Алматыда блогер әрі заңгер Молдахан Әділетханға қатысты сот процесі жалғасуда

 

  el24.kz Алматы қаласының Алмалы аудандық сотында блогер әрі заңгер Молдахан Әділетханға қатысты қылмыстық іс қаралып жатыр. Іс Қазақстан Республикасы Қылмыстық кодексінің 274-бабы 2-бөлігі 3-тармағы бойынша қарастырылуда.

Жәбірленуші ретінде танылған Алматы қаласы полиция департаменті басшысының орынбасары Ержан Ұзабаевтың мүддесін қорғайтын адвокат Асылбек Әбдрайымовтың айтуынша, кезекті сот отырысында прокурор айыптау актісін жариялап, жәбірленушілердің бірі – Алматы қалалық полиция басқармасының бұрынғы басшысы С. Шумаевтан жауап алынған.

Адвокаттың мәліметінше, қазіргі уақытта тараптар арасында татуласу туралы келісімге қол жеткізілмеген. Сондай-ақ келтірілген залал өтелмеген.

Сот барысында жәбірленуші тарап моральдық зиян үшін 10 миллион теңге және заңгерлік көмек көрсету шығындары ретінде 1 миллион теңге өндіру туралы азаматтық талап-арыз берген.

– Бұл жерде тек жекелеген лауазымды тұлғалардың беделі туралы сөз болып отырған жоқ. Мұндай жарияланымдар мемлекеттік органдарға және жалпы құқықтық тәртіп жүйесіне деген қоғам сеніміне әсер етеді. Әзірге кешірім беру мәселесі қарастырылып отырған жоқ. Себебі азаматтық талап орындалмаған және Әділетхан Молдахан тарапынан кешірім сұрау болған жоқ, – деді адвокат Асылбек Әбдрайымов.

Заңгердің айтуынша, талап етіліп отырған 11 миллион теңге көлеміндегі моральдық және материалдық шығын толық өтелген жағдайда ғана жәбірленуші тарап мәселені қайта қарауы мүмкін.

– Егер 11 миллион теңге өтелсе, Ержан Ұзабаев бұл қаражатты балалар үйіне аудармақ. Дегенмен бұл оның кешіруге дайын екенін білдірмейді, – деп түсіндірді адвокат.

Еске сала кетейік, ҚР Қылмыстық кодексінің 274-бабы 2-бөлігі 3-тармағы бойынша кінәлі деп танылған жағдайда 11 миллион теңгеден астам мөлшерде айыппұл салу немесе үш жылға дейін бас бостандығын шектеу не айыру жазасы көзделген.

Қазіргі уақытта сот процесі жалғасып жатыр. Іс бойынша түпкілікті шешім сот үкімі шыққаннан кейін белгілі болады.

Қазақстанда 66 мыңнан астам азамат банкрот деп танылып, 250 млрд теңге қарызы есептен шығарылды

 

   el24.kz 2023 жылдан бері қолданыста жүрген «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заң мыңдаған қазақстандыққа қарыз жүктемесін азайтуға мүмкіндік берді.

Бұл туралы Сенат отырысында Мемлекеттік кірістер комитетінің дәрменсіз борышкерлермен жұмыс басқармасының басшысы Меруерт Сисембаева мәлімдеді.

Ресми деректерге сәйкес, заң күшіне енгеннен бері елімізде 66 397 азамат банкрот деп танылған. Соның ішінде мемлекеттік кірістер органдары арқылы 65 765 азаматтың 134,8 млрд теңге көлеміндегі қарызы есептен шығарылған.

Ал сот тәртібімен 632 азамат банкрот деп танылып, олардың 115 млрд теңге берешегі жойылған. Осылайша, жалпы алғанда шамамен 250 млрд теңге қарыз есептен шығарылды.

Сонымен қатар 1 118 азамат төлем қабілеттілігін қалпына келтіру рәсімін қолданған. Бұл рәсім борышкерлерге қарыздарын белгілі бір кесте бойынша өтеуге және қаржылық жағдайын реттеуге мүмкіндік береді.

Меруерт Сисембаеваның айтуынша, заң қабылданғаннан бері бірнеше рет жетілдірілген. Соңғы өзгерістердің нәтижесінде банкроттық рәсімдерін қолдану тәртібі жеңілдетіліп, кейбір талаптар алынып тасталды. Сондай-ақ өтініш беру процесі оңтайландырылып, жекелеген санаттар үшін рәсім мерзімі қысқартылған.

