Алматыда блогер әрі заңгер Молдахан Әділетханға қатысты сот процесі жалғасуда

 

  el24.kz Алматы қаласының Алмалы аудандық сотында блогер әрі заңгер Молдахан Әділетханға қатысты қылмыстық іс қаралып жатыр. Іс Қазақстан Республикасы Қылмыстық кодексінің 274-бабы 2-бөлігі 3-тармағы бойынша қарастырылуда.

Жәбірленуші ретінде танылған Алматы қаласы полиция департаменті басшысының орынбасары Ержан Ұзабаевтың мүддесін қорғайтын адвокат Асылбек Әбдрайымовтың айтуынша, кезекті сот отырысында прокурор айыптау актісін жариялап, жәбірленушілердің бірі – Алматы қалалық полиция басқармасының бұрынғы басшысы С. Шумаевтан жауап алынған.

Адвокаттың мәліметінше, қазіргі уақытта тараптар арасында татуласу туралы келісімге қол жеткізілмеген. Сондай-ақ келтірілген залал өтелмеген.

Сот барысында жәбірленуші тарап моральдық зиян үшін 10 миллион теңге және заңгерлік көмек көрсету шығындары ретінде 1 миллион теңге өндіру туралы азаматтық талап-арыз берген.

– Бұл жерде тек жекелеген лауазымды тұлғалардың беделі туралы сөз болып отырған жоқ. Мұндай жарияланымдар мемлекеттік органдарға және жалпы құқықтық тәртіп жүйесіне деген қоғам сеніміне әсер етеді. Әзірге кешірім беру мәселесі қарастырылып отырған жоқ. Себебі азаматтық талап орындалмаған және Әділетхан Молдахан тарапынан кешірім сұрау болған жоқ, – деді адвокат Асылбек Әбдрайымов.

Заңгердің айтуынша, талап етіліп отырған 11 миллион теңге көлеміндегі моральдық және материалдық шығын толық өтелген жағдайда ғана жәбірленуші тарап мәселені қайта қарауы мүмкін.

– Егер 11 миллион теңге өтелсе, Ержан Ұзабаев бұл қаражатты балалар үйіне аудармақ. Дегенмен бұл оның кешіруге дайын екенін білдірмейді, – деп түсіндірді адвокат.

Еске сала кетейік, ҚР Қылмыстық кодексінің 274-бабы 2-бөлігі 3-тармағы бойынша кінәлі деп танылған жағдайда 11 миллион теңгеден астам мөлшерде айыппұл салу немесе үш жылға дейін бас бостандығын шектеу не айыру жазасы көзделген.

Қазіргі уақытта сот процесі жалғасып жатыр. Іс бойынша түпкілікті шешім сот үкімі шыққаннан кейін белгілі болады.

Қазақстанда 66 мыңнан астам азамат банкрот деп танылып, 250 млрд теңге қарызы есептен шығарылды

 

   el24.kz 2023 жылдан бері қолданыста жүрген «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заң мыңдаған қазақстандыққа қарыз жүктемесін азайтуға мүмкіндік берді.

Бұл туралы Сенат отырысында Мемлекеттік кірістер комитетінің дәрменсіз борышкерлермен жұмыс басқармасының басшысы Меруерт Сисембаева мәлімдеді.

Ресми деректерге сәйкес, заң күшіне енгеннен бері елімізде 66 397 азамат банкрот деп танылған. Соның ішінде мемлекеттік кірістер органдары арқылы 65 765 азаматтың 134,8 млрд теңге көлеміндегі қарызы есептен шығарылған.

Ал сот тәртібімен 632 азамат банкрот деп танылып, олардың 115 млрд теңге берешегі жойылған. Осылайша, жалпы алғанда шамамен 250 млрд теңге қарыз есептен шығарылды.

Сонымен қатар 1 118 азамат төлем қабілеттілігін қалпына келтіру рәсімін қолданған. Бұл рәсім борышкерлерге қарыздарын белгілі бір кесте бойынша өтеуге және қаржылық жағдайын реттеуге мүмкіндік береді.

