Подробности: Категория: Елең еткізер; Опубликовано: 01 декабря 2018

Елбасының батасын алған Абылай Сатылхан қазір Назарбаев университетінде «саясаттану және халықаралық қатынастар» мамандығы бойынша білім алып жатыр.

Астанада Назарбаев зияткерлік мектептерінің он жылдығына орай өткен форумда Қазақстан президенті 17 жыл бұрын тұсауын кескен студент Абылай Сатылханмен кездесті.

Подробности: Категория: Елең еткізер; Опубликовано: 29 ноября 2018

Ақтаулық полицейлер қоқыс арасынан өлі күйінде табылған шақалақтың анасын іздестіріп жатыр. Естіген жанды бей-жай қалдырмайтын жантүршігерлік оқиғаға қаладан 20 шақырым қашықтықта орналасқан күл-қоқыс полигонының қызметкерлері куә болып, тиісті орындарға хабар берген еді.

Арнайы көліктің жүргізушісі Бердәулет Кемалов қаладағы қоқыс контейнерлеріндегі тұрмыстық қалдықтарды әдеттегісінше тиеп, қала сыртына әкеп төккен.

Подробности: Категория: Елең еткізер; Опубликовано: 28 ноября 2018

22-26 қараша аралығында Қазақстан, Өзбекстан, Тәжікстан және Қырғызстанда адам саудасына қатысты жаппай рейдттік шаралар жүргізілді.

Бұл туралы ҚР ішкі істер министрлігінің баспасөз қызметі хабарлайды. Тескеріс барысында әйел адамның өз баласын сатқаны белгілі болды.

«Атырау облысында полиция қызметкерлері өз баласын 5 мың долларға сатқан 32 жастағы әйелді ұстады. Оқиғаға қатысты кәмелет жасқа толмаған адамды сату бойынша сотқа дейінгі тергеу басталды», - деп хабарлайды ҚР ішкі істер министрлігінің баспасөз қызметі.

Подробности: Категория: Елең еткізер; Опубликовано: 25 ноября 2018

Маңғыстауда автобус түйеге соғылып бір адам қаза тапты.

Жануар машинаның ішіне бір-ақ кіріп, 19 жастағы жолаушыны басып қалған
Қайғылы жағдай Ақтау-Жетібай тас жолында болған.

Қатты жүйіткіген техника жол үстіндегі Ойсыл қара тұқымын оңдырмай қаққан. Қатты соққыдан шағын автобустың алдынан кірген түйе, орындықтарды жапыра артқы жағына кептеліп қалған.Сол кезде салондағы жас жігіт бастырылып өлген. Көлік жүргізушісі мен қаза болған жігіттің анасы да ауруханаға жеткізілді.

Жеңіл жарақат алған ер адам үйіне қайтарылса, әйел емдеу мекемесінде жатыр. Қазір апатқа себеп болған түйенің иесі іздестірілуде.

Дереккөз: 365info.kz

Подробности: Категория: Елең еткізер; Опубликовано: 23 ноября 2018

Тәжікстан әлемнің 124 елі ішінде интернет жылдамдығы ең нашар ел болып танылды.

Ookla компаниясы әзірлеген Speedtest Global Index рейтингісі бойынша, Тәжікстан ең соңғы тізімде, - деп жазады Сentralasian.org.

Рейтингте Тәжікстан Ауғанстан, Ирак, Алжир және Венесуэла елдері қатарында. Орталық Азия елдері ішінде мобилді интернет жылдамдығы жағынан Қазақстан - 74, Қырғызстан - 94 және Өзбекстан 110-орында.

Сонымен бірге желілік интернет жылдамдығы бойынша да рейтинг жасалынған. Бұл тізімде Тәжікстан жоқ. Қазақстан мұнда 58-орында болса, Қырғызстан - 79, ал Өзбекстан 112- позицияға түсіп қалған. Екі апта бұрын Тәжікстанда Facebook, Одноклассники әлеуметтік желілері мен Youtube порталы бұғатталған.

Билік сонымен бірге Viber, What's App және Telegram хат алмасу құралына шектеу қойған. Тәжікстанда биыл "Терроризммен күрес жөнінде" заң жобасы қабылданды. Заңға сәйкес, құқық қорғау органдары өкілдеріне телефон байланыстарын, интернетті шектеуге құзырет берілді.

ktk.kz