Алматыда террорлық әрекетке дайындалған бес шетел азаматы ұсталды

 

   el24.kz Қазақстан Ұлттық қауіпсіздік комитеті Алматы қаласында террорлық актіге дайындалған бес шетел азаматын ұстады. Бұл туралы ақпарат КТК телеарнасында ресми түрде хабарланды.

Арнайы операция барысында күдіктілердің ел аумағында теракт ұйымдастыруды жоспарлағаны анықталған. Қазір олардың барлығы қамауға алынып, сотқа дейінгі тергеу амалдары жүргізілуде.

КНБ мәліметінше, тергеу мүддесіне байланысты ұсталғандардың азаматтығы мен жоспарланған әрекеттің егжей-тегжейі әзірге жария етілмейді.

Ресми деректерге сәйкес, қылмыстық іс Қазақстан Қылмыстық кодексінің «Терроризм актісін дайындау» бабымен тергеліп жатыр.

Бұл оқиға — соңғы жылдары елде жиілеген қауіпсіздік шараларын күшейтудің маңыздылығын көрсетеді. Сарапшылардың пікірінше, шетелдік элементтердің қатысуы терроризмнің трансұлттық сипатын дәлелдейді.

Қазіргі таңда Алматы мен өзге өңірлерде құқық қорғау органдары қоғамдық қауіпсіздікті қамтамасыз ету мақсатында бақылауды күшейткен.

 

Қазақстанда АИ-92 бензині мен дизель отынының бағасын көтеруге мораторий енгізілді

 

  el24.kz 2025 жылдың 16 қазанынан бастап Қазақстан Үкіметі АИ-92 маркалы бензин мен дизель отынының бағасын көтеруге мораторий жариялады. Бұл шешім елдегі баға тұрақтылығын сақтау және инфляцияны тежеу мақсатында қабылданды.

Энергетика министрлігі мен Бәсекелестікті қорғау және дамыту агенттігіне өңірлерде жанармай бағасын бақылау және заңсыз баға өсіміне жол бермеу тапсырылды. Сонымен қатар, ішкі нарықты үздіксіз отынмен қамтамасыз ету міндеті жүктелді.

 Мораторий не үшін енгізілді

Үкіметтің ресми түсіндіруінше, бұл шешім инфляцияны төмендету және халықтың әлеуметтік жағдайын қорғау үшін қабылданған.

Соңғы айларда мұнай мен отын бағасының әлемдік нарықта құбылуы ішкі нарыққа да әсер ете бастаған. Сондықтан мемлекет бағаның негізсіз өсуіне уақытша шектеу қоюды жөн көрді.

Мораторий тек АИ-92 маркалы бензин мен дизельге қатысты, өйткені бұл екі отын түрі халық арасында ең кең қолданылатын және стратегиялық маңызы бар өнімдер қатарына жатады.

 

  

 

Хайп қуған блогерлер шектен шықты: Мәжіліс депутатынан ұсыныс

 

 el24.kz Соңғы уақытта әлеуметтік желілерде қоғамды дүрліктіретін, тіпті қорқыныш туғызатын бейнероликтер көбейді. Әсіресе «пранк» форматындағы видеоларда азаматтардың намысына тиіп, психологиялық соққы келтіретін көріністер жиіледі.

Мәселен, елордалық блогерлердің бірі достарымен бірге жеделсатыда адамдарды әдейі қорқытып, бейнежазба түсірген. Ал Алматыда жас блогерлер аула сыпырушыларға қоқыс лақтырып, мазақ еткен видео таратқан. Мұндай әрекеттер қоғамда наразылық туғызды.

Осыған байланысты Мәжіліс депутаты Нартай Арайбұлы өрескел пранк жасаушыларды жазаға тарту мәселесін көтерді.

«Адамдарды әдейі үркітіп, олардың психикасына әсер ететін мұндай бейнероликтер қоғамда агрессияны күшейтеді. Еркіндік пен жауапкершілік қатар жүруі керек. Блогерлік атақ қуалау ешкімнің намысына тиіп, қауіпсіздігіне қатер төндіруге себеп болмауы тиіс», – деді депутат.