Меруерт Сисембаеваның айтуынша, заң қабылданғаннан бері бірнеше рет жетілдірілген. Соңғы өзгерістердің нәтижесінде банкроттық рәсімдерін қолдану тәртібі жеңілдетіліп, кейбір талаптар алынып тасталды. Сондай-ақ өтініш беру процесі оңтайландырылып, жекелеген санаттар үшін рәсім мерзімі қысқартылған.

Сонымен бірге бірқатар мәселелер әлі де өзекті болып отыр. Атап айтқанда, кей азаматтардың иелігінде құны өте төмен ETN бағалы қағаздарының болуы олардың банкроттық рәсімінен өтуіне кедергі келтіреді. Көп жағдайда адамдар мұндай активтердің бар екенін білмейді.

Бұдан бөлек, қаржы ұйымдарының заң талаптарын бұзған жағдайдағы жауапкершілігі нақты айқындалмаған. Сондай-ақ кей банктер мен қаржы ұйымдары мемлекеттік органдардың шешімдеріне жиі шағымданып, қосымша тексерістер жүргізуді талап етеді.

Сарапшылардың пікірінше, банкроттық туралы заң азаматтарға қарыздан құтылуға нақты мүмкіндік бергенімен, оны одан әрі жетілдіру және қаржы секторымен өзара жұмысты күшейту маңызды болып қала береді.

 
 
 
 
 
 
 
 
 
 
 

 

Түркістан облысында екі бала суға кетіп, көз жұмды: анасы таңғы бесте жұмысқа кеткен

 

  el24.kz Түркістан облысының Келес ауданында екі баланың өмірін қиған қайғылы оқиға қоғамның қабырғасын қайыстырды. Ошақты суару каналында суға кеткен балалардың мәйіті бір тәулікке созылған іздестіру жұмыстарынан кейін табылды.

Қайғылы жағдай Келес ауданына қарасты Еңбекші ауылында болған. Алдын ала мәлімет бойынша, 8 жастағы Юсуфахмет пен 13 жастағы Диас үлкендердің қарауынсыз қалған кезде канал маңына барған. Қатты ағыс балаларды ағызып әкеткен.

Марқұм балалардың анасы Айгүл Тамашеваның айтуынша, оқиға болған күні ол таңғы сағат бесте жұмысқа кеткен. Артынша мүгедектігі бар күйеуі де табыс табу үшін үйден шығып кеткен. Үйдегі кіші балаларға әдеттегідей үлкен қызы қараған. Алайда ол анасына дәрі апарып беру үшін сыртқа шыққан сәтте Юсуфахмет пен Диас каналға қарай кетіп қалған.

Оқиға туралы хабар түскеннен кейін ауқымды іздестіру-құтқару жұмыстары ұйымдастырылды. Түркістан облыстық Төтенше жағдайлар департаментінің мәліметінше, іздеуге ондаған құтқарушы, арнайы техника және еріктілер жұмылдырылған. Бір тәулікке жуық жүргізілген жұмыстардың нәтижесінде балалардың денесі судан табылды.

ТЖД мәліметіне сәйкес, өңірде жыл басынан бері судағы жазатайым оқиғалардың саны артқан. Мамандар ата-аналарды балаларды су айдындарының маңында қараусыз қалдырмауға және қауіпсіздік талаптарын қатаң сақтауға шақырып отыр.

Қазіргі уақытта оқиғаның барлық мән-жайын құқық қорғау органдары анықтауда.

Бұл қайғылы жағдай балалар қауіпсіздігі мәселесінің қаншалықты маңызды екенін тағы бір мәрте көрсетті. Әсіресе жаз мезгілінде каналдар мен өзен-көлдердің маңында ойнайтын балаларға бақылауды күшейту қажеттігі туындап отыр.

