IRNA: Иранның Минаб қаласындағы мектепке жасалған соққы салдарынан 85 оқушы қаза тапты

                        фото ашық дереккөзден

  el24.kz IRNA агенттігінің мәліметінше, АҚШ пен Израильдің Иран аумағына жасаған зымыран соққылары салдарынан Минаб қаласында 85 мектеп оқушысы қыз қаза тапқан.

Ақпаратқа сәйкес, соққы Минаб қаласындағы қыздарға арналған бастауыш мектеп ғимаратына тиген. Иран Білім министрлігінің баспасөз хатшысы Әли Фархади 85 оқушы қыздың қаза болғанын, тағы 92 адамның жараланғанын мәлімдеді.

Оның айтуынша, ғимаратқа айтарлықтай зақым келген. Қазіргі уақытта мектеп үйінділерін аршу, қаза тапқандар мен зардап шеккендерді іздестіру-құтқару жұмыстары жалғасып жатыр.

Ал Иран Сыртқы істер министрі Аббас Арагчи мектептің күндіз, сабақ өтіп жатқан уақытта бомбаланғанын хабарлады.

Сонымен қатар, Иран Қызыл Жарты ай қоғамы деректеріне сүйенсек, 28 ақпандағы шабуылдар кезінде ел бойынша жалпы 201 адам қаза тауып, 747 адам жараланған. АҚШ пен Израильдің әуе шабуылдары Иранның 24 провинциясын қамтығаны айтылды.

Қазіргі таңда халықаралық қауымдастық тарапынан ресми реакциялар мен оқиғаға қатысты қосымша мәліметтер күтілуде.

 

Атырау облысындағы қос кісі өлтіру: күдікті Индонезияда ұсталды

 

 el24.kz Танымал журналист Жанат Жақсыбайқызы Атырау облысында жасалған ауыр қылмысқа қатысты шұғыл мәлімдеме жасады. Оның айтуынша, қос кісі өлтіру дерегі бойынша күдіктілер анықталып, ұсталған.

Ресми мәліметке сәйкес, Қазақстан Республикасының Ішкі істер министрлігі шетелдік әріптестерімен бірлескен жедел іс-шаралар нәтижесінде аса ауыр қылмыс жасады деген күдікке ілінген ер адамды Ломбок аралы аумағында қолға түсірген.

Ол Индонезия Республикасындағы Сенару ауылында ұсталған.

Күдікті Қазақстан Республикасы Қылмыстық кодексінің 99-бабы 2-бөлігі («Аса ауыр қылмыс») бойынша жауапқа тартылып отыр. Сонымен қатар, онымен бірге бұған дейін хабар-ошарсыз кеткен деп халықаралық іздеуге жарияланған бұрынғы жұбайы да анықталған.

Тергеу нұсқасына сәйкес, 2025 жылғы қараша айында Атырау облысында күдікті ұзақ уақытқа созылған тұрмыстық жанжал мен пайдакүнемдік ниет негізінде екі адамды қасақана өлтіруді алдын ала жоспарлап, іске асырған. Қылмыстан кейін ол мәйіттерді шаруашылық құрылысының астына көміп, қан іздерін жоюға әрекет жасаған. Сондай-ақ жәбірленушілердің мүлкі мен ақшасын иемденгені анықталды.

Қазіргі таңда ұсталған тұлғаларды Қазақстан Республикасына депортациялау мәселесі қарастырылып жатыр. Тергеу амалдары жалғасуда.

Астанада 7 жастағы балаға қатысты қылмыс: сотталған қария апелляцияға жүгінді

 

  el24.kz Астанада 7 жастағы шөбересіне қатысты жыныстық сипаттағы зорлық-зомбылық жасаған 82 жастағы қарияға байланысты істің мән-жайы белгілі болды. Қылмыстық іс қоғамда үлкен резонанс тудырды.

Еске сала кетейік, сот үкімімен айыпталушы Қазақстан Республикасының Қылмыстық кодексінің 121-бабы 4-бөлігі бойынша кінәлі деп танылып, 20 жылға бас бостандығынан айырылған болатын. Алайда сотталған азамат үкіммен келіспей, апелляциялық шағым түсірген.

