Шерзат Болат ісі бойынша сот отырысы: Ашық процесс басталды

 

2025 жылғы 17 сәуір күні қоғам назарын аударған Шерзат Болат ісі бойынша сот процесі ашық түрде басталды.

Аталған іс қоғамда резонанс туғызып, адам құқығы, тергеу әділеттілігі мен құқық қорғау органдарының әрекетіне қатысты кең пікірталас тудырған болатын.

Сот отырысында Шерзат Болаттың өліміне байланысты маңызды деректер айтылды. Прокурор мен адвокаттар тарапынан келтірілген дәйектер, куәгерлердің жауабы мен сот-медициналық сараптамалар істің ауырлығын нақтылай түсті.

Отырыста Шерзат Болаттың өмірінің соңғы сәттері жайлы жан тебірентерлік жайттар жария етілді. 

Марқұм Шерзат Болаттың ісіне байланысты Талдықорған қаласында екінші сот отырысы барысында,60 жастағы Жұмабике Қадырова сотта өзін жайсыз сезініп, істі қарауды Алматыға ауыстыруды сұрады.

Кейіннен Шерзаттың әжесі залдан кетіп қалды. Оған жедел жәрдем шақыртылып, алғашқы медициналық көмек көрсетілді.

Қоғам белсенділері мен журналистер сот барысын қадағалап отыр. Олар әділетті шешім қабылдануы тиіс екенін айтып, бұл істің ашық қаралуын талап етуде. Сот залына жиналғандар арасында құқық қорғаушылар мен азаматтық қоғам өкілдері де болды.

Іс бойынша келесі отырыстарда тағы да бірқатар куәлар мен сарапшылар тыңдалмақ. Сот шешімі жақын күндері шығуы мүмкін, дегенмен істің күрделілігіне байланысты бұл үдеріс ұзаққа созылуы да ықтимал.

Ашық өткен бұл процесс – Қазақстан қоғамындағы әділеттілікке деген сұраныстың бір көрінісі. Жұртшылық соттың әділдігінен үміт күтіп отыр.

Қазақстандағы салық заңнамасындағы 2025 жылғы өзгерістер: халық нені білуі керек?

 

Ақтау, 8 сәуір – el24.kz 

2025 жылдың 1 қаңтарынан бастап Қазақстанда салық және әлеуметтік төлемдер жүйесіне бірқатар маңызды өзгерістер енгізілді. Бұл жаңалықтар кәсіпкерлер мен жалдамалы қызметкерлер үшін де өзекті.

1. Әлеуметтік төлемдер мөлшерлемесі артты

  • Әлеуметтік аударымдар – 3,5%-дан 5%-ға дейін өсті.
  • Әлеуметтік салық – 9,5%-дан 11%-ға дейін көбейді.
  • Жұмыс берушінің міндетті зейнетақы жарнасы – 1,5%-дан 2,5%-ға дейін артты.

Бұл төлемдерді жұмыс берушілер өз қызметкерлері үшін ай сайынғы еңбекақы қорынан аударып отырады.

2. Жеке кәсіпкерлерге арналған жеңілдетілген режим

  • Қызметкерлер саны 30 адамнан аспауы тиіс.
  • Филиалдары болмауы қажет.
  • POS-терминал, онлайн-касса және ERP жүйесін пайдаланбайтын ЖК үшін жарты жылдық айналым шегі – 24 038 АЕК.
  • Ал толық интеграцияланған жүйе қолданатын ЖК үшін айналым шегі – 94 086 АЕК.

ЖК салықты жылына екі рет төлейді: 25 тамызға дейін және келесі жылдың 25 ақпанына дейін.

3. Салық мөлшерлемелері

  • ЖТС – 1,5%
  • Әлеуметтік салық – 1,5%
  • Міндетті зейнетақы жарнасы – 10%
  • Әлеуметтік аударым – 5%
  • Міндетті әлеуметтік медициналық сақтандыру жарнасы – ең төменгі жалақының 5%-ы

4. Төлемдерді кім және қалай төлейді?

