Қазақстанда шетелден жұмыртқа әкелуге уақытша тыйым салынды

 

    el24.kz Қазақстанда шетелден жұмыртқа импорттауға уақытша тыйым салынды. Осыған байланысты алдағы уақытта дүкен сөрелерінен шетелдік жұмыртқаны кездестірмейміз. Бұл шешім отандық құс фабрикалары ел ішіндегі сұранысты толық қамтамасыз ете алатынына байланысты қабылданды.

Ауыл шаруашылығы министрлігінің мәліметінше, тиісті бұйрыққа министр қол қойған. Құжатқа сәйкес, жұмыртқа импортына енгізілген шектеу әзірге бір ай мерзімге белгіленіп отыр. Тыйым Еуразиялық экономикалық одақ елдерін қоса алғанда, барлық мемлекеттерге қатысты. Жұмыртқаны Қазақстан аумағынан тек транзиттік тасымал ретінде өткізуге ғана рұқсат етіледі.

Министрлік бұл шешімді отандық тауар өндірушілерді қолдау қажеттілігімен түсіндірді. Себебі сырттан әкелінетін жұмыртқа қазақстандық құс фабрикаларының өндірістік қарқынын төмендетіп, олардың толық қуатта жұмыс істеуіне кедергі келтіріп келген.

ҚР Ауыл шаруашылығы вице-министрі Аманғали Бердалиннің айтуынша, елімізде құс шаруашылығы бағытында жұмыс істейтін 37 фабрика бар.

«Бұл фабрикалар белгілі бір көлемде ғана емес, тіпті өз қуатынан да көп жұмыртқа өндіруге қауқарлы. Алайда қазіргі таңда мүмкіндіктеріне қарағанда аз өндіріп отыр. Импортты шектеу отандық ауыл шаруашылығы тауар өндірушілеріне өндіріс көлемін арттыруға мүмкіндік береді. Бүгінде біз өзімізді жұмыртқамен 100 пайыз қамтамасыз етіп отырмыз», – деді вице-министр.

Ауыл шаруашылығы министрлігінің мәліметінше, аталған шара ішкі нарықтағы тұрақтылықты сақтауға, отандық өнім үлесін арттыруға және құс шаруашылығы кәсіпорындарының экономикалық жағдайын жақсартуға бағытталған.

 

«Жеті күн емес». Қазақстанда ақылы жолды 30 күн ішінде төлеуге болады

 

   el24.kz Қазақстанда ақылы автожолдарда жолақы төлеу тәртібі жеңілдетіледі. Жаңа ережеге сәйкес, жүргізушілер енді ақылы жолмен жүргені үшін төлемді бұрынғыдай 7 күннің ішінде емес, 30 күн ішінде жүзеге асыра алады.

Бұған дейін белгіленген мерзімде жолақы төленбесе, материалдар тиісті уәкілетті органдарға жолданып, жүргізуші әкімшілік жауапкершілікке тартылатын.

Ал жаңа тәртіп бойынша жеке тұлғаларға жолақыны пайдаланған күннен бастап 30 күнтізбелік күн ішінде төлеуге мүмкіндік беріледі. Тек осы мерзім өткеннен кейін ғана әкімшілік шаралар қолданылуы мүмкін.

Мамандардың айтуынша, бұл өзгеріс төлем жүйесін барынша ыңғайлы етуге және техникалық немесе өзге де себептермен төлемді дер кезінде жасай алмаған жүргізушілердің санын азайтуға бағытталған.

Сонымен қатар заңды тұлғалар үшін де төлем жасау тәртібі нақтыланған. Егер жолақы белгіленген мерзімде төленбесе, материалдар уәкілетті органдарға жолданады.

Айта кетейік, ақылы жолдарда төлем жасау электронды жүйе арқылы, мобильді қосымшалар мен банк сервистері арқылы жүзеге асырылады. Жауапты мекемелер жүргізушілерді жолақыны белгіленген 30 күндік мерзімде төлеуге шақырады.