Жәбірленуші тарап сот шешімі өзгеріссіз қалады деп үміттеніп отыр.

Жәбірленуші баланың анасы оқиғаның қыздың туған күнінен кейінгі күні болғанын айтты. Оның сөзінше, сол күні отбасы мүшелері демалып жатқан кезде күдікті қылмыстық әрекетке барған. Әйелдің айтуынша, ол жағдайды дер кезінде байқап, қылмыстың жолын кескен.

Оқиғадан кейін күдікті үйден кетіп қалғанымен, келесі күні кешке құқық қорғау органдары тарапынан ұсталған. Тергеу барысында ұсынылған дәлелдемелер, соның ішінде сот-медициналық және психологиялық сараптама қорытындылары сотта жан-жақты қаралған.

Жәбірленуші тараптың айтуынша, қылмыс отбасы үшін ауыр психологиялық соққы болған. Қазіргі таңда баланың жағдайы дәрігерлер тарапынан қанағаттанарлық деп бағаланғанымен, оған ұзақ мерзімді психологиялық оңалту қажет.

Баланың анасы бірінші сатыдағы соттың шешімі заңды әрі әділ қабылданғанын атап өтті. Оның айтуынша, қылмыстың туыстық қатынаста болған адам тарапынан жасалуы жағдайды одан әрі ауырлата түседі.

Қазіргі уақытта іс апелляциялық сот сатысында қаралуға дайындалуда. Құзырлы органдар қылмыстық іс заң аясында және қолданыстағы рәсімдерге сәйкес қаралатынын мәлімдеді.

Астанадағы алаяқтық ісі: сот үкімі заңды күшіне енді

                             фото ашық дерекөзден 

 el24.kz   Астана қаласының прокуратурасы ақпараттық жүйелерді пайдалана отырып бірнеше рет алаяқтық жасаған қала тұрғынына қатысты сотта мемлекеттік айыптауды қолдады.

Тергеу барысында кінәлі азаматшаның Instagram әлеуметтік желісі арқылы тиімді инвестициялар, арзан туристік жолдамалар және шетелде жұмысқа орналастыру туралы жалған жарнамалық хабарландырулар жариялағаны анықталды.

Азаматтарды жаңылыстырып, олардың сенімін теріс пайдалану арқылы ол жәбірленушілерден ақшалай қаражат алып, өз пайдасына жұмсаған және алған міндеттемелерін орындамаған.

Қылмыстық әрекеттер салдарынан 10 адам зардап шегіп, оларға 7,7 млн теңгеден астам материалдық шығын келтірілді.

Сот талқылауы барысында мемлекеттік айыптаушы қағидатты әрі дәйекті ұстаным танытып, сотталушының кінәсін дәлелдейтін жеткілікті айғақтар ұсынды және нақты бас бостандығынан айыру жазасын тағайындау қажеттігін негіздеді.

Сот үкімімен кінәлі азаматша 6 жылға бас бостандығынан айырылды.
Жәбірленушілердің азаматтық талап арыздары толық көлемде қанағаттандырылды.
Үкім заңды күшіне енді.

Астана қаласының прокуратурасы азаматтарды әлеуметтік желілер мен мессенджерлерді пайдалану кезінде барынша сақ болуға, интернеттегі жеңіл табыс, арзан турлар мен инвестициялар туралы ұсыныстарға сенбеуге, сондай-ақ алаяқтық белгілері анықталған жағдайда дереу құқық қорғау органдарына жүгінуге шақырады.

 

Дубай халықаралық әуежайына шабуыл жасалды

 

 el24.kz  Дубайда ұшқышсыз ұшу аппараты халықаралық әуежайға соққы жасап, бірнеше адам зардап шекті. Терминалдардан жолаушылар эвакуацияланды.

1 наурыз күні таңертең Dubai International Airport аумағына ұшқышсыз ұшу аппараты (дрон) шабуыл жасағаны туралы ақпарат тарады. Бұл туралы бірқатар шетелдік басылымдар мен ресми медиа-офистер хабарлады.

