Ақтөбе облысында ұйымдасқан қылмысқа қарсы күрес басқармасы мен Ұлттық қауіпсіздік комитеті департаментінің қызметкерлері бірлесіп, 2 миллион теңге көлемінде ақша бопсалаған күдікті топты ұстады.

Тергеп-тексеру барысында күдіктілер жәбірленушінің көлігін тартып алып, оны қайтару үшін 2 миллион теңге талап еткен.

Жәбірленушіден ақша алып жатқан сәтінде күдіктілер қолға түсті. Оқиға орнында барлығы 15 адам ішкі істер органдарына жеткізілді, олардың екеуі уақытша ұстау изоляторына қамалды. Тінту кезінде күдіктілерден газ тапаншасы, бірнеше патрон, жиналмалы пышақ және ақша тәркіленді.

Қазіргі уақытта жедел-тергеу іс-шаралары жүргізілуде.

Дереккөз: ҚазАқпарат