Назира Əліханқызы

Өлеңіңді оқыдым.., жылап алдым

Мен де сендей сүрінгем, құлағанмын.

Аязынан тағдырдың қорыққан емен,

Өйткені мен қаңтарда туылғанмын.

Таңсәуле Әгенқызы

Аңсау...

От алатын жарқылдаған жасыннан,
Сен ұшқынсың, жүрегіме жасырған.
Ешқашанда жете алмаспын өзіңе,
Ассам-дағы қанша қырдан, асудан.

Кеудеме шамын жағар үміт күліп,
Жіберердей барлығын ұмыттырып,
Не төнсе де сездірмей айналама
Қайғыны да қарсы алам,күліп тұрып.

Қаңқу сөз болса дағы есіткенім,
Көңіліме кірбің сақтап,өшікпедім.
Адамдарды жақсы көргенім соншалық
Дұшпанға да есігім ашық менің.

 
УАҚЫТ ТА ӨЗ ЖҮРЕГІН ТОҚТАТАДЫ 
 
Ол саған өт демейді, кет демейді.
Ештеңеге еркіңді шектемейді.
Көңілге көтере алмас жүк артылса, 
Өмір де өкпелейді.
 
Қалт жіберсең қимасты, оқша атады.
Ол - болмысы. Ешкімде жоқ шатағы.
Бақытқа таяқ тастам жер қалғанда,
Уақыт та өз жүрегін тоқтатады.

Өзбек ақыны Шахло Ахророваның бір топ өлеңдері. Аударған; Сұлухан Мыңбаева.

 

Сізді сүйіп

Жақын екен жалған-шынның аралары
Жанға батты көңілдің көп жаралары
Жасқа толды көзіміздің қаралары
Жаным,қате қылмадым ба,сізді сүйіп?