Қазақстанда шетелден жұмыртқа әкелуге уақытша тыйым салынды

 

    el24.kz Қазақстанда шетелден жұмыртқа импорттауға уақытша тыйым салынды. Осыған байланысты алдағы уақытта дүкен сөрелерінен шетелдік жұмыртқаны кездестірмейміз. Бұл шешім отандық құс фабрикалары ел ішіндегі сұранысты толық қамтамасыз ете алатынына байланысты қабылданды.

Ауыл шаруашылығы министрлігінің мәліметінше, тиісті бұйрыққа министр қол қойған. Құжатқа сәйкес, жұмыртқа импортына енгізілген шектеу әзірге бір ай мерзімге белгіленіп отыр. Тыйым Еуразиялық экономикалық одақ елдерін қоса алғанда, барлық мемлекеттерге қатысты. Жұмыртқаны Қазақстан аумағынан тек транзиттік тасымал ретінде өткізуге ғана рұқсат етіледі.

Министрлік бұл шешімді отандық тауар өндірушілерді қолдау қажеттілігімен түсіндірді. Себебі сырттан әкелінетін жұмыртқа қазақстандық құс фабрикаларының өндірістік қарқынын төмендетіп, олардың толық қуатта жұмыс істеуіне кедергі келтіріп келген.

ҚР Ауыл шаруашылығы вице-министрі Аманғали Бердалиннің айтуынша, елімізде құс шаруашылығы бағытында жұмыс істейтін 37 фабрика бар.

«Бұл фабрикалар белгілі бір көлемде ғана емес, тіпті өз қуатынан да көп жұмыртқа өндіруге қауқарлы. Алайда қазіргі таңда мүмкіндіктеріне қарағанда аз өндіріп отыр. Импортты шектеу отандық ауыл шаруашылығы тауар өндірушілеріне өндіріс көлемін арттыруға мүмкіндік береді. Бүгінде біз өзімізді жұмыртқамен 100 пайыз қамтамасыз етіп отырмыз», – деді вице-министр.

Ауыл шаруашылығы министрлігінің мәліметінше, аталған шара ішкі нарықтағы тұрақтылықты сақтауға, отандық өнім үлесін арттыруға және құс шаруашылығы кәсіпорындарының экономикалық жағдайын жақсартуға бағытталған.

 

«Жеті күн емес». Қазақстанда ақылы жолды 30 күн ішінде төлеуге болады

 

   el24.kz Қазақстанда ақылы автожолдарда жолақы төлеу тәртібі жеңілдетіледі. Жаңа ережеге сәйкес, жүргізушілер енді ақылы жолмен жүргені үшін төлемді бұрынғыдай 7 күннің ішінде емес, 30 күн ішінде жүзеге асыра алады.

Бұған дейін белгіленген мерзімде жолақы төленбесе, материалдар тиісті уәкілетті органдарға жолданып, жүргізуші әкімшілік жауапкершілікке тартылатын.

Ал жаңа тәртіп бойынша жеке тұлғаларға жолақыны пайдаланған күннен бастап 30 күнтізбелік күн ішінде төлеуге мүмкіндік беріледі. Тек осы мерзім өткеннен кейін ғана әкімшілік шаралар қолданылуы мүмкін.

Мамандардың айтуынша, бұл өзгеріс төлем жүйесін барынша ыңғайлы етуге және техникалық немесе өзге де себептермен төлемді дер кезінде жасай алмаған жүргізушілердің санын азайтуға бағытталған.

Сонымен қатар заңды тұлғалар үшін де төлем жасау тәртібі нақтыланған. Егер жолақы белгіленген мерзімде төленбесе, материалдар уәкілетті органдарға жолданады.

Айта кетейік, ақылы жолдарда төлем жасау электронды жүйе арқылы, мобильді қосымшалар мен банк сервистері арқылы жүзеге асырылады. Жауапты мекемелер жүргізушілерді жолақыны белгіленген 30 күндік мерзімде төлеуге шақырады.

