Қазақстанда шетелден жұмыртқа әкелуге уақытша тыйым салынды

 

    el24.kz Қазақстанда шетелден жұмыртқа импорттауға уақытша тыйым салынды. Осыған байланысты алдағы уақытта дүкен сөрелерінен шетелдік жұмыртқаны кездестірмейміз. Бұл шешім отандық құс фабрикалары ел ішіндегі сұранысты толық қамтамасыз ете алатынына байланысты қабылданды.

Ауыл шаруашылығы министрлігінің мәліметінше, тиісті бұйрыққа министр қол қойған. Құжатқа сәйкес, жұмыртқа импортына енгізілген шектеу әзірге бір ай мерзімге белгіленіп отыр. Тыйым Еуразиялық экономикалық одақ елдерін қоса алғанда, барлық мемлекеттерге қатысты. Жұмыртқаны Қазақстан аумағынан тек транзиттік тасымал ретінде өткізуге ғана рұқсат етіледі.

Министрлік бұл шешімді отандық тауар өндірушілерді қолдау қажеттілігімен түсіндірді. Себебі сырттан әкелінетін жұмыртқа қазақстандық құс фабрикаларының өндірістік қарқынын төмендетіп, олардың толық қуатта жұмыс істеуіне кедергі келтіріп келген.

ҚР Ауыл шаруашылығы вице-министрі Аманғали Бердалиннің айтуынша, елімізде құс шаруашылығы бағытында жұмыс істейтін 37 фабрика бар.

«Бұл фабрикалар белгілі бір көлемде ғана емес, тіпті өз қуатынан да көп жұмыртқа өндіруге қауқарлы. Алайда қазіргі таңда мүмкіндіктеріне қарағанда аз өндіріп отыр. Импортты шектеу отандық ауыл шаруашылығы тауар өндірушілеріне өндіріс көлемін арттыруға мүмкіндік береді. Бүгінде біз өзімізді жұмыртқамен 100 пайыз қамтамасыз етіп отырмыз», – деді вице-министр.

Ауыл шаруашылығы министрлігінің мәліметінше, аталған шара ішкі нарықтағы тұрақтылықты сақтауға, отандық өнім үлесін арттыруға және құс шаруашылығы кәсіпорындарының экономикалық жағдайын жақсартуға бағытталған.

 

«Жеті күн емес». Қазақстанда ақылы жолды 30 күн ішінде төлеуге болады

 

   el24.kz Қазақстанда ақылы автожолдарда жолақы төлеу тәртібі жеңілдетіледі. Жаңа ережеге сәйкес, жүргізушілер енді ақылы жолмен жүргені үшін төлемді бұрынғыдай 7 күннің ішінде емес, 30 күн ішінде жүзеге асыра алады.

Бұған дейін белгіленген мерзімде жолақы төленбесе, материалдар тиісті уәкілетті органдарға жолданып, жүргізуші әкімшілік жауапкершілікке тартылатын.

Ал жаңа тәртіп бойынша жеке тұлғаларға жолақыны пайдаланған күннен бастап 30 күнтізбелік күн ішінде төлеуге мүмкіндік беріледі. Тек осы мерзім өткеннен кейін ғана әкімшілік шаралар қолданылуы мүмкін.

Мамандардың айтуынша, бұл өзгеріс төлем жүйесін барынша ыңғайлы етуге және техникалық немесе өзге де себептермен төлемді дер кезінде жасай алмаған жүргізушілердің санын азайтуға бағытталған.

Сонымен қатар заңды тұлғалар үшін де төлем жасау тәртібі нақтыланған. Егер жолақы белгіленген мерзімде төленбесе, материалдар уәкілетті органдарға жолданады.

Айта кетейік, ақылы жолдарда төлем жасау электронды жүйе арқылы, мобильді қосымшалар мен банк сервистері арқылы жүзеге асырылады. Жауапты мекемелер жүргізушілерді жолақыны белгіленген 30 күндік мерзімде төлеуге шақырады.

