Талғарда баласын құтқармақ болған әйел суға кетті: бала әлі іздестіріліп жатыр

el24.kz Алматы облысы, Талғар қаласында 44 жастағы әйел өзенге құлап кеткен 10 жасар ұлын құтқармақ болып, ағысқа түсіп кетіп көз жұмды. Бала әлі табылған жоқ.

Қайғылы оқиға 21 маусым күні Талғар өзенінің бойында болған. Ресми мәліметке сәйкес, 10 жасар бала өзен жағасында суретке түспек болып жүргенде, аяғы тайып суға құлап кеткен.

Осыны көрген анасы еш ойланбастан суға секіріп, баласын аман алып қалуға тырысқан. Өкінішке қарай, қатты ағыспен күрескен әйелдің өзі судан шыға алмай, мерт болды.

Марқұм 44 жаста болған. Оның денесі құтқарушылар тарапынан оқиға орнынан біраз төмен жерден табылды. Жерлеу рәсімі жақын туыстарының қатысуымен өткізілді. Ал ұлы – әлі із-түссіз. Құтқару және іздестіру жұмыстары тоқтаусыз жүргізіліп келеді.

Республикалық жедел-құтқару жасағының бастығы іздестіру жұмыстарының барысы туралы былай деді:

"Құтқарушылар ештеңеге қарамай жұмыс істеп жатыр. Таңғы 4-тен түнгі 12-ге дейін су жағасын қарап, тоқтамай іздестіріп келеміз. Жағдай өте ауыр, бірақ біз үміт үзбей жұмыс істеп жатырмыз", – деді ол.

Талғар аудандық ТЖБ басшылығы да өзен бойы, каналдар мен су тарамдарының түгелдей тексеріліп жатқанын мәлімдеді. Арнайы сүңгуірлер тобы, дрондар мен техника іске қосылған.

Оқиға қоғамды елең еткізді. Әлеуметтік желі қолданушылары отбасыға көңіл айтып, баланың аман табылуын тілеп отыр.

Қыркүйектен бастап мобильді аударымдар қатаң тексеріледі: жаңа ереже күшіне енеді

el24.kz Қазақстанда 2025 жылдың 1 қыркүйегінен бастап мобильді аударымдарға қатысты жаңа салықтық бақылау ережелері күшіне енеді.

Бұл өзгерістер көлеңкелі экономикамен күресуді және тіркелмеген кәсіпкерлікті анықтауды мақсат етеді.

Қаржы министрлігінің ресми мәліметінше, жаңа талаптар жеке тұлғалардың атына келіп түсетін жүйелі мобильді аударымдарды сараптауға мүмкіндік береді. Егер белгілі бір шектерден асса, салық органдары кәсіпкерлік қызметтің белгісі ретінде қарап, тексеру жүргізе алады.

Қандай жағдайда тексеріледі?

Жаңа ережеге сәйкес, егер бір адамға қатысты келесі екі шарт орындалса:

Бір ай ішінде 100 және одан да көп әртүрлі адамнан мобильді аударым келіп түссе;
Үш ай қатарынан аударымдардың жалпы сомасы 12 ең төменгі жалақыдан (МЗП) асып кетсе
(2025 жылғы есеппен бұл шамамен 1 020 000 теңге),

онда бұл операциялар кәсіпкерлік қызметтің белгісі ретінде қаралып, салық органдары бақылауына алынады.

Кімдерге қатысты емес?

Қаржы министрлігі бұл талаптар:

Жалақы, зейнетақы, шәкіртақы;
Әлеуметтік жәрдемақылар;
Несие немесе депозитке қатысты жеке аударымдарға
қатысты қолданылмайтынын нақты атап өтті.

Сонымен қатар достар мен туыстар арасындағы қарапайым аударымдар да бақылау шегінен тыс қалады.

Кәсіпкерлер не істеуі керек?

Жаңа ереже бойынша табыс тауып жүрген азаматтарға:

ЖК (жеке кәсіпкер) ретінде тіркелу;
Сауда жасағанда POS-терминал немесе QR арқылы төлем қабылдау;
Төлем үшін фискалдық чек беру міндеттеледі.

Қаржы министрлігі бұл талаптардың тіркелмеген кәсіпкерлікпен айналысатындар үшін ғана енгізілгенін және қарапайым азаматтардың құқықтарын шектемейтінін мәлімдеді.

Жаңа тәртіп қашан күшіне енеді?

2025 жылғы 1 қыркүйектен бастап.

Осы күннен кейін жоғарыда көрсетілген талаптарға сай мобильді аударымдар күшейтілген салықтық бақылауға ілігеді.

