Талғарда баласын құтқармақ болған әйел суға кетті: бала әлі іздестіріліп жатыр

 

el24.kz Алматы облысы, Талғар қаласында 44 жастағы әйел өзенге құлап кеткен 10 жасар ұлын құтқармақ болып, ағысқа түсіп кетіп көз жұмды. Бала әлі табылған жоқ.

Қайғылы оқиға 21 маусым күні Талғар өзенінің бойында болған. Ресми мәліметке сәйкес, 10 жасар бала  өзен жағасында суретке түспек болып жүргенде, аяғы тайып суға құлап кеткен.

Осыны көрген анасы еш ойланбастан суға секіріп, баласын аман алып қалуға тырысқан. Өкінішке қарай, қатты ағыспен күрескен әйелдің өзі судан шыға алмай, мерт болды.

Марқұм 44 жаста болған. Оның денесі құтқарушылар тарапынан оқиға орнынан біраз төмен жерден табылды. Жерлеу рәсімі жақын туыстарының қатысуымен өткізілді. Ал ұлы – әлі із-түссіз. Құтқару және іздестіру жұмыстары тоқтаусыз жүргізіліп келеді.

Республикалық жедел-құтқару жасағының бастығы іздестіру жұмыстарының барысы туралы былай деді:

"Құтқарушылар ештеңеге қарамай жұмыс істеп жатыр. Таңғы 4-тен түнгі 12-ге дейін су жағасын қарап, тоқтамай іздестіріп келеміз. Жағдай өте ауыр, бірақ біз үміт үзбей жұмыс істеп жатырмыз", – деді ол.

Талғар аудандық ТЖБ басшылығы да өзен бойы, каналдар мен су тарамдарының түгелдей тексеріліп жатқанын мәлімдеді. Арнайы сүңгуірлер тобы, дрондар мен техника іске қосылған.

Оқиға қоғамды елең еткізді. Әлеуметтік желі қолданушылары отбасыға көңіл айтып, баланың аман табылуын тілеп отыр.

Қыркүйектен бастап мобильді аударымдар қатаң тексеріледі: жаңа ереже күшіне енеді

 

el24.kz Қазақстанда 2025 жылдың 1 қыркүйегінен бастап мобильді аударымдарға қатысты жаңа салықтық бақылау ережелері күшіне енеді.

Бұл өзгерістер көлеңкелі экономикамен күресуді және тіркелмеген кәсіпкерлікті анықтауды мақсат етеді.

Қаржы министрлігінің ресми мәліметінше, жаңа талаптар жеке тұлғалардың атына келіп түсетін жүйелі мобильді аударымдарды сараптауға мүмкіндік береді. Егер белгілі бір шектерден асса, салық органдары кәсіпкерлік қызметтің белгісі ретінде қарап, тексеру жүргізе алады.

 Қандай жағдайда тексеріледі?

Жаңа ережеге сәйкес, егер бір адамға қатысты келесі екі шарт орындалса:

  1. Бір ай ішінде 100 және одан да көп әртүрлі адамнан мобильді аударым келіп түссе;
  2. Үш ай қатарынан аударымдардың жалпы сомасы 12 ең төменгі жалақыдан (МЗП) асып кетсе
    (2025 жылғы есеппен бұл шамамен 1 020 000 теңге),

онда бұл операциялар кәсіпкерлік қызметтің белгісі ретінде қаралып, салық органдары бақылауына алынады.

 Кімдерге қатысты емес?

Қаржы министрлігі бұл талаптар:

  • Жалақы, зейнетақы, шәкіртақы;
  • Әлеуметтік жәрдемақылар;
  • Несие немесе депозитке қатысты жеке аударымдарға
    қатысты қолданылмайтынын нақты атап өтті.

Сонымен қатар достар мен туыстар арасындағы қарапайым аударымдар да бақылау шегінен тыс қалады.

 Кәсіпкерлер не істеуі керек?

Жаңа ереже бойынша табыс тауып жүрген азаматтарға:

  • ЖК (жеке кәсіпкер) ретінде тіркелу;
  • Сауда жасағанда POS-терминал немесе QR арқылы төлем қабылдау;
  • Төлем үшін фискалдық чек беру міндеттеледі.