Жол жабылғаны туралы ескертуді елемеген жүргізушілерге 118 мың теңге айыппұл салынады

 

     el24.kz Енді қысқы кезеңде жол жабылғаны туралы хабарламаны елемей, тыйым салынған уақытта жолға шыққан жүргізушілер әкімшілік жауапкершілікке тартылады. Қолданыстағы ережеге сәйкес, жолдың жабылғаны жөніндегі ресми ескертуді назарға алмаған азаматтарға 118 мың теңге көлемінде айыппұл салу көзделген.

Бұл жаза жол қозғалысы ережесін алғаш рет бұзғандарға қатысты қолданылады. Ал ереже талаптарын қайтадан бұзған жағдайда, жүргізушіге 15-тен 20 тәулікке дейін әкімшілік қамауға алу шарасы қарастырылған.

Алайда кейбір жүргізушілер жабық жолға шыққан сәтте байланыс аймағынан тыс жерде болғанын немесе ұялы телефон қуатының таусылуына байланысты шектеу туралы хабарламаны көрмегенін алға тартады. Мұндай жағдайларда уәкілетті органдар жол қозғалысы ережесінің нақты қай уақытта және қандай жағдайда бұзылғанын жан-жақты тексеріп, соның негізінде шешім қабылдайды.

Төтенше жағдайларды жою департаментінің бас маманы Магомед Ахриевтің айтуынша, жол ережесін қайталап бұзу фактілері Әкімшілік құқық бұзушылық туралы кодекстің 667-бабына сәйкес қаралады.

— Құқықбұзу қайталанған жағдайда әкімшілік қамауға алу шарасы қолданылуы мүмкін. Мұндай істерді негізінен полиция органдары қарайды. Қазіргі таңда нақты статистикалық мәліметтер толық емес, дегенмен бұл әрекет үшін әкімшілік жауапкершілік бар екенін атап өтеміз, — деді ол.

Мамандар жүргізушілерді қысқы жол жағдайында қауіпсіздік талаптарын қатаң сақтауға, сондай-ақ ресми хабарламалар мен ескертулерге мұқият болуға шақырады.

2026 жылға Жұлдызнама

 

   el24.kz 2026 жыл — Сатурн мен Юпитердің белсенді әсері күшейетін, жауапкершілік, тәртіп, өз-өзін дамыту және қаржылық тұрақтылық алдыңғы орынға шығатын жыл. Көп адам үшін бұл жыл — өсу, түзілу және жаңа өмір кезеңіне қадам басу жылы.

♈ Тоқты (Овен)

2026 жылы Тоқтылар жаңа бағыт іздейді. Көптен бері армандап жүрген істі бастауға қолайлы жыл.

  • Қаржы: Ірі табыс көздері ашылады.

  • Денсаулық: Энергия көп, бірақ күйзеліске абай болыңыз.

  • Махаббат: Жеке өмірде жаңа кезең, отбасылылар үшін түсіністік артады.

♉ Торпақ (Телец)

Бұл жыл Торпақтарға тұрақтылық пен материалдық береке әкеледі.

  • Қаржы: Жыл ортасында табыс еселенеді.

  • Жұмыс: Жаңа қызмет немесе мансаптық өсу.

  • Отбасы: Үй, жер, мүлікке қатысты жақсы жаңалықтар.

♊ Егіздер (Близнецы)

2026 — Егіздер үшін қарым-қатынастар жылы.

  • Жұмыс: Келісімшарттар, жаңа таныстықтар пайда әкеледі.

  • Қаржы: Ақша келеді, бірақ шығын да көп.

  • Денсаулық: Ұйқыға, жүйке жүйесіне көңіл бөліңіз.

♋ Шаян (Рак)

Шаяндар үшін 2026 — ішкі тыныштық пен жаңару жылы.

