Алматыда блогер әрі заңгер Молдахан Әділетханға қатысты сот процесі жалғасуда

 

  el24.kz Алматы қаласының Алмалы аудандық сотында блогер әрі заңгер Молдахан Әділетханға қатысты қылмыстық іс қаралып жатыр. Іс Қазақстан Республикасы Қылмыстық кодексінің 274-бабы 2-бөлігі 3-тармағы бойынша қарастырылуда.

Жәбірленуші ретінде танылған Алматы қаласы полиция департаменті басшысының орынбасары Ержан Ұзабаевтың мүддесін қорғайтын адвокат Асылбек Әбдрайымовтың айтуынша, кезекті сот отырысында прокурор айыптау актісін жариялап, жәбірленушілердің бірі – Алматы қалалық полиция басқармасының бұрынғы басшысы С. Шумаевтан жауап алынған.

Адвокаттың мәліметінше, қазіргі уақытта тараптар арасында татуласу туралы келісімге қол жеткізілмеген. Сондай-ақ келтірілген залал өтелмеген.

Сот барысында жәбірленуші тарап моральдық зиян үшін 10 миллион теңге және заңгерлік көмек көрсету шығындары ретінде 1 миллион теңге өндіру туралы азаматтық талап-арыз берген.

– Бұл жерде тек жекелеген лауазымды тұлғалардың беделі туралы сөз болып отырған жоқ. Мұндай жарияланымдар мемлекеттік органдарға және жалпы құқықтық тәртіп жүйесіне деген қоғам сеніміне әсер етеді. Әзірге кешірім беру мәселесі қарастырылып отырған жоқ. Себебі азаматтық талап орындалмаған және Әділетхан Молдахан тарапынан кешірім сұрау болған жоқ, – деді адвокат Асылбек Әбдрайымов.

Заңгердің айтуынша, талап етіліп отырған 11 миллион теңге көлеміндегі моральдық және материалдық шығын толық өтелген жағдайда ғана жәбірленуші тарап мәселені қайта қарауы мүмкін.

– Егер 11 миллион теңге өтелсе, Ержан Ұзабаев бұл қаражатты балалар үйіне аудармақ. Дегенмен бұл оның кешіруге дайын екенін білдірмейді, – деп түсіндірді адвокат.

Еске сала кетейік, ҚР Қылмыстық кодексінің 274-бабы 2-бөлігі 3-тармағы бойынша кінәлі деп танылған жағдайда 11 миллион теңгеден астам мөлшерде айыппұл салу немесе үш жылға дейін бас бостандығын шектеу не айыру жазасы көзделген.

Қазіргі уақытта сот процесі жалғасып жатыр. Іс бойынша түпкілікті шешім сот үкімі шыққаннан кейін белгілі болады.

Қазақстанда 66 мыңнан астам азамат банкрот деп танылып, 250 млрд теңге қарызы есептен шығарылды

 

   el24.kz 2023 жылдан бері қолданыста жүрген «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заң мыңдаған қазақстандыққа қарыз жүктемесін азайтуға мүмкіндік берді.

Бұл туралы Сенат отырысында Мемлекеттік кірістер комитетінің дәрменсіз борышкерлермен жұмыс басқармасының басшысы Меруерт Сисембаева мәлімдеді.

Ресми деректерге сәйкес, заң күшіне енгеннен бері елімізде 66 397 азамат банкрот деп танылған. Соның ішінде мемлекеттік кірістер органдары арқылы 65 765 азаматтың 134,8 млрд теңге көлеміндегі қарызы есептен шығарылған.

Ал сот тәртібімен 632 азамат банкрот деп танылып, олардың 115 млрд теңге берешегі жойылған. Осылайша, жалпы алғанда шамамен 250 млрд теңге қарыз есептен шығарылды.

Сонымен қатар 1 118 азамат төлем қабілеттілігін қалпына келтіру рәсімін қолданған. Бұл рәсім борышкерлерге қарыздарын белгілі бір кесте бойынша өтеуге және қаржылық жағдайын реттеуге мүмкіндік береді.