  • Өзін-өзі жұмыспен қамтушылар өз табысынан жоғарыдағы жарналарды дербес төлейді.
  • Жалдама қызметкерлері бар кәсіпкерлер әр қызметкер үшін жоғарыдағыдай төлемдерді толық аударуға міндетті.

5. Жаңа жүйенің мақсаты Бұл реформалар әлеуметтік қорғау жүйесін күшейтуге, зейнетақы қорын толықтыруға және медицина саласына қосымша қаражат тартуға бағытталған.

 

 

Абай облысында аспалы көпір құлап, үш адам қаза тапты

 

 Абай облысында қайғылы жағдай орын алды. 15 сәуір күні таңғы уақытта Аягөз ауданына қарасты Ақшәулі ауылында аспалы көпір опырылып, үш адам мерт болды.

Алдын ала мәліметтер бойынша, ауыл тұрғындары мал іздеуге шығып, Қаракөл өзенінің үстінен өтетін көпірмен мотоциклмен жүрген,- деп хабарлайды el24.kz. тілшісі.

Алайда көпір ауыр салмаққа шыдамай, опырылып түскен. Нәтижесінде үш адам өзенге құлап кеткен.

Апат туралы ақпарат жергілікті әкімдікке түсте түскен. Құтқарушылар оқиға орнына жедел жетіп, іздестіру жұмыстарын бастады. Судың астынан 1980 және 1978 жылы туған екі азаматтың денесі табылып, кейінірек 1967 жылы туған үшінші адамның мәйіті де судан шығарылды.

Қазіргі уақытта полиция тергеу жұмыстарын жүргізіп жатыр. Көпірдің техникалық жағдайы мен қауіпсіздік талаптарының сақталуы тексерілуде.

Бұл оқиға жергілікті тұрғындарды ғана емес, бүкіл қоғамды алаңдатып отыр. Қоғамда ауылдық жерлердегі инфрақұрылымның жай-күйіне қатысты сұрақтар қайта көтерілуде. Көпшілікті: "Аспалы көпірдің жарамсыз екенін неге ертерек ешкім ескертпеді?" деген сауал мазалайды.

Оқиға орнына қатысты видео мен суреттер әлеуметтік желілер мен ақпараттық порталдарда таралуда. Қайтыс болғандардың туыстарына көңіл айтамыз.

Бозжыра: Француз туристері «басқа ғаламшардың пейзажы» деп таңдай қақты

 

Маңғыстаудың маржанын шетелдіктер қалай сипаттады?

Маңғыстау өңіріндегі табиғи көркем жерлердің бірі – Бозжыра шатқалы. Бұл киелі мекен тек Қазақстан халқын ғана емес, әлем саяхатшыларының да назарын өзіне аударуда.

Жақында еліміздің батысына сапарлаған француз туристері Бозжыраның қайталанбас көрінісіне тәнті болып, оны «басқа планетаның пейзажына ұқсайды» деп бағалады.

Ғасырлар қойнауынан жеткен ғажайып

Бозжыра — ежелгі Тетис мұхитының орнында қалыптасқан, табиғаттың өзі сомдаған ғаламат көрініс. Устюрт үстіртінің баурайында орын тепкен бұл шатқалдың жер бедері ерекше: тік жартастар мен айға ұқсас беткейлер, «қасқыр тісі» аталып кеткен биіктігі 200 метрден асатын қос мұнара – бәрі де адамды ертегі әлеміне жетелейді. Француз саяхатшылары мұндай табиғи ғажайыпты бұрын-соңды еш жерде көрмегендерін айтып, әсерлерімен бөліскен,-деп хабарлайды el24.kz тілшісі.

