Алматыда автобус ішінде ер адамға пышақпен шабуыл жасаған видео пайда болды

           фото видеодан скриншот

Алматыда асхана пышағымен ер адам автобус контроллеріне шабуыл жасады,- деп хабарлайды el24.kz тілшісі Zakon.kz.

Қалалық полиция департаментінің баспасөз қызметі хабарлағандай, оқиға күндіз Наурызбай ауданында қоғамдық көліктердің соңғы аялдамасында болған.

"Автобустардың бірінің диспетчері өтіп бара жатқан адамға белгіленбеген жерде темекі шеккені үшін сөгіс айтып, нәтижесінде ер адамдар арасында жанжал туындаған.

Артынша автобусқа өтіп бара жатқан адам жүгіріп кіріп, қарсыласын пышақтап кеткен. Жедел жәрдем бригадасы бақылаушыны шұғыл түрде ауруханаға жатқызды", — деді Алматы қалалық ІІД бастығының бірінші орынбасары Қуатбек Науатов.

38 жастағы күдікті жедел іздестіру шараларымен ұсталып, уақытша ұстау изоляторына қамалды. Қылмыстық қару – асхана пышағы алынды. 2024 жылдың қазан айында дәл осындай оқиға Алматыда болған еді. Бұл жағдайда қолында құрылыс пышағы бар ер адам автобус жүргізушісіне шабуыл жасаған.

Полиция қызметкері абайсызда әріптесін атып тастады

 

 Полиция қызметкері абайсызда әріптесін атып тастады. Оқыс оқиға Таразда болды,- деп хабарлайды el24.kz тілшісі Zakon.kz.ке сілтеме жасап.

Оқиға жайлы ақпарат әлеуметтік желілерден белгілі болды. Жазбаға сүйенсек, Таразда патрульдік полиция батальонының инспекторы "қызметтік қарумен ойнап, әріптесін абайсызда атып тастады"

"2024 жылғы 16 қарашада қызметтік көлікте қызмет көрсетілетін аумақты патрульдеу кезінде полиция қызметкері қарумен абайсызда өзінің әріптесін атты. Кездейсоқ ауыр зардаптарға әкеп соққан немқұрайлылық фактісі бойынша қылмыстық іс қозғалды. Жәбірленуші Қордай аудандық ауруханасына жатқызылды", — деп түсіндірді ведомствода.

Полиция қызметкерлері қызметтік тексеру жүргізеді, болған оқиғаның барлық мән-жайлары анықталады.

Қорғаныс министрлігі жастарды әскерге күштеп алып кетіп жатқан бейнероликтерге түсініктеме берді

 

Қорғаныс министрінің тәрбие және идеологиялық жұмыс жөніндегі орынбасары Шайх-Хасан Жазықбаев 2024 жылғы 14 қарашада Сенаттың кулуарында жас жігіттерді әскерге күштеп алып кетіп жатқан бейнероликтерге түсініктеме берді,-деп хабарлайды el24.kz тілшісі Zakon.kz.ке сілтеме жасап.

Ол жергілікті органдар жүргізетін жұмыс заң аясында жүзеге асырылып жатқанын атап өтті. 18 бен 28 жас аралығындағы Қазақстанның әрбір азаматы әскерде қызмет етуге міндетті.

Журналистер әскерге бармау үшін бәрін жасайтын адамнан қандай сарбаз шығатынын сұрады.

"Заңда денсаулық, оқу жағдайына байланысты әскери қызметтен кім босатылуы мүмкін екендігі айтылған және көрсетілген. Егер ешқандай себеп болмаса, онда ол әскерде қызмет етуі керек. Біз ешкімді мәжбүрлемейміз! Тек жалтарушылар ғана емес, сонымен бірге әскерде қызмет еткісі келетіндер де бар. Көптеген адамдар екі апталық бейімделу кезеңінен өткеннен кейін армияның нашар екендігі туралы ұстанымдарын өзгертеді және жақсы сарбаз болады. Мұндай мысал менің тәжірибемде болды. Біз видеолардағы жігіттердің неге жүгіріп жүргенінің себептерін білмейміз. Мүмкін ол қызбен кездесуге барған шығар? Немесе басқа себептер. Әр жағдайды жеке қарау керек. Бірақ барлық жастар әскерде қызмет еткісі келмейді деп жалпылау дұрыс емес", — деді ол.