Меруерт Сисембаеваның айтуынша, заң қабылданғаннан бері бірнеше рет жетілдірілген. Соңғы өзгерістердің нәтижесінде банкроттық рәсімдерін қолдану тәртібі жеңілдетіліп, кейбір талаптар алынып тасталды. Сондай-ақ өтініш беру процесі оңтайландырылып, жекелеген санаттар үшін рәсім мерзімі қысқартылған.

Сонымен бірге бірқатар мәселелер әлі де өзекті болып отыр. Атап айтқанда, кей азаматтардың иелігінде құны өте төмен ETN бағалы қағаздарының болуы олардың банкроттық рәсімінен өтуіне кедергі келтіреді. Көп жағдайда адамдар мұндай активтердің бар екенін білмейді.

Бұдан бөлек, қаржы ұйымдарының заң талаптарын бұзған жағдайдағы жауапкершілігі нақты айқындалмаған. Сондай-ақ кей банктер мен қаржы ұйымдары мемлекеттік органдардың шешімдеріне жиі шағымданып, қосымша тексерістер жүргізуді талап етеді.

Сарапшылардың пікірінше, банкроттық туралы заң азаматтарға қарыздан құтылуға нақты мүмкіндік бергенімен, оны одан әрі жетілдіру және қаржы секторымен өзара жұмысты күшейту маңызды болып қала береді.

 
 
 
 
 
 
 
 
 
 
 

 

Түркістан облысында екі бала суға кетіп, көз жұмды: анасы таңғы бесте жұмысқа кеткен

 

  el24.kz Түркістан облысының Келес ауданында екі баланың өмірін қиған қайғылы оқиға қоғамның қабырғасын қайыстырды. Ошақты суару каналында суға кеткен балалардың мәйіті бір тәулікке созылған іздестіру жұмыстарынан кейін табылды.

Қайғылы жағдай Келес ауданына қарасты Еңбекші ауылында болған. Алдын ала мәлімет бойынша, 8 жастағы Юсуфахмет пен 13 жастағы Диас үлкендердің қарауынсыз қалған кезде канал маңына барған. Қатты ағыс балаларды ағызып әкеткен.

Марқұм балалардың анасы Айгүл Тамашеваның айтуынша, оқиға болған күні ол таңғы сағат бесте жұмысқа кеткен. Артынша мүгедектігі бар күйеуі де табыс табу үшін үйден шығып кеткен. Үйдегі кіші балаларға әдеттегідей үлкен қызы қараған. Алайда ол анасына дәрі апарып беру үшін сыртқа шыққан сәтте Юсуфахмет пен Диас каналға қарай кетіп қалған.

Оқиға туралы хабар түскеннен кейін ауқымды іздестіру-құтқару жұмыстары ұйымдастырылды. Түркістан облыстық Төтенше жағдайлар департаментінің мәліметінше, іздеуге ондаған құтқарушы, арнайы техника және еріктілер жұмылдырылған. Бір тәулікке жуық жүргізілген жұмыстардың нәтижесінде балалардың денесі судан табылды.

ТЖД мәліметіне сәйкес, өңірде жыл басынан бері судағы жазатайым оқиғалардың саны артқан. Мамандар ата-аналарды балаларды су айдындарының маңында қараусыз қалдырмауға және қауіпсіздік талаптарын қатаң сақтауға шақырып отыр.

Қазіргі уақытта оқиғаның барлық мән-жайын құқық қорғау органдары анықтауда.

Бұл қайғылы жағдай балалар қауіпсіздігі мәселесінің қаншалықты маңызды екенін тағы бір мәрте көрсетті. Әсіресе жаз мезгілінде каналдар мен өзен-көлдердің маңында ойнайтын балаларға бақылауды күшейту қажеттігі туындап отыр.

 
 

Павлодар облысында Ан-2 ұшағы апатқа ұшырап, бір ұшқыш қаза тапты

 

 el24.kz Павлодар облысында Ан-2 ұшағы апатқа ұшырап, салдарынан бір адам қаза тапты. Екінші ұшқыш түрлі жарақатпен ауруханаға жеткізілген. Оқиғаның мән-жайы анықталып жатыр.

Көлік министрлігінің мәліметінше, апат 27 мамыр күні Павлодар облысының Железинка ауылы маңында болған. Әуе кемесі «Жеңіл және аса жеңіл авиацияны пайдаланушылар» заңды тұлғалар бірлестігіне тиесілі.