Табиғатты аялау – басты ұстаным

2020 жылы Бозжырада қонақ үй салу бастамасы қоғамда қызу талқыланып, қоғам белсенділері мен экологтар жобаның экожүйеге зиян келтіретінін ескерткен болатын. Президент Қасым-Жомарт Тоқаев халықтың үнін ескеріп, бұл жобаны қайта қарауды тапсырды. Осыдан кейін шатқалды сақтау шаралары күшейтіліп, оның бірегейлігі мен тазалығын сақтау негізгі басымдыққа айналды.

Туризмге ашылған кең өріс

Қазіргі таңда Бозжыра — Қазақстан туризмінің брендіне айналып келеді. Мұнда келушілер жол талғамайтын көлікпен жетіп, жергілікті гидтердің көмегімен шатқалдың әр тасын, әр қырын танып-біле алады. Сонымен қатар, киіз үйде түнеп, ұлттық тағамдардан дәм татып, қазақ мәдениетімен етене танысуға мүмкіндік бар.

Әлемге әйгілі мекенге айналуда

Бозжыраның сұлулығы шетелдік басылымдар мен блогерлердің, саяхатшылардың назарынан тыс қалып жатқан жоқ. Француз қонақтарының айтқандай, мұндағы көрініс тек фотоға түсіруге ғана емес, рухани тынығуға, табиғатпен үндесуге арналған ерекше мекен.

Бозжыра — бұл Қазақстан табиғатының бренді. Оны сақтау – әрқайсымыздың борышымыз.

Жүргізуші куәлігінің мерзімі біткен жағдайда емтихан тапсыру міндеттеледі ме?

 

Соңғы кездері әлеуметтік желілер мен қоғам арасында «жүргізуші куәлігінің мерзімі біткен жағдайда қайтадан емтихан тапсыру қажет болады» деген ақпарат кеңінен таралуда.

Осыған байланысты көптеген азаматтардың көкейінде сұрақ туындауда. Бұл рас па? Жаңа ереже енгізілді ме? Біз бұл мәселені ресми ақпарат көздеріне сүйене отырып el24.kz тілшісі зерттеп көрді.

Қазіргі жағдай

Қазақстан Республикасының заңнамасына сәйкес, жүргізуші куәлігінің мерзімі аяқталған жағдайда оны ауыстыру үшін қайтадан емтихан тапсыру талап етілмейді. Бұл рәсім тек құжатты жаңартуға қатысты және төмендегідей құжаттар қажет:

  • Жеке куәлік;
  • 083/у нысанындағы медициналық анықтама;
  • Мемлекеттік баж салығының төленгенін растайтын түбіртек (1,25 АЕК);
  • Бұрынғы жүргізуші куәлігі.

Құжаттарды мамандандырылған Халыққа қызмет көрсету орталығына (ХҚКО) апару жеткілікті. Сондай-ақ, медициналық тексерістен сол орталықта өтуге болады.

Жаңалықтар мен ұсыныстар

Иә, жақында жүргізуші куәлігіне қатысты бірқатар өзгерістер мен ұсыныстар айтылды:

  • Мәжіліс депутаты Екатерина Смышляева 2024 жылдың жазында жүргізуші куәлігіне емтиханды онлайн форматта тапсыру мүмкіндігін ұсынды. Бұл ұсыныс әлі заң ретінде қабылданған жоқ, тек талқылау деңгейінде тұр.
  • 2024 жылдың қарашасынан бастап теориялық емтихан тапсыруға екі факторлы аутентификация енгізілді. Бұл жаңашылдық емтихан тапсыру кезінде алаяқтықтың алдын алуға бағытталған.

Дегенмен, қазіргі уақытта мерзімі өткен куәлікті жаңарту үшін емтихан тапсыру міндеттелмеген. Бұл туралы ресми ақпарат egov.kz және gov.kz сайттарында нақты жазылған.

