IRNA: Иранның Минаб қаласындағы мектепке жасалған соққы салдарынан 85 оқушы қаза тапты

                        фото ашық дереккөзден

  el24.kz IRNA агенттігінің мәліметінше, АҚШ пен Израильдің Иран аумағына жасаған зымыран соққылары салдарынан Минаб қаласында 85 мектеп оқушысы қыз қаза тапқан.

Ақпаратқа сәйкес, соққы Минаб қаласындағы қыздарға арналған бастауыш мектеп ғимаратына тиген. Иран Білім министрлігінің баспасөз хатшысы Әли Фархади 85 оқушы қыздың қаза болғанын, тағы 92 адамның жараланғанын мәлімдеді.

Оның айтуынша, ғимаратқа айтарлықтай зақым келген. Қазіргі уақытта мектеп үйінділерін аршу, қаза тапқандар мен зардап шеккендерді іздестіру-құтқару жұмыстары жалғасып жатыр.

Ал Иран Сыртқы істер министрі Аббас Арагчи мектептің күндіз, сабақ өтіп жатқан уақытта бомбаланғанын хабарлады.

Сонымен қатар, Иран Қызыл Жарты ай қоғамы деректеріне сүйенсек, 28 ақпандағы шабуылдар кезінде ел бойынша жалпы 201 адам қаза тауып, 747 адам жараланған. АҚШ пен Израильдің әуе шабуылдары Иранның 24 провинциясын қамтығаны айтылды.

Қазіргі таңда халықаралық қауымдастық тарапынан ресми реакциялар мен оқиғаға қатысты қосымша мәліметтер күтілуде.

 

Атырау облысындағы қос кісі өлтіру: күдікті Индонезияда ұсталды

 

 el24.kz Танымал журналист Жанат Жақсыбайқызы Атырау облысында жасалған ауыр қылмысқа қатысты шұғыл мәлімдеме жасады. Оның айтуынша, қос кісі өлтіру дерегі бойынша күдіктілер анықталып, ұсталған.

Ресми мәліметке сәйкес, Қазақстан Республикасының Ішкі істер министрлігі шетелдік әріптестерімен бірлескен жедел іс-шаралар нәтижесінде аса ауыр қылмыс жасады деген күдікке ілінген ер адамды Ломбок аралы аумағында қолға түсірген.

Ол Индонезия Республикасындағы Сенару ауылында ұсталған.

Күдікті Қазақстан Республикасы Қылмыстық кодексінің 99-бабы 2-бөлігі («Аса ауыр қылмыс») бойынша жауапқа тартылып отыр. Сонымен қатар, онымен бірге бұған дейін хабар-ошарсыз кеткен деп халықаралық іздеуге жарияланған бұрынғы жұбайы да анықталған.

Тергеу нұсқасына сәйкес, 2025 жылғы қараша айында Атырау облысында күдікті ұзақ уақытқа созылған тұрмыстық жанжал мен пайдакүнемдік ниет негізінде екі адамды қасақана өлтіруді алдын ала жоспарлап, іске асырған. Қылмыстан кейін ол мәйіттерді шаруашылық құрылысының астына көміп, қан іздерін жоюға әрекет жасаған. Сондай-ақ жәбірленушілердің мүлкі мен ақшасын иемденгені анықталды.

Қазіргі таңда ұсталған тұлғаларды Қазақстан Республикасына депортациялау мәселесі қарастырылып жатыр. Тергеу амалдары жалғасуда.

Астанада 7 жастағы балаға қатысты қылмыс: сотталған қария апелляцияға жүгінді

 

  el24.kz Астанада 7 жастағы шөбересіне қатысты жыныстық сипаттағы зорлық-зомбылық жасаған 82 жастағы қарияға байланысты істің мән-жайы белгілі болды. Қылмыстық іс қоғамда үлкен резонанс тудырды.