Халық қалаулысының пікірінше, мұндай контенттерді әзірлейтін блогерлерге қатысты заңнаманы күшейту қажет. Қазір мұндай істер Әкімшілік кодекстің 434-бабымен («Ұсақ бұзақылық») немесе Қылмыстық кодекстің 293-бабымен («Бұзақылық») қаралуы мүмкін.

Депутаттың ұсынысы – қоғамдық қауіп төндіретін пранктерге арнайы бап енгізу, яғни әлеуметтік желі арқылы үрей тудыруды жеке құқықбұзушылық ретінде тану.

«Көру санын арттыру үшін елдің зәресін алу — өнер де, ерлік те емес. Мұндай контенттер қоғамның моральдық деңгейін төмендетеді. Әр блогер жариялайтын материалы үшін заң алдында жауап беруі тиіс», – деді Нартай Арайбұлы.

Қазір Ақпарат және қоғамдық даму министрлігі блогерлердің қызметін заңмен реттеу жөніндегі түзетулерді әзірлеп жатыр. Егер ұсыныстар қолдау тапса, пранк арқылы жұрттың психикасына әсер ететін бейнелерге нақты жаза қарастырылмақ.

 

Талғарда атышулы іс бойынша сот процесі жалғасуда

 

  el24.kz Талғар аудандық сотында көпшіліктің назарын аударған қылмыстық іс бойынша сот отырыстары жалғасып жатыр. Бұл іс бойынша басты айыпталушы — Хасан Қасымбаев және оның серіктестері.

28 қазанда өткен сот отырысында тараптар соңғы сөздерін айтты. Айыпталушы Хасан Қасымбаев өзіне тағылған айыптарды толық жоққа шығарып, істегі материалдарды «жалған» және «қолдан құрастырылған» деп атады. Оның серіктестері де дәл осындай ұстанымда.

Мемлекеттік айыптаушы Ерлан Құланбаев соттан Қасымбаевты 15 жылға бас бостандығынан айыруды сұрады. Сонымен қатар прокурор айыпталушылардан жәбірленуші тарапқа 5 миллион теңге көлемінде моральдық өтемақы өндіруді ұсынды.

Тергеу нұсқасы бойынша, 2021 жылы ережесіз жекпе-жек жаттықтырушысы Арман Әлімов ұрланып, ауыр дене жарақатын алған. Осы оқиғаға байланысты Қасымбаевқа және оның серіктестері Руслан Әлиев, Мадияр Қалымжанов, Сайлау Ақтанов, Нұрмұхаммет Сұлтанбеков және Данияр Асқаровқа айып тағылған. Сондай-ақ, Қасымбаевқа 2016 жылы болған басқа бір қылмыс эпизоды бойынша да кінә тағылып отыр.

Сот залында айыпталушылар өз құқықтарының бұзылып жатқанын айтып, наразылық білдірді. Қорғаушылар істегі дәлелдемелердің заңдылығына күмән келтіріп, айыптау актісінің қайта қаралуын сұрады.

Жәбірленуші тараптың өкілі — Арман Әлімовтің анасы үш күдіктіге қатысты тергеу жүргізілмегенін айтып, апелляциялық шағым түсіретінін мәлімдеді.

Аталған іс қоғамда үлкен резонанс туғызып отыр. Себебі, Қасымбаевқа қатысты материалдарда «ұйымдасқан топ» туралы да айтылады. Алайда ресми органдар бұл ақпаратты растамаған.

Сот процесі ашық форматта өтіп жатыр. Отырыстарға журналистер мен қоғамдық бақылаушылар қатысуда.

Егер сот айыптаушының сұрауын қанағаттандырса, Хасан Қасымбаев 15 жылға дейін бас бостандығынан айырылуы мүмкін. Қорғаныс тарапы істің әділ және ашық қаралуын талап етуде.

Қоғам назарындағы бұл істің қорытындысы алдағы уақытта жарияланбақ.

Қазақстан футболы тағы бір саңлағынан айырылды

               фото: Tengrinews.kz

  el24.kz Қазақстан ұлттық құрамасының бұрынғы қақпашысы Андрей Морев 52 жасында өмірден озды. Бұл туралы еліміздің футбол федерациясы ресми түрде хабарлады.

