Қазақстанда шетелден жұмыртқа әкелуге уақытша тыйым салынды

 

    el24.kz Қазақстанда шетелден жұмыртқа импорттауға уақытша тыйым салынды. Осыған байланысты алдағы уақытта дүкен сөрелерінен шетелдік жұмыртқаны кездестірмейміз. Бұл шешім отандық құс фабрикалары ел ішіндегі сұранысты толық қамтамасыз ете алатынына байланысты қабылданды.

Ауыл шаруашылығы министрлігінің мәліметінше, тиісті бұйрыққа министр қол қойған. Құжатқа сәйкес, жұмыртқа импортына енгізілген шектеу әзірге бір ай мерзімге белгіленіп отыр. Тыйым Еуразиялық экономикалық одақ елдерін қоса алғанда, барлық мемлекеттерге қатысты. Жұмыртқаны Қазақстан аумағынан тек транзиттік тасымал ретінде өткізуге ғана рұқсат етіледі.

Министрлік бұл шешімді отандық тауар өндірушілерді қолдау қажеттілігімен түсіндірді. Себебі сырттан әкелінетін жұмыртқа қазақстандық құс фабрикаларының өндірістік қарқынын төмендетіп, олардың толық қуатта жұмыс істеуіне кедергі келтіріп келген.

ҚР Ауыл шаруашылығы вице-министрі Аманғали Бердалиннің айтуынша, елімізде құс шаруашылығы бағытында жұмыс істейтін 37 фабрика бар.

«Бұл фабрикалар белгілі бір көлемде ғана емес, тіпті өз қуатынан да көп жұмыртқа өндіруге қауқарлы. Алайда қазіргі таңда мүмкіндіктеріне қарағанда аз өндіріп отыр. Импортты шектеу отандық ауыл шаруашылығы тауар өндірушілеріне өндіріс көлемін арттыруға мүмкіндік береді. Бүгінде біз өзімізді жұмыртқамен 100 пайыз қамтамасыз етіп отырмыз», – деді вице-министр.

Ауыл шаруашылығы министрлігінің мәліметінше, аталған шара ішкі нарықтағы тұрақтылықты сақтауға, отандық өнім үлесін арттыруға және құс шаруашылығы кәсіпорындарының экономикалық жағдайын жақсартуға бағытталған.

 

«Жеті күн емес». Қазақстанда ақылы жолды 30 күн ішінде төлеуге болады

 

   el24.kz Қазақстанда ақылы автожолдарда жолақы төлеу тәртібі жеңілдетіледі. Жаңа ережеге сәйкес, жүргізушілер енді ақылы жолмен жүргені үшін төлемді бұрынғыдай 7 күннің ішінде емес, 30 күн ішінде жүзеге асыра алады.

Бұған дейін белгіленген мерзімде жолақы төленбесе, материалдар тиісті уәкілетті органдарға жолданып, жүргізуші әкімшілік жауапкершілікке тартылатын.

Ал жаңа тәртіп бойынша жеке тұлғаларға жолақыны пайдаланған күннен бастап 30 күнтізбелік күн ішінде төлеуге мүмкіндік беріледі. Тек осы мерзім өткеннен кейін ғана әкімшілік шаралар қолданылуы мүмкін.

Мамандардың айтуынша, бұл өзгеріс төлем жүйесін барынша ыңғайлы етуге және техникалық немесе өзге де себептермен төлемді дер кезінде жасай алмаған жүргізушілердің санын азайтуға бағытталған.

Сонымен қатар заңды тұлғалар үшін де төлем жасау тәртібі нақтыланған. Егер жолақы белгіленген мерзімде төленбесе, материалдар уәкілетті органдарға жолданады.

Айта кетейік, ақылы жолдарда төлем жасау электронды жүйе арқылы, мобильді қосымшалар мен банк сервистері арқылы жүзеге асырылады. Жауапты мекемелер жүргізушілерді жолақыны белгіленген 30 күндік мерзімде төлеуге шақырады.