Қорытынды

Қазіргі заңнама бойынша, жүргізуші куәлігінің мерзімі біткен жағдайда оны ауыстыру үшін емтихан тапсыру қажет емес. Алайда, бұл салада өзгерістер мен ұсыныстар айтылып жатыр, сондықтан ресми көздерге сүйене отырып, жаңалықтарды қадағалап отыру маңызды.

Сіздің де жүргізуші куәлігіңіздің мерзімі аяқталуға жақын болса – уақыт оздырмай, қажетті құжаттарды дайындап, құжатыңызды жаңартып алыңыз.

40-тан соң жұптар «ашылады»

 

40 жасқа келгенде «қалай болар екен?» деп ойлана жүретін жағдайдың бірі – төсек қатынасы.

Ешкім ашып айтпағанмен, іштей бір уайым болатыны жасырын емес. Анығында бұл жасқа келгендер өздерінің күш-қабілетін шынайы бағалай бастайды.

Ал, алдынан не күтіп тұр, қандай жағдайға дайын болу керек, бүгін сол жайында сөз қозғайық.

АРТЫҒЫРАҚ «қимылдау» керек болады Бойындағы тестостерон гормонының төмендеуіне байланысты еркектер бұл жаста «кез келген көйлектінің» соңынан ұзақ қарап қалатынан «қасиетінен» ажырай бастайды.

Бұл дегеніміз, оның «төсектен түсіп қалғаны» емес. Тек қана жыныстық қатынасқа арнайы дайындықпен жақындауға тура кеп қалады. Бұрынғыдай емес, әйелдің көңілі мен қалауына назар аударатын болады.

Сонымен қатар, жас күндегідей асығыс емес, әр қимылдың өзі баппен келістіру керек. Сол үшін де көбірек күш салуға да тура келеді. Әйелдер де бұл кезде гормондық өзгерістерді сезінеді. Эстрогенннің азаюынан әйелдің сексуалды талабын қанағаттандыру да керек болады.

40-тан соң жұптар «АШЫЛАДЫ»

Көпшілік бұл жаста тән жақындығынан ләззат алу бұрынғыдай болмайды деп ойлайды. Қате пікір. Анығында 40-тан асқан шақта олардың сезімдері мен құштарлығы 25 жастағылардан асып түседі.

Себебі, оларда бұрынғыдай қысылу, ұялу дегендер болмайды. Енді олар еркін, қалауын ашық білдіріп және оны орындай алатын жаста. Солай болады да! ЖҮРЕККЕ салмақ салмау керек 40-тан асқандағы көп қызықтың біріндегі бір «шыжық» осы.

Бұл жүрек қартайды деген емес. Жүрек, қантамыр жүйесінің жыныстық қатынаста маңызды рөл ойнайтыны белгілі. Белсенді қимыл мен оргазм кезінде қанайналым жылдамдап, жүректің қызметі де артады.

Деннің сау болуы да осы кезде маңызды. Жүрек-қантамыр жүйесі мықты болса, төсектегі қабілет пен либидо да жоғары болмақ.

Біраз уақыт ҚАЛАУЫҢЫЗ БОЛМАЙ қалуы да мүмкін 40-тан асқанда біршама уақыт төсекте жақындасуға қалауыңыз болмай қалу да қалыпты жағдай. Ол үшін алаңдауға негіз жоқ.

Ағзадағы өзгерістер, есею сияқты жағдайлар да тән жақындығына аса тарта қоймайды. Бірақ мұндай «тыныштықтан» кейінгі төсек қатынасы ерекше болады. Ал жұптар бұған дейінгі тән жақындығынан алған ләззатын, ненің ұнағанын айтса, ендігі жерде ұнамаған тұстарын білдіруі мүмкін.

Міне, осы себепті де қырқаға шыққаннан соң жұбайлардың бұл тақырыптьа ашық болады. Егер төсектегі жақындық туралы әлі де ашық сөйлесе алмайтындар болса, онда оларға кәсіби маманның көмегі аса қажет. Бала «жасау» - маңызды «ЖҰМЫС» Жыл өткен сайын әйелдің аналық ұрық жасушассының сапасы мен мөлшері кеми береді.