Ведомство мәліметінше, ол ұзақ жылдар бойы қазақстандық футболдың дамуына зор үлес қосқан спортшы болған.

«Футбол федерациясы Андрей Моревтің туған-туыстары мен жақындарына қайғыра көңіл айтады. Ол еліміздің футбол тарихында жарқын із қалдырған спортшы еді», – делінген ресми хабарламада.

Өмір жолы мен жетістігі

Андрей Морев қақпашы ретінде «Жеңіс», «Оқжетпес», «Тобыл» және «Ақтөбе» клубтарының намысын қорғаған.
«Ақтөбе» сапында ол екі рет Қазақстан чемпионы атанып, ел Кубогының иегері болған.

Ұлттық құраманың құрамында екі матч өткізіп, дебюттік кездесуінде Түркия құрамасына қарсы пенальти соққысын тойтарған еді. Сол сәт оның есімін жанкүйерлер есінде қалдырған болатын.

Спортшының қазасы туралы хабар футбол жанкүйерлері арасында терең күйзеліспен қабылданды. Әріптестері мен бұрынғы командаластары оның қарапайымдылығы мен еңбекқорлығын ерекше атап өтуде.

 Қазақстан футбол қауымдастығы үшін бұл – орны толмас қаза.
Редакция ұжымы марқұмның отбасы мен жақындарына шын көңілден қайғыра көңіл айтады.

ІІМ басшысы: алкоголь тек арнайы дүкендерде сатылуы тиіс

 

  Қазақстан Ішкі істер министрі Ержан Саденов алкоголь өнімдерін тек мамандандырылған дүкендерде сатуды ұсынды,-деп хабарлайды el24.kz тілшісі.

Министрдің айтуынша, елде мас күйінде жасалатын қылмыстар азаймай отыр. Жыл сайын шамамен 10 мың қылмыс, оның ішінде 1,400-ден астамы ойын-сауық орындарында тіркеледі.

Сондықтан ІІМ мынадай шектеулер енгізуді қарастыруда:

  • алкоголь тек арнайы лицензиясы бар дүкендерде сатылуы;
  • түнгі уақытта сату шектелуі;
  • үйге жеткізу және онлайн-сатуға толық тыйым салу.

Ержан Саденовтың сөзінше, бұл шара толық тыйым емес, тек реттеу және қоғамдық қауіпсіздікті күшейтуге бағытталған.

«Түнге дейін ішіп отыру – дұрыс емес. Алкоголь тек белгілі уақытта және арнайы орындарда сатылуы керек», — деді министр.

Қазір бұл ұсыныс талқылау кезеңінде. Сарапшылар оның тиімділігі мен ықтимал салдарын қарастырып жатыр.

Подробности
Категория: Әлем жаңалықтары

 

Дүниежүзілік денсаулық сақтау ұйымы (ДДСҰ) әлемде коронавирус инфекциясымен ауыратындардың рекордтық тәуліктік санын тіркеді.

Ұйымның сайтында жарияланған статистикаға сәйкес, соңғы тәулікте (22 қазандағы деректер) әлемде COVID-19 жұқтырған 423 819 пациент тіркелген.

Подробности
Категория: Сырласу

 

Бұрын үлкендерден «көшеге шықпа, сығандар тонап кетеді» дегенді естуші едік. Онда да оны далада бейсауат жүрмес үшін баланы қорқытудың бір амалы деп түсінетінмін. Бірақ гипнозшының бір емес, бірнеше мәрте құрбаны болам деген менің үш ұйықтасам түсіме енбеген.

2000-жылдардың басында, мектепті тәмамдаған соң жастық арманның жетегімен Алматыға келдім. Бірақ тауым шағылып, оқуға түсе алмадым. Ауылға қайтуға бет жоқ. Көп кітап сатып алып, келесі жылғы емтиханға дайындалайын, күнделікті қажетті ақшамды өзім табайын деп шештім.