Жол жабылғаны туралы ескертуді елемеген жүргізушілерге 118 мың теңге айыппұл салынады

 

     el24.kz Енді қысқы кезеңде жол жабылғаны туралы хабарламаны елемей, тыйым салынған уақытта жолға шыққан жүргізушілер әкімшілік жауапкершілікке тартылады. Қолданыстағы ережеге сәйкес, жолдың жабылғаны жөніндегі ресми ескертуді назарға алмаған азаматтарға 118 мың теңге көлемінде айыппұл салу көзделген.

Бұл жаза жол қозғалысы ережесін алғаш рет бұзғандарға қатысты қолданылады. Ал ереже талаптарын қайтадан бұзған жағдайда, жүргізушіге 15-тен 20 тәулікке дейін әкімшілік қамауға алу шарасы қарастырылған.

Алайда кейбір жүргізушілер жабық жолға шыққан сәтте байланыс аймағынан тыс жерде болғанын немесе ұялы телефон қуатының таусылуына байланысты шектеу туралы хабарламаны көрмегенін алға тартады. Мұндай жағдайларда уәкілетті органдар жол қозғалысы ережесінің нақты қай уақытта және қандай жағдайда бұзылғанын жан-жақты тексеріп, соның негізінде шешім қабылдайды.

Төтенше жағдайларды жою департаментінің бас маманы Магомед Ахриевтің айтуынша, жол ережесін қайталап бұзу фактілері Әкімшілік құқық бұзушылық туралы кодекстің 667-бабына сәйкес қаралады.

— Құқықбұзу қайталанған жағдайда әкімшілік қамауға алу шарасы қолданылуы мүмкін. Мұндай істерді негізінен полиция органдары қарайды. Қазіргі таңда нақты статистикалық мәліметтер толық емес, дегенмен бұл әрекет үшін әкімшілік жауапкершілік бар екенін атап өтеміз, — деді ол.

Мамандар жүргізушілерді қысқы жол жағдайында қауіпсіздік талаптарын қатаң сақтауға, сондай-ақ ресми хабарламалар мен ескертулерге мұқият болуға шақырады.

2026 жылға Жұлдызнама

 

   el24.kz 2026 жыл — Сатурн мен Юпитердің белсенді әсері күшейетін, жауапкершілік, тәртіп, өз-өзін дамыту және қаржылық тұрақтылық алдыңғы орынға шығатын жыл. Көп адам үшін бұл жыл — өсу, түзілу және жаңа өмір кезеңіне қадам басу жылы.

♈ Тоқты (Овен)

2026 жылы Тоқтылар жаңа бағыт іздейді. Көптен бері армандап жүрген істі бастауға қолайлы жыл.

  • Қаржы: Ірі табыс көздері ашылады.

  • Денсаулық: Энергия көп, бірақ күйзеліске абай болыңыз.

  • Махаббат: Жеке өмірде жаңа кезең, отбасылылар үшін түсіністік артады.

♉ Торпақ (Телец)

Бұл жыл Торпақтарға тұрақтылық пен материалдық береке әкеледі.

  • Қаржы: Жыл ортасында табыс еселенеді.

  • Жұмыс: Жаңа қызмет немесе мансаптық өсу.

  • Отбасы: Үй, жер, мүлікке қатысты жақсы жаңалықтар.

♊ Егіздер (Близнецы)

2026 — Егіздер үшін қарым-қатынастар жылы.

  • Жұмыс: Келісімшарттар, жаңа таныстықтар пайда әкеледі.

  • Қаржы: Ақша келеді, бірақ шығын да көп.

  • Денсаулық: Ұйқыға, жүйке жүйесіне көңіл бөліңіз.

♋ Шаян (Рак)

Шаяндар үшін 2026 — ішкі тыныштық пен жаңару жылы.

  • Отбасы: Отбасында үлкен қуаныш, туыстық байланыстар нығаяды.

  • Қаржы: Тұрақты, бірақ күтпеген шығын болуы мүмкін.

  • Денсаулық: Ас қорыту жүйесіне назар аударыңыз.

♌ Арыстан (Лев)

Арыстандар үшін бұл жыл — мақсатқа жету жылы.

