Елімізде коучтар мен жалған психологтарға шектеу қойылмақ

 

     el24.kz Соңғы жылдары ел ішінде өзін «коуч», «психолог», «мотивациялық спикер» деп таныстыратындардың қатары күрт көбейді. Әлеуметтік желілер мен түрлі тренинг залдарында «сәттілікке жетудің сырын» үйретіп, «бай болудың жолын» сатқан мамандар (немесе өзін солай атағандар) бүгінде қоғамда үлкен пікірталас тудырып отыр.

Алайда бұл салада нақты бақылаудың болмауы, лицензиясыз қызмет көрсетушілердің көбеюі көп азаматтың қалтасын қағып, психологиялық тұрғыдан да зардап шегуіне себеп болып жүргені жасырын емес.

Осыған байланысты Сенат депутаты Амангелді Есбай коуч-психологтардың қызметін қатаң тексеріп, лицензиясы бар мамандарды ғана заңды түрде жұмыс істеуге жіберу қажеттігін көтерді.

«Елімізде психолог атанып жүргендердің көбі арнайы білім алмаған, тіпті кейбірі қысқа мерзімді онлайн курстардан өткен. Бұл – қоғам үшін қауіпті. Себебі адамның жан дүниесіне араласу – жауапты іс. Сондықтан лицензиясы жоқ коучтар мен жалған психологтарға майшам алып түсу керек», – деді сенатор.

Мамандардың айтуынша, соңғы жылдары әлеуметтік желілердегі «коуч» тренингтерге қатысып, психологиялық дағдарысқа ұшырағандар саны көбейген. Олардың кейбірі қаржысын жоғалтса, енді бірі жалған уәделерге сеніп, өмірлік шешімдер қабылдаған.

Психология – нақты ғылыми білім мен тәжірибе талап ететін сала. Ал коучинг – бағыт-бағдар берудің заманауи түрі болғанымен, оны да кәсіби дайындықсыз жүргізу адам тағдырына теріс әсер етуі мүмкін.

Қазір Сенатта осы мәселе бойынша заңнамалық түзетулер қаралып жатыр. Егер ұсыныстар қабылданса, болашақта коуч-психологтар міндетті лицензия алуы тиіс болады. Бұл – бір жағынан халықты қорғайтын, екінші жағынан саладағы әділ бәсекені қалыптастыратын қадам болмақ.

Қазақстанда АИ-92 бензині мен дизель отынының бағасын көтеруге мораторий енгізілді

 

  el24.kz 2025 жылдың 16 қазанынан бастап Қазақстан Үкіметі АИ-92 маркалы бензин мен дизель отынының бағасын көтеруге мораторий жариялады. Бұл шешім елдегі баға тұрақтылығын сақтау және инфляцияны тежеу мақсатында қабылданды.

Энергетика министрлігі мен Бәсекелестікті қорғау және дамыту агенттігіне өңірлерде жанармай бағасын бақылау және заңсыз баға өсіміне жол бермеу тапсырылды. Сонымен қатар, ішкі нарықты үздіксіз отынмен қамтамасыз ету міндеті жүктелді.

 Мораторий не үшін енгізілді

Үкіметтің ресми түсіндіруінше, бұл шешім инфляцияны төмендету және халықтың әлеуметтік жағдайын қорғау үшін қабылданған.

Соңғы айларда мұнай мен отын бағасының әлемдік нарықта құбылуы ішкі нарыққа да әсер ете бастаған. Сондықтан мемлекет бағаның негізсіз өсуіне уақытша шектеу қоюды жөн көрді.

Мораторий тек АИ-92 маркалы бензин мен дизельге қатысты, өйткені бұл екі отын түрі халық арасында ең кең қолданылатын және стратегиялық маңызы бар өнімдер қатарына жатады.

 

  

 

Оқушы сабақта телефон қолданса – айыппұлды ата-анасы төлейді

 

   el24.kz Оқу-ағарту министрлігі сабақ үстінде ұялы телефон пайдалануға тыйым салынатынын тағы да еске салды. Егер оқушы сабақ кезінде телефонды пайдаланып, мектептің ішкі тәртіп ережесін бұзса, жауапкершілік оның ата-анасына жүктеледі.

Министрліктің мәліметінше, айыппұл мөлшері шамамен 20 мың теңге. Бұл – Әкімшілік құқық бұзушылық туралы кодекстің 127-бабы бойынша, кәмелетке толмаған баланың мінез-құлқына дұрыс бақылау жасамаған ата-аналарға салынатын жаза түрі.

«Мектептерде ұялы телефонды сабақ кезінде пайдалануға тыйым салынған. Бұл талап оқу үдерісінің сапасын арттыру, балалардың зейінін шоғырландыру және киберқауіпсіздікті қамтамасыз ету мақсатында енгізілген. Дегенмен, әзірге ата-аналарға айыппұл салынған жағдай тіркелген жоқ», – делінген министрліктің хабарламасында.