Жол жабылғаны туралы ескертуді елемеген жүргізушілерге 118 мың теңге айыппұл салынады

 

     el24.kz Енді қысқы кезеңде жол жабылғаны туралы хабарламаны елемей, тыйым салынған уақытта жолға шыққан жүргізушілер әкімшілік жауапкершілікке тартылады. Қолданыстағы ережеге сәйкес, жолдың жабылғаны жөніндегі ресми ескертуді назарға алмаған азаматтарға 118 мың теңге көлемінде айыппұл салу көзделген.

Бұл жаза жол қозғалысы ережесін алғаш рет бұзғандарға қатысты қолданылады. Ал ереже талаптарын қайтадан бұзған жағдайда, жүргізушіге 15-тен 20 тәулікке дейін әкімшілік қамауға алу шарасы қарастырылған.

Алайда кейбір жүргізушілер жабық жолға шыққан сәтте байланыс аймағынан тыс жерде болғанын немесе ұялы телефон қуатының таусылуына байланысты шектеу туралы хабарламаны көрмегенін алға тартады. Мұндай жағдайларда уәкілетті органдар жол қозғалысы ережесінің нақты қай уақытта және қандай жағдайда бұзылғанын жан-жақты тексеріп, соның негізінде шешім қабылдайды.

Төтенше жағдайларды жою департаментінің бас маманы Магомед Ахриевтің айтуынша, жол ережесін қайталап бұзу фактілері Әкімшілік құқық бұзушылық туралы кодекстің 667-бабына сәйкес қаралады.

— Құқықбұзу қайталанған жағдайда әкімшілік қамауға алу шарасы қолданылуы мүмкін. Мұндай істерді негізінен полиция органдары қарайды. Қазіргі таңда нақты статистикалық мәліметтер толық емес, дегенмен бұл әрекет үшін әкімшілік жауапкершілік бар екенін атап өтеміз, — деді ол.

Мамандар жүргізушілерді қысқы жол жағдайында қауіпсіздік талаптарын қатаң сақтауға, сондай-ақ ресми хабарламалар мен ескертулерге мұқият болуға шақырады.

2026 жылға Жұлдызнама

 

   el24.kz 2026 жыл — Сатурн мен Юпитердің белсенді әсері күшейетін, жауапкершілік, тәртіп, өз-өзін дамыту және қаржылық тұрақтылық алдыңғы орынға шығатын жыл. Көп адам үшін бұл жыл — өсу, түзілу және жаңа өмір кезеңіне қадам басу жылы.

♈ Тоқты (Овен)

2026 жылы Тоқтылар жаңа бағыт іздейді. Көптен бері армандап жүрген істі бастауға қолайлы жыл.

  • Қаржы: Ірі табыс көздері ашылады.

  • Денсаулық: Энергия көп, бірақ күйзеліске абай болыңыз.

  • Махаббат: Жеке өмірде жаңа кезең, отбасылылар үшін түсіністік артады.

♉ Торпақ (Телец)

Бұл жыл Торпақтарға тұрақтылық пен материалдық береке әкеледі.

  • Қаржы: Жыл ортасында табыс еселенеді.

  • Жұмыс: Жаңа қызмет немесе мансаптық өсу.

  • Отбасы: Үй, жер, мүлікке қатысты жақсы жаңалықтар.

♊ Егіздер (Близнецы)

2026 — Егіздер үшін қарым-қатынастар жылы.

  • Жұмыс: Келісімшарттар, жаңа таныстықтар пайда әкеледі.

  • Қаржы: Ақша келеді, бірақ шығын да көп.

  • Денсаулық: Ұйқыға, жүйке жүйесіне көңіл бөліңіз.

♋ Шаян (Рак)

Шаяндар үшін 2026 — ішкі тыныштық пен жаңару жылы.

  • Отбасы: Отбасында үлкен қуаныш, туыстық байланыстар нығаяды.

  • Қаржы: Тұрақты, бірақ күтпеген шығын болуы мүмкін.

  • Денсаулық: Ас қорыту жүйесіне назар аударыңыз.