Алдын ала мәліметтерге сәйкес, әуежай инфрақұрылымына аз көлемде зақым келген. Қауіпсіздік хаттамалары дереу іске қосылып, терминалдардағы жолаушылар мен қызметкерлер қауіпсіз аймақтарға эвакуацияланған.

Зардап шеккендер бар

Ресми ақпаратқа сәйкес, оқиға салдарынан төрт қызметкер жарақат алған. Оларға уақытылы медициналық көмек көрсетілген. Қазіргі уақытта олардың өміріне қауіп төніп тұрған жоқ.

Әуежай әкімшілігі төтенше жағдайға арналған алдын ала әзірленген іс-қимыл жоспарлары бойынша әрекет еткенін мәлімдеді. Терминалдардың басым бөлігі қауіпсіздік мақсатында уақытша босатылған.

Әуе қатынасына әсері

Оқиғадан кейін бірқатар рейстердің ұшу және қону кестесіне өзгерістер енгізілген. Кейбір халықаралық рейстер уақытша тоқтатылып, бағыттары өзгертілген. Қауіпсіздік деңгейі күшейтілді.

Ресми реакция

БАӘ-нің құзырлы органдары жағдайдың бақылауда екенін хабарлады. Қазіргі уақытта әуежайдың жұмысын толық қалпына келтіру шаралары жүргізіліп жатыр.

Шетелдік БАҚ, соның ішінде Reuters, Gulf News және Times of India басылымдары бұл оқиға туралы ресми мәліметтерге сүйене отырып хабар таратты.

Қосымша ақпарат ресми дереккөздер арқылы жарияланатын болады.

Мемлекет басшысы Қасым-Жомарт Тоқаев қауіпсіздік шараларын күшейтуді тапсырды

 

  el24.kz Қасым-Жомарт Тоқаев Ирандағы ахуалға байланысты елдің қауіпсіздігін қамтамасыз ету жөнінде бірқатар нақты тапсырма берді. Бұл туралы Ақорда сайты хабарлады.

Ресми ақпаратқа сәйкес, Мемлекет басшысының тапсырмасымен еліміздің барлық күштік құрылымдары тәуліктік жұмыс кестесіне көшірілді. Құзырлы органдар жағдайды тұрақты бақылауда ұстап, ықтимал қауіп-қатерлердің алдын алу шараларын күшейтті.

Президент жауапты ведомстволарға Қазақстан азаматтарының қауіпсіздігін қамтамасыз ету, сондай-ақ стратегиялық нысандар мен инфрақұрылымдардың қорғалуын күшейту жөнінде тапсырма берді.

Сонымен қатар тиісті мемлекеттік органдарға сыртқы саяси ахуалдың дамуын мұқият қадағалап, қажет болған жағдайда жедел әрекет ету шараларын қабылдау міндеттелді.

Қазіргі уақытта жағдай бақылауда. Қосымша ақпарат ресми дереккөздер арқылы жарияланатын болады.

Подробности
Категория: Сырласу

    Соңғы жылдары басымнан өтіп жатқан нəрселерге басым қатып кетті.Бала кезде көрші бір балаға ғашық болып артынан қалмай жүрдім .Көп күн солай жүрдім ұмыта алмай күнде жылап,бірақ ол балалық махаббат болғасын ба тез ұмтылып кетті.Одан кейін тіпті айтуға да ұят, мен қызға ғашық болып қалдым,тіпті өзім де түсінбей қалдым .Мүмкін емес бұл,мен сондай болғаным ба,қалайша?-деп. Бірақ шынымен ғашық болдым. Күнде ойлап кәдімгі балаға ғашық болғандай оны іздеп,іштей тынып ешкімге айтпай қатты қиналып кеттім,күнде Аллаға жалбарынып неге мен оны, қызды ұнатып қалдым,ұмыттыршы деп жалбарынып өтті күндерім.