Жол жабылғаны туралы ескертуді елемеген жүргізушілерге 118 мың теңге айыппұл салынады

 

     el24.kz Енді қысқы кезеңде жол жабылғаны туралы хабарламаны елемей, тыйым салынған уақытта жолға шыққан жүргізушілер әкімшілік жауапкершілікке тартылады. Қолданыстағы ережеге сәйкес, жолдың жабылғаны жөніндегі ресми ескертуді назарға алмаған азаматтарға 118 мың теңге көлемінде айыппұл салу көзделген.

Бұл жаза жол қозғалысы ережесін алғаш рет бұзғандарға қатысты қолданылады. Ал ереже талаптарын қайтадан бұзған жағдайда, жүргізушіге 15-тен 20 тәулікке дейін әкімшілік қамауға алу шарасы қарастырылған.

Алайда кейбір жүргізушілер жабық жолға шыққан сәтте байланыс аймағынан тыс жерде болғанын немесе ұялы телефон қуатының таусылуына байланысты шектеу туралы хабарламаны көрмегенін алға тартады. Мұндай жағдайларда уәкілетті органдар жол қозғалысы ережесінің нақты қай уақытта және қандай жағдайда бұзылғанын жан-жақты тексеріп, соның негізінде шешім қабылдайды.

Төтенше жағдайларды жою департаментінің бас маманы Магомед Ахриевтің айтуынша, жол ережесін қайталап бұзу фактілері Әкімшілік құқық бұзушылық туралы кодекстің 667-бабына сәйкес қаралады.

— Құқықбұзу қайталанған жағдайда әкімшілік қамауға алу шарасы қолданылуы мүмкін. Мұндай істерді негізінен полиция органдары қарайды. Қазіргі таңда нақты статистикалық мәліметтер толық емес, дегенмен бұл әрекет үшін әкімшілік жауапкершілік бар екенін атап өтеміз, — деді ол.

Мамандар жүргізушілерді қысқы жол жағдайында қауіпсіздік талаптарын қатаң сақтауға, сондай-ақ ресми хабарламалар мен ескертулерге мұқият болуға шақырады.

2026 жылға Жұлдызнама

 

   el24.kz 2026 жыл — Сатурн мен Юпитердің белсенді әсері күшейетін, жауапкершілік, тәртіп, өз-өзін дамыту және қаржылық тұрақтылық алдыңғы орынға шығатын жыл. Көп адам үшін бұл жыл — өсу, түзілу және жаңа өмір кезеңіне қадам басу жылы.

♈ Тоқты (Овен)

2026 жылы Тоқтылар жаңа бағыт іздейді. Көптен бері армандап жүрген істі бастауға қолайлы жыл.

  • Қаржы: Ірі табыс көздері ашылады.

  • Денсаулық: Энергия көп, бірақ күйзеліске абай болыңыз.

  • Махаббат: Жеке өмірде жаңа кезең, отбасылылар үшін түсіністік артады.

♉ Торпақ (Телец)

Бұл жыл Торпақтарға тұрақтылық пен материалдық береке әкеледі.

  • Қаржы: Жыл ортасында табыс еселенеді.

  • Жұмыс: Жаңа қызмет немесе мансаптық өсу.

  • Отбасы: Үй, жер, мүлікке қатысты жақсы жаңалықтар.

♊ Егіздер (Близнецы)

2026 — Егіздер үшін қарым-қатынастар жылы.

  • Жұмыс: Келісімшарттар, жаңа таныстықтар пайда әкеледі.

  • Қаржы: Ақша келеді, бірақ шығын да көп.

  • Денсаулық: Ұйқыға, жүйке жүйесіне көңіл бөліңіз.

♋ Шаян (Рак)

Шаяндар үшін 2026 — ішкі тыныштық пен жаңару жылы.

  • Отбасы: Отбасында үлкен қуаныш, туыстық байланыстар нығаяды.

  • Қаржы: Тұрақты, бірақ күтпеген шығын болуы мүмкін.

  • Денсаулық: Ас қорыту жүйесіне назар аударыңыз.

♌ Арыстан (Лев)

Арыстандар үшін бұл жыл — мақсатқа жету жылы.

  • Жұмыс: Мансаптың шарықтау шегі.

  • Қаржы: Үлкен келісім, табыстың көбеюі.

  • Махаббат: Көптен күткен тұрақтылық келеді.

♍ Бикеш (Дева)

2026 Бикештерді еңбек пен табыстың молымен қуантады.