Ведомствоның хабарлауынша, ұшақ авиациялық-химиялық жұмыстарды орындау кезінде апатқа ұшыраған. Алдын ала мәлімет бойынша, әуе кемесі электр желілеріне соғылған.

«Бортта экипаждың екі мүшесі болған. Оқиға салдарынан бір ұшқыш қаза тапты. Екінші ұшқышты ТЖД қызметкерлері алып шықты, ол есін біледі», — делінген ресми хабарламада.

Қазіргі уақытта зардап шеккен ұшқышқа медициналық көмек көрсетіліп жатыр.

Көлік министрлігі әуе апатының себептерін ведомствоның Көліктегі оқиғалар мен инциденттерді тергеу департаментінің мамандары анықтайтынын мәлімдеді. Тергеу тобы оқиға орнына аттанған.

АҚШ-та ұсталған қазақстандыққа қатысты жаңа мәліметтер белгілі болды

 

  el24.kz АҚШ-тың Иммиграция және кедендік бақылау қызметі (ICE) Қазақстан азаматы Еламан Балтагерейдің ұсталғанын хабарлады. Ведомствоның мәліметінше, операция 5 маусым күні федералдық серіктестердің қатысуымен жүргізілген.

Қазіргі уақытта Қазақстан азаматы қамауда отыр. АҚШ билігі оған қатысты депортациялау рәсімдерін жүргізіп жатыр.

ICE таратқан ресми ақпаратқа сәйкес, Еламан Балтагерей «белгілі немесе күдікке ілінген террорист» ретінде бақылауға алынған тұлғалардың қатарына енгізілген. Сондай-ақ оған қатысты АҚШ аумағынан шығару туралы түпкілікті шешім қабылданғаны айтылды.

«Еламан Балтагерей белгілі немесе күдікке ілінген террорист ретінде ұсталуға нысанаға алынған, оған қатысты елден шығару туралы түпкілікті шешім бар», – делінген ведомство хабарламасында.

Америкалық биліктің мәліметінше, өткен жылдың жазында иммиграциялық сот Қазақстан азаматын елден шығару туралы шешім шығарған. Алайда ол белгіленген сот отырысына келмеген.

ICE сондай-ақ АҚШ президенті Дональд Трамп әкімшілігі заңсыз миграциямен күрес және ұлттық қауіпсіздікке қауіп төндіруі мүмкін тұлғаларды анықтау жұмыстарын күшейткенін атап өтті. Ведомствоның хабарлауынша, мұндай операциялар федералдық құқық қорғау органдарымен бірлесіп жүзеге асырылуда.

Қазіргі уақытта іс бойынша қосымша мәліметтер жарияланған жоқ. Қазақстан азаматының нақты қандай әрекеттерге байланысты күдікке ілінгені және оған қатысты қандай дәлелдер бар екені әзірге ресми түрде хабарланбаған.

Тергеу және депортациялау рәсімдері жалғасып жатыр.

Қазақстандықтарды алаңдатқан 10 мың теңге мәселесі: ресми жауап жарияланды

 

Ескі 10 мың теңгелік банкноттар жарамсыз болып қала ма? Ұлттық банк түсініктеме берді.

Соңғы күндері қазақстандықтар арасында ескі үлгідегі 10 мың теңгелік банкноттардың болашағына қатысты сұрақтар жиілеп кетті. Әсіресе, 27 маусымнан кейін бұл купюралармен дүкендерде төлем жасауға бола ма деген мәселе қоғамда қызу талқылануда.

Осыған байланысты Қазақстан Ұлттық банкі ресми түсініктеме беріп, ескі үлгідегі 10 мың теңгелік банкноттардың заңды төлем құралы мәртебесін сақтап отырғанын мәлімдеді.

Сенаттағы брифинг барысында Ұлттық банк төрағасының бұрынғы орынбасары Берік Шолпанқұлов азаматтар қолындағы ескі купюраларды тауарлар мен қызметтер үшін төлем жасау кезінде пайдалануға болатынын айтты.

«Егер сауда орындары ескі купюраларды қабылдамаса, оларды екінші деңгейлі банкке немесе Ұлттық банктің филиалына тапсыруға болады. Мұны мерзімге қарамастан жасауға мүмкіндік бар», – деді ол.