Подробности
Категория: Тылсым дүние

   Таң алдында дәрет қысып оянып кеттім. Қараңғыдан сұмдық қорқатынмын. Бірақ қуығыма толған дәрет қорқынышымды ұмыттырып, еріксіз сыртқа айдап шығарды. Дәліздің светін жағып, тысқа шықтым. Қора ішіндегі әжетханаға баруға жүрегім дауаламай, аулада дәрет сындырдым. Қараңғы түнде әлдекім шыға келіп бассалардай, бойымда белгісіз қорқыныш билеп барады. Дәрет алып бола сала үйге қарай жүгірдім. Дәлізге кіргенде ғана жүрегім орнына түсіп, қорқынышым ептеп басылғандай болды.Содан төсегіме келіп жаттым. Екінші керуетте жатқан інім ұйқы құшағында.

Подробности
Категория: Бүгін

«Атамекен» ҚР ҰКП Төралқа Төрағасы Тимур Құлыбаев Маңғыстау облысының кәсіпкерлер палатасы Өңірлік кеңесінің отырысына қатысты

Жиынды ашқан Тимур Құлыбаев бизнесті қолдаудағы Ұлттық палата мен Үкіметтің бірлесіп атқарған жемісті жұмысын атап өтті.

Подробности
Категория: Бүгін

«Атамекен» ҚР ҰКП Төралқа Төрағасы Тимур Құлыбаев Ақтау қаласында өткен Маңғыстау облысы Іскер әйелдері кеңесінің ІІІ форумына қатысты.

 Іскер әйелдер кеңесінің төрайымы Лаззат Рамазанова және өңірдің кәсіпкер әйелдері қатысуымен өтті.

Форумда сөйлеген сөзінде Тимур Құлыбаев Қазақстанда әйелдердің 42%-ы шағын және орта кәсіпкерлікті басқаратынын атап өтті.

Подробности
Категория: Проза

                                 Әңгіме

                                 Ерсін Ерғалиев

   10 сыныпты аяқтадым. Жоғары оқу орнына қабылдау емтиханы тамыз айында басталады. Әкеме емтихан басталғанша қой бағып ақша табайын деп едім (ол кісі кеңшардың кадрлар бөлімін басқаратын) «сынаққа дайын болсаң жолыңа ақша тап» деп рұқсатын бергенде, қуанып кеттім. Сонымен жолдасым Айдарбек екеуміз кеңшардың қойын бағуға кірістік. Мініске берген атқа көңілім толды. Бұл кезде аттың күні өтіп, машиналардың бәсі жүрген кез. Астымдағы ат талай жарыстарға қатысып жүлделі орын алып жүрген сәйгүлік болса да, заманы өтіп, қойшының аты ғана болып қалған еді. Аты Жұлдыз. Қолға үйренген көнбіс мал.

Подробности
Категория: Сырласу

Мен бұл сайттағы жазбаларды оқып отырамын.
Менде өз сырымды жазғым келеді, өз отбасым жайлы.
Жасым 20-да үйдің үлкенімін. Менен кейін 2- сіңілім бар Аллаға шүкір.
Бір қиыны үйде ұл жоқ.

Подробности
Категория: Әлем жаңалықтары

Ашхабадта мемлекеттік мекемелерде және ұйымдарда қызмет ететін әйелдерге тырнақты өсіріп, бояуға, кірпік жалғатуға, шаштың түсін кетіруге және алтын бұйымдар тағуға тыйым салынды.

Бұл туралы «Хроника Туркменистана» басылымына сілтеме жасап Stan.kzхабарлайды.

Басылымда хабарланғандай, аталған тыйым биылғы жылдың наурыз айында күшіне енген.

Подробности
Категория: Тылсым дүние

 

 Ол шешесі қайтыс болғалы зират басына үшінші күн қатарынан келіп тұр. Басқа басар жер, барар тауы қалмаған іспетті.

Бұл өмірде оған шешесінен өзге еш жақын жан жоқ-тұғын. Таң бозынан келіп отырған ол түске қарай зират басына келе жатқан қалың қауымды көріп, тағы кім мен құсап сорлап қалды екен деп ойлады.

