Қазақстанда шетелден жұмыртқа әкелуге уақытша тыйым салынды

 

    el24.kz Қазақстанда шетелден жұмыртқа импорттауға уақытша тыйым салынды. Осыған байланысты алдағы уақытта дүкен сөрелерінен шетелдік жұмыртқаны кездестірмейміз. Бұл шешім отандық құс фабрикалары ел ішіндегі сұранысты толық қамтамасыз ете алатынына байланысты қабылданды.

Ауыл шаруашылығы министрлігінің мәліметінше, тиісті бұйрыққа министр қол қойған. Құжатқа сәйкес, жұмыртқа импортына енгізілген шектеу әзірге бір ай мерзімге белгіленіп отыр. Тыйым Еуразиялық экономикалық одақ елдерін қоса алғанда, барлық мемлекеттерге қатысты. Жұмыртқаны Қазақстан аумағынан тек транзиттік тасымал ретінде өткізуге ғана рұқсат етіледі.

Министрлік бұл шешімді отандық тауар өндірушілерді қолдау қажеттілігімен түсіндірді. Себебі сырттан әкелінетін жұмыртқа қазақстандық құс фабрикаларының өндірістік қарқынын төмендетіп, олардың толық қуатта жұмыс істеуіне кедергі келтіріп келген.

ҚР Ауыл шаруашылығы вице-министрі Аманғали Бердалиннің айтуынша, елімізде құс шаруашылығы бағытында жұмыс істейтін 37 фабрика бар.

«Бұл фабрикалар белгілі бір көлемде ғана емес, тіпті өз қуатынан да көп жұмыртқа өндіруге қауқарлы. Алайда қазіргі таңда мүмкіндіктеріне қарағанда аз өндіріп отыр. Импортты шектеу отандық ауыл шаруашылығы тауар өндірушілеріне өндіріс көлемін арттыруға мүмкіндік береді. Бүгінде біз өзімізді жұмыртқамен 100 пайыз қамтамасыз етіп отырмыз», – деді вице-министр.

Ауыл шаруашылығы министрлігінің мәліметінше, аталған шара ішкі нарықтағы тұрақтылықты сақтауға, отандық өнім үлесін арттыруға және құс шаруашылығы кәсіпорындарының экономикалық жағдайын жақсартуға бағытталған.

 

«Жеті күн емес». Қазақстанда ақылы жолды 30 күн ішінде төлеуге болады

 

   el24.kz Қазақстанда ақылы автожолдарда жолақы төлеу тәртібі жеңілдетіледі. Жаңа ережеге сәйкес, жүргізушілер енді ақылы жолмен жүргені үшін төлемді бұрынғыдай 7 күннің ішінде емес, 30 күн ішінде жүзеге асыра алады.

Бұған дейін белгіленген мерзімде жолақы төленбесе, материалдар тиісті уәкілетті органдарға жолданып, жүргізуші әкімшілік жауапкершілікке тартылатын.

Ал жаңа тәртіп бойынша жеке тұлғаларға жолақыны пайдаланған күннен бастап 30 күнтізбелік күн ішінде төлеуге мүмкіндік беріледі. Тек осы мерзім өткеннен кейін ғана әкімшілік шаралар қолданылуы мүмкін.

Мамандардың айтуынша, бұл өзгеріс төлем жүйесін барынша ыңғайлы етуге және техникалық немесе өзге де себептермен төлемді дер кезінде жасай алмаған жүргізушілердің санын азайтуға бағытталған.

Сонымен қатар заңды тұлғалар үшін де төлем жасау тәртібі нақтыланған. Егер жолақы белгіленген мерзімде төленбесе, материалдар уәкілетті органдарға жолданады.

Айта кетейік, ақылы жолдарда төлем жасау электронды жүйе арқылы, мобильді қосымшалар мен банк сервистері арқылы жүзеге асырылады. Жауапты мекемелер жүргізушілерді жолақыны белгіленген 30 күндік мерзімде төлеуге шақырады.

Жол жабылғаны туралы ескертуді елемеген жүргізушілерге 118 мың теңге айыппұл салынады

 

     el24.kz Енді қысқы кезеңде жол жабылғаны туралы хабарламаны елемей, тыйым салынған уақытта жолға шыққан жүргізушілер әкімшілік жауапкершілікке тартылады. Қолданыстағы ережеге сәйкес, жолдың жабылғаны жөніндегі ресми ескертуді назарға алмаған азаматтарға 118 мың теңге көлемінде айыппұл салу көзделген.