Ұлттық банктің мәліметінше, елде жаңа «Сақ стилі» сериясындағы банкноттарды айналымға енгізу жалғасып жатыр. Қазіргі уақытта жаңа үлгідегі барлық негізгі номиналдар шығарылған, тек 20 мың теңгелік жаңа банкнотты айналымға енгізу 2026 жылдың соңына жоспарланған.

Бұған дейін 10 мың теңгелік ескі және жаңа банкноттардың қатар айналыста болу мерзімі 2026 жылғы 27 маусымда аяқталуы тиіс болған. Алайда Ұлттық банк бұл мерзімді бір жылға ұзарту туралы шешім қабылдады. Енді ескі үлгідегі 10 мың теңгелік купюралар 2027 жылдың маусымына дейін заңды төлем құралы ретінде қолданыста болады.

Реттеушінің түсіндіруінше, мұндай шешім Қазақстан қаржыгерлер қауымдастығының ұсынысын ескере отырып қабылданған. Себебі 10 мың теңгелік банкноттар халық пен бизнес арасында ең кең таралған купюралардың бірі саналады.

Ұлттық банк сондай-ақ қатар айналым кезеңі аяқталғаннан кейін де ескі банкноттарды айырбастау мүмкіндігі сақталатынын хабарлады. Ескі үлгідегі ақшаларды барлық екінші деңгейлі банктер мен «Қазпошта» бөлімшелерінде үш жыл бойы айырбастауға болады. Ал Ұлттық банктің филиалдары оларды мерзімсіз қабылдайды.

Осылайша, қазіргі таңда ескі 10 мың теңгелік банкноттарды жарамсыз деп санауға негіз жоқ. Олармен төлем жасауға да, қажет болған жағдайда банктер арқылы айырбастауға да болады.

Подробности
Категория: Ғибратты әңгімелер

Үлкен фиқһ ғұламасы Әбу Ләйс Самарқанди әңгімелейді: «Алладан қорыққан адамда жеті түрлі белгі болады.

Біріншісі – тілге қатысты белгі. Алладан қорыққан адам тілінің қызметі арқылы өтірік, өсек, ғайбат айтпайды, ешкімді шағыстырмайды. Оның орнына Құран оқиды, зікір айтады, іліммен шұғылданады.

Подробности
Категория: Елең еткізер

Бүгінде Қазақстанда коронавирус жұқтырғандар саны орташа есеппен күн сайын 30 процентке өсіп келді. Министр бір науқас инфекцияны үш-төрт адамға жұқтыра алатынын айтты

 Денсаулық сақтау министрі Елжан Біртанов карантиндік шаралардың мерзіміне қатысты пікір білдірді, деп хабарлайды Sputnik Қазақстан тілшісі.

Подробности
Категория: Әлем жаңалықтары
 Ресей астанасында коронавирус жұқтырған тағы 4 адам көз жұмды.

 Бұл туралы Мәскеудегі коронавируспен байланысты жағдайды бақылау мен мониторингілеу жөніндегі жедел штабтың Telegram-арнасынан хабарланған.

Подробности
Категория: Елең еткізер

Алматы көшелерінен қаңғыбастардың жоғалып кетуі шенеуніктерді алаңдатып отыр Алматыда әлеуметтік қызметкерлер қаланың үйсіз тұрғындарын коронавирустың негізгі тасымалдаушысы ретінде іздеп жатыр.

Алайда карантин енгізілгеннен кейін Алматы көшелерінен және жылу трассаларынан қаңғыбастар мен қайыршылар жоғалып кеткен.

Подробности
Категория: Әлем жаңалықтары

Италия тұрғындары коронавирустан көз жұмған жүздеген адамдардың денесін тиеген жүк көліктері түсірілген видеоны көріп шошынуда, деп хабарлайды Stan.kz ақпарат агенттігі. 

Әлеуметтік желіде марқұмдар тиелген жүк көліктері мен науқастар жатқан аурухана түсірілген видео жаппай тарала бастапты.  

Подробности
Категория: Риясыз әңгіме

Джолбасханов Ислам Талипұлы

«Мейірім» ерікті жастар ұйымының негізін қалаушы.

