Атырауда жалған 8 750 АҚШ долларын сатуға шығарған жігіт ұсталды

 

Атырауда ірі көлемде жалған АҚШ долларын сатумен айналысқан күдікті ұсталды,-деп хабарлайды  el24.kz тілшісі Polisia.kz.ке сілтеме жасап.

Атырау облысы ПД ұйымдасқан қылмысқа қарсы күрес басқармасының қызметкерлері жедел іздестіру іс-шарасы кезінде 50 АҚШ долларын сатумен айналысқан 24 жастағы ер адамды анықтады.

Тінту кезінде күдіктіден жалпы сомасы 8 750 АҚШ долларын құрайтын 175 дана жалған 50 долларлық купюра табылып, тәркіленді.

Оның шет мемлекеттерден көлік әкеліп, сататындығы анықталды. Қазіргі таңда күдіктінің жалған ақша қаражаттарын қайдан алғаны және қайда өткізбек болғаны тексеріліп жатыр.

Күдіктіге қатысты шетел валютасын немесе шетел валютасындағы бағалы қағаздарды өткізу мақсатында жасау немесе сақтау, өткізу бойынша қылмыстық іс тіркеліп, сотқа дейінгі тергеп-тексеру жүргізілуде. Өзге ақпарат тергеу мүддесіне сәйкес жариялануға жатпайды.

Алматы маңында апатқа ұшыраған АН-26 ұшағының қалдықтары аукционға қойылды

 

Алматы маңында 2021 жылы наурызда апатқа ұшыраған АН-26 ұшағының техникалық сынықтары аукцион арқылы сатылды,-деп хабарлайды el24.kz тілшісі.

Бұл ұшақ Нұр-Сұлтан – Алматы бағыты бойынша ұшып келе жатқан кезде құлаған болатын. Бортында Ұлттық қауіпсіздік комитетінің (ҰҚК) алты қызметкері болған, олардың төртеуі қаза тауып, екеуі ауыр жарақат алған.

Ұшақ қалдықтары қаншаға сатылды?

ҰҚК-нің ресми ақпаратына сәйкес, апатқа ұшыраған АН-26 ұшағының металл сынықтары сатылымға шығарылған. 14,6 тонна металл сынығының жалпы құны 5,4 миллион теңге деп бағаланғанымен, бастапқы аукциондық баға 1,3 миллион теңге болып белгіленді.

Аукционға қатысу үшін 810 897 теңге кепілдік жарна талап етілді. Сауда-саттық 2025 жылдың 27 наурызында таңғы сағат 10:00-де өтті. Нәтижесінде ұшақ сынықтары 1,4 миллион теңгеге сатылды. Алайда, сатып алушының аты-жөні жарияланған жоқ.

 
 
 

Маңғыстау ұлттық киім кию бойынша Гиннесс рекордын орнатты!

 

2025 жылғы 22 наурызда Маңғыстау облысында ұлттық киім кию бойынша жаңа Гиннесс рекорды орнатылды,- деп жазады el24.kz тілшісі. 

Ақтау қаласының орталық алаңында өткен бұл шараға 5 000-нан астам адам қатысып, барлығы қазақтың дәстүрлі ұлттық киімдерін киді. Бұл көрсеткіш бұрынғы рекордтан 1 000 адамға артық болды.

Рекордты тіркеу рәсімі Наурыз мейрамы аясында ұйымдастырылды, бұл қазақ халқының мәдениеті мен дәстүрлерін насихаттауға бағытталған. Шара барысында қатысушылар ұлттық билер орындап, дәстүрлі әндер шырқалды. Гиннесс рекордтар кітабының ресми өкілдері қатысып, рекордтың орнатылғанын растады.

Маңғыстау облысының әкімі бұл жетістік өңірдің мәдени мұрасын дәріптеуге және ұлттық бірлікті нығайтуға үлкен үлес қосатынын атап өтті. Қатысушылар мен ұйымдастырушылардың айтуынша, бұл шара қазақ халқының бай мәдениетін әлемге танытуға мүмкіндік берді.

Бұл рекорд Қазақстанның мәдени жетістіктерінің қатарын толықтырып, ұлттық құндылықтарды сақтау мен дамытуға деген ұмтылысты көрсетеді.