Қаржы министрлігі бұл талаптардың тіркелмеген кәсіпкерлікпен айналысатындар үшін ғана енгізілгенін және қарапайым азаматтардың құқықтарын шектемейтінін мәлімдеді.

 Жаңа тәртіп қашан күшіне енеді?

 2025 жылғы 1 қыркүйектен бастап.

Осы күннен кейін жоғарыда көрсетілген талаптарға сай мобильді аударымдар күшейтілген салықтық бақылауға ілігеді.

Қыркүйектен бастап мобильді төлемдерге қатысты талаптар нақтылай түседі. Кәсіпкерлікпен айналысып, бірақ тіркелмеген тұлғалар үшін бұл – заң алдында жауапкершілікке тартылмаудың бір жолы. Ал қарапайым азаматтар үшін алаңдауға негіз жоқ.

Қазақстанда құрастырылған Samsung тұрмыстық техникасы тамызда саудаға шығады

 

el24.kz 2025 жылдың тамыз айынан бастап Қазақстанда құрастырылған Samsung маркалы тұрмыстық техника ресми түрде сатылымға шығарылады. Бұл туралы ҚР Өнеркәсіп және құрылыс министрі Қанат Шарлапаев мәлімдеді,-деп хабарлайды el24.kz тілшісі.

Отандық өнім Қарағанды облысының Саран қаласында орналасқан Silk Road Electronics зауытында құрастырылады. Министрдің айтуынша, өндіріс қуаттылығы жылына 400 мың данаға дейін жетеді. Алғашқы кезеңде зауытта Samsung теледидарлары мен кір жуғыш машиналары шығарылмақ.

«Silk Road Electronics кәсіпорнында Artel және Samsung брендтерінің тұрмыстық техникасы өндіріледі. Бұл жоба ішкі нарықты сапалы әрі қолжетімді өніммен қамтамасыз етуге бағытталған. Сонымен қатар логистикалық шығындарды азайту арқылы бағаларға да оң әсер етеді», – деді министр Мәжіліс отырысында сөйлеген сөзінде.

Аталған жобаға шамамен 12 миллиард теңге көлемінде инвестиция тартылған. Бұл қаражат жеке қаржы есебінен салынған. Samsung Electronics компаниясы жобаның тікелей серіктесі ретінде қатысып отыр.

Бұған дейін аталмыш зауытта Artel брендінің техникалары ғана құрастырылып келген еді. Ал 2025 жылдың екінші тоқсанында Қазақстанда жасалған алғашқы Samsung теледидарлары саудаға шықты. Енді тамыз айынан бастап тұрмыстық техниканың кең ассортименті ел дүкендерінде қолжетімді болмақ.

Samsung-тың Қазақстандағы өндірісі ішкі нарықты қамтамасыз етіп қана қоймай, болашақта экспорт әлеуетін де арттыруға жол ашпақ. Сонымен қатар жоба аясында жергілікті кадрлар оқытылып, жаңа жұмыс орындары құрылады.

Жаңа ереже: көлік терезесінен қол шығаруға болмайды

 

el24.kz 2025 жылғы 13 наурыздан бастап Қазақстанда көлік салонынан дене мүшесін (қол, бас, аяқ және т.б.) терезе немесе люк арқылы шығаруға ресми түрде тыйым салынды. Бұл талап Жол қозғалысы ережелеріне енгізілген жаңа түзетулер аясында күшіне енді,-деп хабарлайды el24.kz тілшісі.

Ішкі істер министрлігінің мәліметінше, бұл норма жолаушылар мен жүргізушілердің қауіпсіздігін қамтамасыз етуге бағытталған. Терезеден қол немесе басқа дене мүшесін шығару жол-көлік оқиғаларына немесе ауыр жарақаттарға алып келуі мүмкін.

Жаңа ереженің мәні қандай?

Әкімшілік құқықбұзушылық туралы кодекстің 593-бабы 1-2-бөліміне сәйкес, көлік ішінде отырған адамның терезеден немесе люктен дене мүшесін шығаруы – заңбұзушылық болып есептеледі.