  • Жұмыс: Мансаптың шарықтау шегі.

  • Қаржы: Үлкен келісім, табыстың көбеюі.

  • Махаббат: Көптен күткен тұрақтылық келеді.

♍ Бикеш (Дева)

2026 Бикештерді еңбек пен табыстың молымен қуантады.

  • Қаржы: Экономика жақсы, жинақ көбейеді.

  • Махаббат: Сезім қайта жанданады.

  • Денсаулық: Арқа, бел, жүйке жүйесіне абай болыңыз.

♎ Таразы (Весы)

Таразылар үшін жыл — тепе-теңдікті табу жылы.

  • Жұмыс: Жаңа серіктестік, шығармашылық жобалар.

  • Қаржы: Тұрақтылық орнайды, бұрынғы қарыздар жабылады.

  • Махаббат: Қарым-қатынаста түсіністік артады.

♏ Сарышаян (Скорпион)

2026 — үлкен өзгерістер жылы.

  • Қаржы: Үлкен жобалардан табыс көп.

  • Отбасы: Кейбір мәселелер шешімін табады.

  • Денсаулық: Иммунитетті күшейтіңіз.

♐ Мерген (Стрелец)

Мергендер үшін жаңа мүмкіндіктер көп.

  • Жұмыс: Шетел, оқу, жаңа тәжірибе.

  • Қаржы: Тұрақты, бірақ инвестицияға абай болыңыз.

  • Махаббат: Күтпеген таныстық.

♑ Тауешкі (Козерог)

2026 жыл Тауешкіге үлкен жетістік әкеледі.

  • Жұмыс: Көп жылғы еңбектің жемісі.

  • Қаржы: Табыстың күрт өсуі.

  • Отбасы: Үлкен қуаныш.

♒ Суқұйғыш (Водолей)

Бұл жыл Суқұйғыштар үшін жаңашылдық жылы.

  • Жұмыс: Технология, шығармашылық салаларда жарқырайсыз.

  • Қаржы: Капитал өседі.

  • Денсаулық: Жүрек пен қан қысымына назар аударыңыз.

♓ Балықтар (Рыбы)

2026 жылы Балықтар рухани өсу мен тыныштық табады.

  • Махаббат: Жаңа махаббат не қарым-қатынастың тереңдеуі.

  • Қаржы: Жақсы, бірақ жоспарлау керек.

  • Жұмыс: Жаңа бағыт бастайсыз.

Жұмыссыздар мемлекеттен әлеуметтік төлемді қалай ала алады?

 

 el24.kz  Қазақстанда жұмысынан айырылған азаматтар міндетті әлеуметтік сақтандыру жүйесіне қатысу өтілі мен соңғы табысына байланысты мемлекеттен әлеуметтік төлем алуға құқылы. Қолданыстағы заңнамаға сәйкес, жұмысынан айырылу бойынша төлем 1 айдан 6 айға дейінгі

мерзімге тағайындалады.

Әлеуметтік төлемнің мөлшері азаматтың соңғы 24 айдағы табысына байланысты есептеліп, бұрынғы кірістің 45 пайызына дейін болуы мүмкін. Төлем Мемлекеттік әлеуметтік сақтандыру қорының (МӘСҚ) қаражаты есебінен жүзеге асырылады.

Әлеуметтік төлем алу үшін азамат алдымен жұмыссыз мәртебесін рәсімдеуі қажет. Ол үшін келесі қадамдар орындалады:

  • eGov.kz порталында тіркелу;

  • «Жұмысқа орналастыру және жұмыспен қамту» бөлімінен «Жұмыс іздеуші адамдарды тіркеу» қызметін таңдау;

  • онлайн өтінімді толтырып, электронды цифрлық қолтаңба (ЭЦҚ) арқылы қол қою;

  • өтінімді жолдау.

Өтініш жіберілгеннен кейін бір жұмыс күні ішінде тұрғылықты жеріңіздегі мансап орталығы бос жұмыс орындарын ұсынады. Егер лайықты жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда мансап орталығының мамандары қосымша ақпарат алу үшін хабарласуы мүмкін.