Бұл жаза жол қозғалысы ережесін алғаш рет бұзғандарға қатысты қолданылады. Ал ереже талаптарын қайтадан бұзған жағдайда, жүргізушіге 15-тен 20 тәулікке дейін әкімшілік қамауға алу шарасы қарастырылған.

Алайда кейбір жүргізушілер жабық жолға шыққан сәтте байланыс аймағынан тыс жерде болғанын немесе ұялы телефон қуатының таусылуына байланысты шектеу туралы хабарламаны көрмегенін алға тартады. Мұндай жағдайларда уәкілетті органдар жол қозғалысы ережесінің нақты қай уақытта және қандай жағдайда бұзылғанын жан-жақты тексеріп, соның негізінде шешім қабылдайды.

Төтенше жағдайларды жою департаментінің бас маманы Магомед Ахриевтің айтуынша, жол ережесін қайталап бұзу фактілері Әкімшілік құқық бұзушылық туралы кодекстің 667-бабына сәйкес қаралады.

— Құқықбұзу қайталанған жағдайда әкімшілік қамауға алу шарасы қолданылуы мүмкін. Мұндай істерді негізінен полиция органдары қарайды. Қазіргі таңда нақты статистикалық мәліметтер толық емес, дегенмен бұл әрекет үшін әкімшілік жауапкершілік бар екенін атап өтеміз, — деді ол.

Мамандар жүргізушілерді қысқы жол жағдайында қауіпсіздік талаптарын қатаң сақтауға, сондай-ақ ресми хабарламалар мен ескертулерге мұқият болуға шақырады.

2026 жылға Жұлдызнама

 

   el24.kz 2026 жыл — Сатурн мен Юпитердің белсенді әсері күшейетін, жауапкершілік, тәртіп, өз-өзін дамыту және қаржылық тұрақтылық алдыңғы орынға шығатын жыл. Көп адам үшін бұл жыл — өсу, түзілу және жаңа өмір кезеңіне қадам басу жылы.

♈ Тоқты (Овен)

2026 жылы Тоқтылар жаңа бағыт іздейді. Көптен бері армандап жүрген істі бастауға қолайлы жыл.

  • Қаржы: Ірі табыс көздері ашылады.

  • Денсаулық: Энергия көп, бірақ күйзеліске абай болыңыз.

  • Махаббат: Жеке өмірде жаңа кезең, отбасылылар үшін түсіністік артады.

♉ Торпақ (Телец)

Бұл жыл Торпақтарға тұрақтылық пен материалдық береке әкеледі.

  • Қаржы: Жыл ортасында табыс еселенеді.

  • Жұмыс: Жаңа қызмет немесе мансаптық өсу.

  • Отбасы: Үй, жер, мүлікке қатысты жақсы жаңалықтар.

♊ Егіздер (Близнецы)

2026 — Егіздер үшін қарым-қатынастар жылы.

  • Жұмыс: Келісімшарттар, жаңа таныстықтар пайда әкеледі.

  • Қаржы: Ақша келеді, бірақ шығын да көп.

  • Денсаулық: Ұйқыға, жүйке жүйесіне көңіл бөліңіз.

♋ Шаян (Рак)

Шаяндар үшін 2026 — ішкі тыныштық пен жаңару жылы.

  • Отбасы: Отбасында үлкен қуаныш, туыстық байланыстар нығаяды.

  • Қаржы: Тұрақты, бірақ күтпеген шығын болуы мүмкін.

  • Денсаулық: Ас қорыту жүйесіне назар аударыңыз.

♌ Арыстан (Лев)

Арыстандар үшін бұл жыл — мақсатқа жету жылы.

  • Жұмыс: Мансаптың шарықтау шегі.

  • Қаржы: Үлкен келісім, табыстың көбеюі.

  • Махаббат: Көптен күткен тұрақтылық келеді.

♍ Бикеш (Дева)

2026 Бикештерді еңбек пен табыстың молымен қуантады.

  • Қаржы: Экономика жақсы, жинақ көбейеді.

  • Махаббат: Сезім қайта жанданады.

  • Денсаулық: Арқа, бел, жүйке жүйесіне абай болыңыз.

♎ Таразы (Весы)

Таразылар үшін жыл — тепе-теңдікті табу жылы.

  • Жұмыс: Жаңа серіктестік, шығармашылық жобалар.

  • Қаржы: Тұрақтылық орнайды, бұрынғы қарыздар жабылады.

