Еске салайық, қайғылы оқиға 11 қаңтарда орын алған. Нұрай Серікбай пышақ жарақатынан көз жұмған. Тергеу барысында күдіктінің марқұм қызды ұзақ уақыт бойы қорқытып, артынан аңдығаны анықталған. Қыздың ата-анасы бұл жағдайға байланысты полицияға бірнеше рет арызданғанымен, сол кезеңде қылмыстық іс қозғалмаған.

Аталған оқиғадан кейін Мемлекет басшысы Қасым-Жомарт Тоқаевтың тапсырмасымен Ішкі істер министрлігі шұғыл қызметтік тексеріс бастаған болатын.

ІІМ мәліметінше, құқықтық тәртіпті тиісінше қамтамасыз етпегені және қызметтік міндеттеріне салғырт қарағаны үшін бірқатар полиция қызметкері де жұмыстан шығарылды.

Сонымен қатар, қазіргі уақытта Ішкі істер министрлігінің Өзіндік қауіпсіздік департаменті марқұмның туыстарының арыз-шағымдарын тиісті деңгейде қарамау дерегі бойынша сотқа дейінгі тергеу жүргізіп жатыр.

Қылмыстық істің тергеу барысы Ішкі істер министрлігінің бақылауында.

Оқиға KZ-11 «Доссор–Құлсары–Бейнеу» тасжолының 383-ші шақырымында түнгі шамамен 01:03-те орын алды. Автобус жүргізушісі рульге ие бола алмай, көлік аударылып кеткен. Көлікте шамамен 50 жолаушы болған.

Қаза тапқандар мен зардап шеккендер

Алғашқы ақпарат бойынша апат орнына келгенде төрт адам қаза тапқан, ал зардап шеккендер дереу Бейнеу аудандық көпбейінді ауруханасына жеткізілген. Кейінірек медициналық мекемеде ауыр жарақат алған тағы бір науқас қайтыс болды, осылайша жалпы 5 адам қаза тапқан.

Зардап шеккендер арасында бас-ми жарақаты, ішкі ағзалар соғылуы, сүйек сынуы және басқа да ауыр жарақаттар бар. Олардың кейбіреулері травматология бөліміне жатқызылса, қатты ауыр халдегі 3 адам жансақтау бөліміне орналастырылған.

Тергеу шаралары және көмек көрсету

Оқиға бойынша Маңғыстау облысы полиция департаменті ұстап алынған жүргізушіге қатысты сотқа дейінгі тергеу амалдарын жүргізіп жатыр. Тәртіп сақшылары Қылмыстық кодекстің тиісті баптары бойынша материал жинап, оқиғаның толық себебін анықтауда.

Өңірлік денсаулық сақтау басқармасы зардап шеккендерге жедел медициналық және психологиялық көмек көрсетіліп жатқанын жеткізді. Кейбір науқастар әлі ем қабылдауда, қалғандары үйлеріне жіберілді.

Алдын ала себептер мен жағдайлар

Көлік министрлігінің мәліметіне сәйкес, апат болған жол учаскесі ІІ санатқа жататын, асфальт-бетон жабыны бар бағыт, жол белгілеуі мен жағдайы талаптарға сай болған. Автобус та жақында техникалық тексеруден өткен. Сондықтан оқиғаның нақты себебі тергеу аяқталғаннан кейін ғана жария етіледі.

Бұл қайғылы оқиға Маңғыстау облысында жолаушылар қатысатын автобус қозғалысындағы қауіпсіздік мәселесін тағы да қайталап күн тәртібіне шығарды. Қазір құқық қорғау органдары мен жедел қызметтер барлық қажетті сараптамаларды өткізіп, оқиғаның мән-жайын анықтап жатыр.

Ер адамның сөзінше, оқиға баланың кіші дәретке жіберіп қоюынан кейін болған. Анасы үлкен ұлы кіші баланы дәретке жібергені үшін ашуланып, баланы ұрып-соққан.

Балалардың әкесі Таир Курваншанов видеоны дүкеннен келген соң көргенін айтады.

«Үйде сыныптас қыз бар, видеоны сол түсірген. Мен дүкеннен келгеннен кейін маған оңашада видеоны көрсетті. Мен видеоны көрдім, бірақ әйелімнен не үшін ұрдың деп сұраған жоқпын. Сосын видеоны жан-жаққа жібере бастадым», – дейді ол.

Таир Курваншанов пен жұбайы Марияның ортақ екі баласы бар. Ер адамның айтуынша, әйелінің психологиялық диагнозы бар және мұндай жағдай соңғы екі-үш айда бірнеше рет қайталанған.

«Бұған дейін бәрі жақсы болатын. Балаларды ұрмайтын, анда-санда шапалақтап қоятын. Кейін балалардың беті, қолы көгере бастады. Сұрасам, бір-бірімен төбелесті дейді. Бірақ екі баланың бір-бірін қатты жарақаттауы мүмкін емес қой. Әйелім психоневрологиялық диспансерде есепте тұрады, үшінші топтағы мүгедектігі бар», – дейді балалардың әкесі.

Сондай-ақ ер адам әйелінің соңғы екі айда мінез-құлқы күрт өзгеріп, өзіне опасыздық жасағанын айтып, 10–15 күн бұрын ажырасуға өтініш бергенін жеткізді.

«Заңды некедеміз. Ажырасуға өтініш бердім. Ана құқығынан айырылсын, екі бала менде қалсын деп талап қойдым», – дейді ол.

Ресми мәліметке сәйкес, видео желіге тарағаннан кейін полиция тексеріс жүргізіп, 28 жастағы әйелдің балаға дене жарақатын салғанын анықтаған. Аталған дерек бойынша қылмыстық іс қозғалып, күдікті полиция бөлімшесіне жеткізілген.

Қалалық әкімдік өкілдерінің хабарлауынша, ерлі-зайыптының екеуінде де жеңіл ақыл-ой кемістігі мен зерде бұзылысы диагнозы бар, психоневрологиялық диспансерлік есепте тұрады. Отбасы 18 қаңтар күні түнгі сағат 23:30 шамасында полиция қызметкерлерінің көмегімен Отбасын қолдау орталығына жеткізілген.

Балалар медициналық тексеруден өткізілген. Анасы қазіргі уақытта полиция бөлімшесінде, іс бойынша тергеу амалдары жүргізіліп жатыр.