті күшейту

Министрлік өкілдері бұл шараның мақсаты – айыппұл төлеу мүмкіндігі жоқ адамдарды қатаң жазалау емес, қайта оларды қоғамдық жұмыс арқылы жауапкершілікке тарту екенін атап өтті. Қоғамдық жұмыс арнайы белгісі бар киімде, тұрғындар көретін орындарда атқарылады.

Теріс қылықтың алдын алу құралы

Жаңа жаза түрі құқық бұзушылық деңгейін төмендетіп, азаматтардың тәртіпке бағынуына әсер етеді деп күтілуде. Қоғамдық жұмыс жазасын орындамаған жағдайда, ол әкімшілік қамауға ауыстырылуы мүмкін.

Жаңа оқу жылы: ата-аналар мен мұғалімдерге не өзгерді

 

el24.kz 2025–2026 оқу жылы қарсаңында еліміздің білім беру саласында бірқатар жаңа өзгерістер енгізілуде.

ҚР Оқу-ағарту министрлігінің ресми мәліметінше, биыл оқу бағдарламалары жаңартылып, мұғалімдердің жұмыс жүктемесі мен мектеп формасына қатысты нақты талаптар белгіленді. Бұл өзгерістер оқушыларға да, ата-аналарға да, ұстаздарға да қатысты.

Оқу жылы дәстүрлі түрде 1 қыркүйекте басталады, 31 мамырда аяқталады. Бірінші сынып оқушылары үшін бейімделу аптасы сақталып отыр. Алғашқы жеті күнде олар жеңілдетілген режимде оқиды.

Жаңартылған оқу бағдарламалары негізінде математика, жаратылыстану және қазақ тілі пәндерінің мазмұны тереңдетілді. Сонымен қатар бағалау жүйесі де жеңілдеп, тоқсандық бақылау жұмыстарының саны азайтылды. Енді әр пәннен оқушылар жоба жұмыстары мен практикалық тапсырмаларды көбірек орындайды. Бұл оқушының ойлау, талдау қабілетін арттыруға бағытталған.

Мұғалімдердің апталық жүктемесі кәсіби стандартқа сай қайта қаралды. Енді дәптер тексеру, қосымша сабақ өткізу сияқты жұмыстарға арнайы ақы төленеді.Бұрынан бар жүйе күшейтілді.Электронды журнал жүргізу де жеңілдетілген.

Мектеп формасына қатысты да бірқатар ереже өзгерді. Министрлік ата-аналарға мектеп формасының міндетті екенін, алайда қымбат киім алудың қажеті жоқ екенін ескертті. Форманың түсі мен үлгісін мектеп кеңесі бекітеді. Діни немесе сәндік сипаттағы киім үлгілеріне жол берілмейді. Әлеуметтік аз қамтылған отбасыларға жергілікті әкімдіктер тарапынан мектеп формасы тегін берілуде.

Балабақшаларда электронды кезек пен eGov.kz арқылы өтініш қабылдау жалғасады. Бастауыш сыныптарда цифрлық оқулықтар мен планшет арқылы оқу жүйесі кейбір өңірлерде пилоттық жоба ретінде енгізіледі. Сонымен қатар, интернет қауіпсіздігіне де ерекше мән берілуде.

Министрлік ата-аналар мен мектеп арасындағы байланысты нығайтуға шақырып отыр. Мұғалімдер үшін курстар мен сертификаттау талаптары да жаңартылды.

el24.kz анықтамасы
2025 жылы елімізде 7 700-ден астам мектеп жұмыс істейді. 250-ге жуық жаңа мектеп салынған. 1-сыныпқа 400 мыңнан астам оқушы қабылданады. Мектепке дейінгі біліммен қамтылған балалар үлесі 98 пайызға жеткен.

8-қыркүйекте Президент Қазақстан халқына жолдау жасайды

 

el24.kz 8 қыркүйекте Қасым-Жомарт Тоқаев Қазақстан халқына жолдау жасайды. Бұл — мемлекет басшысының сегізінші жолдауы.

Оны Парламент палаталарының бірлескен отырысында жариялайды. Мұны Президенттің баспасөз хатшысы Руслан Желдібай хабарлады.