Сондықтан, 40 жастан асқанда құрсақ көтеру біршама қиындай болады. Егер осы жастағы жұптар тағы да сәби сүйгілері келсе, оған бұрынғыдай қарамайды. Яғни, бұл жаста «бала жасау» кәдімгі әжептеуір күш салатын жұмыс болмақ. Құрсақ көтергенше жыныстық қатынасқа түсу – «міндеттеме» ретінде қабылданады. Еркектер бұрынғыдан ұзағырақ «қимылдайды»

Жасы ұлғайған сайын еркектер шауһатты ұстап қалуға үйренеді. Бұл да гормондардың өзгерісінен...

Сонысымен де серігіне көбірек ләззат сыйлайды. Анығырақ айтқанда, серігінің төсекте қанағаттанғанына көбірек мән береді. 40-тан асқандағы төсек қатынасының тағы бір оңды жағы осы.

Түрлі дереккөзден жинақтаған: Ж.БАЙТҰРЫМ, Ernur.kz

Подробности
Категория: Әлем жаңалықтары

Израиль премьер-министрі Биньямин Нетаньяхудың әйелі Сара Нетаньяху Киевте сыйлы қонақтарды қарсы алу салтанатында оғаш әрекет көрсетті.

Ұшақ трапында отбасын украиналық ұлттық киім киген қыздар қарсы алып, қонақтарға нан мен тұздан ауыз тиюді ұсынды. Нетаньяху нанның бір бөлігін үзіп, тұзға батырып ауыз тиеді. Содан кейін әйеліне ұсынады. Алайда, премьердің жұбайы нанға қарап, оны жерге лақтыра салады.

Подробности
Категория: Сырласу

Әлеуметтік желідегі Салтанат деген қыздың жүрек жарды жазбасын оқып ойға қалдым.

Алғашқы махабатым деген жігіті опық жегізіп, одан кейін кездескен жігіттің ойлы әңгімесінен ой түйген қыздың жазғаны кімді де болса ойландырары хақ. Сенбесеңіз оқып көріңіз:

«Бәріне өзім кінәлімін. Бұл ойға келуіме екінші жүрген жігітім Дарын көмектесті. Оған дейін жігіттерге екі аяқты хайуан ретінде қарайтынмын. Олардың ішінде адал азаматтар бар екеніне ешуақытта сенгім келмеген. Өйткені өзімнің сүйген сыныптасымнан қатты опық жедім. Өмірім өксіді.

Подробности
Категория: Проза

Бақтыгүл Ауданова
(Әңгіме)

 – Иә. Оларға Қазақстан көмек береді екен деп естідім. Бізге де сондай көмек беретін басшылық болса ғой.Сіздер бізге қарағанда бақыттысыздар ғой...

– Ол жәрдем қашан болады әлі белгісіз. Шықпаған жаннан бір үміт деп солай қарай бара жатырмыз.

Алдымызға үлкен табақпен ет келді. Үй иесі де, келіншегі де суып қалған етке бір, бізге бір қарайды. Мен де мына таршылық заманда бұларға бұлай масыл болғанымызға іштей қынжылдым. Бірақ екі үйдің балалары да ештеңеге қарамай еттен соғып жатыр.

– Гоу, гоу,-деп қояды бір-біріне балалар қолдарын мылтық етіп «пақ» деп. Түсіндім. Сиырларын атып кеткен. Соның еті болса керек. Бәлкім арам өліп қалған шығар. Мейлі, оған қарайтын заман емес. Адамдар шөптің тамырын талғажау етіп отырған заманда не де болса ет қой дедім де асай бердім.

Подробности
Категория: Сырласу

Адамның қаншалықты ренжігіш екенін қалай білуге болады? Барлығы оңай! Бар болғаны оның жұлдызнамасын анықтаңыз. 