Подробности
Категория: Проза

 

Жәудір Нартай

Мен он төртке толған жылы, үлкен әпкем 24 ке келген еді. Біздің ауылдан онша қашық емес, тау бөктеріндегі шағын ғана қалашықта күйеуі екеуі көп қабатты үйлердің бірінде тұрып жатты. Оқу жылы аяқталған соң, әке-шешем қолыма бір дорбаны ұстатты да, әпкемнің қалін біліп келуге қалаға жіберді. Ауыр дорбамды арқалап, әпкем тұратын қалашыққа келдім. Бес қабатты тұрғын үйдің төртінші қабатына мықшыңдап жаяу көтерілдім.

Есікті әпкемнің өзі ашты.

Подробности
Категория: Проза

 

Мирас Мұқаш

Біздің үйдің қасында бір шал тұрады. Тұрмайды да, біреудің күркесін паналап жатады. Өйткені оның үйі де, бала-шағасы да, туысқандары да жоқ.

Өзі қазақ та орыс та емес, бірақ түрі осы екеуіне де ұқсайды. Екі тілде де сөйлемейді. Себебі — мылқау. Әбден қартайған. Беті мыж-мыж. Түрі аянышты. Үстіндегі киімдері де жыртық-жыртық. Қысы-жазы кір-кір пальтосын тастамайды.

Подробности
Категория: Ғибратты әңгімелер

 

Ата-анамыз ес білгеннен «Қарғыс алма, алғыс ал» деген нақылды құлағымызға құйып өсірді. Осы сөздің әбден санамызға сіңгені соншалықты бес күн жалғанда ешкімнің ала жібін аттамай, кім-кімнің де көңіліне қарап жүргенді қалаймыз.

Қарғыс дегенді естігенде тұла-бойымыз тітіркеніп, еріксізден көңіл-күйіміз құбыла түседі. Өмір болғаннан кейін бәрі де кездеседі. Мына жалғанды жалпағынан басқысы келетін жандар да аз емес арамызда. Әрине, олар тура жолдан тайқып, арамдықты алдына шығарып, талай адамның наласы мен қарғысына қалып жататыны тағы бар.

Подробности
Категория: Проза

 

Әңгіме

Ділдар Мамырбаева

Базардан оны-мұнымды сатып алып, шығар есікке таяй бергенімде терісі сүйегіне ілінген, ұрты суалған, қақырық толы кеудесі кіркіреп тұрған, түрі жапалаққа айналып кеткендей бір қайыршы мені көптен көрмеген танысындай құшақтай алды. Шашының ұйпа-тұйпасы шыққан, жара-жара бетінің адам қарарлық кейпі жоқ. Итеріп жібердім. Жиіркеніп, үсті-басымды қаққыштай бастадым.

— Кешір, кешір, — деді қалбалақтап. Оның сөйлегені тұнық дүниені лайлап жібергендей болып, табан астында ашуым қызсын.

Подробности
Категория: Әлем жаңалықтары

 

Жер бетінде адамзат коронавируспен 10 ай 16 күн ауырып келеді.

Осы уақыт ішінде ғалымдар мен дәрігерлер қауіпті аурудың кейбір құпияларын аша алды, бірақ күн сайын аурудың сан қыры ашылып жатыр. Ауа райы инфекцияның таралуына қалай әсер етеді? Адам коронавирусты қанша рет жұқтыра алады? Не себепті адамдар бұрын-соңды болмаған ауруларға шалдығады. Сұрақ көп. Коронавирустық инфекцияны қайталап жұқтырудың қаупі анағұрлым ауыр дейді.

Подробности
Категория: Тылсым дүние

 

Түлкібас ауданының Жабағылы ауылында бізбен көршілес жап-жас ерлі-зайыпты Руслан мен Айман тұрып жатты.