Сонымен бірге бірқатар мәселелер әлі де өзекті болып отыр. Атап айтқанда, кей азаматтардың иелігінде құны өте төмен ETN бағалы қағаздарының болуы олардың банкроттық рәсімінен өтуіне кедергі келтіреді. Көп жағдайда адамдар мұндай активтердің бар екенін білмейді.

Бұдан бөлек, қаржы ұйымдарының заң талаптарын бұзған жағдайдағы жауапкершілігі нақты айқындалмаған. Сондай-ақ кей банктер мен қаржы ұйымдары мемлекеттік органдардың шешімдеріне жиі шағымданып, қосымша тексерістер жүргізуді талап етеді.

Сарапшылардың пікірінше, банкроттық туралы заң азаматтарға қарыздан құтылуға нақты мүмкіндік бергенімен, оны одан әрі жетілдіру және қаржы секторымен өзара жұмысты күшейту маңызды болып қала береді.

 
 
 
 
 
 
 
 
 
 
 

 

Түркістан облысында екі бала суға кетіп, көз жұмды: анасы таңғы бесте жұмысқа кеткен

 

  el24.kz Түркістан облысының Келес ауданында екі баланың өмірін қиған қайғылы оқиға қоғамның қабырғасын қайыстырды. Ошақты суару каналында суға кеткен балалардың мәйіті бір тәулікке созылған іздестіру жұмыстарынан кейін табылды.

Қайғылы жағдай Келес ауданына қарасты Еңбекші ауылында болған. Алдын ала мәлімет бойынша, 8 жастағы Юсуфахмет пен 13 жастағы Диас үлкендердің қарауынсыз қалған кезде канал маңына барған. Қатты ағыс балаларды ағызып әкеткен.

Марқұм балалардың анасы Айгүл Тамашеваның айтуынша, оқиға болған күні ол таңғы сағат бесте жұмысқа кеткен. Артынша мүгедектігі бар күйеуі де табыс табу үшін үйден шығып кеткен. Үйдегі кіші балаларға әдеттегідей үлкен қызы қараған. Алайда ол анасына дәрі апарып беру үшін сыртқа шыққан сәтте Юсуфахмет пен Диас каналға қарай кетіп қалған.

Оқиға туралы хабар түскеннен кейін ауқымды іздестіру-құтқару жұмыстары ұйымдастырылды. Түркістан облыстық Төтенше жағдайлар департаментінің мәліметінше, іздеуге ондаған құтқарушы, арнайы техника және еріктілер жұмылдырылған. Бір тәулікке жуық жүргізілген жұмыстардың нәтижесінде балалардың денесі судан табылды.

ТЖД мәліметіне сәйкес, өңірде жыл басынан бері судағы жазатайым оқиғалардың саны артқан. Мамандар ата-аналарды балаларды су айдындарының маңында қараусыз қалдырмауға және қауіпсіздік талаптарын қатаң сақтауға шақырып отыр.

Қазіргі уақытта оқиғаның барлық мән-жайын құқық қорғау органдары анықтауда.

Бұл қайғылы жағдай балалар қауіпсіздігі мәселесінің қаншалықты маңызды екенін тағы бір мәрте көрсетті. Әсіресе жаз мезгілінде каналдар мен өзен-көлдердің маңында ойнайтын балаларға бақылауды күшейту қажеттігі туындап отыр.

 
 

Павлодар облысында Ан-2 ұшағы апатқа ұшырап, бір ұшқыш қаза тапты

 

 el24.kz Павлодар облысында Ан-2 ұшағы апатқа ұшырап, салдарынан бір адам қаза тапты. Екінші ұшқыш түрлі жарақатпен ауруханаға жеткізілген. Оқиғаның мән-жайы анықталып жатыр.

Көлік министрлігінің мәліметінше, апат 27 мамыр күні Павлодар облысының Железинка ауылы маңында болған. Әуе кемесі «Жеңіл және аса жеңіл авиацияны пайдаланушылар» заңды тұлғалар бірлестігіне тиесілі.

Ведомствоның хабарлауынша, ұшақ авиациялық-химиялық жұмыстарды орындау кезінде апатқа ұшыраған. Алдын ала мәлімет бойынша, әуе кемесі электр желілеріне соғылған.