Сондай-ақ, Жазықбаев мұндай роликтер Қорғаныс министрлігінің имиджіне нұқсан келтіретінін айтты.

Бүгін доллар құны 500 теңгеге жетті

 

Еліміздегі айырбас пунктілерінде $1 бағамы – 500 теңгеге дейін жетті.

Ұлттық банктің 18 қарашаға арналған ресми бағамы — 1 долларға 495,95 теңге. Ресей рублінің орташа сараланған құны — 4,98 теңге. Еуро — 524,37. 

Kurs.kz мәліметінше, қазіргі уақытта Алматының ақша айырбастау пункттерінде доллар 498 теңгеден сатылып жатыр, сатып алу бағамы — 499,7 теңге. Еуро 522,5 — 527 теңге аралығында құбылып тұр.  Ал, Астана қаласы бойынша долларды сату бағамы — 495 теңге, сатып алу құны — 500 теңге. Еуро 523 теңгеден сатылып, 529 теңгеден сатып алынады. 

Дәл қазіргі уақытта ақша айырбастау орындарында Ресей валютасы 4,95 - 5,05 аралығында саудаланып жатыр.

 Айта кетейік, 15 қараша кешкі сауда қорытындысы бойынша, доллардың орташа бағамы 1,97 теңгеге қымбаттап, 496,01 теңге болған.

Көлік сатып аламын деп, әйелді айуандықпен өлтірген

 

Ақтөбеде 55 жастағы әйелді айуандықпен өлтірген күдіктіге үкім шықты.
 
Сотталушы автокөлік үшін адам өлтіруге дейін барған. Енді ол 22 жыл өмірін түрмеде өткізетін болады.
 
Үкім тыңдауға кісі қолынан мерт болған марқұмның жақындары ғана келді. Ал сотталушы тарапынан ешкім жоқ. 44 жастағы Қасымхан Үсенов соңғы сот отырысында бетін көлегейлеумен болды.

Осыдан бес ай бұрын 55 жастағы әйел автокөлігін сатпақшы болады. Сотталушыға клиент болып хабарласып, көлікті көрмекке кездеседі. Қала сыртына қарай шыққан кезде рульде отырған әйелді белдікпен қылқындырған.
 
Демі таусылған кезде, мәйітті сол маңдағы ағаш арасына апарып тастай салған. Ең сорақысы, өлікті адам танымас үшін бетін пышақпен тілгілеген. Құны 150 мың теңгелік алтын алқасын шешіп алған. 
 
Енді осы қылмысы үшін 22 жылға бас бостандығынан айрылды.
 
Марқұм, өзін қылқындырып жатқанда 112 нөмірін теріп көмек те сұраған. Бірақ кезекшілікте отырған құтқарушы қоңырауға мән бермеген. Осыдан екі ай бұрын төтенше жағдайлар департаментінің ол қызметкері екі жылға шартты түрде сотталған.
 
Марқұмның туыстары сотталушыға кескен жазамен келісетінін айтады. Гүлнәр Сұлтанбаева, марқұмның әпкесі: — 22 жыл үкімді сот мырза беріп отыр. Прокурор 23 жыл беріп еді. Біз өмір бойы деп қанағаттанып тұрмыз. Өмірлік жаза болса, өмірлікке жіберер еді. Өмірлік деген жаза бермей тұр ғой, заңда. Адам орнына келмейді енді. Ол да қыз асырап отыр екен. Бір Аллаға тапсырдым.

Үш кезеңдік тексеру — 2025 жылдан бастап онлайн микрокредит рәсімдеу талаптары күшейтілетін болды

 

2025 жылдан бастап Қазақстанда онлайн микрокредит рәсімдеу кезінде қауіпсіздік талаптары күшейтілетін болды,-деп жазады el24.kz тілшісі kazinform.ға сілтеме жасап.