Еске сала кетейік, сот үкімімен айыпталушы Қазақстан Республикасының Қылмыстық кодексінің 121-бабы 4-бөлігі бойынша кінәлі деп танылып, 20 жылға бас бостандығынан айырылған болатын. Алайда сотталған азамат үкіммен келіспей, апелляциялық шағым түсірген.

Жәбірленуші тарап сот шешімі өзгеріссіз қалады деп үміттеніп отыр.

Жәбірленуші баланың анасы оқиғаның қыздың туған күнінен кейінгі күні болғанын айтты. Оның сөзінше, сол күні отбасы мүшелері демалып жатқан кезде күдікті қылмыстық әрекетке барған. Әйелдің айтуынша, ол жағдайды дер кезінде байқап, қылмыстың жолын кескен.

Оқиғадан кейін күдікті үйден кетіп қалғанымен, келесі күні кешке құқық қорғау органдары тарапынан ұсталған. Тергеу барысында ұсынылған дәлелдемелер, соның ішінде сот-медициналық және психологиялық сараптама қорытындылары сотта жан-жақты қаралған.

Жәбірленуші тараптың айтуынша, қылмыс отбасы үшін ауыр психологиялық соққы болған. Қазіргі таңда баланың жағдайы дәрігерлер тарапынан қанағаттанарлық деп бағаланғанымен, оған ұзақ мерзімді психологиялық оңалту қажет.

Баланың анасы бірінші сатыдағы соттың шешімі заңды әрі әділ қабылданғанын атап өтті. Оның айтуынша, қылмыстың туыстық қатынаста болған адам тарапынан жасалуы жағдайды одан әрі ауырлата түседі.

Қазіргі уақытта іс апелляциялық сот сатысында қаралуға дайындалуда. Құзырлы органдар қылмыстық іс заң аясында және қолданыстағы рәсімдерге сәйкес қаралатынын мәлімдеді.

Астанадағы алаяқтық ісі: сот үкімі заңды күшіне енді

                             фото ашық дерекөзден 

 el24.kz   Астана қаласының прокуратурасы ақпараттық жүйелерді пайдалана отырып бірнеше рет алаяқтық жасаған қала тұрғынына қатысты сотта мемлекеттік айыптауды қолдады.

Тергеу барысында кінәлі азаматшаның Instagram әлеуметтік желісі арқылы тиімді инвестициялар, арзан туристік жолдамалар және шетелде жұмысқа орналастыру туралы жалған жарнамалық хабарландырулар жариялағаны анықталды.

Азаматтарды жаңылыстырып, олардың сенімін теріс пайдалану арқылы ол жәбірленушілерден ақшалай қаражат алып, өз пайдасына жұмсаған және алған міндеттемелерін орындамаған.

Қылмыстық әрекеттер салдарынан 10 адам зардап шегіп, оларға 7,7 млн теңгеден астам материалдық шығын келтірілді.

Сот талқылауы барысында мемлекеттік айыптаушы қағидатты әрі дәйекті ұстаным танытып, сотталушының кінәсін дәлелдейтін жеткілікті айғақтар ұсынды және нақты бас бостандығынан айыру жазасын тағайындау қажеттігін негіздеді.

Сот үкімімен кінәлі азаматша 6 жылға бас бостандығынан айырылды.
Жәбірленушілердің азаматтық талап арыздары толық көлемде қанағаттандырылды.
Үкім заңды күшіне енді.

Астана қаласының прокуратурасы азаматтарды әлеуметтік желілер мен мессенджерлерді пайдалану кезінде барынша сақ болуға, интернеттегі жеңіл табыс, арзан турлар мен инвестициялар туралы ұсыныстарға сенбеуге, сондай-ақ алаяқтық белгілері анықталған жағдайда дереу құқық қорғау органдарына жүгінуге шақырады.

 

Дубай халықаралық әуежайына шабуыл жасалды

 

 el24.kz  Дубайда ұшқышсыз ұшу аппараты халықаралық әуежайға соққы жасап, бірнеше адам зардап шекті. Терминалдардан жолаушылар эвакуацияланды.