  • Қаржы: Экономика жақсы, жинақ көбейеді.

  • Махаббат: Сезім қайта жанданады.

  • Денсаулық: Арқа, бел, жүйке жүйесіне абай болыңыз.

♎ Таразы (Весы)

Таразылар үшін жыл — тепе-теңдікті табу жылы.

  • Жұмыс: Жаңа серіктестік, шығармашылық жобалар.

  • Қаржы: Тұрақтылық орнайды, бұрынғы қарыздар жабылады.

  • Махаббат: Қарым-қатынаста түсіністік артады.

♏ Сарышаян (Скорпион)

2026 — үлкен өзгерістер жылы.

  • Қаржы: Үлкен жобалардан табыс көп.

  • Отбасы: Кейбір мәселелер шешімін табады.

  • Денсаулық: Иммунитетті күшейтіңіз.

♐ Мерген (Стрелец)

Мергендер үшін жаңа мүмкіндіктер көп.

  • Жұмыс: Шетел, оқу, жаңа тәжірибе.

  • Қаржы: Тұрақты, бірақ инвестицияға абай болыңыз.

  • Махаббат: Күтпеген таныстық.

♑ Тауешкі (Козерог)

2026 жыл Тауешкіге үлкен жетістік әкеледі.

  • Жұмыс: Көп жылғы еңбектің жемісі.

  • Қаржы: Табыстың күрт өсуі.

  • Отбасы: Үлкен қуаныш.

♒ Суқұйғыш (Водолей)

Бұл жыл Суқұйғыштар үшін жаңашылдық жылы.

  • Жұмыс: Технология, шығармашылық салаларда жарқырайсыз.

  • Қаржы: Капитал өседі.

  • Денсаулық: Жүрек пен қан қысымына назар аударыңыз.

♓ Балықтар (Рыбы)

2026 жылы Балықтар рухани өсу мен тыныштық табады.

  • Махаббат: Жаңа махаббат не қарым-қатынастың тереңдеуі.

  • Қаржы: Жақсы, бірақ жоспарлау керек.

  • Жұмыс: Жаңа бағыт бастайсыз.

Жұмыссыздар мемлекеттен әлеуметтік төлемді қалай ала алады?

 

 el24.kz  Қазақстанда жұмысынан айырылған азаматтар міндетті әлеуметтік сақтандыру жүйесіне қатысу өтілі мен соңғы табысына байланысты мемлекеттен әлеуметтік төлем алуға құқылы. Қолданыстағы заңнамаға сәйкес, жұмысынан айырылу бойынша төлем 1 айдан 6 айға дейінгі

мерзімге тағайындалады.

Әлеуметтік төлемнің мөлшері азаматтың соңғы 24 айдағы табысына байланысты есептеліп, бұрынғы кірістің 45 пайызына дейін болуы мүмкін. Төлем Мемлекеттік әлеуметтік сақтандыру қорының (МӘСҚ) қаражаты есебінен жүзеге асырылады.

Әлеуметтік төлем алу үшін азамат алдымен жұмыссыз мәртебесін рәсімдеуі қажет. Ол үшін келесі қадамдар орындалады:

  • eGov.kz порталында тіркелу;

  • «Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;

  • онлайн өтінімді толтырып, электронды цифрлық қолтаңба (ЭЦҚ) арқылы қол қою;

  • өтінімді жолдау.

Өтініш жіберілгеннен кейін бір жұмыс күні ішінде тұрғылықты жеріңіздегі мансап орталығы бос жұмыс орындарын ұсынады. Егер лайықты жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда мансап орталығының мамандары қосымша ақпарат алу үшін хабарласуы мүмкін.

Айта кетейік, бұл қызметті электронды еңбек биржасы арқылы онлайн режимде де рәсімдеуге болады.

Мамандар жұмысынан айырылған азаматтарды әлеуметтік төлем алу мүмкіндігін тиімді пайдаланып, ресми түрде тіркелуге шақырады.

 

Президент Қазақстан халқын Тәуелсіздік күнімен құттықтады

 

el24.kz  Мемлекет басшысы Қасым-Жомарт Тоқаев Қазақстан халқын Тәуелсіздік күнімен құттықтап, ел бірлігі мен тұрақтылықтың маңызын атап өтті. Президенттің айтуынша, бұл мереке – еліміз үшін тарихи мәні зор, тағдырлы күн.