- Қазіргі таңда "Мейірім" ерікті жастар ұйымының қанша мүшесі бар?

«Мейірім» ерікті жастар ұйымының құрылғанына биыл бес жыл толып отыр. Осы аралықта ұйымда үш жүзге жуық ерікті жұмыс атқарып, тәжірбие жинап, қоғаммен қарым-қатынас жүргізуді, командалық бірлікте жұмыс жасауды, көшбасшылық қасиеттерін дамытып, азаматтық жауапкершілікті сезінуді үйренді. Біздің ұйым барлық азаматтарға ашық. Кез-келген жан келіп бізбен жұмыс атқаруларына болады. Қазіргі таңда ұйымда 50-ге жуық еріктілеріміз бар.

Подробности
Категория: Елең еткізер

Алматыда жаңа режим енгізілді. Бүгіннен бастап қаладағы негізгі сауда нысандары мен қызмет көрсету нысандарының жұмысы тоқтатылады, - деп хабарлайды Tengrinews.kz тілшісі.

Бұл туралы Алматы әкімі Бақытжан Сағынтаев Instagram желісіндегі парақшасында жазды.

Подробности
Категория: Елең еткізер
Нұр-Сұлтан қаласының әкімі Алтай Көлгінов тұрғындарға үндеу жолдады.
 
«Құрметті қала тұрғындары! Өздеріңіз білетіндей, коронавирус тез тарап, ауырған адамдардың саны артып келеді. Өкінішке қарай, адам шығыны да бар.

Подробности
Категория: Елең еткізер

Түлкібастық кәсіпкер қоғамдық орындарда 2000 дана бетперде таратты.

Елімізде көмекке зәру жандарға жәрдем беруге асығатын жандардың қолдауымен өтіп жүрген сауабы мол істер саны күннен-күнге артып келеді.

«Қайырымдылық жасасаң, қайырын өзің көресің» демекші, жақсылық ешқашан да елеусіз қалмайды.

Подробности
Категория: Елең еткізер

Қызылорда облыстық Қазақстан халқы ассамблеясы коронавирусқа қарсы қадам ретінде маскалар тігуді бастады. Маскаларды аз қамтамасыз етілген, көп балалы отбасыларға тегін тарату көзделуде.

Ұлыстың ұлы күні қарсаңында коронавирустың алдын алу мақсатында ұйымдастырылған қайырымдылық акциясына өңірдегі меценаттар, «Жаңғыру жолы» ЖҚ белсенділері және волонтерлер қолдау білдірді.

Подробности
Категория: Елең еткізер
26 наурыз сағат 08:25 жағдай бойынша коронавирус індетін жұқтырған тағы 2 адам тіркелді, деп хабарлайды ҚазАқпарат coronavirus2020.kz сайтына сілтеме жасап.

Подробности
Категория: Әлем жаңалықтары
Ресейдің Мурманск қаласы маңындағы зымыранды-артиллериялық зауытының дәрі-дәрмектер қоймасында жарылыс болып, 5 адам жарақат алды.

Дереккөздің хабарлауынша, оқиға Росляков шағынауданында болған. Ол қоймада түрлі калибрлі снарядтардың бар екенін жеткізді.

Подробности
Категория: Елең еткізер
Ақтөбеде төтенше жағдай режимін сақтамай, салтанатты шара өткізген мейрамхана иесі жауапкершілікке тартылды.

Полиция 21 наурыз күні мейрамханада салтанатты шара өткізгендерді анықтады.

Подробности
Категория: Әлем жаңалықтары
Нұр-Сұлтанның халықаралық әуежайында ер адам көз жұмды.
 
Марқұм Мәскеу арқылы Вьетнамнан ұшып келген туристердің арасында болған.  "Қайғылы жағдай 22 наурызда болған.
  1. Қазақстанда коронавирус жұқтырғандар арасында ешкім көз жұмбаған – Диас Ахметшәріп
  2. Оралда полицейлер түнде мейрамханада отырғандарды қуып шыға алмаған
  3. Коронавирусты жай тұмаудан қалай ажыратуға болады
  4. Ақтауда жол-көлік оқиғасынан ер адам көз жұмды