Атырау қаласының әкімі ҰҚК-ге жауап алуға жеткізілгені хабарланды

 

  el24.kz Атырау қаласының әкімі Шәкір Кейкиннің құқық қорғау органдарына жауап алуға жеткізілгені туралы ақпарат тарады. Бұл жөнінде алғаш болып жергілікті «Ақ Жайық» басылымы хабарлап, кейін ақпаратты бірқатар республикалық БАҚ жариялады.

Бейресми деректерге сәйкес, қала әкімі облыстық әкімдік ғимаратында өткен жиын алдында Ұлттық қауіпсіздік комитеті департаментінің сыбайлас жемқорлыққа қарсы іс-қимыл қызметінің қызметкерлерімен әкетілген. Кейін жауап алу рәсімдерінен соң үйіне жіберілгені айтылуда.

Жергілікті дереккөздердің мәліметінше, Шәкір Кейкин белгілі бір қылмыстық іс аясында түсініктеме берген. Алайда оның іс бойынша қандай процессуалдық мәртебеге ие екені және тергеудің нақты мән-жайы әзірге жарияланған жоқ.

Оқиғаға қатысты ақпаратты кейінірек Egemen.kz басылымы да растады. Басылымның хабарлауынша, қала әкімі құқық қорғау органдарына жеткізіліп, сұрақтарға жауап бергеннен кейін босатылған.

Айта кетейік, бұл жағдайдың алдында Атырау қаласы әкімінің орынбасары Мейіржан Мұқасовтың ұсталғаны туралы ақпарат тараған болатын. Politico.kz мәліметінше, тергеуді ҰҚК департаментінің сыбайлас жемқорлыққа қарсы іс-қимыл қызметі жүргізіп жатыр. Бейресми деректерде іс материалдарында тағы бір күдікті мен 40 миллион теңге көлеміндегі қаражат туралы мәліметтердің бар екені айтылған.

Қазіргі уақытта Ұлттық қауіпсіздік комитетінің Атырау облыстық департаменті, Сыбайлас жемқорлыққа қарсы қызмет, сондай-ақ облыс әкімдігі тарапынан ресми түсініктеме берілген жоқ.

Осыған байланысты тергеу әрекеттерінің нақты себептері мен іс бойынша қабылданатын шешімдер әзірге белгісіз күйінде қалып отыр. Ресми органдардың мәлімдемесі жарияланған жағдайда қосымша ақпарат белгілі болады.

Қазақстанда 66 мыңнан астам азамат банкрот деп танылып, 250 млрд теңге қарызы есептен шығарылды

 

   el24.kz 2023 жылдан бері қолданыста жүрген «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заң мыңдаған қазақстандыққа қарыз жүктемесін азайтуға мүмкіндік берді.

Бұл туралы Сенат отырысында Мемлекеттік кірістер комитетінің дәрменсіз борышкерлермен жұмыс басқармасының басшысы Меруерт Сисембаева мәлімдеді.

Ресми деректерге сәйкес, заң күшіне енгеннен бері елімізде 66 397 азамат банкрот деп танылған. Соның ішінде мемлекеттік кірістер органдары арқылы 65 765 азаматтың 134,8 млрд теңге көлеміндегі қарызы есептен шығарылған.

Ал сот тәртібімен 632 азамат банкрот деп танылып, олардың 115 млрд теңге берешегі жойылған. Осылайша, жалпы алғанда шамамен 250 млрд теңге қарыз есептен шығарылды.

Сонымен қатар 1 118 азамат төлем қабілеттілігін қалпына келтіру рәсімін қолданған. Бұл рәсім борышкерлерге қарыздарын белгілі бір кесте бойынша өтеуге және қаржылық жағдайын реттеуге мүмкіндік береді.

Меруерт Сисембаеваның айтуынша, заң қабылданғаннан бері бірнеше рет жетілдірілген. Соңғы өзгерістердің нәтижесінде банкроттық рәсімдерін қолдану тәртібі жеңілдетіліп, кейбір талаптар алынып тасталды. Сондай-ақ өтініш беру процесі оңтайландырылып, жекелеген санаттар үшін рәсім мерзімі қысқартылған.