Бұл туралы Ұлттық банк төрағасы Тимур Сүлейменов депутаттық сауалға берген жауабында мәлімдеді.

Ұлттық банк басшысының айтуынша, келер жылдан бастап онлайн микрокредит рәсімдеу кезінде биометриялық сәйкестендіру мен электрондық цифрлық қолтаңбаны қатар қолдану міндетті болады. 

«Онлайн микроқарыздарды ресімдеу кезінде 2025 жылғы 1 қаңтардан бастап биометриялық сәйкестендіруді, сол сияқты электрондық цифрлық қолтаңбаны (ЭЦҚ) да бір мезгілде міндетті түрде қолдану талабы енгізіледі.

Сондай-ақ, микроқаржы ұйымдары (МҚҰ) үшін клиент ақша аударғанға дейін оған банктік шоттың немесе төлем картасының тиесілігін сәйкестендіру талап етіледі»,- делінген жауапта. 

Бұдан басқа, банктер төлемдер мен аударымдарды жүзеге асыру барысында клиенттің мобильді нөміріне тексеру кодын жібереді.

Осылайша, клиентті үш факторлы тексеру жүзеге асырылады. Сонымен қоса, Қаржы нарығын реттеу және дамыту агенттігі банктерге онлайн кредиттер ресімдеген кезде өтінім берілгеннен кейін келесі күннен кешіктірмей оны мақұлдауға кеңес берді, осылайша клиент өзіне алаяқтар мәжбүрлеп берген кредиттен бас тарта алатын «шешімді өзгерту» кезеңі енгізіледі.

Ұлттық банк басшысы азаматтардың несие алудан өз еркімен бас тарту құқығы бар екенін еске салды. Қазіргі таңда бұл мүмкіндікті шамамен 700 мың қазақстандық пайдаланды.

Подробности
Категория: Сырласу

Сәлем "Сырласу !"

Аты жөнімді құпиялап беріңіздерші.Ешкімге айтпаған сырымды сіздермен бөліскім келеді. Жақында бір жігітпен танысқан болатынмын.Вертуальді.Тұрмысқа шығу мақсатым болатын.Жасым 26- да.Тұрмыста болмағам, есік көрмегем.Біраз сөйлесіп жүрген соң, фото сұрады.Мен реалда көресіз ғой дедім. Кездесейік деп қоймады. Кездестік.Басымнан  аяғыма дейін қарады.Кафеге барып отырдық.Онша сөйлемейді,ұнатпағанын білдім.

Подробности
Категория: Әлем жаңалықтары

 Филиппиндік блогер Кит Таленс желіге әкесінің өлімін жүктеп, сынның астында қалды.

.Видеоның басында әкесінің қайтыс болғанын білмейтін блогер жанұясымен бірге көлікте келе жатқанын көруге болады. Жанұя мүшелері әке күніне арнайы жасаған тосынсыйларын талқылайды.

Бірнеше минуттан кейін көлік ішіндегі адамдардың баяндамасы кенеттен үзіліп кетеді.  Камераға Таленстің әкесінің мәйітін құшақтап, шыңғырып жылағаны түсірілген.

Подробности
Категория: Егіз жүрек

Махаббат хикаясы

Ғани Әлихан

Үшінші қатар дегенім досым , менен әрі кетсе он қадам жер ғой , басымды көтере қарағанымда анық көрдім .

Үстінде қызыл көйлегі бар ұзын бойлы келіншек менен көз алмай тұрды .Тек көздеріміз түйіскенде ғана сырт айналып адамдар арасына кіріп жоқ болды . Жүрегім дүрсілдеп қоя берді . Кім болса да танысым екені белгілі . Негізі Алматы базарлары сондай , анда - санда ескі таныстарымда кездесіп жататыны бар . Алайда мынаның тесіле қарағаны жайдан - жай емес . Оның үстіне менің көргенімді байқағаннан тобырға кіріп жоқ болды . Демек кім болсада қимасым болғаны дедім де қарғып жолаққа өтіп соңынан түстім .