Қыркүйектен бастап мобильді төлемдерге қатысты талаптар нақтылай түседі. Кәсіпкерлікпен айналысып, бірақ тіркелмеген тұлғалар үшін бұл – заң алдында жауапкершілікке тартылмаудың бір жолы. Ал қарапайым азаматтар үшін алаңдауға негіз жоқ.

Қазақстанда құрастырылған Samsung тұрмыстық техникасы тамызда саудаға шығады

el24.kz 2025 жылдың тамыз айынан бастап Қазақстанда құрастырылған Samsung маркалы тұрмыстық техника ресми түрде сатылымға шығарылады. Бұл туралы ҚР Өнеркәсіп және құрылыс министрі Қанат Шарлапаев мәлімдеді,-деп хабарлайды el24.kz тілшісі.

Отандық өнім Қарағанды облысының Саран қаласында орналасқан Silk Road Electronics зауытында құрастырылады. Министрдің айтуынша, өндіріс қуаттылығы жылына 400 мың данаға дейін жетеді. Алғашқы кезеңде зауытта Samsung теледидарлары мен кір жуғыш машиналары шығарылмақ.

«Silk Road Electronics кәсіпорнында Artel және Samsung брендтерінің тұрмыстық техникасы өндіріледі. Бұл жоба ішкі нарықты сапалы әрі қолжетімді өніммен қамтамасыз етуге бағытталған. Сонымен қатар логистикалық шығындарды азайту арқылы бағаларға да оң әсер етеді», – деді министр Мәжіліс отырысында сөйлеген сөзінде.

Аталған жобаға шамамен 12 миллиард теңге көлемінде инвестиция тартылған. Бұл қаражат жеке қаржы есебінен салынған. Samsung Electronics компаниясы жобаның тікелей серіктесі ретінде қатысып отыр.

Бұған дейін аталмыш зауытта Artel брендінің техникалары ғана құрастырылып келген еді. Ал 2025 жылдың екінші тоқсанында Қазақстанда жасалған алғашқы Samsung теледидарлары саудаға шықты. Енді тамыз айынан бастап тұрмыстық техниканың кең ассортименті ел дүкендерінде қолжетімді болмақ.

Samsung-тың Қазақстандағы өндірісі ішкі нарықты қамтамасыз етіп қана қоймай, болашақта экспорт әлеуетін де арттыруға жол ашпақ. Сонымен қатар жоба аясында жергілікті кадрлар оқытылып, жаңа жұмыс орындары құрылады.

Жаңа ереже: көлік терезесінен қол шығаруға болмайды

el24.kz 2025 жылғы 13 наурыздан бастап Қазақстанда көлік салонынан дене мүшесін (қол, бас, аяқ және т.б.) терезе немесе люк арқылы шығаруға ресми түрде тыйым салынды. Бұл талап Жол қозғалысы ережелеріне енгізілген жаңа түзетулер аясында күшіне енді,-деп хабарлайды el24.kz тілшісі.

Ішкі істер министрлігінің мәліметінше, бұл норма жолаушылар мен жүргізушілердің қауіпсіздігін қамтамасыз етуге бағытталған. Терезеден қол немесе басқа дене мүшесін шығару жол-көлік оқиғаларына немесе ауыр жарақаттарға алып келуі мүмкін.

Жаңа ереженің мәні қандай?

Әкімшілік құқықбұзушылық туралы кодекстің 593-бабы 1-2-бөліміне сәйкес, көлік ішінде отырған адамның терезеден немесе люктен дене мүшесін шығаруы – заңбұзушылық болып есептеледі.

Айыппұл мөлшері

Мұндай ереже бұзған жағдайда жүргізушіге 10 айлық есептік көрсеткіш көлемінде (2025 жылғы есеп бойынша 39 300 теңге) айыппұл салынады.

Жауапкершілік жолаушыда ма, жүргізушіде ме?

Заңнамаға сәйкес, жауапкершілік тек жүргізушіге жүктеледі. Себебі жүргізуші көліктегі тәртіп пен қауіпсіздікке толықтай жауап береді.

Қалай бақыланады?

Ереженің сақталуын жол патрульдік қызметі және бейнебақылау жүйелері арқылы ІІМ бақылайды.

Ескерту: Жаңа талаптар әлеуметтік желілерде жиі кездесетін қауіпсіздікке қайшы әрекеттердің алдын алу үшін қабылданды. Бұл әсіресе терезеден селфи жасайтын немесе видео түсіретін жастарға қатысты.

Алматыда 29 жастағы қыз 7-қабаттан құлап қаза тапты

el24.kz Алматыда 29 жастағы бойжеткен туған күн кешінде қаза тапты. Қайғылы жағдай 24 маусымға қараған түні қаладағы көпқабатты тұрғын үйлердің бірінде, тәуліктік жалға берілетін пәтерде болған.