  • Махаббат: Қарым-қатынаста түсіністік артады.

♏ Сарышаян (Скорпион)

2026 — үлкен өзгерістер жылы.

  • Қаржы: Үлкен жобалардан табыс көп.

  • Отбасы: Кейбір мәселелер шешімін табады.

  • Денсаулық: Иммунитетті күшейтіңіз.

♐ Мерген (Стрелец)

Мергендер үшін жаңа мүмкіндіктер көп.

  • Жұмыс: Шетел, оқу, жаңа тәжірибе.

  • Қаржы: Тұрақты, бірақ инвестицияға абай болыңыз.

  • Махаббат: Күтпеген таныстық.

♑ Тауешкі (Козерог)

2026 жыл Тауешкіге үлкен жетістік әкеледі.

  • Жұмыс: Көп жылғы еңбектің жемісі.

  • Қаржы: Табыстың күрт өсуі.

  • Отбасы: Үлкен қуаныш.

♒ Суқұйғыш (Водолей)

Бұл жыл Суқұйғыштар үшін жаңашылдық жылы.

  • Жұмыс: Технология, шығармашылық салаларда жарқырайсыз.

  • Қаржы: Капитал өседі.

  • Денсаулық: Жүрек пен қан қысымына назар аударыңыз.

♓ Балықтар (Рыбы)

2026 жылы Балықтар рухани өсу мен тыныштық табады.

  • Махаббат: Жаңа махаббат не қарым-қатынастың тереңдеуі.

  • Қаржы: Жақсы, бірақ жоспарлау керек.

  • Жұмыс: Жаңа бағыт бастайсыз.

Жұмыссыздар мемлекеттен әлеуметтік төлемді қалай ала алады?

 

 el24.kz  Қазақстанда жұмысынан айырылған азаматтар міндетті әлеуметтік сақтандыру жүйесіне қатысу өтілі мен соңғы табысына байланысты мемлекеттен әлеуметтік төлем алуға құқылы. Қолданыстағы заңнамаға сәйкес, жұмысынан айырылу бойынша төлем 1 айдан 6 айға дейінгі

мерзімге тағайындалады.

Әлеуметтік төлемнің мөлшері азаматтың соңғы 24 айдағы табысына байланысты есептеліп, бұрынғы кірістің 45 пайызына дейін болуы мүмкін. Төлем Мемлекеттік әлеуметтік сақтандыру қорының (МӘСҚ) қаражаты есебінен жүзеге асырылады.

Әлеуметтік төлем алу үшін азамат алдымен жұмыссыз мәртебесін рәсімдеуі қажет. Ол үшін келесі қадамдар орындалады:

  • eGov.kz порталында тіркелу;

  • «Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;

  • онлайн өтінімді толтырып, электронды цифрлық қолтаңба (ЭЦҚ) арқылы қол қою;

  • өтінімді жолдау.

Өтініш жіберілгеннен кейін бір жұмыс күні ішінде тұрғылықты жеріңіздегі мансап орталығы бос жұмыс орындарын ұсынады. Егер лайықты жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда мансап орталығының мамандары қосымша ақпарат алу үшін хабарласуы мүмкін.

Айта кетейік, бұл қызметті электронды еңбек биржасы арқылы онлайн режимде де рәсімдеуге болады.

Мамандар жұмысынан айырылған азаматтарды әлеуметтік төлем алу мүмкіндігін тиімді пайдаланып, ресми түрде тіркелуге шақырады.

 

Президент Қазақстан халқын Тәуелсіздік күнімен құттықтады

 

el24.kz  Мемлекет басшысы Қасым-Жомарт Тоқаев Қазақстан халқын Тәуелсіздік күнімен құттықтап, ел бірлігі мен тұрақтылықтың маңызын атап өтті. Президенттің айтуынша, бұл мереке – еліміз үшін тарихи мәні зор, тағдырлы күн.

Қасым-Жомарт Тоқаев Тәуелсіздік – халқымыздың ең қастерлі құндылығы екенін айтып, егемендікті нығайту жолында Қазақстанның елеулі жетістіктерге қол жеткізгенін атап өтті.

— Осы күні халқымыз Қазақстанды егемен ел ретінде дамыту жолында ерікті әрі түпкілікті таңдау жасады. Тәуелсіздік бәрінен қымбат. Біз бабалар рухына тағзым етіп, өскелең ұрпақ алдындағы тарихи жауапкершілікті терең сезіне отырып, осы ұстанымға адал боламыз. Азаматтарымыздың ырысты ынтымағының, өзара қолдауының, жасампаз еңбегінің және қоғамдағы тұрақтылық пен келісімнің арқасында Қазақстан Тәуелсіздікті нығайту ісінде айтарлықтай жетістіктерге жетті, — деді Президент.