Айта кетейік, бұл қызметті электронды еңбек биржасы арқылы онлайн режимде де рәсімдеуге болады.

Мамандар жұмысынан айырылған азаматтарды әлеуметтік төлем алу мүмкіндігін тиімді пайдаланып, ресми түрде тіркелуге шақырады.

 

Президент Қазақстан халқын Тәуелсіздік күнімен құттықтады

 

el24.kz  Мемлекет басшысы Қасым-Жомарт Тоқаев Қазақстан халқын Тәуелсіздік күнімен құттықтап, ел бірлігі мен тұрақтылықтың маңызын атап өтті. Президенттің айтуынша, бұл мереке – еліміз үшін тарихи мәні зор, тағдырлы күн.

Қасым-Жомарт Тоқаев Тәуелсіздік – халқымыздың ең қастерлі құндылығы екенін айтып, егемендікті нығайту жолында Қазақстанның елеулі жетістіктерге қол жеткізгенін атап өтті.

— Осы күні халқымыз Қазақстанды егемен ел ретінде дамыту жолында ерікті әрі түпкілікті таңдау жасады. Тәуелсіздік бәрінен қымбат. Біз бабалар рухына тағзым етіп, өскелең ұрпақ алдындағы тарихи жауапкершілікті терең сезіне отырып, осы ұстанымға адал боламыз. Азаматтарымыздың ырысты ынтымағының, өзара қолдауының, жасампаз еңбегінің және қоғамдағы тұрақтылық пен келісімнің арқасында Қазақстан Тәуелсіздікті нығайту ісінде айтарлықтай жетістіктерге жетті, — деді Президент.

Мемлекет басшысы қазіргі әлемде болып жатқан жылдам өзгерістерге тоқталып, жаңа тарихи кезең түрлі сын-қатерлермен қатар, тың мүмкіндіктерге де жол ашып отырғанын атап өтті. Осы орайда ел бірлігін сақтау аса маңызды екенін айтты.

— Мұндай жағдайда біз жас әрі озық ойлы ұлт ретінде болашаққа зор үмітпен және нық сеніммен қарап, берекелі бірлігімізді сақтауға тиіспіз, — деді Қасым-Жомарт Тоқаев.

Сонымен қатар Президент еліміздің жаһандық деңгейдегі беделі мен бәсекеге қабілеттілігін арттыру үшін аянбай еңбек ету қажет екенін жеткізді. Қазіргі таңда жүзеге асырылып жатқан ауқымды реформалар елдің жан-жақты жаңғыруына бағытталғанын айтты.

— Стратегиялық бағдарымыздан ауытқымай, Әділетті, Күшті, Таза және Қауіпсіз Қазақстанды құрамыз. Баршаңызға мол бақыт, бақ-береке және толағай табыс тілеймін. Қастерлі Тәуелсіздігіміз мәңгі болсын! — деді Мемлекет басшысы.

Подробности
Категория: Елең еткізер

Шығыс Қазақстаннан кейін Солтүстік Қазақстан облысы да «сары аймаққа» енгізілді.

Қызылжар өңіріне қарасты Мамлютка қаласындағы мектеп-интернаттың екі оқушысынан коронавирус анықталған. Қауіпті кеселге шалдыққан 16 және 6 жастағы балалардың өміріне қауіп төніп тұрған жоқ. Қазір ем-дом қабылдауда.

Подробности
Категория: Әлем жаңалықтары

 

Әлемнің бірқатар елдерінде коронавирустың таралуының үшінші толқыны басталды. Бұл туралы Новосибирск мемлекеттік университетінің жаратылыстану факультетінің биотехнология және вирусология зертханасының меңгерушісі Сергей Нетесов мәлімдеді, деп хабарлайды Stan.kz ақпарат агенттігі.

"Коронавирустың үшінші толқыны қазірдің өзінде бірқатар елдерде бар. Атап айтқанда, мысалы, Израильде. Бізде де (Ресейде) болуы мүмкін. Қыстың алдын алуға болмайтын сияқты, оны ештеңе жасамай-ақ болдырмау мүмкін емес", - деді биология ғылымдарының докторы.