♌ Арыстан (Лев)

Арыстандар үшін бұл жыл — мақсатқа жету жылы.

  • Жұмыс: Мансаптың шарықтау шегі.

  • Қаржы: Үлкен келісім, табыстың көбеюі.

  • Махаббат: Көптен күткен тұрақтылық келеді.

♍ Бикеш (Дева)

2026 Бикештерді еңбек пен табыстың молымен қуантады.

  • Қаржы: Экономика жақсы, жинақ көбейеді.

  • Махаббат: Сезім қайта жанданады.

  • Денсаулық: Арқа, бел, жүйке жүйесіне абай болыңыз.

♎ Таразы (Весы)

Таразылар үшін жыл — тепе-теңдікті табу жылы.

  • Жұмыс: Жаңа серіктестік, шығармашылық жобалар.

  • Қаржы: Тұрақтылық орнайды, бұрынғы қарыздар жабылады.

  • Махаббат: Қарым-қатынаста түсіністік артады.

♏ Сарышаян (Скорпион)

2026 — үлкен өзгерістер жылы.

  • Қаржы: Үлкен жобалардан табыс көп.

  • Отбасы: Кейбір мәселелер шешімін табады.

  • Денсаулық: Иммунитетті күшейтіңіз.

♐ Мерген (Стрелец)

Мергендер үшін жаңа мүмкіндіктер көп.

  • Жұмыс: Шетел, оқу, жаңа тәжірибе.

  • Қаржы: Тұрақты, бірақ инвестицияға абай болыңыз.

  • Махаббат: Күтпеген таныстық.

♑ Тауешкі (Козерог)

2026 жыл Тауешкіге үлкен жетістік әкеледі.

  • Жұмыс: Көп жылғы еңбектің жемісі.

  • Қаржы: Табыстың күрт өсуі.

  • Отбасы: Үлкен қуаныш.

♒ Суқұйғыш (Водолей)

Бұл жыл Суқұйғыштар үшін жаңашылдық жылы.

  • Жұмыс: Технология, шығармашылық салаларда жарқырайсыз.

  • Қаржы: Капитал өседі.

  • Денсаулық: Жүрек пен қан қысымына назар аударыңыз.

♓ Балықтар (Рыбы)

2026 жылы Балықтар рухани өсу мен тыныштық табады.

  • Махаббат: Жаңа махаббат не қарым-қатынастың тереңдеуі.

  • Қаржы: Жақсы, бірақ жоспарлау керек.

  • Жұмыс: Жаңа бағыт бастайсыз.

Жұмыссыздар мемлекеттен әлеуметтік төлемді қалай ала алады?

 

 el24.kz  Қазақстанда жұмысынан айырылған азаматтар міндетті әлеуметтік сақтандыру жүйесіне қатысу өтілі мен соңғы табысына байланысты мемлекеттен әлеуметтік төлем алуға құқылы. Қолданыстағы заңнамаға сәйкес, жұмысынан айырылу бойынша төлем 1 айдан 6 айға дейінгі

мерзімге тағайындалады.

Әлеуметтік төлемнің мөлшері азаматтың соңғы 24 айдағы табысына байланысты есептеліп, бұрынғы кірістің 45 пайызына дейін болуы мүмкін. Төлем Мемлекеттік әлеуметтік сақтандыру қорының (МӘСҚ) қаражаты есебінен жүзеге асырылады.

Әлеуметтік төлем алу үшін азамат алдымен жұмыссыз мәртебесін рәсімдеуі қажет. Ол үшін келесі қадамдар орындалады:

  • eGov.kz порталында тіркелу;

  • «Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;

  • онлайн өтінімді толтырып, электронды цифрлық қолтаңба (ЭЦҚ) арқылы қол қою;

  • өтінімді жолдау.

Өтініш жіберілгеннен кейін бір жұмыс күні ішінде тұрғылықты жеріңіздегі мансап орталығы бос жұмыс орындарын ұсынады. Егер лайықты жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда мансап орталығының мамандары қосымша ақпарат алу үшін хабарласуы мүмкін.