  • Отбасы: Отбасында үлкен қуаныш, туыстық байланыстар нығаяды.

  • Қаржы: Тұрақты, бірақ күтпеген шығын болуы мүмкін.

  • Денсаулық: Ас қорыту жүйесіне назар аударыңыз.

♌ Арыстан (Лев)

Арыстандар үшін бұл жыл — мақсатқа жету жылы.

  • Жұмыс: Мансаптың шарықтау шегі.

  • Қаржы: Үлкен келісім, табыстың көбеюі.

  • Махаббат: Көптен күткен тұрақтылық келеді.

♍ Бикеш (Дева)

2026 Бикештерді еңбек пен табыстың молымен қуантады.

  • Қаржы: Экономика жақсы, жинақ көбейеді.

  • Махаббат: Сезім қайта жанданады.

  • Денсаулық: Арқа, бел, жүйке жүйесіне абай болыңыз.

♎ Таразы (Весы)

Таразылар үшін жыл — тепе-теңдікті табу жылы.

  • Жұмыс: Жаңа серіктестік, шығармашылық жобалар.

  • Қаржы: Тұрақтылық орнайды, бұрынғы қарыздар жабылады.

  • Махаббат: Қарым-қатынаста түсіністік артады.

♏ Сарышаян (Скорпион)

2026 — үлкен өзгерістер жылы.

  • Қаржы: Үлкен жобалардан табыс көп.

  • Отбасы: Кейбір мәселелер шешімін табады.

  • Денсаулық: Иммунитетті күшейтіңіз.

♐ Мерген (Стрелец)

Мергендер үшін жаңа мүмкіндіктер көп.

  • Жұмыс: Шетел, оқу, жаңа тәжірибе.

  • Қаржы: Тұрақты, бірақ инвестицияға абай болыңыз.

  • Махаббат: Күтпеген таныстық.

♑ Тауешкі (Козерог)

2026 жыл Тауешкіге үлкен жетістік әкеледі.

  • Жұмыс: Көп жылғы еңбектің жемісі.

  • Қаржы: Табыстың күрт өсуі.

  • Отбасы: Үлкен қуаныш.

♒ Суқұйғыш (Водолей)

Бұл жыл Суқұйғыштар үшін жаңашылдық жылы.

  • Жұмыс: Технология, шығармашылық салаларда жарқырайсыз.

  • Қаржы: Капитал өседі.

  • Денсаулық: Жүрек пен қан қысымына назар аударыңыз.

♓ Балықтар (Рыбы)

2026 жылы Балықтар рухани өсу мен тыныштық табады.

  • Махаббат: Жаңа махаббат не қарым-қатынастың тереңдеуі.

  • Қаржы: Жақсы, бірақ жоспарлау керек.

  • Жұмыс: Жаңа бағыт бастайсыз.

Жұмыссыздар мемлекеттен әлеуметтік төлемді қалай ала алады?

 

 el24.kz  Қазақстанда жұмысынан айырылған азаматтар міндетті әлеуметтік сақтандыру жүйесіне қатысу өтілі мен соңғы табысына байланысты мемлекеттен әлеуметтік төлем алуға құқылы. Қолданыстағы заңнамаға сәйкес, жұмысынан айырылу бойынша төлем 1 айдан 6 айға дейінгі

мерзімге тағайындалады.

Әлеуметтік төлемнің мөлшері азаматтың соңғы 24 айдағы табысына байланысты есептеліп, бұрынғы кірістің 45 пайызына дейін болуы мүмкін. Төлем Мемлекеттік әлеуметтік сақтандыру қорының (МӘСҚ) қаражаты есебінен жүзеге асырылады.

Әлеуметтік төлем алу үшін азамат алдымен жұмыссыз мәртебесін рәсімдеуі қажет. Ол үшін келесі қадамдар орындалады:

  • eGov.kz порталында тіркелу;

  • «Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;

  • онлайн өтінімді толтырып, электронды цифрлық қолтаңба (ЭЦҚ) арқылы қол қою;

  • өтінімді жолдау.