Адамның биоөрісі: көзге көрінбейтін энергия қабаты

 

 el24.kz Адам баласы тек тәннен ғана тұрмайды, оны қоршап тұрған ерекше энергия өрісі бар деп сенеді халық арасында. Бұл құбылысты көпшілік аура немесе биоөріс деп атайды. Ғалымдар да, эзотерика өкілдері де осы тақырыпқа түрлі көзқарас білдіріп келеді.

Биоөріс деген не?

Биоөріс – адамның денесін қоршап тұратын энергия қабаты. Ол көзге көрінбесе де, кейбір адамдар оны түйсік арқылы сезеді. Эзотерикалық ілімде биоөріс адамның ішкі жағдайын, денсаулығын, көңіл-күйін көрсетеді делінеді.

Ғылыми тұрғыдан

Физика мен медицинада биоөрісті адамның биоэлектромагниттік сәулеленуі деп түсіндіреді. Әрбір тірі жасуша аздаған электр импульстарын бөледі. Осы импульстардың қосындысы адамды түгел қоршап тұратын әлсіз электромагниттік өрісті қалыптастырады.

Аураның түстері нені білдіреді?

Эзотерикада биоөрістің түсі адамның психикалық күйін аңғартады:

  • Жасыл – үйлесім, тыныштық.

  • Қызыл – қуат, ашу немесе құмарлық.

  • Сары – шығармашылық, ойдың сергектігі.

  • Көк – сабыр, рухани ізденіс.

Биоөріс неге әлсірейді?

Адамның энергия өрісі мына жағдайларда әлсірейді дейді мамандар:

  • Ұзақ стресс пен уайым;

  • Дұрыс тамақтанбау;

  • Ұйқының жеткіліксіздігі;

  • Жаман әдеттер (ішімдік, темекі).

Биоөрісті қалай күшейтуге болады?

  • Табиғат аясында серуендеу;

  • Медитация мен тыныс алу жаттығулары;

  • Пайдалы ас ішу, су ішу тәртібін сақтау;

  • Жақсы ой ойлау, жағымды эмоцияға көңіл бөлу.

 Адамның биоөрісі – ғылым үшін әлі толық зерттелмеген құбылыс. Дегенмен халық сенімінде де, заманауи энергетикалық ілімдерде де ол адамның денсаулығы мен көңіл-күйіне тікелей байланысты маңызды энергия көзі ретінде қарастырылады.

Қазақстанда интернет пен ұялы байланыс неге қымбаттап жатыр?

 

 

el24.kz Соңғы уақытта ұялы байланыс пен интернет тарифтерінің өсуі халық арасында жиі талқылануда. Бұл өзгеріс ресми органдар мен байланыс операторларының да назарында.

Бәсекелестікті қорғау және дамыту агенттігінің мәліметінше, 2023 жылы кейбір тарифтер 7,7%-тен 57%-ке дейін өскен. 2021–2022 жылдары аралығында орташа өсім 13–37% аралығын құраған. Соңғы екі жылдағы жиынтық өсім 90%-ке жуық деген депутаттар пікірі шындыққа жанасады.

Операторлар не дейді?

Beeline Kazakhstan биылғы 1 ақпаннан бастап бірқатар тарифтерін өзгертті. Компания мұны желіні дамыту қажеттілігімен түсіндіреді. Соңғы жылдары 500-ден астам базалық станция орнатылып, 3 мыңнан аса жердегі жабдықтар жаңартылған. Сонымен қатар, доллар бағамының өсуі, телекоммуникациялық құрылғылар мен электр қуатының қымбаттауы да тарифке әсер еткен.

Tele2/Altel де 11 ақпаннан бастап кейбір тариф жоспарларына өзгеріс енгізді. Олар да себеп ретінде техникалық қызмет көрсетуге кететін шығындардың өсуін, валюта бағамының тұрақсыздығын және желіні кеңейту қажеттілігін алға тартады.

Министрлік не дейді?

Цифрлық даму, инновациялар және аэроғарыш өнеркәсібі министрлігінің өкілі Асхат Оразбектің айтуынша, қазіргі заңнамаға сәйкес байланыс операторлары тарифтерін өздері белгілейді. Министрлік тарапынан тек келіссөздер жүргізіліп жатыр.