«Бортта экипаждың екі мүшесі болған. Оқиға салдарынан бір ұшқыш қаза тапты. Екінші ұшқышты ТЖД қызметкерлері алып шықты, ол есін біледі», — делінген ресми хабарламада.

Қазіргі уақытта зардап шеккен ұшқышқа медициналық көмек көрсетіліп жатыр.

Көлік министрлігі әуе апатының себептерін ведомствоның Көліктегі оқиғалар мен инциденттерді тергеу департаментінің мамандары анықтайтынын мәлімдеді. Тергеу тобы оқиға орнына аттанған.

АҚШ-та ұсталған қазақстандыққа қатысты жаңа мәліметтер белгілі болды

 

  el24.kz АҚШ-тың Иммиграция және кедендік бақылау қызметі (ICE) Қазақстан азаматы Еламан Балтагерейдің ұсталғанын хабарлады. Ведомствоның мәліметінше, операция 5 маусым күні федералдық серіктестердің қатысуымен жүргізілген.

Қазіргі уақытта Қазақстан азаматы қамауда отыр. АҚШ билігі оған қатысты депортациялау рәсімдерін жүргізіп жатыр.

ICE таратқан ресми ақпаратқа сәйкес, Еламан Балтагерей «белгілі немесе күдікке ілінген террорист» ретінде бақылауға алынған тұлғалардың қатарына енгізілген. Сондай-ақ оған қатысты АҚШ аумағынан шығару туралы түпкілікті шешім қабылданғаны айтылды.

«Еламан Балтагерей белгілі немесе күдікке ілінген террорист ретінде ұсталуға нысанаға алынған, оған қатысты елден шығару туралы түпкілікті шешім бар», – делінген ведомство хабарламасында.

Америкалық биліктің мәліметінше, өткен жылдың жазында иммиграциялық сот Қазақстан азаматын елден шығару туралы шешім шығарған. Алайда ол белгіленген сот отырысына келмеген.

ICE сондай-ақ АҚШ президенті Дональд Трамп әкімшілігі заңсыз миграциямен күрес және ұлттық қауіпсіздікке қауіп төндіруі мүмкін тұлғаларды анықтау жұмыстарын күшейткенін атап өтті. Ведомствоның хабарлауынша, мұндай операциялар федералдық құқық қорғау органдарымен бірлесіп жүзеге асырылуда.

Қазіргі уақытта іс бойынша қосымша мәліметтер жарияланған жоқ. Қазақстан азаматының нақты қандай әрекеттерге байланысты күдікке ілінгені және оған қатысты қандай дәлелдер бар екені әзірге ресми түрде хабарланбаған.

Тергеу және депортациялау рәсімдері жалғасып жатыр.

Қазақстандықтарды алаңдатқан 10 мың теңге мәселесі: ресми жауап жарияланды

 

Ескі 10 мың теңгелік банкноттар жарамсыз болып қала ма? Ұлттық банк түсініктеме берді.

Соңғы күндері қазақстандықтар арасында ескі үлгідегі 10 мың теңгелік банкноттардың болашағына қатысты сұрақтар жиілеп кетті. Әсіресе, 27 маусымнан кейін бұл купюралармен дүкендерде төлем жасауға бола ма деген мәселе қоғамда қызу талқылануда.

Осыған байланысты Қазақстан Ұлттық банкі ресми түсініктеме беріп, ескі үлгідегі 10 мың теңгелік банкноттардың заңды төлем құралы мәртебесін сақтап отырғанын мәлімдеді.

Сенаттағы брифинг барысында Ұлттық банк төрағасының бұрынғы орынбасары Берік Шолпанқұлов азаматтар қолындағы ескі купюраларды тауарлар мен қызметтер үшін төлем жасау кезінде пайдалануға болатынын айтты.

«Егер сауда орындары ескі купюраларды қабылдамаса, оларды екінші деңгейлі банкке немесе Ұлттық банктің филиалына тапсыруға болады. Мұны мерзімге қарамастан жасауға мүмкіндік бар», – деді ол.

Ұлттық банктің мәліметінше, елде жаңа «Сақ стилі» сериясындағы банкноттарды айналымға енгізу жалғасып жатыр. Қазіргі уақытта жаңа үлгідегі барлық негізгі номиналдар шығарылған, тек 20 мың теңгелік жаңа банкнотты айналымға енгізу 2026 жылдың соңына жоспарланған.