Жантүршігерлік оқиға:сот анасының өліміне кінәлі жігітті босатты

 

Солтүстік Қазақстан облысында 30 жастағы Константин Белопухов өз анасын аяусыз өлтіріп, қылмысын жасыру мақсатында үйді өртеген.

Алайда, сот-медициналық сараптама оның қылмыс жасаған кезде психикалық ауытқуы болғанын анықтап,оны қылмыстық жауапкершіліктен босатты-деп хабарлайды el24.kz тілшісі.

Сот шешімі бойынша, ол Алматы облысы Талғар ауданындағы Ақтас кентінде орналасқан мамандандырылған психиатриялық стационарда мәжбүрлі емдеуге жіберілді.

Қайғылы оқиға 2024 жылдың 10 қарашасында Есіл ауданының Явленка ауылында орын алған. Константин Белопухов Ресейдің Омбы қаласында тұрып, анасына қонаққа келген.Ол қылмыс жасаған уақытта өз әрекеттеріне есеп бере алмағаны анықталды. 

Түркістан облысында Telegram-да балаларға қатысты заңсыз контент таратқан арна анықталды

 

Түркістан облысының прокуратурасы Telegram желісіне талдау жүргізу барысында кәмелетке толмағандарға қатысты заңсыз фото және видео материалдарын ұсынатын ақылы арнаны анықтады,-деп хабарлайды el24.kz тілшісі.

Бұл арна балалардың құқықтарын бұзып, олардың қауіпсіздігіне қатер төндірді. Құқық қорғау органдары арнаның қызметін тоқтатып, кінәлі тұлғаларды жауапкершілікке тарту бойынша қажетті шараларды қолға алды.

Бұл оқиға балаларды қорғау және олардың құқықтарын сақтау бағытындағы жұмыстардың маңыздылығын тағы бір мәрте көрсетіп отыр.

Қазақстанда интернеттегі заңсыз контентпен күрес күшейтілуде

Айта кетейік, бұған дейін де Қазақстанда құқық қорғау органдары интернеттегі заңсыз контентке қарсы іс-шаралар жүргізген.

Мәселен, 2024 жылдың қазан айында Алматы қаласының прокурорлары есірткі құралдарын жарнамалап, таратқан 16 Telegram арнаны бұғаттады. Тексеру барысында бұл арналарда қатысушыларға тыйым салынған заттарды сатып алу мүмкіндігімен қатар, "закладчик" жұмысы ұсынылғаны анықталды. Сот Медеу ауданы прокурорының тыйым салынған ресурстарды бұғаттау туралы талабын қанағаттандырып, олардың қызметін тоқтатты. Кінәлі тұлғаларды жауапкершілікке тарту мақсатында қылмыстық іс қозғалып, тергеу жүргізілді.

Сонымен қатар, Алматы прокуратурасы 2024 жылдың қазан айында суицидтік мазмұндағы Telegram-арнаны анықтап, оның қызметін тоқтату шараларын қабылдады. Тексеру барысында 67 оқырман арна әкімшілігінен суицидке бағытталған рөлдік командалар алғаны белгілі болды. Сот Алмалы ауданы прокурорының деструктивті чатқа тыйым салу туралы талабын қанағаттандырып, шешім дереу Мәдениет және ақпарат министрлігіне орындауға жолданды.

Ата-аналар мен қоғам назарында болуы тиіс

Бұл жағдайлар интернеттегі заңсыз контентке қарсы күрестің өзектілігін көрсетеді. Ата-аналар мен қоғам мүшелері балалардың интернеттегі әрекеттеріне мұқият назар аударуы қажет. Егер күдікті контент анықталса, дереу құқық қорғау органдарына жүгінген жөн.

 

Жерде күшті магниттік дауыл: әсері мен сақтық шаралары

 

2025 жылғы 23 наурызда Жерде қуатты магниттік дауыл басталды, оның күші G3 деңгейіне жетеді деп күтілуде. Бұл 2025 жылдың басынан бергі ең күшті дауыл болмақ.

Мамандардың айтуынша, магниттік дауыл бір тәулікке созылып, 24 наурыз түстен кейін басылады,- деп хабарлайды el24.kz тілшісі.

Магниттік дауылдар Күндегі алаулар мен тәждік масса лақтырылуларынан туындайды, олар Жердің магнитосферасына әсер етіп, геомагниттік бұзылыстарды тудырады. G3 деңгейіндегі дауылдар әдетте орташа күшті болып саналады және келесі әсерлерге әкелуі мүмкін:

  • Энергетикалық жүйелер: Жоғары ендіктерде кернеу ауытқулары және электр желілерінде ақаулар болуы мүмкін.