Мемлекет басшысы қазіргі әлемде болып жатқан жылдам өзгерістерге тоқталып, жаңа тарихи кезең түрлі сын-қатерлермен қатар, тың мүмкіндіктерге де жол ашып отырғанын атап өтті. Осы орайда ел бірлігін сақтау аса маңызды екенін айтты.

— Мұндай жағдайда біз жас әрі озық ойлы ұлт ретінде болашаққа зор үмітпен және нық сеніммен қарап, берекелі бірлігімізді сақтауға тиіспіз, — деді Қасым-Жомарт Тоқаев.

Сонымен қатар Президент еліміздің жаһандық деңгейдегі беделі мен бәсекеге қабілеттілігін арттыру үшін аянбай еңбек ету қажет екенін жеткізді. Қазіргі таңда жүзеге асырылып жатқан ауқымды реформалар елдің жан-жақты жаңғыруына бағытталғанын айтты.

— Стратегиялық бағдарымыздан ауытқымай, Әділетті, Күшті, Таза және Қауіпсіз Қазақстанды құрамыз. Баршаңызға мол бақыт, бақ-береке және толағай табыс тілеймін. Қастерлі Тәуелсіздігіміз мәңгі болсын! — деді Мемлекет басшысы.

Подробности
Категория: Керек кеңес

Бүгінде қандай тағам болсын қара бұрышсыз елестету қиын. Ет, балық, қозықұйрық және көкөністерден дайындалған тағамдарға бұрышты дәмдеуіш ретінде міндетті түрде қосамыз.

Ұнтақталған қара бұрыштың көптеген емдік қасиеті де бар. Мәселен тәбетті ашады, кекіруді басады, қақырықты сұйылтады және қан айналымын жақсартады. Назарларыңызға ұнтақталған қара бұрыштың одан өзге де емдік қасиеттерін ұсынамыз.

Подробности
Категория: Елең еткізер

Нұр-Сұлтанда колледж студентін зорламақ болған күдікті ұсталды.

5 қыркүйек күні полиция бөлімшесіне белгісіз ер адам 17 жасар қызды зорламақ болғаны туралы хабарлама түскен. Студент қыз сағат 09.45-те інісін мектептен алуға барған. Мектептің жанында оған қарай алкогольдік ішімдік ішкен ер адам келген.

Подробности
Категория: Әлем жаңалықтары

Ульяновск қаласының соты балгер әйелді өлтірген жергілікті тұрғынға қатысты сот үкімін шығарды. 

Күдікті 8 жыл 6 айға бас бостандығынан айырылды, деп хабарлайды Ресейдің Ульяновск облысы бойынша тергеу комитетінің тергеу басқармасы.

Подробности
Категория: Сырласу

 

Ассаламағлейкум "Сырласу" ! 

Жасым 25 -те.Аты -жөнімді көрсетпей құпия түрде берсеңіздер екен.Тағдыр туғанан мені аямаған.Анам оң босағада отырып 16- жасында маған жүкті болып қалып, туғанша ішін байлап жүргендіктен іштен туа мүгедек болып дүниеге келіппін. 

Бірақ  әжемнің жігерінің мықтылығынан  өзі жоқта тапсырып тастаған балалар үйінен тауып алып, мені  асырап алыпты.ДЦП, көз қабілетінің нашар көруі  сияқты аурулардың бәрін шет елдерде қоймай жүріп емдетіп, өз еркімше сөйлей алатын, жүре алатын болдым.Қарым қабілетім де сау адамдардан кем емес. Ақыл ойым өте зерек.

Подробности
Категория: Әлем жаңалықтары

Сингапурда 27 жастағы жолаушы әуежайда тұтқынға алынды. Ол билет алып, бірақ ұшпай қалған.
Ол әуежайдың транзиттік аумағына кіріп, әйелімен қоштасу үшін билет алған.

Подробности
Категория: Егіз жүрек

Қазақстанда әйелдер саны ерлерге қарағанда 566,5 мың адамға артық.

 Статистика комитетінің мәліметтеріне сүйенсек, 1 шілде бойынша Қазақстанда 18 миллион 608 мың 942 адам тұрады: 8 970 681 — ер адам және 9 537 261 — әйел адам. Бұл туралы Tengrinews.kz хабарлайды.