Негізгі себептер:

  • Инфрақұрылымды жаңарту мен кеңейту шығындары;
  • Доллар бағамының ауытқуы;
  • Электр қуаты мен телеком жабдықтарының қымбаттауы;
  • Нарықта нақты бәсекенің болмауы.

Бәсекелестікті қорғау агенттігі байланыс нарығындағы жағдайды бақылауда ұстап отыр. Агенттік кейбір тарифтерге қатысты тергеп-тексеру жүргізіп, операторлардан нақты есептер талап еткен.

Қорытынды:
Ұялы байланыс пен интернет тарифтерінің өсуі – күрделі экономикалық және инфрақұрылымдық процестердің нәтижесі. Бұл тек тұтынушыға ғана емес, байланыс операторларына да қатысты мәселе. Дегенмен, халықтың наразылығына байланысты бұл салаға қатысты бақылау күшейтілмек.

Подробности
Категория: Бүгін

 

Әсіресе, бұл Қазақстанның оңтүстігі мен батыс өңіріне қатысты, деп мәлімдеді «Қазгидромет» РМК синоптиктері.
 
 Қазақстанда 40 градусқа дейін күн ысиды Әсіресе, бұл Қазақстанның оңтүстігі мен батыс өңіріне қатысты, деп мәлімдеді «Қазгидромет» РМК синоптиктері.

Подробности
Категория: Елең еткізер

 

Желіде 51809 әскери бөлімінде ант қабылдаған сарбаздың  видеосы тарады, - деп хабарлайды el24.kz тілшісі, Massaget.kz ке сілтеме жасап.

Бейнероликтің кейіпкері - әскери қызметші Александр Землянкин. Ол 1 маусымда әуе шабуылына қарсы қорғаныс бригадасының 51809 әскери бөлімінде ант қабылдаған. Өкінішке қарай, туыстары салтанатты шараға келе алмапты. Майордың сұрағына сарбаз әскери тәртіппен жауап берді.

Подробности
Категория: Елең еткізер

 

Павлодарда абайсызда кемеден құлап, жазым болған капитанның мәйіті үш аптадан соң табылды. Құтқарушылар оны өзеннің төменгі ағысынан алып шықты.

Бұған дейін хабарлағанымыздай, 8 мамыр күні Аққулы ауданының Шабар ауылы маңында кеме капитаны абайсызда палубадан құлап, суға батып кетті. 

Подробности
Категория: Бүгін

 

Ақтөбе облыстық қылмыстық істер жөніндегі мамандандырылған ауданаралық сотында Нұржан Хайруллаевқа үкім шықты. Ол бұрынғы әйелін қылғындырып өлтіріп, оқиға орнынан бой тасалаған.  
 
Қылмыстық оқиға биыл 31 қаңтардан 1 ақпанға қараған түні болды.

Подробности
Категория: Елең еткізер

                                                                        фото скриншот ктк арнасы видеосынан алынды

Маңғыстауда екі әскери қызметкер егде жастағы ер адамды асқан қатыгездікпен өлтіргені үшін қамауға алынды. Қазір олар уақытша ұстау изоляторында.

Облыстық полиция департаментінің баспасөз қызметі аталған ақпаратты растады.

Подробности
Категория: Бүгін

 

Жезқазғанда көлік тізгіндеген бес жасар бала жол бойындағы адамдарды қағып кетті. Апат салдарынан 4 адам зардап шекті.

Оқиға «Гранд Палас» мейрамханасының жанында болған. Апат салдарынан төрт адам зардап шекті. Белгілі болғандай, көлікте отырған бес жасар бала қолмен реттелетін тежегішті жібере салған, содан кейін көлік кері жүріп, тротуарда тұрған адамдарды соққан. 

Подробности
Категория: Елең еткізер

 

Ақтөбе облыстық көпсалалы ауруханасында қазір 8 адам ем алып жатыр. Олар 18-22 жастағы жігіттер. Бәрінің аяғында бытыра жарақаты бар.
 
Ақтөбе облыстық Полиция департаменті осы төбелеске қатысқан 4 күдіктіні ұстап, қазір Қылмыстық кодекстің «Адам өлтіру», «Бұзақылық» баптары бойынша тергеу жүргізіп жатыр. Ал 8 жігіт облыстық көпсалалы ауруханасында.