Подробности
Категория: Әлем жаңалықтары

 

Әйелінің көзіне шөп салмақшы болған Өзбекстан азаматы жыныстық қатынас кезінде көз жұмды, деп хабарлайды  Stan.kz ақпарат агенттігі. Марқұмның көңілдесі жедел жәрдем шақыртпай, мәйітті жолда тастап кеткен. Ол өзін ұятты жағдайда қалып қоямын деп ойлаған көрінеді. 

 Жыныстық қатынас кезінде жүрегі тоқтап қалған ер азаматтың денесін оның көңілдесі үйінде алты сағат бойы қалдырып, кеш ауа арбаға салып, көшеге қалдырып кетіпті. 

Подробности
Категория: Әлем жаңалықтары
 
Ресейлік Новосибирскіге қарасты ауылдардың бірінде 14 жастағы қыз босанып, жаңа туған сәбиді мұздатқышқа салып өлтірген.
 
Қазір аталған дерекке қатысты тергеу жүріп жатыр. Оқиғаның егжей-тегжейін Тергеу комитеті облыстық басқармасы өкілі Анастасия Кулешова РИА Новости-ға айтып берді. Агенттік дереккөзінің сөзінше, бойжеткен баланы үйде босанып, бірден тоңазытқыштың мұздатқышына салған. Қазір істің мән-жайы анықталуда.

Подробности
Категория: Керек кеңес
 
Үйіңіздегі мысықты қанша жерден қатты жақсы көрсеңізде сақтықта болғаныңыз абзал. Себебі, оның көзіне тік қарау адам өміріне қауіп төндіруі мүмкін.
 
Кейбіреулер жақтырмаса да, мысықты жақсы көретіндер қатары аз емес. Дегенмен көпшілігі бұл үй жануарының аңшылық қасиетінің бар екендігін ескермей жатады. Әсіресе, кішкентай балалары бар үйде бұған қауіп ретінде қараған жөн.

Подробности
Категория: Елең еткізер

 

Қостанайлық полицейлер 2000 жылы туған жігітті іздестіріп жатыр.

«2000 жылы 23 шілде күні туған Ганя Олег Викторовичке іздеу салынды. Ол 15 қазан күні Бағаналы ауылынан И.Павлов атындағы ауылға шығып, сол күйі хабарсыз кеткен.

Подробности
Категория: Керек кеңес
 
 
Физиогномика деген не екенін білесіз бе? Бұл адамның сырт пішіне қарап ішкі болмысын, мінезін тануға бағытталған ғылым. Бүгін адамның құлақ сырғалығына қарап мінезін ажыратуды айтамыз.
 
«A» пішініндегі сырғалық
Мұндай етті әрі үлкен құлақ сырғалығы иесінің харизмасы мықты екенінен хабар береді. Оның адамдарды өзіне баурап, тартып тұратын ерекше қасиеті бар. Айналасына шұғыла шашып, нұр құйып жүретіндей. Әсіресе қарама қарсы өкілдер (жігіттер қыздардың, қыздар жігіттердің) арасында жұлдызы жарық. Айналасында табынушылары толып жүреді. Қашан көрсең күліп тұрады, үнемі позитив күйде жүреді. Алайда олар осы қасиетімен басқалардың сезімін аяқ асты етуі мүмкін, ал мұндай қасиет кешірілмейді.

Подробности
Категория: Елең еткізер

 

ІІМ Криминалдық полиция департаменті басшысының орынбасары Ерлан Омарбеков интернет-алаяқтардың құрбаны болмас үшін нені білу керегін түсіндірді, - деп хабарлайды Tengrinews.kz тілшісі.

Алдымен ол интернет-алаяқтықтың елімізде жиі кездесетін дерегіне тоқталды.

Подробности
Категория: Әлем жаңалықтары

COVID-19-дан айыққандар неврологиялық проблемаларға және ақыл-ой қабілетінің нашарлауына тап болды. Мұны Лондон Императорлық колледжінің ағылшын және америкалық нейрофизиологтар анықтады. Ғылыми жұмыстың нәтижелері medRxiv порталында жарияланды.