Подробности
Категория: Елең еткізер

Алматыда ҰҚК шекара қызметінің офицері, полковник Сергей Смицких сарбазды гранатаның жарылуынан құтқарып қалды.

19 маусым күні шекара қызметіне қарасты 2027 әскери бөлімінде полковник Сергей Смицких жақында ғана әскер қатарына алынған сарбазды құтқарып қалды, деп хабарлайды ҚР ҰҚК шекара қызметінің баспасөз қызметі.

Подробности
Категория: Елең еткізер

Дәрігерлер Ақмола облысында АН-2 ұшағының апатқа ұшырауынан зардап шеккендердің жағдайы туралы айтты

«Зардап шеккендердің біреуі ашық ми-бассүйек жарақатымен Нұр-Сұлтан қаласының теміржол аурханасына жеткізілді, ал екінші зардап шегуші ашық ми-бассүйек жарақатымен және күйікпен елорданың травмотология және ортопедия ғылыми-зерттеу институтына жатқызылды», - деп түсіндірді Ақмола облыстық денсаулық сақтау басқармасының баспасөз қызметі. Еске сала кетейік, бүгін Ақмола облысында АН-2 ұшағы апатқа ұшырады.

Подробности
Категория: Сырласу

Медициналық учищені бітіріп бір аудандық ауруханаға жолдамамен жұмысқа бардым (ол кезде солай жолдамамен жіберетін). Мені терапия бөліміне жіберді.

Бөлім меңгерушісі Асқар деген кісі екен. Өте жылы қабылдады. Бөлмесіне алғаш кіргенде «айналайын қызым, келе ғой» дегенде өз әкем сияқты болып кетті. Себебі, мен әкем үнемі «айналайын менің қызым» деп еркелететін. Бөлім меңгерушісі аға медбикені шақырып алып, «мына қызды бөлімнің жұмысымен таныстыр, бәрін түсіндір, білмегенін үйрет» деп тапсырды. Аға медбике де өте жақсы апай екен. Мен сөз арасында «бөлім меңгерушісі жақсы кісі екен» дедім. Қасима апай да менің сөзімді қоштады. Сөйтіп студенттен қызметкерге айналдым.

Подробности
Категория: Егіз жүрек

Махаббат хикаясы

Ғани  Әлихан

Шыныменде , бұл досымның өз аузынан естігендей қалған өмірін білемін ғой .Енді маған қызық боп тұрғаны Айконың өмірі . Өйткені жаңағы бір сөзінде төсектес болдық дегенді айтқан еді , сұлу қыздың көз жасына қалғаны рас шығар . Бірақ сол Айконы мен қайтып көрмегенмін . Мүмкін әліде ешқашан көрмейтін шығармын .

Өзі сұлудың да сұлуы еді . Тіпті тап қазірде жіпке тізіп сол кездегі сұлулығын суреттей аламын . Дегенмен онан маған не пайда . Болар іс болды , екі ғашықтың тағдыры екі түрлі жолға түсіп кетті емес пе , оны сұрағаннан бұл оны кейін көрді ма екен сол маңызды ғой .

Подробности
Категория: Сырласу

Жасым отыз сегізде. Қызметім де жоғары. «Карьера-карьера» деп жеке өмірімді де ұмытыппын. Уақыты келгенде ойлана бастадым. Жұмыстан соң интернетке отырып, танысу сайттарына кіріп жігіттермен таныса бастадым. Кездесуге де барып жүрдім.

Өзім жалғыз тұратындықтан, не істеймін не ішем, не жеймін демедім. Ата-анам Шет ауданында тұрады, қартайған жандар. Сондықтан, мен өз өмірім туралы ешкімнің алдында есеп те бермедім. "Не істесең де өзің біл, тек жыламасаң болды" деп ата-анам да өміріме араласқан емес.

Подробности
Категория: Елең еткізер

Еліміздің батысы мен оңтүстігінде 40 градус ыстық болады.