Қасым-Жомарт Тоқаев Тәуелсіздік – халқымыздың ең қастерлі құндылығы екенін айтып, егемендікті нығайту жолында Қазақстанның елеулі жетістіктерге қол жеткізгенін атап өтті.

— Осы күні халқымыз Қазақстанды егемен ел ретінде дамыту жолында ерікті әрі түпкілікті таңдау жасады. Тәуелсіздік бәрінен қымбат. Біз бабалар рухына тағзым етіп, өскелең ұрпақ алдындағы тарихи жауапкершілікті терең сезіне отырып, осы ұстанымға адал боламыз. Азаматтарымыздың ырысты ынтымағының, өзара қолдауының, жасампаз еңбегінің және қоғамдағы тұрақтылық пен келісімнің арқасында Қазақстан Тәуелсіздікті нығайту ісінде айтарлықтай жетістіктерге жетті, — деді Президент.

Мемлекет басшысы қазіргі әлемде болып жатқан жылдам өзгерістерге тоқталып, жаңа тарихи кезең түрлі сын-қатерлермен қатар, тың мүмкіндіктерге де жол ашып отырғанын атап өтті. Осы орайда ел бірлігін сақтау аса маңызды екенін айтты.

— Мұндай жағдайда біз жас әрі озық ойлы ұлт ретінде болашаққа зор үмітпен және нық сеніммен қарап, берекелі бірлігімізді сақтауға тиіспіз, — деді Қасым-Жомарт Тоқаев.

Сонымен қатар Президент еліміздің жаһандық деңгейдегі беделі мен бәсекеге қабілеттілігін арттыру үшін аянбай еңбек ету қажет екенін жеткізді. Қазіргі таңда жүзеге асырылып жатқан ауқымды реформалар елдің жан-жақты жаңғыруына бағытталғанын айтты.

— Стратегиялық бағдарымыздан ауытқымай, Әділетті, Күшті, Таза және Қауіпсіз Қазақстанды құрамыз. Баршаңызға мол бақыт, бақ-береке және толағай табыс тілеймін. Қастерлі Тәуелсіздігіміз мәңгі болсын! — деді Мемлекет басшысы.

Подробности
Категория: Егіз жүрек

Болған оқиға  ізімен...

Ғани Әлихан

Асылбектен келдім деген хабар алғалы жаным жай таппай қойды . Ойлап қоямын , тап осы жерде аяғымды шалыс басқаным ба,әлде ол менің құтқарушым ба ? Міне осыны қанша ой елегінен өтірсемде жауабын таба алар емеспін . Өйткені басымды шырмап алған қорқыныш онан сайын үдей түсуде . Мұның өзіндік бірнеше себептері бар . Егер мен Асылбекпен осы жақын күндері кездеспесем онан соңғысының бәрі кеш болуы мүмкін .

Подробности
Категория: Керек кеңес
Ұзаққа созылған күйзеліс, диеталар, ұйқының қанбауы – бұның бәрі адам денсаулығын құртатын жайттар. Біздің жағдайымыз өмір салтымызға тікелей байланысты. Кейбір жағымсыз әдеттеріміз иммуниттетті әлсіретіп тастайды. Ол қандай әдеттер?
  
Дәрігерге баруға асықпайсыз
 
Дәрігерге сирек баратын адамдардың ауруы көбіне асқынып кетеді. Ертерек тексеріліп, ертерек емделсеңіз жағдайыңыз да соғұрлым жақсы болмақ.

Подробности
Категория: Әлем жаңалықтары

БҰҰ-ның әйелдерді алалауға қарсы күрес комитеті Тәжікстан билігін неке қияр алдын қыздың пәктігін тексеруді доғаруға шақырды. 

 
БҰҰ мұндай тәжірибенің медициналық қажеттілігі жоқ деп есептейді. БҰҰ комитетінің кеңесі 12 қарашада жарияланды. Онда Тәжікстанның Отбасы кодексіне қабылданған түзетулердегі неке қияр алдындағы медициналық тексеруден өту көбіне қыздың пәктігін тексеру үшін қолданылатынын, бұның соңы кей жағдайда суицидке әкеп соқтыратыны айтылған. 