Айыппұл мөлшері

Мұндай ереже бұзған жағдайда жүргізушіге 10 айлық есептік көрсеткіш көлемінде (2025 жылғы есеп бойынша 39 300 теңге) айыппұл салынады.

Жауапкершілік жолаушыда ма, жүргізушіде ме?

Заңнамаға сәйкес, жауапкершілік тек жүргізушіге жүктеледі. Себебі жүргізуші көліктегі тәртіп пен қауіпсіздікке толықтай жауап береді.

Қалай бақыланады?

Ереженің сақталуын жол патрульдік қызметі және бейнебақылау жүйелері арқылы ІІМ бақылайды.

Ескерту: Жаңа талаптар әлеуметтік желілерде жиі кездесетін қауіпсіздікке қайшы әрекеттердің алдын алу үшін қабылданды. Бұл әсіресе терезеден селфи жасайтын немесе видео түсіретін жастарға қатысты.

Алматыда 29 жастағы қыз 7-қабаттан құлап қаза тапты

 

el24.kz Алматыда 29 жастағы бойжеткен туған күн кешінде қаза тапты. Қайғылы жағдай 24 маусымға қараған түні қаладағы көпқабатты тұрғын үйлердің бірінде, тәуліктік жалға берілетін пәтерде болған.

Оқиғаға куә болған көрші-қолаңның  айтуынша, 29 жастағы қыз құрбыларымен бірге тәуліктеп жалға берілетін пәтерге келген. Олар мұнда туған күн тойлаған көрінеді. Қыздар түнімен шулап, көршілеріне ұйқы бермепті. Ал таңғы сағат сегіз шамасында қыз жылаған күйі балконның жақтауына шыққан. Төменгі қабаттағы тұрғындар 102-ге хабарласыпты. Полицейлер дереу жетіп, қызды бұл ойынан айнытуға тырысады. Бірақ ол ешкімге құлақ аспапты. Марқұмның мәйіті подьездің дәл алдына түскен.


Алматы қалалық Полиция департаменті бұл дерек бойынша Қылмыстық кодекстің 105-бабы 1-бөлігі ("Өзін-өзі өлтіруге дейін жеткізу") бойынша сотқа дейінгі тергеу басталғанын хабарлады. Оқиғаға қатысы бар адамдардан жауап алынуда, сараптамалар тағайындалған.

Оқиғаның нақты себептері тергеу нәтижесінде белгілі болады.

Ақтауда заңсыз лотерея ұйымдастырған блогерлер тергеуге алынды

                   фото видеодан скриншот

el24.kz Қаржы мониторингі агенттігінің Маңғыстау облысы бойынша департаменті Ақтау қаласында тіркелген ерлі-зайыпты блогерлерге қатысты заңсыз кәсіпкерлік қызмет фактісі бойынша сотқа дейінгі тергеу жүргізіп жатыр. Бұл туралы агенттік 19 маусымда ресми хабарлады,-деп жазады el24.kz тілшісі.

Ресми мәліметке сүйенсек, олар әлеуметтік желілерде тіркелмеген лотерея операторы ретінде әрекет етіп, автокөлік, пәтер және басқа да бағалы сыйлықтарды ұтысқа қойған. Ұтысқа қатысу үшін 500-ден 50 000 теңгеге дейінгі билеттер сатылған. Тергеу барысында шамамен 1 800-ден астам азаматтың қатысқаны анықталды.

Агенттік бұл лотерея ұйымдастырушыларының рұқсатсыз әрекет еткені, яғни заңды кәсіпкерлік субъектісі ретінде тіркелмегені және тиісті салық төлемегені жайлы мәлім етті. Алдын ала есеп бойынша заңсыз табыс көлемі 162 миллион теңгеден асады.

Күдіктілердің аты-жөні ресми түрде жарияланбағанымен, ақпарат құралдарының мәліметінше, бұл іс бойынша танымал әнші Абай Бегейдің қызы мен күйеу баласы тергеліп жатыр деген ақпарат тарады. Алайда бұл мәліметтер ҚМА тарапынан әзірге расталмады.