Өтініш жіберілгеннен кейін бір жұмыс күні ішінде тұрғылықты жеріңіздегі мансап орталығы бос жұмыс орындарын ұсынады. Егер лайықты жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда мансап орталығының мамандары қосымша ақпарат алу үшін хабарласуы мүмкін.

Айта кетейік, бұл қызметті электронды еңбек биржасы арқылы онлайн режимде де рәсімдеуге болады.

Мамандар жұмысынан айырылған азаматтарды әлеуметтік төлем алу мүмкіндігін тиімді пайдаланып, ресми түрде тіркелуге шақырады.

 

Президент Қазақстан халқын Тәуелсіздік күнімен құттықтады

 

el24.kz  Мемлекет басшысы Қасым-Жомарт Тоқаев Қазақстан халқын Тәуелсіздік күнімен құттықтап, ел бірлігі мен тұрақтылықтың маңызын атап өтті. Президенттің айтуынша, бұл мереке – еліміз үшін тарихи мәні зор, тағдырлы күн.

Қасым-Жомарт Тоқаев Тәуелсіздік – халқымыздың ең қастерлі құндылығы екенін айтып, егемендікті нығайту жолында Қазақстанның елеулі жетістіктерге қол жеткізгенін атап өтті.

— Осы күні халқымыз Қазақстанды егемен ел ретінде дамыту жолында ерікті әрі түпкілікті таңдау жасады. Тәуелсіздік бәрінен қымбат. Біз бабалар рухына тағзым етіп, өскелең ұрпақ алдындағы тарихи жауапкершілікті терең сезіне отырып, осы ұстанымға адал боламыз. Азаматтарымыздың ырысты ынтымағының, өзара қолдауының, жасампаз еңбегінің және қоғамдағы тұрақтылық пен келісімнің арқасында Қазақстан Тәуелсіздікті нығайту ісінде айтарлықтай жетістіктерге жетті, — деді Президент.

Мемлекет басшысы қазіргі әлемде болып жатқан жылдам өзгерістерге тоқталып, жаңа тарихи кезең түрлі сын-қатерлермен қатар, тың мүмкіндіктерге де жол ашып отырғанын атап өтті. Осы орайда ел бірлігін сақтау аса маңызды екенін айтты.

— Мұндай жағдайда біз жас әрі озық ойлы ұлт ретінде болашаққа зор үмітпен және нық сеніммен қарап, берекелі бірлігімізді сақтауға тиіспіз, — деді Қасым-Жомарт Тоқаев.

Сонымен қатар Президент еліміздің жаһандық деңгейдегі беделі мен бәсекеге қабілеттілігін арттыру үшін аянбай еңбек ету қажет екенін жеткізді. Қазіргі таңда жүзеге асырылып жатқан ауқымды реформалар елдің жан-жақты жаңғыруына бағытталғанын айтты.

— Стратегиялық бағдарымыздан ауытқымай, Әділетті, Күшті, Таза және Қауіпсіз Қазақстанды құрамыз. Баршаңызға мол бақыт, бақ-береке және толағай табыс тілеймін. Қастерлі Тәуелсіздігіміз мәңгі болсын! — деді Мемлекет басшысы.

Подробности
Категория: Егіз жүрек

 

-Ағай, сөзіңізді бөлгенім үшін кешірім сұраймын. Бірақ барлығын түгел тақтаға шығардыңыз да мені неге шығармадыңыз?
- Сен жаңадан келдің емес пе?
- Иә, келсем не болыпты? Барлық жерде осы оқулық бойынша дәріс жүргізіледі емес пе?
- Алғашқы күніңнен ақ екі алғың келіп тұр ма?