Сонымен бірге бірқатар мәселелер әлі де өзекті болып отыр. Атап айтқанда, кей азаматтардың иелігінде құны өте төмен ETN бағалы қағаздарының болуы олардың банкроттық рәсімінен өтуіне кедергі келтіреді. Көп жағдайда адамдар мұндай активтердің бар екенін білмейді.

Бұдан бөлек, қаржы ұйымдарының заң талаптарын бұзған жағдайдағы жауапкершілігі нақты айқындалмаған. Сондай-ақ кей банктер мен қаржы ұйымдары мемлекеттік органдардың шешімдеріне жиі шағымданып, қосымша тексерістер жүргізуді талап етеді.

Сарапшылардың пікірінше, банкроттық туралы заң азаматтарға қарыздан құтылуға нақты мүмкіндік бергенімен, оны одан әрі жетілдіру және қаржы секторымен өзара жұмысты күшейту маңызды болып қала береді.

 
 
 
 
 
 
 
 
 
 
 

 

Назым Қахарман өмірбаяндық кітап шығарады: онда Бишімбаевтың жеке өміріне қатысты деректер де қамтылған

 

  el24.kz   Бұрынғы ұлттық экономика министрі Қуандық Бишімбаевтың экс-жұбайы Назым Қахарман жақын арада өмірбаяндық кітабын оқырман назарына ұсынатынын мәлімдеді.

Автордың айтуынша, қазіргі уақытта кітап баспа қарауында жатыр. Туындының ресми таныстырылымын осы жылдың күзінде өткізу жоспарланып отыр.

Назым Қахарман еңбегінің автофикшн жанрында жазылғанын атап өтті. Бұл жанр шынайы оқиғалар мен өмірлік тәжірибелерге негізделгенімен, көркем әдебиет элементтерін де қамтиды.

Оның сөзінше, кітапта бұрынғы жұбайының жеке өміріне қатысты жайттар, сондай-ақ оның көңіл жарастырған әйелдері туралы мәліметтер де берілген. Алайда автор аталған адамдардың тек есімдері ғана көрсетілетінін, басқа жеке деректері жарияланбайтынын айтты.

Сонымен қатар Назым Қахарман кітаптағы мәліметтерге байланысты қандай да бір талап-арыздар түсетін болса, өз ұстанымын дәлелдеуге дайын екенін жеткізді. Оның айтуынша, өзінде бұрынғы күйеуіне қатысты хат-хабарлар мен басқа да дәлелдер сақталған.

Еске сала кетейік, бұған дейін марқұм Салтанат Нүкенованың ағасы Айтбек Амангелді «Её звали Салтанат» атты кітап шығарып, онда қарындасының өмір жолы мен сот процесіне қатысты оқиғаларды баяндаған болатын.

Жаңа кітаптың жарық көруі қоғамда үлкен қызығушылық тудырып отыр. Автордың айтуынша, шығармада оның жеке өмірі мен бастан өткерген оқиғалары жан-жақты қамтылған.

Павлодар облысында Ан-2 ұшағы апатқа ұшырап, бір ұшқыш қаза тапты

 

 el24.kz Павлодар облысында Ан-2 ұшағы апатқа ұшырап, салдарынан бір адам қаза тапты. Екінші ұшқыш түрлі жарақатпен ауруханаға жеткізілген. Оқиғаның мән-жайы анықталып жатыр.

Көлік министрлігінің мәліметінше, апат 27 мамыр күні Павлодар облысының Железинка ауылы маңында болған. Әуе кемесі «Жеңіл және аса жеңіл авиацияны пайдаланушылар» заңды тұлғалар бірлестігіне тиесілі.

Ведомствоның хабарлауынша, ұшақ авиациялық-химиялық жұмыстарды орындау кезінде апатқа ұшыраған. Алдын ала мәлімет бойынша, әуе кемесі электр желілеріне соғылған.