Оқиғаға куә болған көрші-қолаңның айтуынша, 29 жастағы қыз құрбыларымен бірге тәуліктеп жалға берілетін пәтерге келген. Олар мұнда туған күн тойлаған көрінеді. Қыздар түнімен шулап, көршілеріне ұйқы бермепті. Ал таңғы сағат сегіз шамасында қыз жылаған күйі балконның жақтауына шыққан. Төменгі қабаттағы тұрғындар 102-ге хабарласыпты. Полицейлер дереу жетіп, қызды бұл ойынан айнытуға тырысады. Бірақ ол ешкімге құлақ аспапты. Марқұмның мәйіті подьездің дәл алдына түскен.

Алматы қалалық Полиция департаменті бұл дерек бойынша Қылмыстық кодекстің 105-бабы 1-бөлігі ("Өзін-өзі өлтіруге дейін жеткізу") бойынша сотқа дейінгі тергеу басталғанын хабарлады. Оқиғаға қатысы бар адамдардан жауап алынуда, сараптамалар тағайындалған.

Оқиғаның нақты себептері тергеу нәтижесінде белгілі болады.

Ақтауда заңсыз лотерея ұйымдастырған блогерлер тергеуге алынды

фото видеодан скриншот

el24.kz Қаржы мониторингі агенттігінің Маңғыстау облысы бойынша департаменті Ақтау қаласында тіркелген ерлі-зайыпты блогерлерге қатысты заңсыз кәсіпкерлік қызмет фактісі бойынша сотқа дейінгі тергеу жүргізіп жатыр. Бұл туралы агенттік 19 маусымда ресми хабарлады,-деп жазады el24.kz тілшісі.

Ресми мәліметке сүйенсек, олар әлеуметтік желілерде тіркелмеген лотерея операторы ретінде әрекет етіп, автокөлік, пәтер және басқа да бағалы сыйлықтарды ұтысқа қойған. Ұтысқа қатысу үшін 500-ден 50 000 теңгеге дейінгі билеттер сатылған. Тергеу барысында шамамен 1 800-ден астам азаматтың қатысқаны анықталды.

Агенттік бұл лотерея ұйымдастырушыларының рұқсатсыз әрекет еткені, яғни заңды кәсіпкерлік субъектісі ретінде тіркелмегені және тиісті салық төлемегені жайлы мәлім етті. Алдын ала есеп бойынша заңсыз табыс көлемі 162 миллион теңгеден асады.

Күдіктілердің аты-жөні ресми түрде жарияланбағанымен, ақпарат құралдарының мәліметінше, бұл іс бойынша танымал әнші Абай Бегейдің қызы мен күйеу баласы тергеліп жатыр деген ақпарат тарады. Алайда бұл мәліметтер ҚМА тарапынан әзірге расталмады.

Қазіргі таңда тергеу аясында ерлі-зайыптының банктік шоттарына және жылжымайтын мүліктеріне тыйым салынған. Сотқа дейінгі тергеу жалғасып жатыр. ҚР Қылмыстық-процестік кодексінің 201-бабына сәйкес, тергеу мүддесіне орай өзге ақпарат жария етілмейді.

Ескерту:

Қазақстан заңнамасына сәйкес, лотерея қызметі арнайы лицензия негізінде ғана жүзеге асырылады. Тіркелмеген операторлар арқылы ұйымдастырылған ұтыс ойындарына қатысу азаматтарды алдауға, қаржы шығынына немесе құқықтық жауапкершілікке алып келуі мүмкін.

Талғарда баласын құтқармақ болған әйел суға кетті: бала әлі іздестіріліп жатыр

Подробности: Категория: Елең еткізер; Опубликовано: 25 июня 2025

Алматыда 29 жастағы қыз 7-қабаттан құлап қаза тапты

Подробности: Категория: Елең еткізер; Опубликовано: 25 июня 2025

Қыркүйектен бастап мобильді аударымдар қатаң тексеріледі: жаңа ереже күшіне енеді

Подробности: Категория: Дауыс беру; Опубликовано: 25 июня 2025

Бұл өзгерістер көлеңкелі экономикамен күресуді және тіркелмеген кәсіпкерлікті анықтауды мақсат етеді.

Павлодарда өгей қызын ұзақ уақыт бойы қорлаған ер адам 15 жылға сотталды

Подробности: Категория: Елең еткізер; Опубликовано: 22 июня 2025

el24.kz Павлодарда өгей қызын бірнеше жыл бойы қорлап келген 43 жастағы азаматқа қатысты сот үкімі шықты.

Ол 15 жылға бас бостандығынан айырылды. Қылмыстық іс жабық түрде қаралды. Қыз баланың анасының шағымынан кейін іс қайта қозғалып, тергеу нәтижесінде айыпталушы кінәсін мойындады.