1 наурыз күні таңертең Dubai International Airport аумағына ұшқышсыз ұшу аппараты (дрон) шабуыл жасағаны туралы ақпарат тарады. Бұл туралы бірқатар шетелдік басылымдар мен ресми медиа-офистер хабарлады.

Алдын ала мәліметтерге сәйкес, әуежай инфрақұрылымына аз көлемде зақым келген. Қауіпсіздік хаттамалары дереу іске қосылып, терминалдардағы жолаушылар мен қызметкерлер қауіпсіз аймақтарға эвакуацияланған.

Зардап шеккендер бар

Ресми ақпаратқа сәйкес, оқиға салдарынан төрт қызметкер жарақат алған. Оларға уақытылы медициналық көмек көрсетілген. Қазіргі уақытта олардың өміріне қауіп төніп тұрған жоқ.

Әуежай әкімшілігі төтенше жағдайға арналған алдын ала әзірленген іс-қимыл жоспарлары бойынша әрекет еткенін мәлімдеді. Терминалдардың басым бөлігі қауіпсіздік мақсатында уақытша босатылған.

Әуе қатынасына әсері

Оқиғадан кейін бірқатар рейстердің ұшу және қону кестесіне өзгерістер енгізілген. Кейбір халықаралық рейстер уақытша тоқтатылып, бағыттары өзгертілген. Қауіпсіздік деңгейі күшейтілді.

Ресми реакция

БАӘ-нің құзырлы органдары жағдайдың бақылауда екенін хабарлады. Қазіргі уақытта әуежайдың жұмысын толық қалпына келтіру шаралары жүргізіліп жатыр.

Шетелдік БАҚ, соның ішінде Reuters, Gulf News және Times of India басылымдары бұл оқиға туралы ресми мәліметтерге сүйене отырып хабар таратты.

Қосымша ақпарат ресми дереккөздер арқылы жарияланатын болады.

Мемлекет басшысы Қасым-Жомарт Тоқаев қауіпсіздік шараларын күшейтуді тапсырды

 

  el24.kz Қасым-Жомарт Тоқаев Ирандағы ахуалға байланысты елдің қауіпсіздігін қамтамасыз ету жөнінде бірқатар нақты тапсырма берді. Бұл туралы Ақорда сайты хабарлады.

Ресми ақпаратқа сәйкес, Мемлекет басшысының тапсырмасымен еліміздің барлық күштік құрылымдары тәуліктік жұмыс кестесіне көшірілді. Құзырлы органдар жағдайды тұрақты бақылауда ұстап, ықтимал қауіп-қатерлердің алдын алу шараларын күшейтті.

Президент жауапты ведомстволарға Қазақстан азаматтарының қауіпсіздігін қамтамасыз ету, сондай-ақ стратегиялық нысандар мен инфрақұрылымдардың қорғалуын күшейту жөнінде тапсырма берді.

Сонымен қатар тиісті мемлекеттік органдарға сыртқы саяси ахуалдың дамуын мұқият қадағалап, қажет болған жағдайда жедел әрекет ету шараларын қабылдау міндеттелді.

Қазіргі уақытта жағдай бақылауда. Қосымша ақпарат ресми дереккөздер арқылы жарияланатын болады.

Подробности
Категория: Әлем жаңалықтары

АҚШ-тың Стоун-Маунтин қаласында оқушыларға мектеп қабырғасында жыныстық қатынасқа түсуге рұқсат беріп келген 25 жастағы мұғалім қамауға алынды. Бұл туралыNUR.KZ порталы limon.postimees.ee сайтына сілтеме жасап хабарлайды.

Математика пәнінің мұғалімі Квентин Райттың бұл әрекеті көп ұзамай әшкере болып, жұмысынан қуылды.