Подробности
Категория: Сырласу

Күйеуім қайтыс болған. 2 қызым бар. Бірақ екеуінің мінезі екі түрлі еді. Әсия-пысық,қайсар, сәнқой. Айман-көп сөйлемейтін, өз ісін тыңғылықты атқарып, көп еркелеуді де білмейді.

Мен 40-тан асқанда 2 қыз да тұрмысқа шықты. Әсия армандаған бай жігітін тапты. Айман да тұрмысқа шығып, Астанаға кетті.

Бар қызық, Әсиядан шықты. Күйеуі екеуі бизнес ашып, өз тірліктерін жасап жүрді. Бизнес күннен-күнге өркендеп, өсе берді. Екі бала да өсіп келеді. Бір күні Әсия бизнестеріне ақша жетпей жатқанын айтып жылады. Маған "үйіңді сатып, біздің қолымызға кел, кейін бәрі орнына келген соң қала ортасынан бір бөлмелі жаңа үй алып береміз" деп уәде берді. Ана болғасын, балаң бақытты болса екен дейсің. Мен келістім. Олар үйді сатып, бизнестерін жасап жүрді. Мен де жұмысымды істеп, бірге тұрып жаттым.

Подробности
Категория: Егіз жүрек

Болған оқиға ізімен...

Ғани Әлихан

Бүгін өзі мазам болмай салым суға кетіп жұмыстан шыққанмын . Жаз басталғаннан тұмау жұқтырдым ба білмеймін , қалтырап - дірілдеп үйге әрең жеттім . Аулаға кіргенше ойыма келмеген , бүгінде тоқтаған көлігімнен түспей тұрып зәулім үйге көз жүгірттім . Өйткені бұл үй маған бұрында жұмақ көрінсе, тап қазір тозақ көрініп жүр . Сол үшін де көліктей түспей жан - жағыма қарайтынды шығардым . Қиялымда құдды бір жаналғыштар босағада күтіп тұрғандай болады да тұрады .

Подробности
Категория: Әлем жаңалықтары

АҚШ-тағы Пенсильвания университетінің психологтары әлеуметтік желіні ұзақ уақыт бойы қолданудың жалғыздық сезімін арттырып, депрессияға ұшырататынын анықтады.   

Мамандар өз зерттеуін 143 студент арасында жүргізді, олар Facebook, Instagram және Snapchat желілерін белсенді қолданатын жастар. Зерттеуге дейін олардың көңіл күйі мен өздерін қалай сезінетіндерін анықтау мақсатында сауалнама жүргізілді, сонымен қатар, iPhone статистикасының көмегімен әлеуметтік желідегі белсенділіктің орташа уақыты өлшенді. 

Подробности
Категория: Егіз жүрек

Болған оқиғаның ізімен...

Ғани Әлихан

Арманыма жеттім десем армансыз адам бола ма , мұнан кейін де маған деген тағдырдың тосын сыйы таусылмады .Сәкеңді қолға түсіріп алып жұмысқа бірге барып кеп жүргенде араға он бес күн салып бәйбіше жетті . Енді бұл бұрынғы бәйбіше емес , ажары кіріп тіпті де сұлуланып кетіпті . Мұны көрген Сәкең менен бәйбішеге секірді . Әрине бұл менің күткенім емес , ішім күйіп іштарлық басталды . Осылайша кешегі ең жақын әпкетайым бүгінгі басты жауыма айналды .

Подробности
Категория: Сырласу

Бірінші некесі сәтсіздікке ұшырағаннан кейін көптеген әйелдер қайтадан отбасын құруға қорқып қалады. Алайда тағдырдың жазуымен жүрегіңіз қалаған азаматты 40 жасыңызда жолықтырсаңыз не істейсіз? Төрт перзентінің бар екеніне қарамастан 45 жасында екінші рет күйеуге шыққан Жәмила Досқазы қыз-келіншектерге сырын айтты деп хабарлайды comode.kz . 

Жәмила мен Мұхит 45 жасында әлеуметтік желі арқылы танысыпты.

Бұл уақытта Жәмиланың бірінші некесінен төрт баласы, ал Мұхиттың 17 және 19 жастағы екі қызы болған.