Айта кетейік, бұл қызметті электронды еңбек биржасы арқылы онлайн режимде де рәсімдеуге болады.

Мамандар жұмысынан айырылған азаматтарды әлеуметтік төлем алу мүмкіндігін тиімді пайдаланып, ресми түрде тіркелуге шақырады.

 

Президент Қазақстан халқын Тәуелсіздік күнімен құттықтады

 

el24.kz  Мемлекет басшысы Қасым-Жомарт Тоқаев Қазақстан халқын Тәуелсіздік күнімен құттықтап, ел бірлігі мен тұрақтылықтың маңызын атап өтті. Президенттің айтуынша, бұл мереке – еліміз үшін тарихи мәні зор, тағдырлы күн.

Қасым-Жомарт Тоқаев Тәуелсіздік – халқымыздың ең қастерлі құндылығы екенін айтып, егемендікті нығайту жолында Қазақстанның елеулі жетістіктерге қол жеткізгенін атап өтті.

— Осы күні халқымыз Қазақстанды егемен ел ретінде дамыту жолында ерікті әрі түпкілікті таңдау жасады. Тәуелсіздік бәрінен қымбат. Біз бабалар рухына тағзым етіп, өскелең ұрпақ алдындағы тарихи жауапкершілікті терең сезіне отырып, осы ұстанымға адал боламыз. Азаматтарымыздың ырысты ынтымағының, өзара қолдауының, жасампаз еңбегінің және қоғамдағы тұрақтылық пен келісімнің арқасында Қазақстан Тәуелсіздікті нығайту ісінде айтарлықтай жетістіктерге жетті, — деді Президент.

Мемлекет басшысы қазіргі әлемде болып жатқан жылдам өзгерістерге тоқталып, жаңа тарихи кезең түрлі сын-қатерлермен қатар, тың мүмкіндіктерге де жол ашып отырғанын атап өтті. Осы орайда ел бірлігін сақтау аса маңызды екенін айтты.

— Мұндай жағдайда біз жас әрі озық ойлы ұлт ретінде болашаққа зор үмітпен және нық сеніммен қарап, берекелі бірлігімізді сақтауға тиіспіз, — деді Қасым-Жомарт Тоқаев.

Сонымен қатар Президент еліміздің жаһандық деңгейдегі беделі мен бәсекеге қабілеттілігін арттыру үшін аянбай еңбек ету қажет екенін жеткізді. Қазіргі таңда жүзеге асырылып жатқан ауқымды реформалар елдің жан-жақты жаңғыруына бағытталғанын айтты.

— Стратегиялық бағдарымыздан ауытқымай, Әділетті, Күшті, Таза және Қауіпсіз Қазақстанды құрамыз. Баршаңызға мол бақыт, бақ-береке және толағай табыс тілеймін. Қастерлі Тәуелсіздігіміз мәңгі болсын! — деді Мемлекет басшысы.

Подробности
Категория: Әлем жаңалықтары

 

2050 жылға қарай жасы 65-ке келген және бұл межеден асқан қарттар қарасы 2019 жылғы мәліметпен салыстырғанда екі есеге көбейеді, яғни, 3,4 млн адамға етеді.

Бұл жайында Islam.kz порталы Біріккен Ұлттар Ұйымының ел тұрғындары саласындағы қорының таяуда жарияланған баяндамасында келтірілген дерекке сілтеме жасай отырып мәлім етеді.

Подробности
Категория: Әлем жаңалықтары

 

Беларусь Республикасының Президенті Александр Лукашенко №2 "Егемендік пен конституциялық құрылымды қорғау туралы" декретке қол қойды. Бұл туралы Беларусь президентінің баспасөз қызметі жариялады, деп хабарлайды Stan.kz ақпарат агенттігіне сілтеме жасап el24.kz.

Құжатта ел басшысы қастандық, терроризм актісі, сыртқы агрессия, басқа да зорлық әрекеттері салдарынан қайтыс болған жағдайда барлық мемлекеттік органдар, олардың лауазымды тұлғалары Қауіпсіздік кеңесі шешімдеріне сәйкес әрекет етеді. Қауіпсіздік кеңесінің отырыстарына премьер-министр басшылық етеді.