Мамандардың айтуынша, сабақ кезінде телефон пайдалану – баланың оқу үлгеріміне, есте сақтау қабілетіне және тәртіп мәдениетіне кері әсер етеді. Сонымен қатар, интернетке еркін қолжетімділік балаларды әлеуметтік желілер мен ойындарға тәуелді етуі мүмкін.

Бүгінде көптеген мектептерде оқушылар сабаққа кірер алдында ұялы телефондарын арнайы қорапшаға қалдырып, сабақ соңында ғана қайта алады. Мұндай тәжірибе әлемнің көптеген елдерінде кеңінен қолданылады.

Оқу-ағарту министрлігі ата-аналарға балаларына телефонды тек қажетті сәттерде, яғни сабақтан тыс уақытта пайдалануға үйрету қажеттігін еске салды.

Қазақстанда көлік әкелуге жаңа шектеулер енгізілді

 

  el24.kz 20 қазаннан бастап Қазақстанда жеке пайдалану мақсатында көлік құралдарын сырттан әкелуге қатысты жаңа шектеулер күшіне енеді. Бұл өзгерістер Еуразиялық экономикалық комиссия кеңесінің (ЕЭК) 2025 жылғы 23 мамырдағы №45 шешіміне сәйкес қабылданған.

Жаңа талаптарға сай, енді елге тек ЕЭК коллегиясының 2017 жылғы 30 маусымдағы №74 шешімімен бекітілген тізімге енгізілген көлік түрлерін ғана әкелуге рұқсат беріледі.

Шектеулер жеңіл автокөліктерге (медициналық арнайы көліктерден басқа), сондай-ақ квадроциклдерге, қарда жүретін көліктерге, жолсыз жерлерге арналған техникаларға, мотоциклдерге, мотороллерлер мен мопедтерге қатысты. Сонымен қатар, 12 орынға дейінгі автобустар мен жалпы салмағы 5 тоннаға дейінгі жүк көліктері де белгілі СЭҚ ТН кодтары бойынша аталған тізімге енгізілген.

Барлық әкелінетін көлік құралдары «Доңғалақты көлік құралдарының қауіпсіздігі туралы» техникалық регламентке сай болуы қажет. Бұл талапқа сәйкестікті растайтын басты құжат – көлік құралының конструкциясының қауіпсіздігі туралы куәлік (СБКТС) болып саналады.

Егер бұл құжат болмаса, жеке тұлғалар көлікті кедендік рәсімдеуден өткізе алмайды, электрондық паспорт (ЭПТС) ала алмайды, утилизациялық алымды төлей алмайды және ең бастысы — көлікті тіркеуге қоя алмайды.

Осылайша, бекітілген тізімге кірмейтін кез келген автокөлікті Қазақстан аумағына әкелу мүлде мүмкін болмайды. Мұндай көліктерге қатысты рәсімдеу, кедендік тазарту және тіркеу жүргізілмейді.

Мамандардың айтуынша, бұл өзгерістер Еуразиялық экономикалық одақ елдері арасындағы техникалық талаптарды біріздендіруге және сертификаты жоқ көліктердің импортын шектеуге бағытталған.

Астанадағы LRT жүйесіне 11 мамандық бойынша жұмысшылар қажет

 

  el24.kz Астанада жеңіл рельсті көлік (LRT) жүйесінде жұмыс істейтін мамандарға арналған жаңа бос орындар жарияланды. Қалалық көлік қызметін ұйымдастыратын CTS компаниясы қазіргі таңда түрлі техникалық және өндірістік бағыттағы қызметкерлерді іздеп жатыр.

Мекеменің хабарлауынша, бос жұмыс орындары 11 түрлі мамандық бойынша ашылған. Олардың қатарында слесарьлар, электромонтерлар, әртүрлі шеберлер мен диспетчерлер бар.

Қанша қызметкер қажет екені нақты айтылмағанымен, компания бұл бағыттағы кадр тапшылығын біртіндеп толтыруды көздеп отыр.

«LRT жүйесінің қалыпты жұмыс істеуі үшін білікті техникалық мамандар қажет. Сол себепті қазір бірнеше бағыт бойынша кадр іріктеу жүріп жатыр», – делінген CTS компаниясының хабарламасында.

Айта кетейік, Астанадағы жеңіл рельсті көлік жүйесін іске қосуға дайындық жұмыстары бірнеше кезеңмен жүргізіліп келеді. Жобаны толық пайдаланысқа беру алдында техникалық қызмет көрсететін және басқару саласындағы кадрларды даярлау ерекше маңызға ие.