Подробности
Категория: Әлем жаңалықтары

Бас сүйек пішіндес ірі астероид Жерге 38 миллион шақырым қашықтықта өтеді.  Астрономдар адамның бас сүйегіне ұқсайтындықтан «Өлім кометасы» деп атаған ірі астероид  бүгін жерге барынша жақындайды.

 Ғалымдардың пікірінше, бұл жолы астероид жер тұрғындарына қауіп төндірмей, жанынан өтіп кетеді. Алайда қайта оралған кезде қауіпті болуы мүмкін. NASA 2015TB145 астероидын өлі құйрықты жұлдыздың бірі деп есептейді. 

Подробности
Категория: Әлем жаңалықтары

Ферғана облысындағы Бешарык аудандық сотында 13 жастағы қыздың ісі қаралды деп жазады centralasian.org.

Сот залында жәбірленушінің өз еркімен интимдік қатынасқа барғаны айтылды.

«Қыздың денесінде ешқандай зорлық белгілері табылмады. Ол ер адамдармен өз еркімен жыныстық қатынасқа түскен. Сондай-ақ сот сараптамасы қызға 5000 сом берілгенін анықтады. Тек жәбірленуші алданып қалған», − дейді құқық қорғау органының қызметкері.

Подробности
Категория: Елең еткізер

8 қарашада қаруланған белгісіз біреулер Шамалған стансасындағы кафеге басып кірген. 

Күдіктілер дәмхана қожайынын байлап, ұрып-соққан. Олар екі ойын автоматын, ұялы телефон және қомақты қаржыны өздерімен алып кеткен. Қарасай ауданының полицейлері бірнеше сағат ішінде күдікті 4 ер адамды ұстады.  
 
«Жедел іздестіру барысында қылмысқа қатысы бар деген күдікпен көрші ауылдың тұрғындары (1971-1986 жылғы ) ұсталды. Кафеден ұрлап кеткен заттар тәркіленіп, иесіне қайтарылды. Ұсталғандар қазір аудандық полиция бөлімінің уақытша қамау изоляторына қамалды», – дейді облыстық полиция департаментінің баспасөз қызметі.  

Подробности
Категория: Сырласу

Жуықта Астанада тұратын анамның туған әпкесі ауруханаға түсіпті дегенді естіп, анамды алып Қарағанды қаласынан Астанаға сапар шектік. Туғаны ауырып қалды дегенді естіген соң, анам тыныш отырсын ба, алып-ұшып ауруханаға жеттік. Аллаға тәуба, Күлзат апам беті бері қарап, ауруханадан үйіне шықты.

Подробности
Категория: Егіз жүрек

Болған оқиғаның ізімен...

Ғани Әлихан

Бәйбіше не десін , Сәкең жақсы адам дегеннен басқа жауап ала алмадым . Онан әрі тәптіштеп сұрап жатуға менің шамам жетпеді . Несіне езе берейін өзі аурудан көз ашпаған қатыннан не сұрайсың . Менің болса ақылым айран . Сонда да сұрақты төтесінен қойып тікелей төсекке тірегім келген . Алайда қазіргінің жастары төсектен басқа айтпай ма деп ойлап қалар деп тағыда үнсіз қалдым .

Подробности
Категория: Егіз жүрек

Болған оқиғаның ізімен...

Ғани Әлихан

Анамның көңіл күйі болмағанын түсінемін , өйткені көкейінде маған деген күдікпен қауіп бар . Қалай болғанда да ол да ана ғой, менің киген киімдеріммен қол сөмкемді іштей есептеп шыққаны анық . Себебі бас аяғын қосқанда үш жүздің үстінде , сондай - ақ қалтамда жүз мыңдай ақша тағы бар . Бұл дегенің осыдан он бес жыл бұрын үлкен ақша ғой . Міне анамның маған үрпие қарағанының себебі де осы .

  1. Тұрмысқа шыққаныма күйеуімнің әруағы риза болмаған сияқты....
  2. Мен саған сенемін
  3. 23 жастағы тараздық қыз Instagram желісінде алаяқтық жасады деген күдікпен ұсталды 
  4. Байлар да жылайды...(5- бөлім)