Подробности
Категория: Бүгін

Облыстық дарынды балаларға арналған қазақ-түрік лицей-интернатында «Славяне» қоғамдық-мәдени орталығы концерттік бағдарлама қойды. «Русская ярмарка» атауымен лицейде өткен шара «Орыс тілі апталығына» арналды.

Подробности
Категория: Керек кеңес

Қара бидай наны әрқашан сұранысқа ие. Қара бидай әрқашан жақсы өнім береді, және бағасы да жоғары емес. Қара наның құрамындағы пайдалы заттар авитаминоз және көптеген ауруларды жеңуге көмектеседі. Қара нанның пайдалы қасиеттерінін адамдар осы күнге дейін пайдаланады. Қара бидай нанының пайдасы қандай? - оқып көріңіз.

Подробности
Категория: Сырласу

Сәлем бердім баршаңызға апа-жеңге сіңлілер!

Мен сіздермен сыр бөліскім келді ,жәй ғана оқып өз пікірлеріңізді қалдырсаңыздар.
Мен кішкентай арманшыл қызбын.
Аллаға шүкір 3 бауырым бар.Анам өте жақсы кісі.Ал әкем.... 

Подробности
Категория: Тылсым дүние

Бұрындары ата-әжелеріміз «біздің пәленше деген бабамыз шайтан көріпті» деп әңгімені бастайтын-ды. Сондағы айтпағы, шайтан анау-мынау­ адамға көрінбейді, бес уақыт намазын қаза қылмаған, таза кісіге көрінеді деседі. Енді біреулер кез келген жерге отыратын нас адамдардың маңайы­н торуылдайды дейді-міс. Хақ дінімізде шайтанның адамды жолдан тайдыру үшін барын салатыны айтылады.

Подробности
Категория: Әлем жаңалықтары

Ер адам үйін сүріп тастатпау үшін өзінің 6 айлық сәбиін шатырдан лақтырып жіберді.  Порт-Элизабеттің маңайындағы лашықта тұратын оңтүстікафрикалық еркек қызын көтеріп алып шатырға шықты.

Подробности
Категория: Тылсым дүние

- Қызмет бабымен жұмысқа қажетті зат іздеп бір мекемеге кіргенмін,- деп бастаған еді әңгімесін Еркін, - өкінішке орай іздеген затым табылмаған соң, шығар есікке қайта бетедім. Есіктің босағасында тұрған орта бойлы, жасы 30 - 40 шамасындағы азамат:

- Не іздедің? - деп мені сөзге тартты.

- Іздеген затым жоқ екен, - деп едім.

Подробности
Категория: Бүгін

Елбасының «Болашаққа бағдар: рухани жаңғыру» бағдарламалық мақаласының аясында бой көтерген «Жаңа гуманитарлық білім. Қазақ тіліндегі 100 жаңа оқулық» жобасын қолға алу тапсырылған болатын.

Елбасы «Болашаққа бағдар: рухани жаңғыру» бағдарламалық мақаласының жариялануына бір жыл толғанда жиын өткізіп, оның барысында жоба аясында қазақ тіліне аударылған әлемге танымал 18 кітап елге таныстырылды.

Подробности
Категория: Ғибратты әңгімелер

"Кісілігі болмаған адамға сөз зая" деген-ді əжем бес жасымнан айтып келеді. Кісілік - көңіл кілті.  Адамның кісілігі - жылы жүзділігі мен адамды жылы шыраймен қабылдауынан басталмақ. Жүзі жылы жаннан көңіл хош болып, арқа-жарқа сұхбат құрасыз. Адамның жүзі - жанарға сəлем айтса, көңіл қақпасы көп күттірмей ашылады. Дəл адамдар сияқты. Мəуланаға бірде  Балқан  тауын асып, кəсіп іздеп келген  жігіт бір сауал  қойыпты. "Жүзінен  нұр шашып жүретін  жан мен   ызғар шашып жүретін жанның айырмасы қандай" деген.