Бұл жаққа олар Қазығұрт ауданынан көшіп келген-тін. Русланның әкесі сол кезде 80-ге келіп қалған қария еді, анда-санда қонаққа келіп тұратын. Өте ширақ кісі болатын. Өз ауылында молда екен. Бірде мен ол кісіден: «Жалғыз балаңыз Русланды неге қолыңызда ұстамай басқа жаққа жібергенсіз?»  деп сұрадым. Қария қиналыңқырап тұрып: «Қайтейін, ақыл-есі кіргенше шетте жүрсін деген ниетпен өзім рұқсат бердім. Себебі ішкілікке бір табан жақын. Өзі гитарада тамаша ойнайды. Бірақ жүрген жері шу-шұрқан, төбелес»,  деген еді.

Подробности
Категория: Даңқ пен Дақпырт

 

Қазақстандық актер, театр әртісі Нұрлыбек Жұбатқан әріптестерінің өзге ағымға кіріп кеткенін айтты. Өзі сахнада жүрген ұл-қыздарды жолынан қайтарғанын мойындады. 

 

Нұрлыбек Жұбатқан бір кездері мыңдаған көрерменді күлдіре алған актер. Миллиондаған көрермені бар. Сахнадағы әріптестерім бір күндері жолынан тайып, өзге ағым жетегінде кетті деп налиды ол. 

Подробности
Категория: Керек кеңес
 
Ғалымдар қара бұрыштан COVID-19 белсенділігін басатын зат тапты.

Үнді технологиялық институтының физика департаментінің мамандары коронавируспен 30 дәмдеуіштің өзара әрекеттесуін зерттеді.

Подробности
Категория: Әлем жаңалықтары
 
Коронавирус адам терісіне тоғыз сағатқа дейін тіршілік ете алады.

Бұл туралы Жапония ғалымдарының Clinical Infectious Diseases журналында жарияланған зерттеуінде жазылған. Зерттеу барысында Киото префектурасы медициналық университетінің (Жапония) мамандары адам терісіне әртүрлі қоздырғыштарды қауіпсіз қолдануға мүмкіндік беретін модель жасады. 

Подробности
Категория: Сырласу
Сіз таңдаған сурет ішкі жан-дүниеңіздің айнасы. Шын мәнінде мінезіңіз қандай екенін анықтайды.

1. Көшбасшы. Сіз әрдайым өз қалауыңызға қол жеткізесіз. Ешқашан ойыңызды жасырмайсыз және адамдарға турасын айтқанды жаныңыз сүйеді. Сіз өтірік айтуға үйренбегенсіз. Ашықтығыңыз бен турашылдығыңыздың арқасында айналаңыздағы адамдар сізді сыйлайды. Қандай бастаманы қолға алсаңыз да сізге шынайы қолдау білдіретін достарыңыз өте көп.

Подробности
Категория: Елең еткізер

 

Министрдің айтуынша, егер Қазақстандағы эпидемиологиялық жағдай тағы нашарласа, үкімет бизнес пен тұрғындарға қолдау көрсетеді.

"Қазір нақты төлемдер, әсіресе әлеуметтік төлемдердің көлемі жайлы айту әлі ерте", - деді Нұрымбетов.

Нұрымбетов еңбек министрлігі денсаулық сақтау министрлігінің басшысы ұсынған үш сценарийдің ең

нашарына дайындалып жатқанын айтты.

Подробности
Категория: Елең еткізер

 

Праймеризге еліміздегі белгілі өнер және спорт жұлдыздары да белсене қатысты. Қоғамда орны бар қайраткерлер де қатардан көрініп жатыр. Azatmedia.kz порталы әлеуметтік желілерде миллиондаған оқырманы бар танымал жұлдыздардың қанша дауыс жинағанын сараптап көріпті.

Қабатов Тұрсынбек Амагелдіұлы

Елімізге белгілі әзіл-сықақшы. Оның әрбір әзілін ел сүйіп көреді. Инстаграм әлеуметтік желісінде 1,6 миллион оқырманы бар. Дегенмен, праймеризде жолы болмады. Жинаған дауыс саны &ndash 243.

  1. Қазақстандықтар пойыздың кешіккені үшін өтемақы ала алады
  2. Тоқаев мемқызметкерлер мен олардың отбасы мүшелеріне сый беруге толық тыйым салды
  3. Кавасаки синдромына ересектердің шалдығуы мүмкін екені анықталды
  4. Иммунитет төмендегенін қалай білуге болады ?