Қазіргі таңда тергеу аясында ерлі-зайыптының банктік шоттарына және жылжымайтын мүліктеріне тыйым салынған. Сотқа дейінгі тергеу жалғасып жатыр. ҚР Қылмыстық-процестік кодексінің 201-бабына сәйкес, тергеу мүддесіне орай өзге ақпарат жария етілмейді.

Ескерту:

Қазақстан заңнамасына сәйкес, лотерея қызметі арнайы лицензия негізінде ғана жүзеге асырылады. Тіркелмеген операторлар арқылы ұйымдастырылған ұтыс ойындарына қатысу азаматтарды алдауға, қаржы шығынына немесе құқықтық жауапкершілікке алып келуі мүмкін.

Подробности
Категория: Елең еткізер

Ақтөбеде отыз төрт мұғалім жалған дипломмен оқушыларға сабақ берген. Прокурорлар тексеру кезінде білім саласындағы былықтарды анықтады. Енді оқытушыларды жұмыстан шығарып қана қоймай, заңсыз алған айлықтарын кері қайтартады.  

Есет Әзімов, Алматы ауданы прокуратурасының бөлім прокуроры: - 13 адам қызметін мектепке дейінгі білім беру мекемесінде жүзеге асырды.

Подробности
Категория: Проза

Жаңа қожайынға ұнадым

Пәтер жалдап қалада тұрамыз. «Времянка» деген аты бар құстың ұясындай екі бөлмелі үйде үш жанбыз. 

Әйелім – Айғаным мен қызым – Айкүміс және өзім. Шын атым Ермұрат. Бірақ, жасым әлі отызға жетпесе де келіншегімнен бастап, танитындар түгел «Ереке» дейді.

«Ереке» деген есімге ие болсам да, ер жігітке ылайық іс тындырған жоқпын. Бұрын ауылда қарапайым, тракторшы едім. Совхозымыз тарқап, техниканы ебін тапқандар түгел бөліп алды да, мен секілді қолы қысқалар далада қалды. Кемпір-шалдың зейнет ақысына көзімді сатып отыруға еркектік намысым ұстады да, қалаға жұмыс іздеп кеттім.

Подробности
Категория: Керек кеңес

 АҚШ-тың Калифорния штатындағы университет ғалымдары ғылыми тілде Artemisia Annua деп аталатын өсімдіктің бар-жоғы 16 сағаттың ішінде өкпе рагы жасушаларының 98 пайызын бірден жойып жіберуге қабілетті екенін анықтады. Бұл – қазақ сахарасының кез келген дерлік жерінде жұпар иісі бұрқырап өсіп тұратын кәдімгі жусан шөбі. Атам қазақ ертеден қастер тұтқан, алыс сапарларға шыққанда ұдайы жанында бір бумасын алып жүрген өскіннің осындай құдіреті бар болып шықты. 

Америка ғалымдары жусанды бұл мақсатқа пайдалана білудің де өз ерекшеліктері бар екенін айтып отыр. Мысалы, оның бір жылдық өскінін емге қолданған жағдайда ол өкпедегі қатерлі ісіктің тек 28 пайызын ғана жойып жібере алады. Ал егер оған темір қоспасын қосып пайдаланса, өсімдік ракты толық құртып жібереді. 

Подробности
Категория: Елең еткізер

Алматыда Розыбакиев пен Есқараев көшелерінің қиылысында ірі жол апаты болды.

Жол апаты түнде Розыбакиев пен Есқараев көшелерінің қиылысында болған. Toyota көлігі Lexus-тің бүйірінен соққан, соңғысы қатты соққыдан жолда айнала бастайды, автокөлік жарықтандыру бағанына соғылып, жүз метрдей жерге ұшып түсіп, тоқтайды.

Подробности
Категория: Елең еткізер

 Шамалған станциясындағы апат салдарынан зардап шеккен үш науқастың жағдайы әлі де ауыр.

Алматы облысындағы денсаулық сақтау басқармасы жетекшісінің орынбасары Өмірзақ Ниязбеков Шамалған станциясында болған аварияда зардап шеккен адамдардың қазіргі уақытта қандай жағдайда жатқанын айтып берді.