«Бортта экипаждың екі мүшесі болған. Оқиға салдарынан бір ұшқыш қаза тапты. Екінші ұшқышты ТЖД қызметкерлері алып шықты, ол есін біледі», — делінген ресми хабарламада.

Қазіргі уақытта зардап шеккен ұшқышқа медициналық көмек көрсетіліп жатыр.

Көлік министрлігі әуе апатының себептерін ведомствоның Көліктегі оқиғалар мен инциденттерді тергеу департаментінің мамандары анықтайтынын мәлімдеді. Тергеу тобы оқиға орнына аттанған.

Вьетнамда қамауда отырған Қайсар Қамзаны Қазақстанға қайтару мәселесі қаралуда

 

 el24.kz Қазақстандық танымал блогер Қайсар Қамзаның Вьетнам аумағында қамауда отырғаны ресми түрде расталды. Бұл туралы Қазақстан Республикасы Сыртқы істер министрлігі мәлімдеді. Қазіргі уақытта екі елдің құзырлы органдары блогерді Қазақстанға экстрадициялау мәселесін қарастырып жатыр.

Ведомствоның мәліметінше, ұсталған азаматты елге қайтаруға қатысты барлық заңдық рәсімдер жүргізілуде. Сонымен қатар істің мән-жайын анықтау бағытында дипломатиялық жұмыстар жалғасып жатыр.

Бұған дейін Қайсар Қамза әлеуметтік желілерде видеоүндеу жариялап, өзінің түрмеде отырмағанын, алайда Вьетнам құқық қорғау органдары оның барлық жеке құжаттарын тәркілеп алғанын айтқан болатын. Оның сөзінше, қазіргі уақытта экстрадиция мәселесі бойынша шешім күтіп отыр.

Еске салсақ, блогер биыл сәуір айында Вьетнамның Камрань қаласында ұсталған. Қазақстан Ішкі істер министрлігінің мәліметіне сәйкес, ол заңсыз ойын бизнесін ұйымдастырды деген күдікпен халықаралық іздеуде болған. Тергеу нұсқасы бойынша, блогер әлеуметтік желілер арқылы онлайн-казиноларды жарнамалап, пайдаланушыларды құмар ойындарға тартқан. Нәтижесінде 100 миллион теңгеден астам заңсыз табыс тапты деген күдік бар.

Қазіргі уақытта Қазақстан мен Вьетнамның құзырлы органдары арасында экстрадициялау рәсімдері бойынша жұмыс жалғасуда. Істің түпкілікті шешімі барлық қажетті халықаралық және ұлттық құқықтық рәсімдер аяқталғаннан кейін қабылданады.

Астанада Бейімбет Майлиннің ескерткішіне шыққан бойжеткеннің ісі сотқа жолданды

 

   el24.kz Бейімбет Майлин ескерткішіне шығып суретке түскен бойжеткеннің әрекеті әлеуметтік желіде қызу талқыға түсті. Оқиға Астанадағы Қаламгерлер аллеясында болған.

Куәгерлердің бірі әлеуметтік желіде монумент жанында демалып отырған сәтте ескерткіш басына шығып алған қыздарды байқап, видеоға түсірген. Бейнежазба желіде кең таралып, көпшілік тарапынан сынға ұшырады.

Осыдан кейін елордалық полиция қызметкерлері тексеру жүргізіп, видеодағы қыздың жеке басын анықтады. Полиция мәліметінше, ол — Астананың 18 жастағы тұрғыны.

Астана қалалық полиция департаментінің хабарлауынша, бойжеткен мәдени нысан мен қоғамдық орынға құрметсіздік танытқаны үшін жауапкершілікке тартылған.

«Құқық бұзушы ұсақ бұзақылық жасағаны үшін жауаптылыққа тартылды. Материалдар шешім қабылдау үшін сотқа жолданды», – делінген ведомство хабарламасында.