Қазгидромет мамандары алдағы үш күнге арналған ауа райы болжамын ұсынады. Жоғарғы атмосфералық қысымның аясында Қазақстанның солтүстік аймағы арқылы жылжитын фронттар тек кей жерлерде ғана найзағай мен өткінші жаңбыр алып келеді.

Подробности
Категория: Егіз жүрек

Махаббат хикаясы

Ғани Әлихан

 Осылайша аяғым тұсау салынып Айкодан алыстай бердім . Онымен болған күндерім қиялымда ғана қалған сағымға айналды . Дегенмен уақыт емші дегені рас екен уақыт өте келе ауданға ауыстым . Ауыспай қайтейін үйдегілердің бәрі осы қызды құптай берді . Оның үстіне ауданға мамаммен тағы да барып келдім . Тіпті Алматыға оқуға кетіпті деп сонда жіберді . Бұл 1993 - ші жылдың қыркүйегі , яғни сенің әскерге кеткеніңе жарты жыл болған кез . Сонда мен саған хат жаздым . Басымдағы болып жатқанның бәрін жаздым .

Ол хат қолыңа тиген тимегені белгісіз , жауап келмеді . Ал қалада қалған жалғыз кластасымыз оқуға түсіп кетті .( екіншісі менімен әскерге кеткен ). Сөйтіп Айкодан еш хабарсыз кеттім .

Подробности
Категория: Елең еткізер

 Оралда жасөспірім спортшы қыз жоғалып кетті.

Облыстық Полиция департаментінен түскен мәліметке қарағанда, 16 жастағы Лиана Шарифуллақызы Кушкеева 16 маусым күні сағат 17.30 шамасында үйінен шығып кеткеннен оралмаған. «Қазіргі кезде Орал қаласы полиция басқармасының қызметкерлері іздестіру жұмыстарын жүргізуде.

Подробности
Категория: Сырласу

 

Есімін құпия сақтаған әйелдің айтуынша, екеуі жарасымды жұп екен. Көршісі Қ. есімді азамат вахтада жұмыс істейді. Отбасы қамы үшін түзде еңбек етіп, нәпақа тауып жүр.

Көршісінің әйелін өзгемен көрген әйел мұңын шағып, Instagram әлеуметтік желісіндегі «Әйел құпиясы» парақшасына хат жолдады.

Подробности
Категория: Егіз жүрек
Махаббат хикаясы
Ғани Әлихан
 
Сол күні үйге көңілсіз келген құрдасым көңілсіз кеткен . Ол кеткеннен қолыма қалам алып осы оқиғаны жазуды бастап жібердім . Өйткені бұл маған қызық оқиға . Бірақ жазғанда жазамын -ау , маған қызық болғанмен оған мұңлы оқиға . Сол үшін кеште болса да өзіне бір ауыз айтуды мақұл көріп қоңырау соқтым . 

 - Қой болды , енді жазба-  дейді .
 
- Бастап қойғанмын , жазбасам болмайды- дедім .

Подробности
Категория: Егіз жүрек
Махаббат хикаясы
 
Ғани Әлихан
 
Осы келіп кеткен Әскербекпен түйдей құрдаспын . Екеуміздің бір мектепті бір класты оқып бітіргеніміз бар . Жасында қандай еді , жарықтық жалындаған от еді ғой өзі . Тап қазір екі жағы қуарып бұрынғы қою қара шашы сиреп самайын ақ шалған ауыл ағасы . 

Қырықтан үш аттап кетседе әліде күш қайраты қайтпаған , сомбал денелі келісті жігіт . Алайда кешегі үйге келгендегі күйін көргенде қолыма қалам алып жігіттіктің тағыда бір күңіренген күйін шерткеннен басқа амалым қалмады . Жоғарыда айтып өткенімдей бұл екеуміз бірге оқыдық . 
  1. Қатерлі ісіктің алдын алатын вакцина жасалды
  2. Өскеменде бұрынғы әкімнің өлі денесі табылды
  3. Ер адам бес баласын аяусыз өлтірген
  4. Анам тас жүрек болып барады