  • Ғарыштық аппараттар: Спутниктердің орбиталық параметрлерінде өзгерістер байқалып, олардың бағдарлау жүйелерінде қателіктер туындауы ықтимал.

  • Радиобайланыс: Жоғары және төмен жиілікті радиобайланыс жүйелерінде үзілістер болуы мүмкін.

  • Полярлық шұғыла: Әдетте жоғары ендіктерде байқалатын бұл құбылыс, кейде орта ендіктерде де көрінуі мүмкін.

Магниттік дауылдар денсаулыққа тікелей қауіп төндірмесе де, ауа райына сезімтал адамдарда бас ауруы, әлсіздік немесе ұйқысыздық сияқты белгілер пайда болуы мүмкін. Мұндай кезеңдерде дәрігерлер физикалық және психикалық жүктемені азайтып, жақсы демалуды ұсынады.

Магниттік дауылдардың әсерін азайту үшін келесі сақтық шараларын қолдану ұсынылады:

  • Физикалық және психикалық жүктемені азайту: Стресстен аулақ болу және жақсы демалу маңызды.

  • Дұрыс тамақтану: Алкоголь мен кофеинді сусындардан бас тартып, жеңіл және пайдалы тағамдарды тұтыну ұсынылады.

  • Таза ауада уақыт өткізу: Серуендеу қан айналымын жақсартып, жалпы денсаулыққа оң әсер етеді.

Магниттік дауылдардың әсері бірнеше күнге созылуы мүмкін, сондықтан алдағы күндері өз денсаулығыңызға мұқият болу және жоғарыда аталған ұсыныстарды сақтау маңызды.

Подробности
Категория: Елең еткізер

 

Спуфинг – бұл қылмыскер өзін басқа біреу ретінде көрсетіп, ықтимал құрбанының сеніміне кіру үшін түрлі әрекеттер жасайтын жалған әдіс.

ІІМ деректері бойынша, 2022 жылдың қараша айынан бастап Қазақстанда 58 миллионға жуық телефон қоңыраулары, оның ішінде жалған нөмірлерден қоңыраулар бұғатталды.

Подробности
Категория: Елең еткізер
 
Көліктегі полиция департаментінің қызметкерлері ҚР Көші-қон заңнамасын бұзғаны үшін 1483 шетелдікті әкімшілік жауапкершілікке тартты.
 
Оның ішінде сот шешімі бойынша 484 шетелдік елден шығарылса, қос азаматтығы бар 181 адамға қатысты тиісті шаралар қабылданған. 

Подробности
Категория: Елең еткізер

 

Шымкенттің екі тұрғыны жалған купюралар мен есірткі заттарын сатуға тырысқан. Осы факті бойынша тергеуді Қаржылық мониторинг агенттігі жүргізді. 
 
Тергеу барысында ҚМА қызметкерлері бақылауымен қара-жасыл түсті өсімдік тектес затты сатып алу жүргізілді.

Подробности
Категория: Елең еткізер

 

 Жетісуда адамдарды алдап келген қылмыстық топ құрықталды. Бұл жөнінде  облыс прокуратурасы мәлім етті- деп жазады el24.kz тілшісі.

Жетісу облысы прокуратурасының үйлестіруімен құқық қорғау органдары бүкіл ел бойынша алдау жолымен алаяқтықпен және ақша қаражатын қолма-қол ақшаға айналдырумен айналысқан қылмыстық топ қызметінің жолын кесті.

Подробности
Категория: Сырласу

 

«Өзі тұратын пәтерді сатып жіберіп, сатып алған адамнан қайта жалға алған» 
 
Аға тұтынып, жақын араласатын таныс ағайым бар еді. Біраздан бері денсаулығы болмай жүрген. Инфаркт алып, ауруханаға түсіпті дегенді есітіп, жағдайын сұрамақ болып ауруханаға бардым. Ағайым қан-сөлсіз төсегінде жатыр екен.

Подробности
Категория: Тылсым дүние

 

Көкем (әкемді осылай атаймыз) 1972 жылдың қаңтарында қайтты.

Біздің жақтың қысы қарлы болмайды. Жәй борасын, өңменіңнен өтер ызғырық желмен-ақ қысты шығарып сала береміз. Сол жылы да солай болды.