Тәртіп сақшылары мәдениет және тарихи мұра нысандарына ұқыптылықпен қарау қажеттігін еске салды. Сонымен қатар ескерткіштерді қасақана бүлдіру немесе қорлау әрекеттері вандализм ретінде бағаланып, заң аясында жауапкершілікке әкелуі мүмкін екенін атап өтті.

Айта кетейік, Қаламгерлер аллеясындағы «Үш бәйтерек» монументі қазақ әдебиетінің көрнекті өкілдеріне арналған мәдени орындардың бірі саналады.

 

Подробности
Категория: Елең еткізер

 

Алматыда ер адам қызы мен күйеу баласын атып өлтіріп, кейін өз-өзіне қол салды.

"Бүгін, 8 маусым күні Алматы қаласының Түрксіб ауданында, Сейфуллин даңғылындағы үйлердің бірінде 1951 жылы туған жергілікті тұрғын отбасылық жанжал кезінде 1987 жылы туған күйеу баласы мен 1979 жылғы қызын тегіс ұңғылы мылтықпен атып өлтірді.

Подробности
Категория: Сырласу

«Сорлы басым-ай, бір қыздың етегін көтерем деп сорлап қалдым-ау». Бұл көрші подъезде тұратын жігіттің айтқаны.

Темекі тартып, көлігімді шұқылап тұрған маған сәлем бере салып осылай деді. «Не болды?» деп үлгермедім, әңгімені асығыс-үсігіс өзі бастап кетті.

Подробности
Категория: Әлем жаңалықтары

 

The Sun басылымы коронавирус пандемиясының аяқталғанын күтпей-ақ саяхаттауға болатын мемлекеттердің тізімін жариялады.

Подробности
Категория: Елең еткізер
Қазақстанда коронавирус жұқтырған, бірақ сырқаты симптомсыз өтіп жатқан 357 адам анықталды деп хабарлайды КAZ.NUR.KZ.
 
«2020 жылғы 6 маусымдағы жағдай бойынша жалпы статистикаға қосылмаған коронавирус індетінің белгілері жоқ 357 тасымалдаушы тіркелді», - деп мәлімдеді coronavirus2020.kz сайты.

Подробности
Категория: Сырласу

 

Жыныстық қатынастың ләззат алудан бөлек, өзіне тән артықшылықтары да бар. Салмақ тастау ғана емес, иммундық жүйенің күшеюі, қатерлі ісік қаупінің алдын-алу сияқты денсаулық үшін жыныстық қатынастың пайдасы мол екенін ескере кетпеске болмас.

Ең бірінші көпшілікке белігілі бір пайдасы деп, физикалық қозғалыс пен жаттығуды айта аламыз. Басқа жаттығулар тәрізді жыныстық қатынас та калория кетіріп, артық салмақпен күресуге көмектеседі.

Подробности
Категория: Керек кеңес
Ағаш
 
Сіз өте мұқият адамсыз. Барлық істеріңізді жоспарлы түрде жүзеге асырасыз. Мақсатыңыздың жолында барлық қадамға баруға дайынсыз. Сондықтан қаталдық сізге тән.

Подробности
Категория: Даңқ пен Дақпырт

Әлемге танымал дүлдүл әнші Димаш Құдайберген қашан үйленеді? Димаштың ата-анасы Света мен Қанат Айтбаевтар сұхбат берді. Димаштың карантин уақытында немен айналысқанын айтты.

Қанат пен Света Айтбаевтар бұл туралы "Таңшолпан" бағдарламасында айтты.

Подробности
Категория: Сырласу

Тоқсаныншы жылдардың басы еді. Алматының ақылдысы да, ақымағы да, тіпті ақынына дейін базарға шығып кеткен кез ғой. Қала құдды бір үлкен сауда алаңына айналғандай. Көше бойы тізілген саудагерлер. Нарықтың жаңа келіп жатқандығынан болар, әсіресе, қазақтар «саудагер» деген сөзге кәдімгідей намыстанатын. Алда-жалда айта қалсаң жағаңа жармасып өлуге бар. Ауылдан досым келіп, көше бойындағы сол нөпірді аралап келеміз.