Подробности
Категория: Сырласу
Гүнай Текин
Қарғам, хəлің жақсы ма?! Мені қарттар үйіне апарып өткізгелі бір ретте хəлімді сұрап келмедің-ау... Келем дегенің қане? Бітпейтін іс-сапарда жүрсің бе? Мен сенен күдер үздім. Саған енді бұл жерден мені əкет демеймін. 
Келмедің, күттім!  Көңіл құсым сені жəне немерелерімді аңсайды. Тентектерімнің əрбір қылығы жадымнан кетпейді. Түн сайын түсіме  кіреді.   Ұйқы дейтіндей қайбір ұйқы көреді дейсің,  жай ұйықтаған боламыз. 

Подробности
Категория: Керек кеңес

Елжас ЕРТАЙҰЛЫ 

Әке-шеше үшін бала деген өте маңызды әрі қадірлі. Жүктілік дәуірі кезінде 9 ай бойы әке-шеше баласын құшағына алатын күнін сабырсыздана күтеді. Нәресте шыр етіп, дүние есігін ашқан кезде әке-шешенің жүрегі қуаныштан жарыла жаздайды. Енді, міне, сағына күткен балаларын құшақтап, оны сүю мүмкіндігіне ие болды. 

Подробности
Категория: Елең еткізер

Түркияда Қазақстан және өзге де ТМД мемлекеттерінің қыздарын секс-құлдыққа сатып келген қылмыстық топ ұсталды. Қылмыстық топтың 16 мүшесі Айдын, Ялова және Бурса қалаларында жүргізілген арнайы операция кезінде тұтқындалды.

Бұл туралы Sputnik Әзірбайжанға сілтеме жасап Stan.kz хабарлайды.

Түрік полицейлері 3 ай бұрын қылмыстық топ туралы кездейсоқ біліп қалған. Олар қылмыстық топтың «Құжатүстел» ныспысымен жүрген мүшесін бақылауға алған. Анықталғандай, қылмыскерлер Қазақстан, Әзірбайжан, Беларусия, Украина және Молдова мемлекеттерінің қыздарын Түркияға алдап шақырып, жоғары жалақы төленетін жұмыс ұсыныпты.

Подробности
Категория: Даңқ пен Дақпырт

Ресейлік биші Анастасия Волочкова қазақстандық режиссер әрі ақын Хаким Булибековқа ғашық болып қалғанын мойындады.

Бұл туралы Stan.kz хабарлады.

Айта кетейік, олар Таиландта бірге демалған еді.

Подробности
Категория: Поэзия
Зейнеб Расулқызы
Аударма Артур Мағзомовқа арналады
 
Ағалап келем,
Тоқтамай кемем.
Жүректен төгіп,
Ғазал жыр кілең.

Подробности
Категория: Проза
Алма Түсіпбекова
 
 Біздің қоғам маңқа мұрны шу-шу еткен, жалқаулығы тағы бар, аяғын санап басып, ауыр қозғалатын сары Атанға ұқсайды. Ең сорақысы, оның ноқтасы кімнің қолында кетпеді десеңізші...
 Есте жоқ ескі замандарда бір диуана әлгі Атанды көрген екен. Оның айтуына қарағанда, әлгі атанның шудасы тоқты-торымның өлексесін бір отырғанда қылғыта салатын, ол аз десеңіз, алпауыт құрлықтарды  түйір ас құрлы көрмейтін, тістерінің арасына  тұрып қалған  алтын-күмістерді асқазанына қарай «асыратын»,  бағалыны бағындай көретін,  өмірі толмайтын  өңеші бар әлдекімнің жұмулы жұдырығында қалған екен дейді...
  1. «Тораңғылы» хикаясы
  2. Ақтөбеде лифтке кірген әйелдің аяғы жұлынып, қаза тапты 
  3. Алматы облысының әкімі Польша республикасының Люблин воеводтығының маршалегімен өңіраралық ынтымақтастық туралы меморандумға қол қойды
  4. Шынар ағашы