Ағайын-тума, дос-жаран, көрші-көлем абыр-дабыр тез жиналды да тоғызын атағаннан кейін тарқап кетті. Аудан орталығында мектеп-интернаттағы апаларым да оқуда. Үйде үрпиіп мамам, мен, бір сынып жоғары оқитын кенже апам үшеуміз қалатын болдық.

Подробности
Категория: Спорт жаңалықтары

 

Олимпиада ойындарында бокс бәсекесі аяқталды, деп хабарлайды el24.kz тілшісі,  madeniportal.kz.ке сілтеме жасап.

Олимпиадада бокстан ерлер арасындағы аса ауыр салмақтағы жеңімпаз анықталды. Өзбекстандық Баходир Жалолов финалда Испания боксшысы Айюб Гадбаны айқын басымдықпен жеңді.

Подробности
Категория: Спорт жаңалықтары

 

 Дзюдодан  әйелдер арасында, 48- келі салмақта Париж олимпиадасына қатысып, ел намысын қорғаған Әбиба Әбужақыноваға KIA көлігін, мәжіліс депутаты Айдарбек Ходжаназаров  сыйға тартты. Бұл жөнінде депутат  әлеуметтік желі парақшасында хабарлады.

Подробности
Категория: Спорт жаңалықтары

 

Қазақстандық Елдос Сметов Парижде өтіп жатқан Олимпиада ойындарының чемпионы атанғаннан кейін Халықаралық дзюдо федерациясының (IJF) әлемдік рейтингісінде ТОП-5-ке кірді, деп жазады el24.kz тілшісі inform.kz.ке сілтеме жасап.

Подробности
Категория: Елең еткізер

 

Ақтөбеде жол-көлік апаты кезінде аман қалған төрт адам ауруханаға жеткізілді. Оның біреуі – 12 жастағы қыз.

Самара-Шымкент тасжолының Ақтөбе қаласы аумағында жеңіл және жүк көлігі соқтығысып, 4 адам ауруханаға жеткізілді.

Оқиға орнына жедел жәрдемнің және апатты медицинаның 4 бригадасы барды.

Подробности
Категория: Спорт жаңалықтары

 

Франциялық спортшы Алис Фино Париж Олимпиадасында сайысқа түскеннен кейін жігітіне үйленуге ұсыныс жасады. Бұл туралы el24.kz тілшісі Stan.kz ақпараттық агентігіне сілтеме жасап хабарлайды.

Жеңіл атлет 3000 метрге кедергіден жүгіруден төртінші орын алды. Фино бұл қашықтықты 8 минут 58,67 секундта өтіп, Еуропаның рекордын жаңартты.

Подробности
Категория: Керек кеңес

 

Қызанақтың құрамында адам организміне пайдасы мол В1, В2, В5, В6 және А, Е, С дәрумендері бар.

Қызанақты үнемі пайдалана отырып, иммундық жүйені нығайтып, жүрек қызметін жақсартып, ас қорытуды реттеп, холестеринді азайтуға болады. Қызанақ гастриттіемдеуге, жүрек-қан тамыр аурларында, асқазан ішек жолдары, іштің қатуы, қантты диабетке, семіздікке шалдыққан науқастар үшін құнды тағам.

Подробности
Категория: Әлем жаңалықтары

 

Париж Олимпиадасына кішкентай қызды зорлағаны үшін сотталған нидерландылық жағажай волейболшысы Стивен ван де Вельде қатысып жатыр. Ал бұл көпшіліктің наразылығын туғызғаны жөнінде ВВС арнасы хабарлады.
 
Нидерландының Олимпиада комитеті ван де Вельдені жағажай волейбол командасына қосқан.

Подробности
Категория: Елең еткізер

 

ІІМ мамандары қандай жағдайда электрлі самокат жүргізуге тыйым салынатынын ескертті.

Электрлі самокат жүргізушілеріне тыйым салынады:

— дулығасыз жүру, сонымен қатар, бір қолмен рульді ұстау;

  1. Түнде жолда жүретін кішкентай қыздың аруағы
  2. Алаяқтар ХҚО сайты бұзылғаны жайлы жалған хабар таратты
  3. Еліміздің бірқатар өңірінде күн қайта ыссыйды
  4. Этникалық қазақ Париж Олимпиадасын аяқтады