 

Коронавирусты әртүрлі формада еңсерген 84 мыңнан астам британдықты мамандар Great British Intelligence Test-ін қолдана отырып, есте сақтау қабілеті мен танымдық дағдыларына сынақтан өткізді. Жасы, жынысы, білім деңгейі, қызмет саласы, созылмалы аурулары ескерілді. Алынған мәліметтер инфекцияның адамдардың  мәтінді және сөздердің мағынасын түсінуіне, мәселелерді шешуіне кері әсер еткенін көрсетті. Бұл ретте сандарды, кеңістіктіктң есте сақтау қабілетінің және эмоцияны қабылдаудың айтарлықтай нашарлауы анықталмады.

Подробности
Категория: Керек кеңес
 
 

Әр күні жұмысқа кетерде айна алдына келіп өз бейнеңізге бір үңілмей жолға шықпайсыз. Дәл осы сәтте өз бет-әлпетіңіздегі өзгерістерге ден қоя назар салсаңыз, денсаулығыңыздағы өзгерістерді байқай аласыз. Бұл аурудың алдын алуға өте пайдалы. 

Көзіңіздің үсті іссе 
Бұл бүйректің әлсіздігінен немесе бүйректің қабынуынан дерек беруі мүмкін. Мұндайда дәрігерге барып қаралыңыз және қан қысымыңызды өлшетіп көріңіз. 

Подробности
Категория: Әлем жаңалықтары

Массачусетс технологиялық институтының америкалық ғалымдары вирустарды өлтіретін қорғаныс маскасын жасады, деп хабарлайды Stan.kz ақпарат агенттігі.

Тек инфекциядан қорғайтын қарапайым маскалар мен респираторлардан айырмашылығы, жаңа құрал арнайы қыздырылған мыс торының көмегімен вирусты өлтіруі мүмкін.

Подробности
Категория: Әлем жаңалықтары

 

Дүниежүзілік денсаулық сақтау ұйымы (ДДСҰ) әлемде коронавирус инфекциясымен ауыратындардың рекордтық тәуліктік санын тіркеді.

Ұйымның сайтында жарияланған статистикаға сәйкес, соңғы тәулікте (22 қазандағы деректер) әлемде COVID-19 жұқтырған 423 819 пациент тіркелген.

Подробности
Категория: Сырласу

 

Бұрын үлкендерден «көшеге шықпа, сығандар тонап кетеді» дегенді естуші едік. Онда да оны далада бейсауат жүрмес үшін баланы қорқытудың бір амалы деп түсінетінмін. Бірақ гипнозшының бір емес, бірнеше мәрте құрбаны болам деген менің үш ұйықтасам түсіме енбеген.

2000-жылдардың басында, мектепті тәмамдаған соң жастық арманның жетегімен Алматыға келдім. Бірақ тауым шағылып, оқуға түсе алмадым. Ауылға қайтуға бет жоқ. Көп кітап сатып алып, келесі жылғы емтиханға дайындалайын, күнделікті қажетті ақшамды өзім табайын деп шештім.

Подробности
Категория: Проза

 

Жәудір Нартай

Мен он төртке толған жылы, үлкен әпкем 24 ке келген еді. Біздің ауылдан онша қашық емес, тау бөктеріндегі шағын ғана қалашықта күйеуі екеуі көп қабатты үйлердің бірінде тұрып жатты. Оқу жылы аяқталған соң, әке-шешем қолыма бір дорбаны ұстатты да, әпкемнің қалін біліп келуге қалаға жіберді. Ауыр дорбамды арқалап, әпкем тұратын қалашыққа келдім. Бес қабатты тұрғын үйдің төртінші қабатына мықшыңдап жаяу көтерілдім.

Есікті әпкемнің өзі ашты.

  1. Жетім шал
  2. Қарғыс ұратыны рас па...
  3. Аға, бұл сізсіз бе?
  4. Бұрынғыдан да көп адам өледі: Коронавирусты қайта жұқтырудың қаупі қандай?