Егіз тұмар

Подробности: Категория: Тылсым дүние; Опубликовано: 22 июня 2025

Қойшыбек Мүбарак

el24.kz Қаладан кеше келгем. Осы ауылда анау алыстағы қалада оқып жатқан жалғыз менмін. Туыс-туған, көрші-қолаңның барлығы менен сарқыт дәметеді…

Шамамша қалтамдағы қалған соңғы жармағыма дейін қаланың неше түрлі тәтті-дәруменін ала келетін әдетім… Биыл ерте қайтам деп хат жазып жібергем… Қайтатын қаржыны Есен ағам салып жіберіпті.

Ақтауда заңсыз лотерея ұйымдастырған блогерлер тергеуге алынды

Подробности: Категория: Бүгін; Опубликовано: 19 июня 2025

фото видеодан скриншот

Жаңа ереже: көлік терезесінен қол шығаруға болмайды

Подробности: Категория: Елең еткізер; Опубликовано: 19 июня 2025

Қазақстанда құрастырылған Samsung тұрмыстық техникасы тамызда саудаға шығады

Подробности: Категория: Бүгін; Опубликовано: 19 июня 2025

Үндістандағы ұшақ апатынан жалғыз аман қалған адам – Вишваш Кумардың өмір үшін күресі

Подробности: Категория: Жаңалықтар; Опубликовано: 16 июня 2025

el24.kz Үндістан, 12 маусым. Air India әуе компаниясына тиесілі AI-171 рейсі Ахмедабад қаласынан Лондонға бағыт алған бойда, әуеге көтерілгеннен кейін 30 секундтан соң тұрғын аудандағы дәрігерлер жатақханасына құлап, алапат апатқа ұшырады. Boeing 787–8 Dreamliner ұшағы бортында 242 адам болған. Бұл – соңғы жылдардағы ең ірі авиациялық трагедиялардың бірі.

Қазақстанда АЭС салады: «Росатом» ресми түрде бас мердігер атанды

Подробности: Категория: Елең еткізер; Опубликовано: 16 июня 2025

el24.kz Қазақстанда алғашқы атом электр станциясын салу жобасы нақты кезеңге өтті. Үкіметаралық келіссөздер нәтижесінде ресейлік «Росатом» мемлекеттік корпорациясы АЭС салу бойынша ресми түрде бас мердігер ретінде таңдалды. Бұл туралы 14 маусым күні бірнеше халықаралық ақпарат агенттіктері мен ҚР Атом энергиясы агенттігі растаған ресми мәліметтерге сілтеме жасады.

Шерзат Полат ісі: сот отырысының онлайн-трансляциясын 40-тан астам ел көрген

Подробности: Категория: Бүгін; Опубликовано: 10 июня 2025

Өткен бейсенбіде марқұм Шерзат Полаттың өліміне қатысты іс бойынша сот үкімі жарияланды.

Бұл сот процесін онлайн-трансляциялау тобының жетекшісі Перизат Сәдуақас-Хайруллина екі айға созылған жұмыстың қорытындысын жариялады,-деп хабарлайды el24.kz тілшісі Anyqtime.kz.ке сілтеме жасап.

Айдаладағы кездесу(әңгіме)

Подробности: Категория: Проза; Опубликовано: 10 июня 2025

Жадыра Шамұратова

Таксист жігіттің тікірейген кірпішашы, етегі делдие біткен пұшықтау мұрны Қанатқа біртүрлі таныс сияқты көрінді де, қайдан көрдім деп ойлануға ерініп, құлағындағы музыкасына елтіген күйі артқы орындыққа жайғасты. Алда ақ шашты қарияның «ия, бисмилла, жол бере гөр, тәңірім» деген даусы со күйі музыканың астында көміліп қалды.

Ақтау теңіз портының президенті мұнай контрабандасына қатысты ұсталды

Подробности: Категория: Елең еткізер; Опубликовано: 05 июня 2025

el24.kz Ақтау, 2025 жыл — Ақтаудағы халықаралық теңіз сауда портының президенті Абай Түрікпенбаев құқық қорғау органдарының күдігіне ілініп,бір апта бұрын ұсталды деген ақпарат тараған болатын.Бұл ақпаратты ҚР Ұлттық қауіпсіздік комитеті ресми түрде растады.

Жаңа туған сәбиді сатпақ болған топ ұсталды

Подробности: Категория: Бүгін; Опубликовано: 05 июня 2025

el24.kz Алматыда үш күндік нәрестені сатуға әрекет жасаған қылмыстық топ ұсталды. Бұл туралы қалалық Полиция департаменті мен Ұлттық қауіпсіздік комитеті бірлесіп хабарлады-деп жазады el24.kz тілшісі.