Бұған дейін 10 мың теңгелік ескі және жаңа банкноттардың қатар айналыста болу мерзімі 2026 жылғы 27 маусымда аяқталуы тиіс болған. Алайда Ұлттық банк бұл мерзімді бір жылға ұзарту туралы шешім қабылдады. Енді ескі үлгідегі 10 мың теңгелік купюралар 2027 жылдың маусымына дейін заңды төлем құралы ретінде қолданыста болады.

Реттеушінің түсіндіруінше, мұндай шешім Қазақстан қаржыгерлер қауымдастығының ұсынысын ескере отырып қабылданған. Себебі 10 мың теңгелік банкноттар халық пен бизнес арасында ең кең таралған купюралардың бірі саналады.

Ұлттық банк сондай-ақ қатар айналым кезеңі аяқталғаннан кейін де ескі банкноттарды айырбастау мүмкіндігі сақталатынын хабарлады. Ескі үлгідегі ақшаларды барлық екінші деңгейлі банктер мен «Қазпошта» бөлімшелерінде үш жыл бойы айырбастауға болады. Ал Ұлттық банктің филиалдары оларды мерзімсіз қабылдайды.

Осылайша, қазіргі таңда ескі 10 мың теңгелік банкноттарды жарамсыз деп санауға негіз жоқ. Олармен төлем жасауға да, қажет болған жағдайда банктер арқылы айырбастауға да болады.

Подробности
Категория: Елең еткізер

Тоқаев карантиндік шараларды сақтай отырып, ірі қалаларда шағын және орта бизнес нысандарын іске қосуды тапсырды.   

 Президент Қасым-Жомарт Тоқаев карантинді сақтай отырып, кейбір кәсіпорындарды біртіндеп іске қосуға рұқсат берді, деп хабарлайды Sputnik Қазақстан тілшісі.

Подробности
Категория: Тылсым дүние

Әкем маған елсіз далада жүрсең қаңырап жатқан үйлерге бар ма, ауылдағы ескі үйлерге кірме жын соғады деп айтып отыратын. Бірде әкем өзінің көрген тылсым уақиғасын айтып еді:

- Бір күні сиыр өрістен келмей қалды. Содан соң атыма салт мініп мал іздеуге шықтым. Шілденің аптаған ыстық күні. Ағаштардың арасын, орман қойнауларын түгел сүзіп аралап келемін. Ағаш қойнауында орманшылардың иесіз қалған үйлері тұр екен.

Подробности
Категория: Елең еткізер

Маңғыстау облысында коронавирус инфекциясын жұқтырған тағы екі адам тіркелді деп хабарлайды  Маңғыстау облысы "Қоғамдық коммуникация орталығы"ның басшысы Гүлмира Абишева.

Маңғыстау ауданы Шетпе ауылындағы аудандық ауруханада коронавирус инфекциясын жұқтырған тағы екі адам тіркелді. Екі науқас та 40 жастағы әйел.

Подробности
Категория: Елең еткізер

Алматы қаласында коронавирустан бір науқас көз жұмды.

Ол 1956 жылы дүниеге келген.

Қазақстанда коронавирустан 60 адам емделіп, көз жұмғандар саны 9-ға жетті. 10 сәуірде сағат 9:00-де жалпы елімізде 802 науқас тіркелген.

Подробности
Категория: Елең еткізер
Атырау облысында төтенше жағдай режимі енгізілгеннен бері 180 адам әкімшілік жауапкершілікке тартылды.
 
Оның 67-сі қамауға алынды. Облыстық Полиция департаменті баспасөз қызметінің мәліметінше, Атырау қаласының көшелерінде тәулік бойы кезекшілік атқаруға жедел топтар мен жаяу нарядтар жұмылдырылған.

Подробности
Категория: Даңқ пен Дақпырт

Отандық шоу-бизнес жұлдызы Бағлан Әбдірайымов ауырып қалып, коронавирусқа анализ тапсырды. Өнер иесі тамағы ісіп, жөтелі құрғақ сияқты болғандықтан медицина мамандарына жүгінуге мәжбүр болған. Әнші өткен тексеріс оның ағзасында инфекцияның бар-жоғын анықтаған. "Жігіттер" квартеті мүшесінің сынамасы қандай нәтиже көрсеткені жайлы KAZ.NUR.KZ хабарлады.