Подробности
Категория: Керек кеңес
 
1. Кез-келген əлеуметтік жағдайларға төтеп бере біл. 1990 жылдан бастап, отбасы институтында ерекше үстемдік құра бастаған нəрсе - əлеуметтік жағдайлар мен материалдық қажеттіліктердің өтелуі.  Егер ер жұмысынан қысқарса, оған  дұрыс  психологиялық демеу көрсетіңіз. Шыдамды болыңыз. Ер адамға бұйыру жəне жұмсау сынды дүниелер ұнамайды. Оларға нақты жағдайды өзі шешуіне мүмкіндік беруіңіз керек. Ал, сол жағдайлардан сүрінбеуіңіз үшін жүйелі қаржылық сауаттылықты арттырып  жəне қажетсіз шығындардан саналы түрде бас тарта білуіңіз тиіс. Əйел ретінде, отбасы бюжетін дұрыс жұмсауды қолға алып, өз ас үйіңіздің толық ханымы болуыңыздың өзі қаржының ұқыпты жұмсалуына сеп болмақ.  Тəттілер мен  ас түрлерін сатып алуды мүлдем доғару арқылы сіз отбасы денсаулығы мен қаражатының дұрыс болуына жол ашасыз.

Подробности
Категория: Бүгін

2018 жылдың 17 сәуір күні Қызылорда медициналық жоғары колледжінің 90 жылдығына орай колледж студенттері арасында «Рухани жаңғыру - туған жер тұтастығы мен ел болашағы» атты облыстық ғылыми-теориялық конференциясы өткізілді.

Конференцияның негізгі мақсаты Елбасының «Болашаққа бағдар: рухани жаңғыру» мақаласынан туындайтын міндеттерді жүзеге асыру барысында болашақ мамандардың кәсіби құзыреттілігін арттыру. Білім алушыларды зерттеу жұмысына тарта отырып, олардың ой-танымдарын арттыру, жастар бойында патриоттық сезімді қалыптастыру. Сонымен қатар, колледж студенттері арасында достық және әріптестік қатынастарын дамыту.

Подробности
Категория: Әлем жаңалықтары

 

Қытайлық студент қызының сенікі кішкентай деп мазақтаған сөзін

 көтере алмай өзінің жыныс мүшесін кесіп тастаған. 

 Кадрда жігіттің футболкамен ғана тұрғаны анық көрінеді. Ал аяғынан қан сорғалап тұр.   
 
Куәгерлер болса оның жүріп жүрген қызы екеуі ұрсысып қалғанын айтады. Колледж басшылығы да болған істі растап отыр. Олар жігіттің қазір уақытта ауруханада екенін жеткізді. 

Подробности
Категория: Әлем жаңалықтары

 

Американың Теннесси штатында 72 жастағы Амельда Эррел 19 жастағы Гэри Хардвик есімді ерекше жанұя тұрады

. 53 жас айырмашылығы бар отбасы екі жылдық мерейтойларын атап өтті.  Эррел мен Хардвик бір-бірімен танысқаннан кейін екі апта өткенде некелерін қидыруға бел буған.

Подробности
Категория: Тылсым дүние

Ол өлген соң да ауылда көп жүрді. Иә, өзін жерлегендер қайтқанда солармен бірге қайтып келген-ді. Бірақ оны ешкім де көрмеді. Үйіне келсе ешкім жоқ. Ол жалғыз басты еді.


Табалдырықтың астына жасырып қоятын қосымша кілтті алмақ болып қолын созып еді. Кілтті көрді, бірақ ұстай алмай қойды. Сосын қақпаны қақпақ болып ұрып еді қолы ары өтіп кетті, бірақ еш дыбыссыз.

  1. Еркектің құштарлығын арттырғыңыз келсе
  2. Əзіз адам
  3. Өліп барамыз: Кемероводағы марқұмдар құтқарушылардан жан ұшыра көмек сұраған 
  4. Артымнан аңдыған мақұлық