Осылайша, әйелдер ерлерден 566 580 адамға немесе 6,3 пайызға артық.

Подробности
Категория: Әлем жаңалықтары

Тәжікстанда шекара бөлімшесінде әскери міндетін өтеп жүрген 21 жастағы Рамазон Ганиев үйіне бір аптаға барған кезде өзіне қол салып, көз жұмған. 
Жауынгердің не себептен мұндай қадамға барғаны тексеріліп жатыр.

Подробности
Категория: Әлем жаңалықтары

АҚШ-тың Техас штатында орналасқан Мидленд және Одесса қалаларында атыс болып, 5 адам көз жұмды, тағы 21-і жарақаттанды.

Техас штатының қоғамдық қауіпсіздік департаментінен мәлім еткендей, атыс жергілікті уақыт бойынша сағат 15:17-де басталған. Патрульдік-бекеттік қызметтің екі қызметкері жол ережесін бұзғаны үшін автокөлік жүргізушісін тоқтатқан.

Подробности
Категория: Керек кеңес

Жұлдыздардың сырын ұққан маманның айтуынша, күздің алғашқы айында оқиғалар өте көп болады. Халық өмірдің мұндай ырғағына үйрене алмай, тіршілік үшін күрес жүргізеді, деп хабарлайды  Sputniknews.kz   тілшісі.

Астролог қыркүйек айының 23 жұлдызына дейін болмашы дүниеге ашуланып, сыншыл болып кететінімізді айтады. Серіктестікке келген кезде әр қадамымызды аңдап басамыз. Сондай-ақ, сезімнің жетегіне ере қоюымыз да екіталай. Мұның орнына "Бұл қарым-қатынас маған не береді?" деп ойланумен боламыз.

Подробности
Категория: Сырласу

Сəлеметсіздер ме, әпке, жеңгелер, құрбы-құрдастар! Аты-жөнім құпия болсыншы. Құрметті оқырман, сіздерден ақыл кеңес сұрайын деген едім.

Мен тұрмыстағы келіншекпін, Аллаға шүкір бір ұлым бар, ал жолдасым өте керемет жан.

Подробности
Категория: Бүгін

 

 Атырау облысында «Батыс» Өңірлік қолбасшылығының әскери байланысшылары шартты қарулы қақтығыс жағдайында байланыс жүйесін орналастырды. Негізгі тапсырмалар байланысшылармен орындалды.

 Батыстағы байланыс әскерлерінің қолбасшылығы атап өткендей, жан-жақты дайындық байланыс бөлімшелері жеке құрамының іс-қимылдарын тексеруге жақсы мүмкіндік болып табылады. Оқу жаттығу жауынгерлік дайындықтың нағыз жағдайын және тапсырманың уақытылы орындау мерзімдерін көрсетті.

Подробности
Категория: Әлем жаңалықтары

АҚШ-та полицей тынысы тоқтап қалған бір жарым жасар сәбиді құтқарып қалды.

Оның сәбиді аман алып қалған сәті денесіне орнатылған камераға түсіп қалған. Оқиға 21 тамызда Скоттсвилл қалашығында болған. Полиция қызметкері Джеймс Тэлботт кішкентай Эйден Кингтің көгеріп, тұншыға бастағанын байқапты.

Подробности
Категория: Керек кеңес



Сәбіз: Тері қаттылығын қалыпты жағдайға түсіреді, сергек көрініс және түс береді. 

Қияр: Теріні ылғалдандырушы және майлылығын алушы қасиеттерге ие. 

Лимон: Микроптан тазалайды, теріні жиырады, күшейтеді және майлылығын алады. 

Подробности
Категория: Сырласу

Өз күйеуінен 12 жылдан бері бала сүйе алмаған келіншек мұңын шақты. Бір балаға зар болған әйел қазіргі таңда туған қайнысымен төсектес болып жүргенін жайып салды деп жазады KAZ.NUR.KZ.


Жасанды ұрықтандыруға қалтасы көтермейтінін айтқан келіншек өз басындағы жағдайды Otbasysyrlary парақшасында айтып берген.

  1. Атырауда ер адам көңілдесін бауыздап тастаған
  2. Ұшақ пен тікұшақ соқтығысып, 7 адам ажал құшты
  3. Қайным мен сіңілім бүлдірді...
  4. Түстерім өңіме айналады... Бәрі қорқынышты.