Бағлан Әбдірайымов карантин басталған уақытымен қатарласып ауырып қалғанын жеткізді. Эстрада өкілі мұндай ауыр жағдайда қауіпті вирусқа деген күдігі басым болғандықтан, бірден тексеріске баруға бекінгенін айтып берді.

Подробности
Категория: Елең еткізер

Алматы маңында әскери-далалық госпиталь ашылды.

Хабар 24 арнасының мәліметіне қарағанда, оны тұрғызуға бар-жоғы 72 сағат қажет болыпты.

Мекеме 100 төсек-орынға арналған. Онда қабылдау және диагностикалық бөлімшелер, дәріхана, операциялық блок пен жан сақтау бөлімшесі бар. Сондай-ақ рентгендік тексеру, өкпені жасанды желдету құралдарымен жабдықталған. 

Подробности
Категория: Елең еткізер

Еңбек және халықты әлеуметтік қорғау министрлігі төлемді алушылар тізіміне өзгеріс енгізілгенін хабарлады.

Сенбі, 4 сәуір күні көптеген қазақстандықтар 42 500 теңге алуына болаыны хабарланған SMS хабарлама алған болатын.

Бұл хабарлама  eGov базасы арқылы проактивті жіберілгені айтылған еді. Алайда мұндай SMS бәріне келген жоқ. Еңбек және халықты әлеуметтік қорғау министрлігі әлеуметтік төлем туралы бұйрыққа еөзгеріс енгізді. Тізімде кімдер жоқ Төтенше жағдай енгізілгенге дейінгі бір жылда міндетті әлеуметтік сақтандыру жүйесіне бірде-бір ай қатыспаған тұлғалар. 

Подробности
Категория: Әлем жаңалықтары

АҚШ-та 51 жыл бойы отасқан ерлі-зайыпты бір күнде көз жұмды. 

Олардың баласы Бадди Бейкердің айтуынша, 74 жастағы әкесі мен 72 жастағы анасы коронавирустан қайтыс болған. Арасы алты минут. 

Подробности
Категория: Елең еткізер
Қазақстанның үш мегаполисінде модульдік инфекциялық жаңа ауруханалар салу үшін арнайы жұмыс тобы құрылды - деп хабарлайды ktk.kz арнасы.
 3-4 апта ішінде Нұр-Сұлтан, Алматы және Шымкент қаласында жұқпалы ауруханалар салу жоспарлануда.

Подробности
Категория: Әлем жаңалықтары

Метанол коронавирус инфекциясын болдырмауға және емдеуге көмектеседі деген қауесеттер Иранда кем дегенде 44 адамның өмірін қиды.

Құрбандардың саны тез өсуде. Екі жүзден астам адам ауруханаға жеткізілді, ондаған адам көру қабілетінен айырылды.

Подробности
Категория: Елең еткізер

Коронавирус инфекциясының таралуына жол бермей, халық денсаулығын сақтау мақсатында облыста карантин басталады.

Облыстың бас мемлекеттік санитар дәрігері Е.Сыдымановтың қаулысы бойынша, Маңғыстау облысының аумағында 3 сәуір сағат 00:00-ден бастап 2020 жылдың 15 сәуірі 07:00-ге дейін карантин режимі енгізіледі.

Подробности
Категория: Елең еткізер

Қарағанды облысында коронавирус індетінен 1 адам көз жұмды, деп хабарлайды coronavirus2020.kz. 

Қазақстан бойынша үшінші адам коронавирус инфекциясынан қайтыс болды.

Подробности
Категория: Елең еткізер
Төтенше жағдай кезінде табысынан айырылған азаматтарға берілетін әлеуметтік төлемді (42500 теңге) алу шарттары жеңілдетілді деп хабардайды qamshy.kz ақпараттық агентігіне сілтеме жасап el24.kz
 
 Енді төтенше жағдай салдарынан кірісті жоғалтқанын растайтын құжаттарды ұсыну қажет емес. Басты шарт – мемлекеттік әлеуметтік сақтандыру қорына соңғы 12 айда кемінде 1 рет әлеуметтік төлем жасалынған болуы керек.
  1. Алладан қорыққан адамның жеті белгісі
  2. Біртанов карантиннің қай уақытқа дейін созылатынын айтты 
  3. Коронавирус жұқтырған тағы 4 адам көз жұмды 
  4. Алматы көшелерінен қаңғыбастардың жоғалып кетуі шенеуніктерді алаңдатып отыр