 
 

Павлодар облысында Ан-2 ұшағы апатқа ұшырап, бір ұшқыш қаза тапты

 

 el24.kz Павлодар облысында Ан-2 ұшағы апатқа ұшырап, салдарынан бір адам қаза тапты. Екінші ұшқыш түрлі жарақатпен ауруханаға жеткізілген. Оқиғаның мән-жайы анықталып жатыр.

Көлік министрлігінің мәліметінше, апат 27 мамыр күні Павлодар облысының Железинка ауылы маңында болған. Әуе кемесі «Жеңіл және аса жеңіл авиацияны пайдаланушылар» заңды тұлғалар бірлестігіне тиесілі.

Ведомствоның хабарлауынша, ұшақ авиациялық-химиялық жұмыстарды орындау кезінде апатқа ұшыраған. Алдын ала мәлімет бойынша, әуе кемесі электр желілеріне соғылған.

«Бортта экипаждың екі мүшесі болған. Оқиға салдарынан бір ұшқыш қаза тапты. Екінші ұшқышты ТЖД қызметкерлері алып шықты, ол есін біледі», — делінген ресми хабарламада.

Қазіргі уақытта зардап шеккен ұшқышқа медициналық көмек көрсетіліп жатыр.

Көлік министрлігі әуе апатының себептерін ведомствоның Көліктегі оқиғалар мен инциденттерді тергеу департаментінің мамандары анықтайтынын мәлімдеді. Тергеу тобы оқиға орнына аттанған.

АҚШ-та ұсталған қазақстандыққа қатысты жаңа мәліметтер белгілі болды

 

  el24.kz АҚШ-тың Иммиграция және кедендік бақылау қызметі (ICE) Қазақстан азаматы Еламан Балтагерейдің ұсталғанын хабарлады. Ведомствоның мәліметінше, операция 5 маусым күні федералдық серіктестердің қатысуымен жүргізілген.

Қазіргі уақытта Қазақстан азаматы қамауда отыр. АҚШ билігі оған қатысты депортациялау рәсімдерін жүргізіп жатыр.

ICE таратқан ресми ақпаратқа сәйкес, Еламан Балтагерей «белгілі немесе күдікке ілінген террорист» ретінде бақылауға алынған тұлғалардың қатарына енгізілген. Сондай-ақ оған қатысты АҚШ аумағынан шығару туралы түпкілікті шешім қабылданғаны айтылды.

«Еламан Балтагерей белгілі немесе күдікке ілінген террорист ретінде ұсталуға нысанаға алынған, оған қатысты елден шығару туралы түпкілікті шешім бар», – делінген ведомство хабарламасында.

Америкалық биліктің мәліметінше, өткен жылдың жазында иммиграциялық сот Қазақстан азаматын елден шығару туралы шешім шығарған. Алайда ол белгіленген сот отырысына келмеген.

ICE сондай-ақ АҚШ президенті Дональд Трамп әкімшілігі заңсыз миграциямен күрес және ұлттық қауіпсіздікке қауіп төндіруі мүмкін тұлғаларды анықтау жұмыстарын күшейткенін атап өтті. Ведомствоның хабарлауынша, мұндай операциялар федералдық құқық қорғау органдарымен бірлесіп жүзеге асырылуда.

Қазіргі уақытта іс бойынша қосымша мәліметтер жарияланған жоқ. Қазақстан азаматының нақты қандай әрекеттерге байланысты күдікке ілінгені және оған қатысты қандай дәлелдер бар екені әзірге ресми түрде хабарланбаған.

Тергеу және депортациялау рәсімдері жалғасып жатыр.

Қазақстандықтарды алаңдатқан 10 мың теңге мәселесі: ресми жауап жарияланды

 

Ескі 10 мың теңгелік банкноттар жарамсыз болып қала ма? Ұлттық банк түсініктеме берді.