Подробности
Категория: Елең еткізер

 

Алматыда СПА-салонға баса-көктеп кіріп, әкімші қызды соққыға жыққан ер адам ұсталды. Бұл жөнінде el24.kz тілшісі КТК телеарнасына сілтеме жасап  хабарлайды.

Ол қарама-қарсы тұрған дәмханалардың бірінен СПА-салонға келіп, сыра құйып беруін сұрапты. "Алкоголь сатпаймыз" деген қыздың жауабына ашуланып, қолына түскен затты қызметкерге лақтырған.

Подробности
Категория: Елең еткізер

 

Интерполдың көмегімен 3 жасар бала Қазақстанға қайтарылып, анасымен қауышты Қазақстан Республикасы ІІМ Интерпол ұлттық орталық бюросы түрік әріптестерімен және Анталиядағы қазақстандық консулдықпен бірлесіп, 3 жасар баланы елге қайтарды.

Подробности
Категория: Бүгін

 

Қазақстан тағамтану академиясының президенті, әлемдік денсаулық сақтаудың аңызы және қазақстандық медицинаның мақтанышы, академик Төрегелді Шарманов 93 жасында өмірден озды. 

«Әлеуметтік-гуманитарлық саладағы үздік жетістіктері және денсаулық сақтау саласын дамытуға қосқан зор үлесі үшін марапатталған, Қазақстан Республикасының жоғары дәрежелі «Еңбек ері» белгісінің иегері, академик Төрегелді Шарманов өмірден өтті», - деп хабарлады С.Д.Асфендияров атындағы Қазақ ұлттық медицина университетінің баспасөз қызметі. 

Подробности
Категория: Әлем жаңалықтары

 

Иран президенті әкімшілігінің басшысы Голам-хоссейн Эсмаили президент ұшағының апатқа ұшырауына байланысты тың деректермен бөлісті,-деп хабарлайды el24.kz  тілшісі BAQ.KZ.ке сілтеме жасап.

IRNA басылымының мәліметіне сүйенсек, Эсмаили Ибрахим Раисидің қасында еріп жүрген басқа тікұшақта болған. Оның байқауынша, ұшу кезінде ауа райы жағымды болған, бұлтты тек бір бөлікте ғана байқаған.

Подробности
Категория: Әлем жаңалықтары

 

Лондоннан Сингапурге бет алған ұшақ қатты турбуленттілік аймағына түсіп, салдарынан бір адам қаза тапты, деп хабарлайды el24.kz тілшісі BAQ.ке сілтеме жасап.

Boeing 777-300ER ұшағында тағы бірнеше адам жарақат алған.

Осылайша, әуе кемесі Бангкокке қонуға мәжбүр болды.

Подробности
Категория: Елең еткізер

 

 
Қазақстанда цифрлық теңгені енгізу жобасын талқылау 2021 жылдың шілдесінде басталғаны белгілі.

Ал, 2023 жылдың қарашасында цифрлық теңгені іске қосу рәсімі өтті. Биыл елімізде мемлекеттік сатып алу үшін таңбаланған құралдар тетігін пайдалану бойынша пилоттық жобаны жүзеге асыру жоспарланып отыр.
 
ҚР Сыбайлас жемқорлыққа қарсы іс-қимыл агенттігі мамандары агенттік тілшісіне цифрлық теңгені таңбалау туралы толығырақ айтып берді. Бұған дейін Қазақстанның ұлттық төлем корпорациясының төрағасы Бинур Жаленов цифрлық теңге ұлттық валютаның үшінші нысаны екенін атап өткен еді.

Подробности
Категория: Бүгін

 

Биыл бакалавриат деңгейіне 78 219 білім гранты бөлінеді.

Бұл туралы Ғылым және жоғары білім министрлігі Жоғары және жоғары оқу орнынан кейінгі білім комитеті төрағасының орынбасары Жанна Есинбаева айтып берді. «2024-2025 оқу жылына арналған мемлекеттік білім беру тапсырысы бекітілді.

  1. Шымкентте өз баласын пышақтап өлтірген әке мәжбүрлеп емделетін болды
  2. Қоянның айласы
  3. Жұмыссыз азаматтар тасқыннан зардап шеккен өңірлерге үй салыса алады
  4. Астанада үйдің шатырынан 20 жыл іздеуде жүрген адам табылды