Біз адамдар өзіміз күткендей жауап қайтармаған кезде ренжиміз. Кейде ренішіміз орынды болғанымен, арасында болмашы дүниелерге де мұңаямыз. Психолог мамандардың айтуынша, әдетте адам өзіне назар аударту үшін ренжиді екен. Бұл – психологиялық қорғанудың бір түрі. 

Подробности
Категория: Сырласу

Бірқатар мамандар жұбайлардың жас айырмашылығының кейбір ерекшеліктері бар деген пікірде. Қызық" Клубер"ден аударып беруді жөн көрдік. Сонымен:

  Жұбайлар жасты болса
Мұндай некеде тұрмыстық қарым-қатынас берік орнайды. Ерлі-зайыптылардың жеке тұлға ретінде өз-өздерін шыңдауы, дамытуы кешеуілдейді.

Подробности
Категория: Әлем жаңалықтары

 
17 тамыз сенбі күні Ауғанстан астанасында болған үйлену тойында жарылыс болды.

Жарылыс кезінде той өтіп жатқан ғимаратта ондаған адам болған. Көргендердің сөздеріне қарағанда, оқиға болған жерде қанға бөккен ондаған адамның денесі жатқан.

Подробности
Категория: Проза

Бақтыгүл Ауданова
(Әңгіме)

 

– Дұрыс, солай болсын. Бірақ, жылы орнымыздан қозғалуға әлі ертерек сияқты.

– Бізге қолайы Шымкенттің төңірегі шығар. Жазы ыстық, қысы жылы. Халқы да еңбекқор. Өзіміз сияқты мақта егеді. Шаруаға да жайлы. Қазақылығы басым.

– Мына дастархан сарғайып қалды. Ас қайырайық, келіндер табақтарды алсын. Ал, әулием деп қолын жайды молда Хаким ешкімді күтпестен.

Осылай біздің үйдегі жиын тып-тыныш отырған қазақ ауылына бүлік салды.

– Әке,-дедім әлі де терең ойдан арыла алмай отырған әкеме қарап. –Садық атаның көшейік дегені несі? Қазақстанда онсыз да тыныш болмай тұр ғой...

– Көпті көрген кісі ғой, әлденені сезген шығар. Шынына келсем көшу жайы менің де ойымда жүрген. Бірақ... шешетін сендер...

Көктем шыға салысымен ауылдың екі-үш азаматы шалдардың аманатын арқалап Қазақстанға кетті. Ел көруге, жер көруге. Мүмкіндігі болса бір ауыл түгел бір жерге барып қоныстансақ деген ой жоқ емес. Бұл шалдардың арманы. Әрине, бірін-бірі қимайды ғой.

Подробности
Категория: Проза

Бақтыгүл Ауданова
(Әңгіме)

КСРО ыдырағаннан кейін бұрынғы одақтас республикалардың өз алдына «күн көріп» кетуі оңай болған жоқ. Бір жүйеге түскенге дейін біраз қиыншылықтарды бастан кешті. Тәуелсіздігінің алғашқы жылдарын ащылау бастаған елдердің бірі Тәжікстан болса, ондағы азаматтық соғыс көптеген адамды есінен тандырып, есеңгіретіп тастады.

Бүгінгі тақырыпта тәжік жерінде болған соғыстың куәсі болған қазақ азаматының бастан кешкен қиыншылықтары баяндалады.

Көшуімізге Желтоқсан көтерілісі себеп болды

 Мен ол кезде әскерден жаңа келген жігіт едім. Әкем мен ағаларыма арқа сүйеп кеткенім сонша миыма оқу, жұмыс істеу деген нәрсе келмепті. Астымдағы көк тұлпарыма мініп алып қай жерде отырыс болса сол жерден табылатынмын. Өзі аз ғана қазақтың бәрі мені таниды десем өтірік емес еді.