Соңғы күндері қазақстандықтар арасында ескі үлгідегі 10 мың теңгелік банкноттардың болашағына қатысты сұрақтар жиілеп кетті. Әсіресе, 27 маусымнан кейін бұл купюралармен дүкендерде төлем жасауға бола ма деген мәселе қоғамда қызу талқылануда.

Осыған байланысты Қазақстан Ұлттық банкі ресми түсініктеме беріп, ескі үлгідегі 10 мың теңгелік банкноттардың заңды төлем құралы мәртебесін сақтап отырғанын мәлімдеді.

Сенаттағы брифинг барысында Ұлттық банк төрағасының бұрынғы орынбасары Берік Шолпанқұлов азаматтар қолындағы ескі купюраларды тауарлар мен қызметтер үшін төлем жасау кезінде пайдалануға болатынын айтты.

«Егер сауда орындары ескі купюраларды қабылдамаса, оларды екінші деңгейлі банкке немесе Ұлттық банктің филиалына тапсыруға болады. Мұны мерзімге қарамастан жасауға мүмкіндік бар», – деді ол.

Ұлттық банктің мәліметінше, елде жаңа «Сақ стилі» сериясындағы банкноттарды айналымға енгізу жалғасып жатыр. Қазіргі уақытта жаңа үлгідегі барлық негізгі номиналдар шығарылған, тек 20 мың теңгелік жаңа банкнотты айналымға енгізу 2026 жылдың соңына жоспарланған.

Бұған дейін 10 мың теңгелік ескі және жаңа банкноттардың қатар айналыста болу мерзімі 2026 жылғы 27 маусымда аяқталуы тиіс болған. Алайда Ұлттық банк бұл мерзімді бір жылға ұзарту туралы шешім қабылдады. Енді ескі үлгідегі 10 мың теңгелік купюралар 2027 жылдың маусымына дейін заңды төлем құралы ретінде қолданыста болады.

Реттеушінің түсіндіруінше, мұндай шешім Қазақстан қаржыгерлер қауымдастығының ұсынысын ескере отырып қабылданған. Себебі 10 мың теңгелік банкноттар халық пен бизнес арасында ең кең таралған купюралардың бірі саналады.

Ұлттық банк сондай-ақ қатар айналым кезеңі аяқталғаннан кейін де ескі банкноттарды айырбастау мүмкіндігі сақталатынын хабарлады. Ескі үлгідегі ақшаларды барлық екінші деңгейлі банктер мен «Қазпошта» бөлімшелерінде үш жыл бойы айырбастауға болады. Ал Ұлттық банктің филиалдары оларды мерзімсіз қабылдайды.

Осылайша, қазіргі таңда ескі 10 мың теңгелік банкноттарды жарамсыз деп санауға негіз жоқ. Олармен төлем жасауға да, қажет болған жағдайда банктер арқылы айырбастауға да болады.

Подробности
Категория: Сырласу

 

Мен жастай тұрмыс құрдым. Алайда алғашқы күйеуіммен жарасып кете алмадық, ақыры ажырасып тындық, арамызда бір қыз бар. Себебі күйеуім арақ ішетін.Ішкенде де тоқтай алмай, салынып ішеді. Мен тауда малдағы үйде жасқа толмаған қызыммен жылап жүретінмін, ал ол апталап қаңғып кететін. Оны ақылға келтіруге, отбасымды сақтауға тырыстым. Бірақ ол мені де, менің сөзімді де керек қылмады.

Подробности
Категория: Проза

Жолдыбай Базар

Шиқылдап есік ашылған сәтте іштегі күлімсі иіс қолқаңды қауып, еріксіз бетіңді тыржитасың.

Үй іші қара көлеңке әрі көңілсіз. Кіргің де келмейді. Ол есікті қайта жапты да, көптен бері есік алдында шаң басып жатқан тақтайшаның үстіне отыра кетті. Шалбарым былғанады-ау деген ой қаперіне де кірер емес. Оған бәрібір... Өйткені ол өмір тізгінін бос тастаған, тіршіліктегі өз орнын таба алмай, тек күнім өтсе болды деп, алдағы өмірден күдерін үзіп, өлімді ғана күтіп жүрген пақыр-қайыршы. 