— Әй, сұмдық қой мыналарың, — дейді Марат досым, — Бүкіл қала саудагер болып кетіпті. Ана кемпірге не жоқ? Отырмай ма, немерелерінің қасында. Мына көзілдірік киген оқымысты-ау деймін? Бұған не жорық?

Подробности
Категория: Әлем жаңалықтары

Дүниежүзілік денсаулық сақтау ұйымының басшысы Ханс Клюге Қазақстанда коронавирус жұқтырғандардың саны неге көбейіп жатқанын айтты,- деп хабарлайды Tengrinews.kz тілшісі БҰҰ сайтына сілтеме жасап.

Ханс Клюгенің айтуынша, коронавирус жұқтырғандардың саны көбеюіне инфекцияны зертханалық жолмен анықтау әдісінің өзгеруі себеп болып жатыр.

Подробности
Категория: Проза

Атақ-даңқы алты алашқа жайылып, әулие атанған қасиет иесі - Мәшһүр Жүсіп Көпейұлы. Ғұламаның өмірі мен шығармашылығын жан-жақты зерттеумен келе жатқан өз ұрпағы Әсет Пазыловтың еңбектеріндегі мынадай мәліметтерді оқырмандардың назарына ұсынғанды жөн көрдім.

"Мәшһүр Жүсiп бiр күнi Баянауылға бармақ болып, жанына баласы Шарафиден мен сүйiктi немересi Төлеубайды ертiп, ат-арбасына атын жегiп жолға шығады. Бозбай деген жерден аса бергенде немересі:

Подробности
Категория: Керек кеңес
 
Қастың пішіні бет-әлпетке қатты әсер етеді. Сондықтан жарасымды қас пішінін табу және оған күтім жасау маңызды.
 
Соңғы жылдары қалың әрі табиғи қас сәнге айналды. Егер қасыңыз табиғатынан қалың болмаса, оны визуалды түрде сәл жалпақтау етіп көрсететін әдістер бар.

Подробности
Категория: Елең еткізер
 
Бұл туралы облыстық бас мемлекеттік санитарлық дәрігері Темірбек Мұсағалиевтың қаулысы шықты.

Облыстың бас мемлекеттік санитарлық дәрігері соңғы 7 күнде Атырау облысы халқының арасында коронавирус инфекциясының 7 пайыздан төмен тіркелуін негізге алған.

Подробности
Категория: Сырласу

1. Қыздық «перде» — пәктік белгісі.

 Жалпы «пәктік» деген әдемі ұғымның алдында шляпімді шеше отырып, 100 пайыз біреудің пәк не пәк еместігін анықтайтын медициналық тәсілдің жоқтығын қаперіңізге салуға рұқсат етіңіз. Даулас-дауласпа, қыздық пердесін «жаман бала» мектепте дене шынықтырып жатып та, оңбай сүрініп құлап та жыртып алуы мүмкін. Ал кей қыздарда ол туа бітті жоқ.

Подробности
Категория: Даңқ пен Дақпырт
Күнделікті "Informburo" жаңалықтарының тұрақты жүргізушісі Ерқанат Көпжасар күтпеген жерден бағдарламаны тастап кеткені белгілі болды.
 
Ол не себепті мұндай шешім қабылдағанын әлі ешкімге айтпады. Ерқанат Көпжасардың жүргізуші орнын босатуын танымал тележүргізуші, шоумен Тахир Сұлтан (@tahirsultan_official) өзінің Инстаграм парақшасында Ерқанат жүргізетін жаңа шоудың түсірілімінен видео жариялағаннан кейін белгілі болды.
  1. Жыныстық қатынас қаншалықты жиі болуы керек ?!
  2. Ерлі-зайыптылар жинағын біріктірсе, зейнеткерлікке ерте шығуы мүмкін
  3. 5 жастағы мысықтан коронавирус табылды
  4. Мұнай саласында үш жарым мың адам жұмыссыз қалды