Подробности
Категория: Әлем жаңалықтары

 

ХХI ғасырдың екінші жартысында Африка құрлығы мен Таяу Шығыс жер бетіндегі «тандыр» аймаққа айналады. Дәлірегі, ауа температурасы 60 °C-қа дейін көтерілуі мүмкін.

Бұл жайында islam.kz порталы бұл бағытта арнайы жүргізілген зерттеу нәтижесі жарияланған Climate and Atmospheric Science мерзімді басылымы мен осы турасында хабар таратқан nature.com ақпарат көзіне сілтеме жасай отырып мәлім етеді.

Подробности
Категория: Проза

 

Әңгіме

Фариза Амангелдіқы

Айдынды көтеріп Қалима үйге кірді. Мөлдір де бетіне сүйіп қайта-қайта құшақтап жатыр.

- Неге тоғай жаққа кетіп қалғансың балам? Түнде жалғыз қалып кетсең не болар еді?
- Апа, ол мені ұрды.
- Жарайды балам, байқамай қалған ғой...
- Жоқ, ол әпкемді ұрды, кейін мені итерді,- деді кішкентай Айдын қорқақтап. Мөлдір жылап жіберді:
- Апа, кетейікші бұл үйден. Қалаға кетейікші. Ол жақта да жұмыс көп қой. Мен сабақтан шыққан соң жұмыс жасайм. Нағашы әпкемнен ақылы пәтер сұрап көреміз. Мұнда бәрібір жақсы өмір сүрмейміз ғой апа.

Подробности
Категория: Проза

Әңгіме

Фариза Амангелдіқызы

Фариза Амангелдіқызы Атаева : 1991жылы  Түркістан облысы, Жетісай ауданында дүниеге келген. Тұрмыста, 3 баланың анасы. Бала тәрбиесімен үйде отырған педагог ана өлең, әңгіме жазып  шығармашылық қасиетін дамытуда. Инстаграмм әлеуметтік желісінде өте белсенді , танымал.

Подробности
Категория: Әлем жаңалықтары

 

1973 жылдан бері ерлердің сперматозоид мөлшері осы уақытқа дейін 60%-ға дейін кеміп кеткен.

Химикаттық ластану кесірінен. Егер бұл тенденция сақталатын болса, 2045 жылға қарай ұрпақ өрбіту қабілетінен айырылып қалу қатері жоғары.

Подробности
Категория: Бүгін

 

Ақтау, Ақтөбе және Атырау гарнизондарының әскери бөлімдерінде егу үшін жылжымалы вакцинациялау пункттері ұйымдастырылды.

 Персоналды вакцинациялау ерікті түрде жүзеге асырылды. Барлық дәрежедегі командирлер мен медициналық қызмет өкілдері вакцинацияның артықшылығы мен қажеттілігі туралы жеке құраммен түсіндіру түсіндіру жұмыстарын ұйымдастырды.

Подробности
Категория: Керек кеңес

 

Адам тани аласыз ба?


Суретке қарап, төрт адамның қайсысы ұры деп ойлайсыз, соны анықтаңыз. Содан соң сурет нөміріне сәйкес өзіңіз туралы деректі оқыңыз.

Подробности
Категория: Әлем жаңалықтары

 

"Қазақстан алюминийі" АҚ-ның экс-президенті Алмаз Ибрагимов өз отанында президенттің кеңесшісі болды.
Қырғызстан басшысы Садыр Жапаров қазақстандық кәсіпкер, 72 жастағы Алмаз Ибрагимовты өзінің кеңесшісі етіп тағайындады, деп хабарлады Қырғыз Республикасы президентінің сайты.

Подробности
Категория: Сырласу

 

Мен үйдің тұңғышымын және ұзақ жылдар бойы жалғыз сәбиі болдым. Десе де, өзге отбасылардағыдай ата-анам мені еркелетіп, махаббатқа бөлей қойған жоқ.