Подробности
Категория: Елең еткізер
Бұл туралы қоғамдық коммуникация орталығында өткен брифингте МО білім басқармасының басшысы Асқар Сейдалиев мәлімдеді.
 
Аттестат тапсыру рәсімі 3-4 маусымда өткізіледі. Бұл мерекенің ерекшелігі – салтанатты түрде аттестат беріледі және соңғы қоңырау соғылады. Түлектер әдеттегі мектеп формасымен қатысады. Шара міндетті түрде мектеп қабырғасында, таза ауда, тек 11 сынып оқушылар мен ата-аналардың қатысуымен және барлық санитарлық нормаларды сақтай отырып өткізіледі.

Подробности
Категория: Елең еткізер

 

Алматы қаласының бас еңбек инспекторы Айнұр Мұқажанова жұмыс берушілерге қызметкерлері уақытша жұмыссыз қалғаны үшін 42 500 теңге төлеу керегін еске салды, - деп хабарлайды Tengrinews.kz тілшісі.

"Жұмыс берушілер жұмыс орындарында кез келген тәуекелдерді болдырмауға міндетті екенін атап өткім келеді. Біз жұмыс берушілерге ЕК 112-бабына сәйкес, яғни бос тұрып қалу уақытына ақы төлеуді ұсынамыз, оған сәйкес олар қызметкерлеріне ең төменгі жалақы, 42 500 теңге төлеуге мәжбүр болады", - деді Алматы қаласының бас еңбек инспекторы Айнұр Мұқажанова онлайн-брифинг барысында.

Подробности
Категория: Елең еткізер
Жүргізуші көлігінің қаптаған құжатын өзіңмен алып жүрмейсің.
 
Енді оған тек жеке куәлігің болса жеткілікті. Ішкі істер министрлігі жақын арада заңға осындай өзгеріс енгізгелі жатыр. Тағы бір өзгеріс, енді автобөлшектердің техникалық төлқұжаты болмаса, оны сатуға болмайды. Сатса, әкімшілік жауапкершілікке тартылады.

Подробности
Категория: Әлем жаңалықтары
Forbes-тің мәліметі бойынша, тек осы жылдың өзінде америкалық Rising S Company компаниясы 150 000 доллар тұратын, толық жабдықталған және ядролық уды сүзуге қабілетті екі бункер сатқан.
 
Калифорниядағы Vivos компаниясы ресейлік қалталылар арасында бункерге деген сұраныс артқанын мәлімдеген. Олардың айтуынша, пандемия басталғаннан бері бункерлерге деген сұраныс 1000 пайызға артқан. Ресейде қорғаныс жабдықтарын өндіретін компанияларға тапсырыс саны да өсті.

Подробности
Категория: Сырласу

"Қыз бала тұрмысқа шыққанда бақытты боламын деп емес, барған жерімді бақытты етемін деп шешім қабылдайды" деген бар.

Бұл бір қарағанда нәзік жандылар тұрмыс құрғанда өзгелердің бақыты үшін өзін құрбан қылады деген секілді естілуі мүмкін, алайда өзгелерге бақыт сыйлау арқылы, жұбайының махаббатына бөлену арқылы өзі де бақытты бола білсе, ең маңыздысы – осы.

Подробности
Категория: Әлем жаңалықтары
Қытай таяу екі жылда коронавирустан зардап шеккен елдерге екі миллиард доллар көлемінде көмек көрсетеді.

Бұл туралы Дүниежүзілік денсаулық сақтау ассамблеясының 73-ші сессиясының ашылуында сөйлеген сөзінде президент Си Цзиньпин мәлімдеді.