Подробности
Категория: Елең еткізер

Маңғыстау облысында “Мигрант” іс-шарасының алғашқы төрт күнінде 400-ге жуық құқық бұзушылық анықталды, – деп хабарлайды el24.kz ақпараттық порталы  Polisia.kz.ке сілтеме жасап.

Ағымдағы жылдың маусым айының 7-16 аралығында Маңғыстау облысы көлемінде “Мигрант” республикалық жедел-профилактикалық іс-шарасы өткізілуде.

Подробности
Категория: Егіз жүрек

 

Нұрдаулет өте сымбатты, көп қыздың арманына айналған сері жігіт. Ес білгелі қиындықтан көз ашпай келе жатса да, өмірге деген құлшынысы ерекше күшке ие. Әкесі жастайында қаза болған.
 
Анасы Назым жазылмас дертке шалдығым мүгедек болып жатқанына қаншама жыл өтті. Ер бала болғанына қарамай үйдің бар шаруасын жасап, анасына күтім жасап, сабағында үздік оқып жүрді.

Подробности
Категория: Елең еткізер

 

Онлайн продюсер Бақытбай Сабырбеков Instagram желісінде 30 күнде жүз миллион табу жолдарымен бөлісуде.
 
Кезекті жобасын бастап кеткен ол тікелей эфирлердің бірінде өзінің өткен өміріне көз жүгіртіп, бұрын-соңды айтылмаған әңгімесін жария етті деп жазады Nur.kz.

Подробности
Категория: Егіз жүрек

 

Фариза Амангелдіқызы

Үлкен қызы келіп Ақтотыны ауруханаға алып барды. Сүйінші  хабар естіген екеуі дереу үйге қайтты. Қайын әпкесі әкесінен сүйінші сұрады.
 
- Сүйінші папа, жақында немерелі боласыз бұйырса.
- Ой айналайын қалағаныңды берем сүйіншіңе, - деп қызының бетінен сүйді.
  Анасына қуана жеткізген хабар онша ұнамады. Құтты болсын деп қысқа қайырған анасы өз тірлігімен әуре болып кетті.

Подробности
Категория: Егіз жүрек
 
Фариза Амангелдіқызы
 
Анасы мен Жасұланның жанжалдарды ушығып барады.
 
- Білмеймін, осы қатынды алдың да, өзгердің. Оқу деп тумай да жүр. Келгеніне 7 -ай болды,- деп енді мына қырынан тиісіп көрейін деп ойлады. Мақсаты екеуі қалайда ұрысып тынса дейді. Осылай жиі-жиі ұрыстырсам өздері-ақ суып ажырасып кетеді. Мына қатынның көзін құртып, өзім қалаған қызды әперемін,- деп ойлайды.

Подробности
Категория: Елең еткізер

 

Картоптың күрт қымбаттауы салдарынан бірден Қазақстанның бірнеше өңірінің тұрғындары наразылық танытты. Мәселен СҚО-да картоптың бір келісінің бағасы 500 теңгеге дейін көтерілді. «Екінші нанымызға» айналған өнім күн сайын қымбаттап келеді, ал оның тапшылығы сезіліп жатыр. 

Қазірдің өзінде адамдар көкөністі қолайлы бағамен сатып алу үшін бірнеше сағат кезекте тұруға мәжбүр, деп хабарлайды Astanatv.kz. 

Подробности
Категория: Елең еткізер

 

Коронавируспен ауыратын қазақстандықтарға өзін-өзі оқшаулау режимін бұзғаны үшін айыппұл салынады.

Санитарлық-эпидемиологиялық бақылау комитеті Денсаулық сақтау министрлігі коронавирус инфекциясына шалдыққан науқастар мен олармен байланыста болған адамдар үшін оқшауланудың міндетті режимін көздейтін санитарлық ережелерді бекіткенін хабарлайды.