Әкем күні-түні жұмыс істеп, біздің киіміміз бүтін болсын деп тынбай еңбек етті. Анам үй шаруасындағы әйел болғандықтан, менің тәрбиеммен айналысты. Сәби күнімнен оның соқпағына шыдап келемін. Жеті жасымнан «ыдысты дұрыс жумадың, үйді қалағанымдай тазаламадың» деп оқтаудың астына алатын. Кейін ойлап қарасам, анам маған ешқашан «Қызым, мұны былай істейсің» деп, бір нәрсені түсіндіріп, үйретпеген екен.

Подробности
Категория: Елең еткізер

 

Денсаулық сақтау министрі Алексей Цой Қазақстандағы эпидемиологиялық жағдай туралы айтты.
Сонымен, оның айтуынша, жоғары эпидемиологиялық  қауіпті аймаққа Нұр-Сұлтан, Алматы, Шымкент қалалары, Ақмола, Батыс Қазақстан, Жамбыл, Қарағанды, Қызылорда және Павлодар облыстары енген. Өткен аптада Павлодар және Жамбыл облыстары «қызыл» аймаққа кірді.

Подробности
Категория: Ғибратты әңгімелер

 

1) Тамақты орташа мөлшерде жеу. 16-17 сағат еш нәр татпаған адамның қатты ашығатыны табиғи жайт. Бірақ, бұл деген, көп мөлшерде тамақ ішу керек дегенді білдірмейді. Ендеше, тәбетіңізді тежеп, ауыз ашқанда болсын, сәресіде болсын, орташа мөлшерде ас ішуге дағдыланған жөн. Бұлай істеуіңіз – сізге ораза айы бойы артық салмақ қосудан сақтайды.

Подробности
Категория: Егіз жүрек

 

 Ажар Садықова

  Әңгіме
 
 Мына жерден тезірек шығып кетсек екен деп іштей қысылды Жәудір.
- Аға,осы қызды оқуға қабылдасаңыз деген өтінішпен келіп тұрмын- деген Бақытқа Жәудір жалт қарады. ,,Мұнысы несі? Ұят болды- ау. Өзім- ақ түсетін едім ғой" деген пендешілік ойлар ойлар жылт етті санасында.
Орынсыз жерге пышақ ұрмайтын жиенінің мінезін білетін нағашысы;
- Жалғыз жиен өтінсе,неге орындамасқа. Барым да, нарым да сол апам ғой- деген жігіт ағасының сөздерінен қазақилық пен бауырмалдық аңқып тұрды.

Подробности
Категория: Егіз жүрек

Ажар Садықова

Әңгіме

..Бөлмеге сән беріп тұрған үлкен гүл салатын вазаға қарап ойланып жатқан Жәудір арман қанатымен әлемді шарлап кетті.
,, Менің әппақ сезімімнің кейіпкері! Өзіңмен мәңгілікке бір болуды қалай армандайтынымды білсең ғой,шіркііннн. Сенің жанымды елжіреткен көзқарасыңа мына жалғанда бірде- бір көзқарас тең келмес. Сен  ғайыптан түскен ғажайып жансың . Жо- жоқ,жоқ ...көктен түскен нұрсың. Ия,ия менің жүрегіме  жылу берер нұрсың. Жақсы көрем сені. Жақсы көрем дейм- ау..құлай сүйемін. Әттең ,әттең менің  жүрегіме үңілсең ғой. Әр күніңді маған деген ұлы махаббатқа арнар едің"  . Кешегі киноға барғанда Жігердің театрға кірерде есікті ашып,алдымен қызға жол бергенін, үзіліс кезінде сусын алып беріп күле сөйлегенін сағына ойлап,күбірлеп жатып көзі ілініп кетті.
  1. Вакцинацияның екі кезеңінің арасы ұзартылды
  2. Белгісіз біреу 50 мың долларды қайырымдылық жәшігіне тастап кеткен
  3. Жәудір (3-4 - бөлім )
  4. Баян Алагөзова жарнама жасаған компанияға 200-дей адам алданған