Подробности
Категория: Сырласу

 

Сәлеметсіздер ме оқырман қауым! Неден бастарымды да білмеймін! Маған психолог маман керек еді мазақ етпей көмек берсеңіздер екен. Аллаға шүкүр 3 баланың анасымын. Бірақ өмірден қатты түңілдім. Жаным жабырқаулы сырлас, не таныс не құрбым жоқ. Жападан жалғыз қалғандаймын!

Подробности
Категория: Проза

Заман Төлеуов

(әңгіме)

Үлкені де биттейі де қым-қуыт құжынаған, кейбірінің үсті-бастары жүн-жүн, әлдебер сұрықсыз мақұлықты елестетін, шын-шайтанға шатысы бар – жындыкөбелектер әпсәтте, онсыз да сатала-сатала шамдалды қоршап алды.

 

– Әкесінің бастары қалған ба жарықта? Сөндірші!

Подробности
Категория: Әлем жаңалықтары

 Көліктің терезесіне қысылып қалды: 2 жасар қыз анасын өлтіріп қойды 

Беларуссияда екі жасар қыз анасын кездейсоқ өлтірді.

Оқиға 6 қыркүйекте Старо Село ауылында болған. Бұл туралы Брест облысы бойынша тергеу комитеті дирекциясының ресми өкілі Дмитрий Иванюк айтты.

Подробности
Категория: Әлем жаңалықтары

Қазақ әншісі Димаш Құдайберген туралы мәлімет Қытайда шығарылған мектеп оқулығына енгізілді. Бұл туралы әнші Instagram-дағы жеке парақшасында хабарлады.

 

"Өзіңді Қытайдың мектеп оқуылықтарынан көру көңіл сүйсіндіреді", - деп жазды Димаш.

Подробности
Категория: Елең еткізер

Қазақстан президенті Қасым-Жомарт Тоқаев Қытай Халық Республикасына екі күндік мемлекеттік сапары аясында Ханчжоу қаласына келді.

Подробности
Категория: Сырласу

Бүгінде эксперимент алаңына айналған еліміздің білім беру саласы әбден талаққа ұшыраған жесір әйелдің кейпіндей көрінеді бізге. Әр күйеуінен туып алған балаларын (реформалар) жетектеп, әр еркектің етегінен ұстап жүргені. Бірақ, маңдайына біткен соры ма, кім білсін, қай еркектің қойнына кірсе де бірер жылдан ұзақ бірге тұра алмайды, абыройы айрандай төгіліп, талақпен кеткеніне көз үйренген.

Қазір оның жаңа қожайынымен тұрып жатқанына жарты жылға жуықтады. Аяғы тағы да ауыр. Бұл жолы бұрынғыдай бір-біреуден емес, егіз немесе үшем тууды жоспарлап отыр. Бірақ, төркіні оның бала табуына мүлдем қарсы, өйткені, осы күнге дейін туған балалары шетінен мүгедек, жетілмей қалған, шетінеп кеткендері де аз емес.

Подробности
Категория: Тылсым дүние
Жас күнімнен үйде жалғыз қонудан қатты қорқамын. Оның себебі де жоқ емес.

Бала күнде ағаларым көп қорқытқаннан ба, біреулердің елес көрдім дегендерін естісем, денем түршігіп кетеді. Күләштің мына айтқанын да жүрексіне тыңдадым.

Подробности
Категория: Елең еткізер

17 жастағы жүргізуші, үш жолаушы оқиға орнында көз жұмды. 

Бішкекте 17 жастағы төрт бозбала жантүршігерлік апаттан қаза болды. Апат Шыңғыс Айтматов даңғылында болды – Skoda көлігі мен №8 жолаушылар автобусы соқтығысқан.

Подробности
Категория: Әлем жаңалықтары

Әйелдің кінәсі дәлелденсе, 15-тен 25 жылға дейін бас бостандығынан айрыруы мүмкін

Өзбекстанның Наманған ауданында әйел перзентхананың терезесінен өзінің және өзгенің нәрестесін лақтырып жіберген.

  1. «Қыздар менің өзіме емес, байлығыма қызығады...»
  2. Сүйіктісінің өлімінен соң уайымға салынған жігіт құсадан қайтыс болды
  3. Ер адам шабуылдаған аюдың алдына әйелін тастап қашып кетті
  4. Дуа және одан құтылу жолдары