Подробности
Категория: Елең еткізер

 
Деректер бойынша, қыз Бейбарыс ауылында, жігіт Талдыкөл ауылында тұрған.

Атырау облысындағы Бейбарыс ауылында 12 тамыз күні асылып қалған қыз бен жігіттің денесі табылды. Расталмаған деректерге сәйкес, қайтыс болған жігіт - 20 жаста, ал қыз - 18 жаста болған.

Подробности
Категория: Сырласу

…Күйеуім екеуміз қаладағы арзан асханалардың бірінде түскі ас ішіп отырдық. Ол маған сүйсіне қарап, сезімін айтып отырды. Ол мені шын сүйді, ал мен оны..

Күйеуім — бойшаң, ірі денелі, өте сымбатты жігіт болатын. Мен оны — жанымнан артық сүйдім. Бірақ, біздің отбасы жағдайымыз өте нашар еді.

Күйеуім қарапайым құрылысшы болғандықтан, жалақысы 50.000 теңгеден аспайтын. Мен оған, ескі көйлектер ұсқынымды бұзып тұратынын айтып, қатты қысылушы едім. Ал күйеуім «Уайымдама жаным, бұл күндер артта қалады! Мен сені қымбат мейрамханаларда тамақтандырып, ең қымбат көйлектерді кигізіп, ең әсем әшекейлерді сыйлайтын боламын! Сен бақытты боласың!» деп мені жұбатушы еді.

Подробности
Категория: Әлем жаңалықтары

Сомалиде содырлар отельге шабуыл жасап, 10 адам қаза тапты.

Бұған қоса, ондаған адам түрлі жарақат алып, ауруханаға түскен. Лаңкестер мен қауіпсіздік қызметі өкілдерінің арасындағы атыс жалғасуда. Associated Press мәліметінше, Сомалиде қаруланған содырлар тобы Кисмайо қаласындағы отельге шабуыл жасаған.

Подробности
Категория: Әлем жаңалықтары
Жамбыл облысында Алматы-Екатеринбург тас жолының 380-шақырымында жол апаты салдарынан 3 адам көз жұмды, деп хабарлады облыстық Полиция департаментінің баспасөз қызметі.

«13 шілдеде сағат 17.35-те Жамбыл облысы Полиция департаментінің кезекші бөліміне Алматы-Екатеринбург тас жолының 380-шақырымында SsanYong маркалы қызметтік автокөлігінің аударылғаны туралы хабарлама келіп түсті.

Подробности
Категория: Тылсым дүние

Даниялық, Норвегиялық және Германиялық ғалымдар адамдардың шамамен 10 пайызы қайтыс болардың алдындағы уайымды бастан өткеретінін анықтады (немесе ағылш. near-death experiences). Бұл туралы еуропалық неврология академиясының бесінші конгрессі аясында айтылды, деп хабарлайды Stan.kz ақпарат агенттігі Medicalxpress басылымына сілтеп.

Подробности
Категория: Сырласу

Жазбада әйелдің сүйкімсіз әрекеттеріне тоқтала келіп, өмірде осы қылықтардың бойыңыздан табылуына жол бермеуге шақырады.

Әлеуметтік желіде zhuldyzdyn_zhazbasy парақшасында әйелдің бойынан еркекке ұнамайтын 6 қылық туралы жазба жарияланды, деп жазады Sn.kzақпарат агенттігі.

Жазбада әйелдің сүйкімсіз әрекеттеріне тоқтала келіп, өмірде осы қылықтардың бойыңыздан табылуына жол бермеуге шақырады.

  1. Өзге әйелдің менен несі артық?
  2. Тірі балықты жұтып қойған ер адам қайтыс болды
  3. Қалай жұмысқа тез орналасуға болады?
  4. Жыныстық қатынаспен айналысқан ер мен әйел 9-қабаттан құлап кетті