 

ІІМ басшысы: алкоголь тек арнайы дүкендерде сатылуы тиіс

 

  Қазақстан Ішкі істер министрі Ержан Саденов алкоголь өнімдерін тек мамандандырылған дүкендерде сатуды ұсынды,-деп хабарлайды el24.kz тілшісі.

Министрдің айтуынша, елде мас күйінде жасалатын қылмыстар азаймай отыр. Жыл сайын шамамен 10 мың қылмыс, оның ішінде 1,400-ден астамы ойын-сауық орындарында тіркеледі.

Сондықтан ІІМ мынадай шектеулер енгізуді қарастыруда:

  • алкоголь тек арнайы лицензиясы бар дүкендерде сатылуы;
  • түнгі уақытта сату шектелуі;
  • үйге жеткізу және онлайн-сатуға толық тыйым салу.

Ержан Саденовтың сөзінше, бұл шара толық тыйым емес, тек реттеу және қоғамдық қауіпсіздікті күшейтуге бағытталған.

«Түнге дейін ішіп отыру – дұрыс емес. Алкоголь тек белгілі уақытта және арнайы орындарда сатылуы керек», — деді министр.

Қазір бұл ұсыныс талқылау кезеңінде. Сарапшылар оның тиімділігі мен ықтимал салдарын қарастырып жатыр.

Подробности
Категория: Сырласу

  Мен 17 жасар қыз баламын. Алла қаласа биыл 18ге толамын. Басымнан көп жағдай өтті. Кішкентайымнан тым ерке едім.2 әпкем бар. Арамыз 9-10 жас. Үлкен әпкем ауылда әжеммен атамның қолында өскен. Екіншісімен бірге өстік. Анам сол қыздардын ішінде мені  тым қатты еркелететін. Содан тағдырдың сынағыма, анам 12 жасымда мына дүниеден өтті. Тым ауыр болды. Әкем басқаға үйленіп, сол әйелімен әлек болды, әпкелерім маған қарамады да.

Подробности
Категория: Сырласу

Гүнай Текин

 Дұғамнан тастаған емеспін, дуалап сені алса да.

Өмірмен үнсіз егестім,

Жанардан жас сығып қаншама.

Жүрегім сабыр қыл,

Бостан-бос көбелектей шаршама.

Подробности
Категория: Керек кеңес

Өз мүсінінің сұлу болғанын қалайтын арулардың еске сақтар ережелері:

  1. Қарынға жиналған май сол жердің бұлшықеттеріне жасалған пресстен кетпейді. Пресс болады, бірақ, майдың астында қалып қояды. Сол себепті пресс жасаған сайын, қарныңыздағы май ұлғая береді. Май кетсін десеңіз, ішіңізді үнемі тартып, бұлшықеттеріне күш түсіріп жүріңіз.
  2. Аяғыңызды көтеріп, сермеу – бөксеңізге, аяқтарыңызды созу – балтырыңызға, жаяу жүру – буындарыңызға өте пайдалы.

Подробности
Категория: Бүгін

11 мамыр күні «Атамекен» ҚР ҰКП Төралқасы Логистика және тасымалдау комитетінің 20-шы отырысы өтті

Отырысқа комитет төрағасының орынбасары Юрий Лавриненко төрағалық етіп, жиынға «Атамекен» ҚР ҰКП Басқарма Төрағасының орынбасары Елдос Рамазанов, комитет мүшелері, салалық қауымдастық өкілдері, бизнес-қоғамдастық және мемлекеттік органдар қатысты.

Подробности
Категория: Мырс етер

Пернебай Сапар


«Қазақ тілі мен әдебиеті» пәнінің мұғалімі сосын, «Қазақтан тарихы» пәнінің мұғалімі деген екі дипломым бар, екеуі де қызыл, қарап отырам ба, жұмысқа тұрдым, охрана боп. Рахат, бір сөтке істеп, екі күн демаласың, айлығың отыз мың, одан артық не керек, «спокойно» жүргем, Лайка құртты «карерамды».

Подробности
Категория: Даңқ пен Дақпырт

“Дайын асқа тік қасық” болып, әншінің еңбегін тегін пайдаланып жүргендер жетерлік екен.

Жазира Байырбекованың орындауындағы әндердің басым бөлігі тойға арналып жазылған. Әнші тұсаукесерден бастап, қыздарды құтты орнына қондыруға атсалысуға қашан да дайын! Алайда “дайын асқа тік қасық” болып, әншінің еңбегін тегін пайдаланып жүргендер жетерлік екен. Бұл туралы Жазира Байырбекованың өзі айтып берді, деп хабарлайды Stan.kz ақпараттық агенттігі.

Подробности
Категория: Бүгін

Ақпаратты тез табу үшін мына тәсілдерді қолданған дұрыс. Сол кезде іздеген ақпаратыңыз бірден табылады. 