Подробности
Категория: Егіз жүрек

 

Фариза Амангелдіқызы

Күліп жіберген Жасұлан:
- Онда балалы болмай тұра тұрамыз,- деді.
Өзінің айтқанына өзі ұялып қалған Ақтоты не айтарын білмей қызарақтап қалды.
- Мен, жәй көргенімді айтып жатырмын. Енді...
- Жарайды, жарайды. Ұялып қалдың ба? Қалжыңдадым,-деп сүйіктісін құшақтаған Жасұлан күлкісін тыя алар емес.

Подробности
Категория: Елең еткізер

 

Қазақстандық вакцинаның сапасына күмән келтірді.  QazVac-қа секеммен қарап отырған – Medsupportkz деп аталатын қоғамдық ұйым өкілдері. Айтуларынша, коронавирусқа тойтарыс болады деген отандық өнімнің жасалу процесі мен сынақтан өтуіне қатысты деректер тым аз .
Ұйымға мүше ғалымдар мен дәрігерлер толық мәлімет берілмейінше, пікірімізден айнымаймыз деп әлеуметтік желіде мәлімдеме жасады.

Подробности
Категория: Елең еткізер

 

Қазақстанда бес күнде карантин әлсіреуі мүмкін. Бұл туралы Қазақстан Республикасы денсаулық сақтау министрлігі санитарлық-эпидемиологиялық бақылау комитетінің ресми өкілі Ержан Байтанаев мәлімдеді, деп хабарлайды Stan.kz ақпарат агенттігі.

Қазақстан коронавирустық инфекцияның таралуы бойынша "жасыл" аймаққа кірді. Байтанаевтың айтуынша,  егер Қазақстан Республикасының аумағында бес күн ішінде жағдай тұрақты болса, онда аптаның аяғында денсаулық сақтау министрлігі кейбір шектеулерді алып тастайды, содан кейін карантиндік шараларды жеңілдету мәселелері қаралады.

Подробности
Категория: Егіз жүрек

 

Фариза Амангелдіқызы

Ауылға келген соң ертеңіне екеуі ең алғаш танысқан жерде кездесті. Көл жағасында аяғын суға салып Ақтоты отыр. Жасұлан жанында көк шөпке жайғасқан. Ол Ақтотының самал желден әлсін-әлсін желбіреп тұрған шашының әр талын теріп отыр.
- Қойшы, Жасик. Біреу көріп қойса ұят емес пе? Ауылда өсекке қалғым келмейді.
- Ешкімнің бізде шаруасы болмасын. Біз ересек адамдармыз. Жас емеспіз дұрыс па? Арамызда сезім бар. Махаббат бар.

Подробности
Категория: Керек кеңес

 

Сан ғасырлардан бері, атадан - балаға жалғасып келе жатқан  халықтық ем , әлі күнге маңыздылығын жоғалтқан жоқ. Дәстүрлі медицина дамымаған тұста , халық емшілері шөптен дәрі жасап сан түрлі ауруларды емдеп келген. Бүгінгі күнде де кеңінен қолданып жүрген бірнеше ем түрін ұсынамыз : 

Пияз бауыр мен өт жолдарына ем

Подробности
Категория: Егіз жүрек

 

Фариза Амангелдіқызы

Автобусқа билет алып, сөмкелерін жайғастырып сыртқа шықты. Автовокзалға анасы мен әкесі де келген. Ұлдарын шығарып салмақшы.

Әкесі анасы сияқты емес, балаларына өте көп көңіл бөледі. Қайта-қайта затынтүгендеп, қажет нәрсесі бар ма екен деп сұрап әуре болуда. Ал, анасы ондай емес. Баласының бетінен сүйді де жолың болсын деді. Жасұлан қоштасып, автобусқа жайғасты.

  1. Қадірімді білмеген қадірлім - ау (1- бөлім )
  2. Қырғыз президентінің кортежіне көлік соғылды: қаза тапқандар бар
  3. Еліміздің кей өңірінде 7 градусқа дейін үсік жүреді
  4. Танымал қазақстандық футболшы қайтыс болды