Подробности
Категория: Даңқ пен Дақпырт
Жазмыштан озмыш жоқ. Ұзаққа созылған сырқатынан соң әріптесіміз, танымал тележүргізуші Бейсен Құранбек өмірден озды. Қаралы хабар көпті есеңгіретті. Саналы ғұмырын журналистикаға арнаған азаматтың орны ойсырап қалды.
 
49 жасында бақилық болған Бейсен Құранбекпен  қоштасу рәсімі бүгін Талдықорған қаласында өтеді.

Подробности
Категория: Керек кеңес
Бала кезімізде «осы айна неден жасалады екен» деп қызығатынбыз.
 
Бұған ой жібермеген бала жоқ шығар. Ата-анамыздан сұрасақ, түсіндіріп, айтып беретіндері аз. Сондықтан бАйна туралы ырымдарізге әлдебір тылсым күшке ие сияқты көрінетін. Қазақ  ырымшыл халық.

Подробности
Категория: Керек кеңес

Қарсы алдыңызда тұрған адамның қандай жан екенін сөйлеген сөзінен, сүйікті түсінен, бет-әлпетінің ерекшелігінен, жүрісінен тануға болады. Алайда адам туралы ең көп мәліметті көзі береді. «Көз – адамның ішкі жан дүниесінің айнасы» деп текке айтпаса керек. Олай болса, көздің түсіне қарап адам мінезін анықтап көрейік.

1. Қара көздердің иесі – бойында күш-қуаты мол, өмірді ерекше сүйетін, ынта-жігері мықты жан. Мінезі бір қалыпты деп айтуға келмейді. Мұндай адамдарды алған бетінен қайтару мүмкін емес және ешкім де жолында кедергі бола алмайды. Олардың бұл қабілеті тек жеңіс қана емес. Сонымен қатар асығыс шешім қабылдауға түрткі болып, сәтсіздіктерге ұрындырады.

Подробности
Категория: Проза

Әңгіме

Гүлнұр Ембердиева

Университет бітірген соң жұмысты бір жыл іздедім. Дұрысы өзім іздеген жоқпын әкем іздеді. Оқуды жаңа бітірген, оң-солын танымайтын мен сияқты кішкентай ғана түйіршікті кім көзіне іле қойсын. Сондықтан үйде отырып әкемнің әкелетін жаңалығын күттім. Екі ай дегенде хабар жетті. Әдеттегідей үйге асығыс кірген әкем жаңалығын қысқа қайырды. 

- Қыркүйектің жиырмасында мектепке жұмысқа шығасың. 

Подробности
Категория: Даңқ пен Дақпырт
Отандық шоу-бизнес жұлдызы Ақбота Керімбекова өзі өткізген ұтыс ойнына қатысты бар шындықты айтты. Әнші ешкімді алдамағанын және халықты ақша салуға шақырмағанын алға тартып, ақталып әлек болды. Ол ұйымдастырушыларға тым қатты сеніп қалғанын жоққа шығармады деп жазады nur.kz.
 
Ақбота Керімбекова ұтыс ойынына қатысты даулы оқиғаға нүкте қою үшін Instagram парақшасында арнайы жазба жариялаған.

Подробности
Категория: Керек кеңес
Бүгінгі психологиялық тест адамның бейсанасымен жұмыс істеуіне арналған. Суретке мұқият қарап, алдымен не көргеніңізді байқаңыз. Суретте түлкі және дельфин берілген. Қайсысы назарыңызға бірінші ілікті?
 
Түлкі
 
Бірінші түлкіні байқаған адамда ерекше тектілік, данышпандық қасиеті бар. Сіздің бойыңыз позитив пен романтизмге тұнып тұр. Туыстарыңызбен, жақындарыңызбен аса тығыз байланыстасыз.
  1. 22:00-ден кейін тыныштық бұзғандар 13 890 теңге айыппұл төлейді
  2. Дәрігер қандай масканың вирустан жақсы қорғайтынын айтты
  3. 42 500 теңгеге байланысты шағымды қайда жолдауға болады
  4. Коронавируспен ауыратын науқастар ауруханада өрттен көз жұмды