Нақты сөздерді іздеу

Сөздерді не сөйлемді іздеу жүйесіне жазған кезде бір сөзін ұмытып қалатын кездер болады. Мысалы, әннің мәтінін іздеген кезде бір ғана сөзін білеміз делік. Мұндай жағдайда сол сөзді тырнақшамен жазу керек. Сол сәтте сізге іздеген ақпаратыңыз шығады.

Подробности
Категория: Сырласу

   Жасырын болсыншы. Сəлеметсіздер ме? Мен ер адаммын жасым 25те. Сіздерге басымдағы қайғымен бөліскім келеді. Мен 19 жасымда үйлендім. Содан 6 жылдан аса уақыт өтті ,баламыз болмады. Əйелім 2 рет түсіріп алды.3-шісінде қатты таксикоз болып тамақ іше алмай ,почкасы тоқтап қалып комаға түсті .10 күндей комада болды. Содан реанимацияда 3 айдай жатты жүре алмай. Үйге шыққасында 6 айдай жүре алмады. Содан бері 3 жыл өтті. Стрестен етеккірде тоқтап қалды. Енді іштей өзін- өзі жеп келеді.Баласыз маған да оңай емес.

Подробности
Категория: Поэзия

Мейрамбек Әміртай

 

Баласымын шопанның атқа мінген,

Бірақ шорқақ емеспін хатқа мүлдем.

Мен шынайы тырысам түсінуге,

Тіршілікті, тіріні бақта жүрген.

Подробности
Категория: Керек кеңес

 Өзара келісе алмай ұрысып қалған ерлі-зайыптылар міндетті түрде екі бөлек бөлмеге барып түнейтіні құпия емес. Алайда мамандардың айтуынша, күйеуін басқа бөлмеге қуып жіберетін әйелдер бұл қылығымен үлкен қателікке бой алдырады деп хабарлайды comode.kz. 

Психологтар ұрыстан кейін күйеуінен бөлек ұйықтайтын әйелдер бұл әрекетімен ажырасуға бір қадам жақын түседі деген пікірді ұстанады.

Подробности
Категория: Тылсым дүние

Бір кездері мен жұмыс таппай қиналып жүрген кезімде көршім Митя ағай мені өзі істейтін мәйітханаға күзетші етіп орналастырған еді. Алғашында үйрену қиындау болды, әрине. Дегенмен адам нан табу керек болған соң бәріне төзеді екен.

Мәйтхананың қолқа қаптырар иісі, жантүршігерлік жағдайда қайтыс болған адамдардың мүрдесі күндіз күлкіден, түнде ұйқыдан айырды. Бірақ уақыт өте келе кеудемдегі қорқыныш басылып, күнделікті жұмысыма үйреніп кеттім.

Подробности
Категория: Даңқ пен Дақпырт

Телевизия маманы, журналист Айнұр Қалдарбекова - Қазақстан ұлттық арнасының ұсақталып бара жатқанын айтты.

“Бүгін таңертеңгісін әдеттегідей балаларды мектеп, балабақшаларына апарып тастап кеп, үйреншікті ұлттық арнамызды қосып қойдық. Болып жатқан – ” Таңшолпан Бағдарламасы”! Астанадан тікелей эфир жүріп жатыр. Кезек Алматы студиясына берілді. Жұлдызды жаңалықтар айдары болса керек, журналист соңғы жаңалықтардан хабар беріп жатыр.
Гүлнұрдың бауырсақ пісіргені және оның “тың” идея екенін айтып келіп, әңгімені Тұрсынбектің Мөлдірімен өрбітті.

Подробности
Категория: Мырс етер

Салтанат Абылбекова

  Шашын духовкаға тығып алған секілді сап-сарыға бояп алған. Сары болғанда да жағымсыз сары. Өзі де сары, көзі де сары, Сарыларды сол сары қыздан кейін ұнатпай кеттім білем. Қайда жүрсем де, алдыма түсіп алып, жоқ жерден киліге кететін жағымсыз қыз еді өзі. Мұрын симайтын тесікке басын тығып әуреленетін де жататын.

Подробности
Категория: Мырс етер

Салтанат Абылбекова

 Бір қазақ келіп, 
-Женщина немесе девушка деп жөн сұрап жатса, сөзін соңына дейін тыңдамастан, 
-қап-қара орысты қайдан көрдің деп "шап" ете қалатын жаман мінезім бар.
Әлгің қорыққанынан, екі көзі алақандай болып, қолын көкірегіне қойып, 
,-ой тоба! қандай-қандай қызсыз-деп қазақша сөйлеп кеткенін байқамай қалады.
  1. Оқудан шығып қалған студент өз үйінде асылып өлген 
  2. Ағам жынның қызына ғашық болған екен…
  3. Бүгін Ұлы Жеңіске 73 жыл
  4. ГАЛОШ